ᠨᠡᠷᠡ:
ᠳ᠋ᠠᠰᠢᠨᠠᠮᠵᠢᠯ
ᠴᠢᠨᠠᠷ ᠤᠨ ᠢᠯᠭᠠᠯ:
ᠨᠢᠭᠤᠴᠠ
ᠬᠠᠷᠢᠯᠴᠠᠬᠤ ᠬᠡᠯᠪᠡᠷᠢ:
ᠵᠣᠬᠢᠶᠠᠭᠴᠢ ᠶᠢᠨ ᠲᠠᠨᠢᠯᠴᠠᠭᠤᠯᠭᠠ:
ᠳ᠋ᠠᠰᠢᠨᠠᠮᠵᠢᠯ ︵ 1928~ ︶ ᠳᠤᠮᠳᠠᠳᠤ ᠤᠯᠤᠰ ᠤᠨ ᠠᠷᠠᠳ ᠤᠨ ᠴᠢᠯᠥᠭᠡᠯᠡᠬᠦ ᠴᠡᠷᠢᠭ ᠦᠨ ᠥᠪᠦᠷ ᠮᠣᠩᠭᠤᠯ ᠤ᠋ᠨ ᠴᠡᠷᠢᠭ ᠦᠨ ᠲᠣᠭᠤᠷᠢᠭ ᠤᠨ ᠮᠣᠷᠢᠲᠤ ᠴᠡᠷᠢᠭ ᠦᠨ ᠪᠠᠢᠯᠳᠤᠭᠠᠨ ᠤ ᠪᠠᠭᠠᠲᠤᠷ᠃ ᠥᠪᠦᠷ ᠮᠣᠩᠭᠤᠯ ᠤ᠋ᠨ ᠰᠢᠯᠤᠭᠤᠨ ᠬᠥᠬᠡ ᠬᠣᠰᠢᠭᠤᠨ ᠳᠤ ᠨᠤᠲᠤᠭ ᠲᠠᠢ᠃ ᠮᠣᠩᠭᠤᠯ ᠦᠨᠳᠦᠰᠦᠲᠡᠨ᠃ 1946 ᠣᠨ ᠤ 9 ᠰᠠᠷᠠ ᠳᠤ ᠴᠡᠷᠢᠭ ᠲᠦ ᠣᠷᠤᠵᠠᠢ᠃ ᠳᠤᠮᠳᠠᠳᠤ ᠤᠯᠤᠰ ᠤᠨ ᠡᠪ ᠬᠠᠮᠲᠤ ᠨᠠᠮ ᠤᠨ ᠭᠡᠰᠢᠭᠦᠨ᠃ 1948 ᠣᠨ ᠤ 11 ᠰᠠᠷᠠ ᠶᠢᠨ 25 ᠤ ᠡᠳᠦᠷ ᠭᠣᠮᠢᠨᠳᠠᠩ ᠤᠨ ᠴᠡᠷᠢᠭ ᠦᠨ ᠲᠦᠷ ᠴᠠᠭ ᠤᠨ 4 ᠳᠦᠭᠡᠷ ᠠᠷᠮᠢ ᠶᠢᠨ 11 ᠳᠦᠭᠡᠷ ᠳ᠋ᠢᠸᠢᠽᠢ ᠶᠢᠨ ᠫᠤᠤᠲᠤ ᠴᠡᠷᠢᠭ ᠦᠨ ᠪᠠᠲ᠋ᠯᠢᠶᠣᠨ ᠤ 200 ᠭᠠᠷᠤᠶ ᠬᠥᠮᠦᠨ ᠾᠧᠦ ᠶᠢᠩ ᠪᠠ ᠵᠦᠭ ᠵᠢᠭᠤᠳᠠᠨ ᠳᠤᠲᠠᠭᠠᠭᠰᠠᠨ ᠳᠤ᠂ ᠥᠪᠦᠷ ᠮᠣᠩᠭᠤᠯ ᠤ᠋ᠨ ᠮᠣᠷᠢᠲᠤ ᠴᠡᠷᠢᠭ ᠦᠨ 4 ᠳᠦᠭᠡᠷ ᠳ᠋ᠢᠸᠢᠽᠢ ᠲᠤᠰ ᠪᠦᠯᠦᠭ ᠳᠠᠢᠰᠤᠨ ᠢ ᠨᠡᠬᠡᠮᠵᠢᠯᠡᠨ ᠰᠥᠨᠦᠭᠡᠪᠡ᠃ ᠳ᠋ᠠᠰᠢᠨᠠᠮᠵᠢᠯ ᠤᠨ ᠰᠤᠮᠤᠨ ᠠᠩᠭᠢ ᠨᠢ ᠳᠠᠢᠰᠤᠨ ᠢ ᠨᠡᠬᠡᠮᠵᠢᠯᠡᠨ ᠡᠯ ᠲᠡᠢ ᠼᠦᠨ ᠲᠣᠰᠭᠤᠨ ᠬᠥᠷᠬᠦ ᠳ᠋ᠦ᠍ ᠳᠠᠢᠰᠤᠨ ᠨᠤᠭᠤᠳ ᠲᠣᠰᠭᠤᠨ ᠤ ᠠᠷᠠᠳ ᠤᠨ ᠮᠣᠷᠢ ᠯᠠᠭᠤᠰᠠ ᠶᠢ ᠪᠤᠯᠢᠶᠠᠵᠤ ᠲᠠᠪᠢᠴᠢ ᠵᠦᠭ ᠵᠢᠭᠤᠳᠠᠨ ᠳᠤᠲᠠᠭᠠᠪᠠ᠃ ᠲᠡᠭᠦᠨ ᠦ ᠰᠤᠮᠤᠨ ᠠᠩᠭᠢ ᠨᠢ ᠬᠣᠰᠢᠭᠤᠴᠢ ᠠᠩᠭᠢ ᠶᠢ ᠵᠣᠬᠢᠶᠠᠨ ᠪᠠᠢᠭᠤᠯᠤᠨ ᠳᠠᠢᠰᠤᠨ ᠢ ᠲᠦᠷᠭᠡᠨ ᠨᠡᠬᠡᠮᠵᠢᠯᠡᠵᠦ ᠲᠢᠶᠧ ᠯᠤᠤ ᠪᠠ ᠲᠣᠰᠭᠤᠨ ᠳᠤ ᠳᠠᠢᠰᠤᠨ ᠯᠤᠭᠠ ᠲᠤᠯᠤᠯᠳᠤᠪᠠ᠃ ᠳᠠᠢᠰᠤᠨ ᠵᠢᠭᠰᠠᠭᠠᠯ ᠤᠨ ᠭᠠᠵᠠᠷ ᠢ ᠡᠵᠡᠯᠡᠵᠦ 8 ᠬᠥᠩᠭᠡᠨ ᠫᠦᠯᠧᠮᠶᠣᠲ ᠢᠶᠠᠨ ᠨᠢᠭᠡ ᠱᠤᠭᠤᠮ ᠢᠶᠠᠷ ᠵᠡᠷᠭᠡᠴᠡᠭᠦᠯᠦᠨ ᠵᠢᠭᠰᠠᠭᠠᠵᠤ ᠭᠠᠯ ᠤᠨ ᠬᠦᠴᠦ ᠪᠡᠨ ᠲᠥᠪᠯᠡᠷᠡᠭᠦᠯᠦᠨ ᠬᠣᠰᠢᠭᠤᠴᠢ ᠴᠡᠷᠢᠭ ᠢ ᠬᠣᠷᠢᠭᠯᠠᠨ ᠴᠣᠬᠢᠪᠠ᠃ ᠬᠣᠶᠠᠳᠤᠭᠠᠷ ᠰᠠᠯᠠᠭᠠ ᠶᠢᠨ ᠰᠠᠯᠠᠭᠠᠨ ᠳᠠᠷᠤᠭᠠ ᠳ᠋ᠠᠰᠢᠨᠠᠮᠵᠢᠯ ᠭᠡᠳᠡᠰᠬᠢᠨ ᠪᠣᠰᠴᠤ ᠠᠭᠲᠠ ᠬᠦᠯᠦᠭ ᠲᠡᠭᠡᠨ ᠠᠯᠠᠪᠬᠢᠨ ᠮᠣᠷᠳᠠᠵᠤ᠂ ᠰᠤᠮᠤᠨ ᠪᠣᠷᠤᠭᠠᠨ ᠤ᠋ ᠳᠤᠮᠳᠠᠭᠤᠷ ᠰᠢᠷᠭᠤᠯᠠᠨ ᠳᠣᠪᠲᠤᠯᠵᠤ᠂ ᠭᠠᠭᠴᠠ ᠪᠡᠶᠡ ᠪᠡᠷ ᠳᠠᠢᠰᠤᠨ ᠤ ᠫᠦᠯᠧᠮᠶᠣᠲ ᠤᠨ ᠵᠢᠭᠰᠠᠭᠠᠯ ᠤᠨ ᠭᠠᠵᠠᠷ ᠤᠨ ᠵᠢᠭᠦᠷ ᠲᠠᠯᠠ ᠳᠤ ᠳᠣᠪᠲᠤᠯᠤᠨ ᠬᠦᠷᠦᠭᠡᠳ ᠰᠡᠯᠡᠮᠡ ᠳᠠᠯᠠᠢᠵᠤ ᠰᠦᠷᠭᠡᠦ ᠳᠠᠢᠰᠤᠨ ᠢ ᠠᠯᠠᠨ ᠴᠠᠪᠴᠢᠭᠰᠠᠨ ᠳᠤ ᠳᠠᠢᠰᠤᠨ ᠨᠤᠭᠤᠳ ᠲᠤᠢᠯ ᠢᠶᠠᠷ ᠮᠡᠩᠳᠡᠭᠦᠷᠡᠵᠦ ᠵᠦᠭ ᠴᠢᠭ ᠢᠶᠡᠨ ᠠᠯᠳᠠᠵᠤ᠂ ᠫᠦᠯᠧᠮᠶᠣᠲ ᠤᠨ ᠭᠠᠯ ᠤᠨᠲᠠᠷᠠᠭᠰᠠᠨ ᠲᠤᠯᠠ ᠳ᠋ᠠᠰᠢᠨᠠᠮᠵᠢᠯ ᠪᠦᠬᠦ ᠰᠤᠮᠤᠨ ᠠᠩᠭᠢ ᠶᠢᠨ ᠳᠣᠪᠲᠤᠯᠤᠯᠲᠠ ᠪᠠ ᠳᠠᠢᠰᠤᠨ ᠢ ᠪᠦᠷᠢᠮᠦᠰᠦᠨ ᠰᠥᠨᠦᠭᠡᠬᠦ ᠳ᠋ᠦ᠍ ᠳᠣᠪᠤᠢᠮᠠ ᠬᠤᠪᠢ ᠨᠡᠮᠡᠷᠢ ᠦᠵᠡᠭᠦᠯᠦᠭᠰᠡᠨ ᠶᠤᠮ᠃ 1949 ᠣᠨ ᠤ 9 ᠰᠠᠷᠠ ᠳᠤ ᠳ᠋ᠠᠰᠢᠨᠠᠮᠵᠢᠯ ᠲᠤᠰ ᠳ᠋ᠢᠸᠢᠽᠢ ᠶᠢᠨ ᠪᠠᠭᠠᠲᠤᠷ ᠵᠢᠱ᠌ᠢᠶᠡᠴᠢᠳ ᠦ᠋ᠨ ᠶᠡᠬᠡ ᠬᠤᠷᠠᠯ ᠳᠤ ᠣᠷᠤᠯᠴᠠᠵᠤ ᠪᠠᠢᠯᠳᠤᠭᠠᠨ ᠤ ᠪᠠᠭᠠᠲᠤᠷ ᠤᠨ ᠴᠣᠯᠠ ᠣᠯᠵᠠᠢ᠃
Copyight 2016 by nmgmzw.gov.cn All Rights Reserved