ᠨᠡᠷᠡ:
ᠱᠧᠨ ᠵᠦᠩ ᠶᠤᠸᠠᠨ
ᠴᠢᠨᠠᠷ ᠤᠨ ᠢᠯᠭᠠᠯ:
ᠨᠢᠭᠤᠴᠠ
ᠬᠠᠷᠢᠯᠴᠠᠬᠤ ᠬᠡᠯᠪᠡᠷᠢ:
ᠵᠣᠬᠢᠶᠠᠭᠴᠢ ᠶᠢᠨ ᠲᠠᠨᠢᠯᠴᠠᠭᠤᠯᠭᠠ:
ᠱᠧᠨ ᠵᠦᠩ ᠶᠤᠸᠠᠨ ︵ 1916—— 1948︶ ᠳᠤᠮᠳᠠᠳᠤ ᠤᠯᠤᠰ ᠤᠨ ᠠᠷᠠᠳ ᠤᠨ ᠴᠢᠯᠥᠭᠡᠯᠡᠬᠦ ᠴᠡᠷᠢᠭ ᠦᠨ ᠥᠪᠦᠷ ᠮᠣᠩᠭᠤᠯ ᠤ᠋ᠨ ᠴᠡᠷᠢᠭ ᠦᠨ ᠲᠣᠭᠤᠷᠢᠭ ᠤᠨ ᠮᠣᠷᠢᠲᠤ ᠴᠡᠷᠢᠭ ᠦᠨ ᠪᠠᠢᠯᠳᠤᠭᠠᠨ ᠤ ᠪᠠᠭᠠᠲᠤᠷ᠃ ᠥᠪᠦᠷ ᠮᠣᠩᠭᠤᠯ ᠤ᠋ᠨ ᠬᠠᠷᠠᠴᠢᠨ ᠵᠡᠭᠦᠨ ᠬᠣᠰᠢᠭᠤᠨ ᠳᠤ ᠨᠤᠲᠤᠭ ᠲᠠᠢ᠃ ᠮᠣᠩᠭᠤᠯ ᠦᠨᠳᠦᠰᠦᠲᠡᠨ᠃ 1946 ᠣᠨ ᠤ 4 ᠰᠠᠷᠠ ᠳᠤ ᠴᠡᠷᠢᠭ ᠲᠦ᠍ ᠣᠷᠤᠵᠤ᠂ ᠳᠤᠮᠳᠠᠳᠤ ᠤᠯᠤᠰ ᠤᠨ ᠡᠪ ᠬᠠᠮᠲᠤ ᠨᠠᠮ ᠤᠨ ᠭᠡᠰᠢᠭᠦᠨ ᠢᠶᠡᠷ ᠡᠯᠰᠡᠭᠳᠡᠵᠡᠢ᠃ 1947 ᠣᠨ ᠤ 7 ᠰᠠᠷᠠ ᠶᠢᠨ l ᠤ ᠡᠳᠦᠷ ᠭᠣᠮᠢᠨᠳᠠᠩ ᠤᠨ ᠮᠣᠷᠢᠲᠤ ᠴᠡᠷᠢᠭ ᠦᠨ l ᠳᠦᠭᠡᠷ ᠳ᠋ᠢᠸᠢᠽᠢ ᠶᠢᠨ ᠸᠠᠩ ᠬᠤᠸᠠ ᠰᠢᠩ ᠦᠨ ᠴᠡᠷᠢᠭ᠂ ᠹᠡ ᠬᠦ ᠶᠢᠨ ᠬᠣᠢᠲᠤ ᠱᠢ ᠭᠠᠩᠽᠢ᠂ ᠹᠠᠩ ᠵᠢᠶᠠ ᠲᠦᠨ ᠦ᠌ ᠬᠠᠪᠢ ᠪᠠᠷ ᠰᠧᠫᠢᠩ ᠦᠨ ᠳᠠᠢᠰᠤᠨ ᠢ ᠲᠤᠰᠠᠯᠠᠬᠤ ᠪᠠᠷ ᠪᠡᠯᠡᠳᠭᠡᠵᠦ ᠪᠠᠢᠪᠠ᠃ ᠱᠧᠨ ᠵᠦᠩ ᠶᠤᠸᠠᠨ ᠤ ᠪᠠᠢᠭᠰᠠᠨ ᠥᠪᠦᠷ ᠮᠣᠩᠭᠤᠯ ᠤ᠋ᠨ ᠮᠣᠷᠢᠲᠤ ᠴᠡᠷᠢᠭ ᠦᠨ 1 ᠳᠦᠭᠡᠷ ᠳ᠋ᠢᠸᠢᠽᠢ ᠶᠢᠨ 3 ᠳ᠋ᠤᠭᠠᠷ ᠬᠣᠷᠢᠶᠠ ᠨᠢ ᠳᠡᠭᠡᠳᠦ ᠱᠠᠲᠤᠨ ᠤ ᠵᠠᠷᠯᠢᠭ ᠢᠶᠠᠷ ᠠᠬᠠ ᠳᠡᠭᠦᠦ ᠴᠡᠷᠢᠭ ᠠᠩᠭᠢ ᠯᠤᠭᠠ ᠬᠠᠮᠵᠢᠯᠴᠠᠨ ᠲᠤᠰ ᠪᠦᠯᠦᠭ ᠳᠠᠢᠰᠤᠨ ᠤ ᠥᠭᠡᠳᠡ ᠡᠴᠡ ᠲᠠᠭᠠᠷᠢᠯᠲᠠ ᠶᠠᠪᠤᠭᠤᠯᠪᠠ᠃ ᠱᠧᠨ ᠵᠦᠩ ᠶᠤᠸᠠᠨ ᠪᠥᠬᠦ ᠰᠤᠮᠤᠨ ᠠᠩᠭᠢ ᠪᠠᠨ ᠳᠠᠭᠠᠭᠤᠯᠵᠤ ᠠᠭᠲᠠ ᠬᠦᠯᠦᠭ ᠵᠢᠭ ᠳᠠᠪᠬᠢᠭᠤᠯᠤᠨ ᠠᠲᠠᠭᠠᠲᠠᠨ ᠳᠠᠢᠰᠤᠨ ᠤ ᠥᠭᠡᠳᠡ ᠳᠠᠭᠠᠷᠢᠨ ᠳᠣᠪᠲᠤᠯᠤᠭᠰᠠᠨ ᠳ᠋ᠤ᠌ ᠳᠠᠢᠰᠤᠨ ᠡᠲᠡᠭᠡᠳ ᠳᠤᠬᠤ ᠦᠵᠡᠭᠦᠯᠦᠨ ᠳᠤᠲᠠᠭᠠᠪᠠ᠃ 11 ᠰᠠᠷᠠ ᠳᠤ ᠭᠣᠮᠢᠨᠳᠠᠩ ᠤᠨ ᠰᠢᠨᠡ 6 ᠳ᠋ᠤᠭᠠᠷ ᠠᠷᠮᠢ ᠶᠢᠨ 22 ᠳ᠋ᠤᠭᠠᠷ ᠳ᠋ᠢᠸᠢᠽᠢ ᠶᠢᠨ ᠭᠠᠪᠰᠢᠭᠠᠢ ᠶᠡᠬᠡ ᠠᠩᠭᠢ ᠶᠢᠨ 600 ᠭᠠᠷᠤᠶ ᠴᠡᠷᠢᠭ ᠲᠦᠩ ᠵᠢᠶᠠᠩ ᠺᠧᠦ ᠳᠦ ᠲᠦᠷᠢᠨ ᠣᠷᠤᠪᠠ᠃ ᠲᠦᠩ ᠵᠢᠶᠠᠩ ᠺᠧᠦ ᠪᠣᠯ ᠯᠢᠶᠣᠣ ᠰᠢ ᠶᠢᠨ ᠲᠡᠭᠰᠢ ᠲᠠᠯᠠ ᠳᠤ ᠪᠠᠢᠷᠢᠰᠢᠵᠤ ᠲᠡᠮᠦᠷ ᠵᠠᠮ᠂ ᠤᠰᠤᠨ ᠵᠠᠮ ᠤᠨ ᠵᠠᠮ ᠬᠠᠷᠢᠯᠴᠠᠭᠠ ᠶᠢᠨ ᠬᠦᠢᠰᠦ ᠪᠣᠯᠬᠤ ᠶᠤᠮ᠃ 27 ᠤ ᠡᠳᠦᠷ᠂ ᠱᠧᠨ ᠵᠦᠩ ᠶᠤᠸᠠᠨ ᠳᠡᠭᠡᠳᠦ ᠱᠠᠲᠤᠨ ᠤ ᠵᠠᠷᠯᠢᠭ ᠢᠶᠠᠷ l ᠳᠦᠭᠡᠷ ᠰᠤᠮᠤᠨ ᠠᠩᠭᠢ ᠶᠢ ᠳᠠᠭᠠᠭᠤᠯᠤᠨ ᠠᠬᠠ ᠳᠡᠭᠦᠦ ᠴᠡᠷᠢᠭ ᠠᠩᠭᠢ ᠯᠤᠭᠠ ᠬᠠᠮᠵᠢᠯᠴᠠᠨ ᠲᠤᠰ ᠪᠦᠯᠦᠭ ᠳᠠᠢᠰᠤᠨ ᠢ ᠤᠰᠠᠳᠭᠠᠬᠤ ᠪᠠᠷ ᠮᠣᠷᠳᠠᠪᠠ᠃ 29 ᠤ ᠡᠳᠦᠷ ᠲᠦᠩ ᠵᠢᠶᠠᠩ ᠺᠧᠦ ᠶᠢᠨ ᠲᠤᠯᠤᠯᠳᠤᠭᠠᠨ ᠡᠬᠢᠯᠡᠭᠰᠡᠨ ᠳᠦ ᠠᠬᠠ ᠳᠡᠭᠦᠦ ᠴᠡᠷᠢᠭ ᠠᠩᠭᠢ ᠨᠢᠭᠡ ᠯᠡ ᠠᠮᠢᠰᠭᠤᠭᠠ ᠪᠠᠷ ᠬᠣᠲᠠ ᠶᠢᠨ ᠲᠣᠭᠤᠷᠢᠭ ᠲᠤ᠌ ᠴᠥᠮᠦᠷᠡᠨ ᠣᠷᠤᠭᠰᠠᠨ ᠳ᠋ᠤ᠌ ᠳᠠᠢᠰᠤᠨ ᠨᠤᠭᠤᠳ ᠬᠤᠶᠠᠭ ᠳᠤᠭᠤᠯᠠᠭᠠ ᠪᠠᠨ ᠬᠠᠶᠠᠵᠤ ᠰᠡᠩᠳᠡ ᠮᠡᠩᠳᠡ ᠪᠤᠷᠤᠭᠤᠯᠠᠨ ᠳᠤᠲᠠᠭᠠᠪᠠ᠃ ᠲᠡᠷᠡ ᠪᠥᠬᠦ ᠰᠤᠮᠤᠨ ᠠᠩᠭᠢ ᠪᠠᠨ ᠵᠢᠯᠤᠭᠤᠳᠤᠨ ᠶᠡᠬᠡ ᠯᠢᠶᠣᠣ ᠾᠧ ᠭᠣᠣᠯ ᠢ ᠭᠠᠲᠤᠯᠵᠤ ᠲᠦᠩ ᠵᠢᠶᠠᠩ ᠺᠧᠦ ᠶᠢᠨ ᠵᠡᠭᠦᠨ ᠡᠮᠦᠨᠡ ᠪᠠᠢᠭᠠ ᠲᠣᠷᠤᠭᠤ ᠶ᠋ᠢᠨ ᠠᠭᠤᠢ ᠳᠤ ᠲᠣᠭᠤᠷᠢᠨ ᠬᠦᠷᠴᠦ᠂ ᠺᠣᠣ ᠱᠠᠨ ᠲᠦᠨ ᠢ᠋ᠶ᠋ᠡᠷ ᠳᠠᠮᠵᠢᠨ ᠴᠠᠭᠠᠨ ᠯᠢᠩᠬᠤᠠ ᠶᠢᠨ ᠨᠠᠭᠤᠷ ᠲᠤ ᠲᠦᠷᠭᠡᠨ ᠢᠶᠡᠷ ᠲᠦᠷᠢᠨ ᠣᠷᠤᠵᠤ ᠲᠦᠩ ᠵᠢᠶᠠᠩ ᠺᠧᠦ ᠡᠴᠡ ᠳᠤᠲᠠᠭᠠᠭᠰᠠᠨ ᠳᠠᠢᠰᠤᠨ ᠢ ᠲᠤᠰᠤᠨ ᠴᠣᠬᠢᠪᠠ᠃ ᠲᠡᠷᠡ ᠡᠷᠡᠭᠡᠯᠵᠡᠯᠭᠡ ᠦᠭᠡᠢ ᠡᠷᠡᠰ ᠲᠠᠰᠤ ᠪᠠᠷ ᠲᠤᠯᠤᠯᠳᠤᠭᠠᠨ ᠤ ᠲᠣᠬᠢᠶᠠᠯ ᠢ ᠠᠮᠵᠢᠨ ᠠᠭᠲᠠ ᠬᠦᠯᠦᠭ ᠢᠶᠡᠷ ᠠᠲᠠᠭᠠᠲᠠᠨ ᠳᠠᠢᠰᠤᠨ ᠢ ᠳᠠᠭᠠᠷᠢᠵᠤ᠂ ᠴᠠᠬᠢᠯᠭᠠᠨ ᠴᠠᠬᠢᠯᠠᠬᠤ ᠱᠢ ᠲᠦᠷᠭᠡᠨ ᠢᠶᠡᠷ ᠳᠠᠢᠰᠤᠨ ᠢ ᠳᠠᠭᠠᠷᠢᠨ ᠴᠣᠬᠢᠭᠠᠳ ᠲᠦᠩ ᠵᠢᠶᠠᠩ ᠺᠧᠦ ᠶᠢ ᠴᠢᠯᠦᠭᠡᠯᠡᠪᠡ᠃ ᠡᠨᠡ ᠤᠳᠠᠭᠠᠨ ᠤ ᠲᠤᠯᠤᠯᠳᠤᠭᠠᠨ ᠤ ᠳᠤᠮᠳᠠ ᠱᠧᠨ ᠵᠦᠩ ᠶᠤᠸᠠᠨ ᠳᠠᠢᠰᠤᠨ ᠤ ᠵᠢᠭᠰᠠᠭᠠᠯ ᠳᠤ ᠳᠠᠭᠠᠷᠢᠨ ᠣᠷᠤᠵᠤ᠂ ᠡᠷᠡᠯᠬᠡᠭ ᠪᠠᠭᠠᠲᠤᠷᠯᠢᠭ ᠢᠶᠠᠷ ᠥᠰᠢᠶᠡᠲᠡᠨ ᠢ᠋ ᠠᠯᠠᠵᠤ᠂ ᠪᠠᠭᠠᠲᠤᠷᠯᠢᠭ ᠢᠶᠠᠷ ᠠᠮᠢ ᠦᠷᠡᠭᠳᠡᠵᠡᠢ᠃ ᠲᠡᠭᠦᠨ ᠢ ᠳᠤᠷᠠᠰᠭᠠᠨ ᠲᠡᠮᠳᠡᠭᠯᠡᠬᠦ ᠶᠢᠨ ᠲᠥᠯᠦᠭᠡ ᠳᠤᠮᠳᠠᠳᠤ ᠤᠯᠤᠰ ᠤᠨ ᠡᠪ ᠬᠠᠮᠲᠤ ᠨᠠᠮ ᠤᠨ ᠥᠪᠦᠷ ᠮᠣᠩᠭᠤᠯ ᠤ᠋ᠨ ᠮᠣᠷᠢᠲᠤ ᠴᠡᠷᠢᠭ ᠦ᠋ᠨ l ᠳᠦᠭᠡᠷ ᠳ᠋ᠢᠸᠢᠽᠢ ᠶᠢᠨ ᠬᠣᠷᠢᠶᠠ ᠠᠴᠠ ᠲᠣᠭᠲᠠᠭᠠᠯ ᠭᠠᠷᠭᠠᠵᠤ ᠲᠤᠰ ᠳ᠋ᠢᠸᠢᠽᠢ 3 ᠳ᠋ᠤᠭᠠᠷ ᠬᠣᠷᠢᠶᠠᠨ ᠤ᠋ l ᠳᠦᠭᠡᠷ ᠰᠤᠮᠤᠨ ᠠᠩᠭᠢ ᠳᠤ 《ᠵᠦᠩ ᠶᠤᠸᠠᠨ ᠤ ᠯᠢᠶᠠᠨ》ᠬᠡᠮᠡᠬᠦ ᠴᠣᠯᠠ ᠪᠠᠷ ᠴᠣᠯᠠᠯᠠᠵᠠᠢ᠃ 1948 ᠣᠨ ᠳᠤ ᠥᠪᠦᠷ ᠮᠣᠩᠭᠤᠯ ᠤ᠋ᠨ ᠮᠣᠷᠢᠲᠤ ᠴᠡᠷᠢᠭ ᠦᠨ 1 ᠳᠦᠭᠡᠷ ᠳ᠋ᠢᠸᠢᠽᠢ ᠶᠢᠨ ᠠᠩᠬᠠᠳᠤᠭᠠᠷ ᠤᠳᠠᠭᠠᠨ ᠤ ᠭᠠᠪᠢᠶᠠ ᠲᠡᠮᠳᠡᠭᠯᠡᠬᠦ ᠶᠡᠬᠡ ᠬᠤᠷᠠᠯ ᠳᠡᠭᠡᠷᠡ 《ᠵᠦᠩ ᠶᠤᠸᠠᠨ ᠯᠢᠶᠠᠨ》 ᠳᠤ ᠬᠠᠮᠲᠤ ᠨᠡᠢᠲᠡ ᠶᠢᠨ ᠪᠠᠢᠯᠳᠤᠭᠠᠨ ᠤ ᠶᠡᠬᠡ ᠭᠠᠪᠢᠶᠠ ᠲᠡᠮᠳᠡᠭᠯᠡᠨ ᠥᠭᠴᠦ ᠱᠧᠨ ᠵᠦᠩ ᠶᠤᠸᠠᠨ ᠳᠤ ᠬᠣᠶᠠᠷ ᠶᠡᠬᠡ ᠪᠠᠢᠯᠳᠤᠭᠠᠨ ᠤ ᠭᠠᠪᠢᠶᠠ ᠲᠡᠮᠳᠡᠭᠯᠡᠨ ᠥᠭᠴᠦ 《ᠪᠠᠢᠯᠳᠤᠭᠠᠨ ᠤ ᠪᠠᠭᠠᠲᠤᠷ》ᠬᠡᠮᠡᠬᠦ ᠴᠣᠯᠠ ᠣᠯᠭᠤᠵᠠᠢ᠃
Copyight 2016 by nmgmzw.gov.cn All Rights Reserved