ᠨᠡᠷᠡ:
ᠲᠣᠭᠤᠨ
ᠴᠢᠨᠠᠷ ᠤᠨ ᠢᠯᠭᠠᠯ:
ᠨᠢᠭᠤᠴᠠ
ᠬᠠᠷᠢᠯᠴᠠᠬᠤ ᠬᠡᠯᠪᠡᠷᠢ:
ᠵᠣᠬᠢᠶᠠᠭᠴᠢ ᠶᠢᠨ ᠲᠠᠨᠢᠯᠴᠠᠭᠤᠯᠭᠠ:
ᠲᠣᠭᠤᠨ ︵︖ ——l439︶ ᠮᠣᠩᠭᠤᠯ ᠣᠢᠷᠠᠳ ᠠᠢᠮᠠᠭ ᠤᠨ ᠠᠬᠠᠯᠠᠭᠴᠢ᠂ ᠮᠠᠬᠠᠮᠤ ᠶᠢᠨ ᠬᠥᠪᠡᠭᠦᠨ᠃ ᠡᠰᠡᠬᠦ ᠬᠠᠭᠠᠨ ᠤ ᠬᠣᠶᠠᠳᠤᠭᠠᠷ ᠣᠨ ︵ 1416 ︶ ᠳᠤ ᠡᠴᠢᠭᠡ ᠨᠢ ᠦᠬᠦᠭᠰᠡᠨ ᠦ ᠳᠠᠷᠠᠭᠠ ᠬᠡᠷᠭᠡᠮ ᠵᠡᠷᠭᠡ ᠶᠢ ᠨᠢ ᠵᠠᠯᠭᠠᠮᠵᠢᠯᠠᠵᠠᠢ᠃ ᠳᠥᠷᠪᠡᠳᠦᠭᠡᠷ ᠣᠨ︵l418︶ ᠳᠤ ᠮᠣᠩᠭᠤᠯ ᠤ᠋ᠨ ᠦᠨᠳᠦᠰᠦᠨ ᠠᠢᠮᠠᠭ ᠤᠨ ᠠᠷᠤᠭᠲᠠᠢ ᠳᠤ ᠴᠣᠬᠢᠭᠳᠠᠭᠠᠳ ᠬᠦᠴᠦᠨ ᠲᠡᠩᠬᠡᠭᠡ ᠨᠢ ᠨᠡᠯᠢᠶᠡᠳ ᠰᠤᠯᠠᠷᠠᠵᠠᠢ᠃ ᠵᠡᠭᠦᠨ ᠲᠠᠯᠠ ᠪᠠ ᠡᠮᠦᠨᠡ ᠲᠠᠯᠠ ᠪᠠᠷ ᠢᠶᠠᠨ ᠮᠣᠩᠭᠤᠯ ᠤ᠋ᠨ ᠦᠨᠳᠦᠰᠦᠨ ᠠᠢᠮᠠᠭ ᠪᠣᠯᠤᠨ ᠮᠢᠩ ᠤᠯᠤᠰ ᠤᠨ ᠰᠦᠷᠳᠡᠭᠦᠯᠦᠯ ᠳᠦ ᠤᠴᠠᠷᠠᠭᠰᠠᠨ ᠲᠤᠯᠠ ᠲᠣᠬᠤᠨ ᠥᠷᠦᠨᠡ ᠵᠦᠭ ᠲᠦ ᠨᠤᠲᠤᠭ ᠳᠡᠪᠢᠰᠭᠡᠷ ᠢ᠋ᠶ᠋ᠡᠨ ᠲᠡᠯᠡᠵᠦ ᠥᠷᠭᠡᠳᠭᠡᠵᠡᠢ᠃ ᠡᠰᠡᠬᠦ ᠬᠠᠭᠠᠨ ᠤ ᠭᠤᠷᠪᠠᠳᠤᠭᠠᠷ ᠣᠨ ︵ 1417︶ ᠠᠴᠠ ᠠᠲᠠᠢ ᠬᠠᠭᠠᠨ ᠤ ᠭᠤᠷᠪᠠᠳᠤᠭᠠᠷ ᠣᠨ ︵ 1428︶ ᠪᠣᠯᠲᠠᠯᠠ ᠲᠣᠬᠤᠨ ᠠᠨᠤ ᠮᠣᠩᠭᠤᠯ ᠤ᠋ᠨ ᠵᠡᠭᠦᠨ ᠴᠠᠭᠠᠳᠠᠢ ᠬᠠᠭᠠᠨᠲᠤ ᠤᠯᠤᠰ ᠵᠦᠭ ᠣᠯᠠᠨᠲᠠ ᠴᠡᠷᠢᠭᠯᠡᠨ ᠬᠦᠴᠦᠨ ᠦ ᠬᠦᠷᠢᠶᠡ ᠬᠡᠪᠴᠢᠶᠡ ᠪᠡᠨ ᠪᠠᠯᠠᠱ ᠨᠠᠭᠤᠷ ᠤᠨ ᠡᠮᠦᠨᠡ ᠣᠷᠤᠨ ᠳ᠋ᠤ᠌ ᠬᠦᠷᠲᠡᠯᠡ ᠲᠡᠯᠡᠵᠦ ᠥᠷᠭᠡᠳᠭᠡᠵᠡᠢ᠃ ᠲᠡᠭᠡᠭᠡᠳ ᠪᠠᠰᠠ ᠮᠢᠩ ᠤᠯᠤᠰ ᠮᠣᠩᠭᠤᠯ ᠤ᠋ᠨ ᠦᠨᠳᠦᠰᠦᠨ ᠠᠢᠮᠠᠭ ᠤᠨ ᠠᠷᠤᠭᠲᠠᠢ ᠶᠢ ᠳᠠᠢᠯᠠᠵᠤ ᠶᠠᠪᠤᠭᠠ ᠬᠤᠭᠤᠴᠠᠭᠠᠨ ᠳᠤ ᠠᠷᠤᠭᠲᠠᠢ ᠶᠢᠨ ᠠᠢᠮᠠᠭ ᠢ ᠲᠠᠰᠤᠷᠠᠯᠲᠠ ᠦᠭᠡᠢ ᠳᠣᠪᠲᠤᠯᠵᠤ᠂ ᠡᠰᠡᠬᠦ ᠬᠠᠭᠠᠨ ᠤ ᠨᠠᠢ᠍ᠮᠠᠳᠤᠭᠠᠷ ᠣᠨ ︵ 1422︶ ᠪᠣᠯᠤᠨ ᠠᠲᠠᠢ ᠬᠠᠭᠠᠨ ᠤ ᠵᠢᠷᠭᠤᠳᠤᠭᠠᠷ ᠣᠨ ︵ 1431 ︶ ᠳᠤ ᠠᠷᠤᠭᠲᠠᠢ ᠶᠢ ᠬᠣᠶᠠᠷ ᠤᠳᠠᠭᠠ ᠬᠢᠶᠠᠷᠠᠲᠠᠯᠠ ᠴᠣᠬᠢᠵᠠᠢ᠃ ᠡᠰᠡᠬᠦ ᠬᠠᠭᠠᠨ ᠤ ᠶᠢᠰᠦᠳᠦᠭᠡᠷ ᠣᠨ ︵ 1424︶ ᠳᠤ ᠲᠠᠢᠫᠢᠩ ᠢ ᠳᠠᠢᠯᠠᠨ ᠳᠡᠢᠯᠦᠭᠡᠳ ᠣᠢᠷᠠᠳ ᠤᠨ ᠳᠥᠷᠪᠡᠨ ᠠᠢᠮᠠᠭ ᠤᠨ ᠴᠢᠭᠤᠯᠭᠠᠨ ᠡᠵᠡᠨ ᠪᠣᠯᠵᠠᠢ᠃ ᠬᠣᠵᠢᠮ ᠨᠢ ᠰᠢᠶᠠᠨ ᠢ ᠸᠠᠩ ᠲᠠᠢᠫᠢᠩ ᠪᠣᠯᠤᠨ ᠠᠨ ᠯᠸ ᠸᠠᠩ ᠪᠠᠲᠤᠪᠣᠯᠤᠳ ᠢ ᠠᠯᠠᠭᠠᠳ ᠣᠢᠷᠠᠳ ᠤᠨ ᠡᠯᠡ ᠠᠢᠮᠠᠭ ᠢ ᠨᠢᠭᠡᠳᠭᠡᠭᠰᠡᠨ ᠪᠠᠢᠵᠠᠢ᠃ ᠠᠲᠠᠢ ᠬᠠᠭᠠᠨ ᠤ ᠶᠢᠰᠦᠳᠦᠭᠡᠷ ᠣᠨ ︵ 1434︶ ᠳᠤ ᠠᠷᠤᠭᠲᠠᠢ ᠡᠴᠢᠭᠡ ᠬᠥᠪᠡᠭᠦᠨ ᠢ᠋ ᠭᠡᠨᠡᠳᠡᠭᠦᠯᠦᠨ ᠠᠯᠠᠪᠠ᠃ ᠠᠷᠪᠠᠨ ᠬᠣᠶᠠᠳᠤᠭᠠᠷ ᠣᠨ︵1437︶ ᠳᠤ ᠠᠷᠤᠭᠲᠠᠢ ᠶᠢᠨ ᠲᠡᠳᠭᠦᠨ ᠰᠠᠭᠤᠯᠭᠠᠭᠰᠠᠨ ᠠᠲᠠᠢ ᠬᠠᠭᠠᠨ ᠢ ᠠᠯᠠᠵᠤ᠂ ᠵᠡᠭᠦᠨ ᠮᠣᠩᠭᠤᠯ ᠤ᠋ᠨ ᠦᠯᠡᠳᠡᠭᠳᠡᠯ ᠬᠦᠴᠦᠨ ᠢ ᠬᠤᠷᠢᠶᠠᠮᠵᠢᠯᠠᠨ ᠠᠪᠴᠤ᠂ ᠠᠷᠤᠭᠲᠠᠢ ᠪᠠᠷ ᠲᠥᠯᠦᠭᠡᠯᠡᠭᠦᠯᠦᠭᠰᠡᠨ ᠮᠣᠩᠭᠤᠯ ᠤ᠋ᠨ ᠦᠨᠳᠦᠰᠦᠨ ᠠᠢᠮᠠᠭ ᠪᠣᠯᠤᠨ ᠣᠢᠷᠠᠳ ᠠᠢᠮᠠᠭ ᠤᠨ ᠪᠠᠷᠤᠭ 30 ᠣᠨ ᠲᠡᠮᠡᠴᠡᠯᠳᠦᠭᠰᠡᠨ ᠲᠡᠦᠬᠡ ᠶᠢ ᠡᠴᠦᠰᠯᠡᠭᠦᠯᠦᠨ ᠲᠦᠷ ᠴᠠᠭ ᠤᠨ ᠨᠢᠭᠡᠳᠦᠯ ᠢ ᠪᠡᠶᠡᠯᠡᠭᠦᠯᠵᠡᠢ᠃ ᠲᠣᠬᠤᠨ ᠥᠪᠡᠷ ᠢ᠋ ᠪᠡᠨ ᠬᠦᠴᠦᠷᠬᠡᠭ ᠬᠦᠴᠦᠨ ᠲᠡᠢ ᠪᠣᠯᠤᠭᠰᠠᠨ ᠲᠤᠯᠠ ᠬᠠᠭᠠᠨ ᠣᠷᠤ ᠶ᠋ᠢ ᠵᠠᠯᠭᠠᠮᠵᠢᠯᠠᠬᠤ ᠰᠠᠨᠠᠭᠠ ᠲᠠᠢ ᠪᠠᠢᠵᠠᠢ᠃ ᠭᠡᠪᠡᠴᠦ ᠲᠡᠷᠡ ᠠᠯᠲᠠᠨ ᠤᠷᠤᠭᠲᠠᠨ ᠪᠤᠰᠤ ᠲᠤᠯᠠ ᠲᠥᠪ ᠤᠳᠤᠮ ᠤᠨ ᠮᠣᠩᠭᠤᠯ ᠤ᠋ᠨ ᠹᠧᠣᠳᠠᠯ ᠡᠵᠡᠳ ᠦᠨ ᠡᠰᠡᠷᠭᠦᠴᠡᠯ ᠢ ᠣᠯᠵᠤ ᠠᠷᠭᠠ ᠪᠤᠰᠤ ᠶᠤᠸᠠᠨ ᠤ ᠲᠥᠷᠦ ᠶᠢᠨ ᠬᠣᠢᠴᠢᠰ ᠲᠣᠭᠲᠠᠪᠤᠬᠠ ᠶᠢ ᠮᠣᠩᠭᠤᠯ ᠤ᠋ᠨ ᠬᠠᠭᠠᠨ ᠢᠶᠠᠷ ᠡᠷᠭᠦᠮᠵᠢᠯᠡᠵᠦ ᠥᠪᠡᠷᠲᠡᠭᠡᠨ ᠴᠢᠩᠰᠠᠩ ᠪᠣᠯᠤᠭᠠᠳ ᠴᠡᠷᠢᠭ ᠵᠠᠰᠠᠭ ᠤᠨ ᠶᠡᠬᠡ ᠡᠷᠬᠡ ᠶᠢᠨ ᠵᠢᠯᠤᠭᠤ ᠶ᠋ᠢ ᠰᠢᠭᠦᠷᠡᠵᠡᠢ᠃ ᠲᠣᠭᠲᠠᠪᠤᠬᠠ ᠶᠢᠨ ᠵᠢᠷᠭᠤᠳᠤᠭᠠᠷ ᠣᠨ ︵ 1439 ︶ ᠳᠤ ᠲᠣᠬᠤᠨ ᠨᠠᠰᠤ ᠨᠥᠭᠴᠢᠭᠰᠡᠨ ᠳ᠋ᠦ᠍ ᠲᠡᠭᠦᠨ ᠦ ᠬᠥᠪᠡᠭᠦᠨ ᠡᠰᠡᠨ ᠴᠢᠩᠰᠠᠩ ᠤᠨ ᠬᠡᠷᠭᠡᠮ ᠢ ᠵᠠᠯᠭᠠᠮᠵᠢᠯᠠᠵᠠᠢ᠃
Copyight 2016 by nmgmzw.gov.cn All Rights Reserved