ᠨᠡᠷᠡ：
ᠰᠢᠷᠠ
ᠴᠢᠨᠠᠷ ᠤᠨ ᠢᠯᠭᠠᠯ：
ᠨᠢᠭᠤᠴᠠ
ᠬᠠᠷᠢᠯᠴᠠᠬᠤ ᠬᠡᠯᠪᠡᠷᠢ：
ᠵᠣᠬᠢᠶᠠᠭᠴᠢ ᠶᠢᠨ ᠲᠠᠨᠢᠯᠴᠠᠭᠤᠯᠭᠠ：
ᠰᠢᠷᠠ ︵ 1925—— 1949︶ ᠳᠤᠮᠳᠠᠳᠤ ᠤᠯᠤᠰ ᠤᠨ ᠠᠷᠠᠳ ᠤᠨ ᠴᠢᠯᠥᠭᠡᠯᠡᠬᠦ ᠴᠡᠷᠢᠭ ᠦᠨ ᠥᠪᠦᠷ ᠮᠣᠩᠭᠤᠯ ᠤ᠋ᠨ ᠴᠡᠷᠢᠭ ᠦᠨ ᠲᠣᠭᠤᠷᠢᠭ ᠤᠨ ᠮᠣᠷᠢᠲᠤ ᠴᠡᠷᠢᠭ ᠦ᠋ᠨ ᠪᠠᠢᠯᠳᠤᠭᠠᠨ ᠤ ᠪᠠᠭᠠᠲᠤᠷ᠃ ᠥᠪᠦᠷ ᠮᠣᠩᠭᠤᠯ ᠤ᠋ᠨ ᠬᠥᠪᠡᠭᠡᠲᠦ ᠰᠢᠷᠠ ᠬᠣᠰᠢᠭᠤᠨ ᠳᠤ ᠨᠤᠲᠤᠭ ᠲᠠᠢ᠂ ᠮᠣᠩᠭᠤᠯ ᠦᠨᠳᠦᠰᠦᠲᠡᠨ᠃ 1916 ᠣᠨ ᠤ 5 ᠰᠠᠷᠠ ᠳᠤ ᠴᠡᠷᠢᠭ ᠲᠦ᠍ ᠣᠷᠤᠵᠠᠢ᠃ ᠳᠤᠮᠳᠠᠳᠤ ᠤᠯᠤᠰ ᠤᠨ ᠡᠪ ᠬᠠᠮᠲᠤ ᠨᠠᠮ ᠤᠨ ᠭᠡᠰᠢᠭᠦᠨ᠃ 1947 ᠣᠨ ᠤ 6 ᠰᠠᠷᠠ ᠶᠢᠨ ᠳᠤᠮᠳᠠᠴᠢ ᠪᠠᠷ ᠲᠡᠷᠡ ᠥᠪᠦᠷ ᠮᠣᠩᠭᠤᠯ ᠤ᠋ᠨ ᠮᠣᠷᠢᠲᠤ ᠴᠡᠷᠢᠭ ᠦᠨ 11 ᠳᠦᠭᠡᠷ ᠳ᠋ᠢᠸᠢᠽᠢ ᠶᠢᠨ ᠨᠢᠭᠡᠨ ᠴᠡᠷᠢᠭ ᠠᠩᠭᠢ ᠶᠢᠨ ᠰᠠᠯᠠᠭᠠ ᠶᠢᠨ ᠳᠠᠷᠤᠭᠠ ᠪᠠᠢᠬᠤ ᠳᠠᠭᠠᠨ ᠵᠠᠷᠯᠢᠭ ᠢᠶᠠᠷ ᠪᠥᠬᠦ ᠰᠠᠯᠠᠭᠠ ᠪᠠᠨ ᠳᠠᠭᠠᠭᠤᠯᠵᠤ ᠤᠷᠠᠨ ᠠᠷᠭᠠ ᠪᠠᠭᠠᠲᠤᠷ ᠵᠣᠷᠢᠭ ᠢᠶᠠᠷ ᠭᠣᠮᠢᠨᠳᠠᠩ ᠤᠨ ᠲᠠᠩᠨᠠᠭᠤᠯ ᠱᠠᠪᠷᠠᠩ ᠯᠠᠮᠠ ᠶᠢ ᠠᠮᠢᠳᠤ ᠪᠠᠷ ᠪᠠᠷᠢᠪᠴᠢᠯᠠᠨ ᠴᠡᠷᠢᠭ ᠲᠡᠭᠡᠨ ᠪᠤᠴᠠᠬᠤ ᠵᠠᠮ ᠤᠨ ᠭᠤᠳᠤᠰ ᠲᠠᠭᠠᠨ ᠳᠡᠭᠡᠷᠡᠮ ᠯᠦᠭᠡ ᠬᠠᠷᠭᠤᠪᠠ᠃ ᠲᠡᠷᠡ ᠪᠥᠬᠦ ᠰᠠᠯᠠᠭᠠ ᠪᠠᠨ ᠵᠢᠯᠤᠭᠤᠳᠤᠨ ᠲᠣᠭᠲᠠᠭᠤᠨ ᠯᠠᠪᠳᠠᠭᠤᠨ ᠢᠶᠠᠷ ᠲᠤᠰᠤᠨ ᠴᠣᠬᠢᠵᠤ ᠪᠠᠭᠠᠲᠤᠷᠯᠢᠭ ᠢᠶᠠᠷ ᠪᠠᠢᠯᠳᠤᠨ ᠳᠠᠢᠰᠤᠨ ᠢ ᠠᠯᠠᠵᠤ ᠬᠢᠶᠠᠷᠠᠲᠠᠯᠠ ᠴᠣᠬᠢᠵᠠᠢ᠃ l947 ᠣᠨ ᠤ 7 ᠰᠠᠷᠠ ᠶᠢᠨ ᠡᠬᠢ ᠪᠡᠷ ᠭᠦᠨᠵᠠᠪ ᠲᠡᠷᠢᠭᠦᠲᠡᠢ 300 ᠭᠠᠷᠤᠢ ᠳᠡᠭᠡᠷᠡᠮ ᠳᠥᠷᠪᠡᠳ ᠬᠣᠰᠢᠭᠤᠨ ᠤ ᠪᠣᠢᠨ ᠰᠦᠮᠡ ᠳᠦ ᠡᠭᠦᠷᠯᠡᠵᠦ ᠪᠠᠢᠪᠠ᠃ ᠥᠪᠦᠷ ᠮᠣᠩᠭᠤᠯ ᠤ᠋ᠨ ᠮᠣᠷᠢᠲᠤ ᠴᠡᠷᠢᠭ ᠦᠨ11 ᠳᠦᠭᠡᠷ ᠳ᠋ᠢᠸᠢᠽᠢ ᠨᠢ ᠬᠣᠶᠠᠷ ᠬᠣᠷᠢᠶᠠ ᠴᠡᠷᠢᠭ ᠢᠶᠡᠷ ᠪᠣᠢᠨ ᠰᠦᠮᠡ ᠳᠦ ᠳᠠᠪᠬᠢᠨ ᠬᠦᠷᠴᠦ ᠲᠤᠰ ᠪᠦᠯᠦᠭ ᠳᠠᠢᠰᠤᠨ ᠢ ᠤᠰᠠᠳᠭᠠᠬᠤ ᠭᠡᠵᠡᠢ᠃ ᠪᠠᠢᠯᠳᠤᠭᠠᠨ ᠡᠬᠢᠯᠡᠭᠰᠡᠨ ᠦ ᠳᠠᠷᠠᠭᠠ ᠪᠤᠷᠤᠩᠬᠤᠢ ᠳᠠᠢᠰᠤᠨ ᠨᠤᠭᠤᠳ ᠪᠠᠯᠠᠭ ᠠᠯᠲᠠᠨ ᠪᠤᠷᠤᠭᠤᠯᠠᠨ ᠳᠤᠲᠠᠭᠠᠭᠰᠠᠨ ᠳᠤ ᠰᠢᠷᠠ ᠪᠥᠬᠦ ᠰᠠᠯᠠᠭᠠ ᠪᠠᠨ ᠳᠠᠭᠠᠭᠤᠯᠤᠨ ᠪᠣᠷᠪᠢᠳᠠᠨ ᠨᠡᠬᠡᠮᠵᠢᠯᠡᠵᠦ ᠪᠠᠢᠰᠢᠩᠲᠤ ᠳᠤ ᠬᠦᠷᠦᠭᠡᠳ ᠳᠠᠢᠰᠤᠨ ᠢ ᠨᠢᠭᠡ ᠯᠡ ᠳᠡᠭᠡᠷᠡ ᠨᠢᠭᠡᠮᠦᠰᠦᠨ ᠠᠷᠢᠯᠭᠠᠪᠠ᠃ ᠬᠣᠶᠠᠳᠤᠭᠠᠷ ᠡᠳᠦᠷ ᠨᠢ ᠭᠣᠮᠢᠨᠳᠠᠩ ᠤᠨ ᠮᠣᠷᠢᠲᠤ ᠴᠡᠷᠢᠭ ᠦᠨ 22 ᠳ᠋ᠤᠭᠠᠷ ᠪᠠᠷᠢᠭᠠᠳᠠ ᠶᠢᠨ ᠬᠦᠨᠳᠦ ᠫᠤᠤ ᠶᠢᠨ ᠬᠣᠷᠢᠶᠠ ᠭᠦᠨᠵᠠᠪ ᠤ᠋ᠨ ᠦᠯᠡᠳᠡᠭᠳᠡᠯ ᠳᠡᠭᠡᠷᠡᠮ ᠦᠨ ᠬᠠᠮᠵᠢᠯᠴᠠᠭᠠ ᠳᠣᠣᠷᠠ ᠪᠣᠢᠨ ᠰᠦᠮᠡ ᠶᠢ ᠪᠦᠰᠡᠯᠡᠪᠡ᠃ ᠲᠤᠰ ᠳ᠋ᠢᠸᠢᠽᠢ ᠶᠢᠨ ᠬᠣᠶᠠᠷ ᠬᠣᠷᠢᠶᠠ ᠨᠢ ᠵᠢᠭᠰᠠᠭᠠᠯ ᠤᠨ ᠭᠠᠵᠠᠷ ᠢ ᠡᠵᠡᠯᠡᠨ ᠳᠠᠢᠰᠤᠨ ᠢ ᠡᠰᠡᠷᠭᠦᠴᠡᠨ ᠴᠣᠬᠢᠭᠰᠠᠨ ᠳᠤ ᠰᠢᠷᠠ ᠳᠠᠢᠴᠢᠨ ᠨᠤᠭᠤᠳ ᠤ᠋ᠨ ᠢ᠋ᠶ᠋ᠠᠨ ᠬᠠᠮᠠᠭᠠᠯᠠᠯᠲᠠ ᠳᠣᠣᠷᠠ ᠠᠮᠢ ᠪᠡᠶᠡ ᠪᠡᠨ ᠴᠦᠯᠡᠵᠦ ᠰᠦᠷᠴᠢᠬᠦ ᠫᠤᠤ ᠪᠠᠨ ᠪᠠᠢᠵᠤ ᠳᠠᠢᠰᠤᠨ ᠤ ᠰᠦᠷᠦᠭ ᠲᠦ ᠳᠠᠭᠠᠷᠢᠨ ᠣᠷᠤᠭᠠᠳ ᠨᠢᠭᠡᠨ ᠵᠡᠷᠭᠡ ᠱᠦᠭᠦᠷᠳᠡᠨ ᠫᠤᠤᠳᠠᠭᠰᠠᠨ ᠳᠤ ᠳᠠᠢᠰᠤᠨ ᠨᠤᠭᠤᠳ ᠳᠤᠬᠤ ᠪᠠᠨ ᠲᠡᠪᠡᠷᠢᠨ ᠬᠤᠯᠤᠭᠠᠨᠠ ᠮᠡᠲᠦ ᠪᠤᠷᠤᠭᠤᠯᠠᠵᠤ᠂ ᠡᠷᠦᠢ ᠬᠤᠷᠤᠢ ᠦᠭᠡᠢ ᠡᠷᠭᠢᠯᠳᠦᠭᠰᠡᠨ ᠲᠤᠯᠠ ᠳᠠᠢᠰᠤᠨ ᠤ ᠳᠠᠭᠠᠷᠢᠯᠲᠠ ᠶᠢ ᠴᠣᠬᠢᠨ ᠤᠬᠤᠷᠢᠭᠤᠯᠵᠠᠢ᠃ l949 ᠣᠨ ᠤ 5 ᠰᠠᠷᠠ ᠳᠤ᠂ ᠳᠡᠭᠡᠷᠡᠮ ᠦᠨ ᠲᠦᠷᠦᠭᠦᠦ ᠭᠦᠨᠵᠠᠪ ᠲᠡᠭᠦᠨ ᠦ ᠵᠤᠰᠠᠯᠠᠩ ᠤᠨ ᠭᠠᠵᠠᠷ ᠪᠣᠯᠬᠤ ᠰᠤᠮᠤᠨ ᠭᠣᠣᠯ ᠳᠠᠭᠠᠨ l00 ᠭᠠᠷᠤᠢ ᠬᠠᠷᠢᠶᠠᠲᠤ ᠪᠠᠨ ᠴᠤᠭᠯᠠᠭᠤᠯᠤᠨ ᠪᠠᠷᠠᠭᠤᠨᠰᠢ ᠠᠯᠠᠱᠠᠨ ᠵᠦᠭ ᠵᠢᠭᠤᠳᠠᠨ ᠳᠤᠲᠠᠭᠠᠵᠤ ᠳᠠᠬᠢᠨ ᠪᠣᠰᠴᠤ ᠤᠷᠪᠠᠵᠤ ᠢᠷᠡᠬᠦ ᠪᠡᠷ ᠪᠡᠯᠡᠳᠭᠡᠵᠦ ᠪᠠᠢᠵᠠᠢ᠃ ᠰᠢᠷᠠ᠂ ᠬᠣᠷᠢᠶᠠᠨ ᠤ ᠵᠠᠷᠯᠢᠭ ᠢᠶᠠᠷ ᠲᠤᠰ ᠪᠦᠯᠦᠭ ᠳᠠᠢᠰᠤᠨ ᠢ ᠤᠰᠠᠳᠭᠠᠬᠤ ᠪᠠᠷ ᠪᠥᠬᠦ ᠰᠤᠮᠤᠨ ᠠᠩᠭᠢ ᠪᠠᠨ ᠳᠠᠭᠠᠭᠤᠯᠤᠨ ᠳᠠᠢᠰᠤᠨ ᠤ ᠮᠣᠩᠭᠤᠯ ᠬᠡᠷ ᠦᠨ ᠰᠦᠷᠦᠭ ᠲᠦ ᠳᠠᠭᠠᠷᠢᠨ ᠣᠷᠤᠵᠤ ᠳᠠᠢᠰᠤᠨ ᠯᠤᠭᠠ ᠴᠢᠰᠤᠯᠠᠨ ᠪᠠᠢᠯᠳᠤᠭᠰᠠᠨ ᠳᠤ ᠳᠠᠢᠰᠤᠨ ᠳᠠᠯᠳᠠᠭᠤᠷ ᠲᠡᠭᠦᠨ ᠢ ᠬᠠᠷᠪᠤᠭᠰᠠᠨ ᠲᠤᠯᠠ ᠡᠷᠡᠯᠬᠡᠭ ᠪᠠᠭᠠᠲᠤᠷᠯᠢᠭ ᠢᠶᠠᠷ ᠠᠮᠢ ᠦᠷᠡᠭᠳᠡᠵᠡᠢ᠃ ᠲᠤᠰ ᠤᠳᠠᠭᠠᠨ ᠤ ᠲᠤᠯᠤᠯᠳᠤᠭᠠᠨ ᠳᠤ ᠳᠡᠭᠡᠷᠡᠮ ᠢ ᠪᠤᠯᠲᠤ ᠪᠠᠷ ᠨᠢ ᠰᠥᠨᠦᠭᠡᠭᠡᠳ ᠪᠥᠬᠦ ᠳᠥᠷᠪᠡᠳ ᠬᠣᠰᠢᠭᠤ ᠶᠢ ᠳᠠᠶᠠᠭᠠᠷ ᠴᠢᠯᠥᠭᠡᠯᠡᠭᠰᠡᠨ ᠶᠤᠮ᠃
Copyight 2016 by nmgmzw.gov.cn All Rights Reserved
