ᠨᠡᠷᠡ:
ᠰᠠᠷᠠᠨᠭᠡᠷᠡᠯ
ᠴᠢᠨᠠᠷ ᠤᠨ ᠢᠯᠭᠠᠯ:
ᠨᠢᠭᠤᠴᠠ
ᠬᠠᠷᠢᠯᠴᠠᠬᠤ ᠬᠡᠯᠪᠡᠷᠢ:
ᠵᠣᠬᠢᠶᠠᠭᠴᠢ ᠶᠢᠨ ᠲᠠᠨᠢᠯᠴᠠᠭᠤᠯᠭᠠ:
ᠰᠠᠷᠠᠨᠭᠡᠷᠡᠯ︱1964 ᠣᠨ ᠣ11 ᠰᠠᠷᠠ ᠶᠢᠨ19 ᠣ ᠡᠳᠦᠷ ᠬᠣᠷᠴᠢᠨ ᠪᠠᠷᠠᠭᠤᠨ ᠭᠠᠷᠤᠨ ᠳᠤᠮᠳᠠᠳᠤ ᠬᠣᠰᠢᠭᠤᠨ ᠣ ᠪᠠᠶᠠᠨᠨᠠᠭᠤᠷ ᠰᠤᠮᠤᠨ ᠣ ᠭᠤᠸᠠᠩ ᠲᠠᠢ ᠬᠣᠣ ᠭᠠᠴᠠᠭᠠᠨ ᠣ ᠯᠦᠸᠧ ᠰᠦᠸᠧ ᠵᠣ᠋ ᠂ ᠪᠤᠤ ᠰᠢᠤ ᠯᠠᠨ ᠣ ᠤᠤᠭᠠᠨ ᠥᠬᠢᠨ ᠪᠣᠯᠵᠤ ᠵᠠᠶᠠᠭᠠᠵᠠᠢ ᠃1985 ᠣᠨ ᠣ7 ᠰᠠᠷᠠ ᠳ᠋ᠥ ᠤᠯᠠᠭᠠᠨᠴᠠᠪ ᠤ᠋ᠨ ᠦᠨᠳᠦᠰᠦᠲᠡᠨ ᠣ ᠪᠠᠭᠰᠢ ᠶ᠋ᠢᠨ ᠰᠤᠷᠭᠠᠭᠤᠯᠢ ᠠᠴᠠ ᠲᠡᠭᠦᠰᠴᠦ ᠂ ᠪᠠᠭᠰᠢ ᠶ᠋ᠢᠨ ᠠᠯᠪᠠ ᠬᠠᠭᠠᠵᠤ ᠶᠠᠪᠤᠬᠤ ᠳ᠋ᠥ ᠪᠠᠨ ᠰᠤᠷᠴᠤ ᠰᠤᠳᠤᠯᠬᠤ ᠶᠢᠨ ᠬᠦᠰᠡᠯ ᠬᠥᠭᠡᠭᠡᠴᠡᠯᠳᠦᠯ ᠢ᠋ᠶ᠋ᠡᠨ ᠪᠡᠶᠡᠯᠡᠭᠦᠯᠬᠦ ᠪᠡᠷ ᠥᠪᠦᠷ ᠮᠣᠩᠭᠤᠯ ᠤ᠋ᠨ ᠰᠤᠷᠭᠠᠨ ᠬᠥᠮᠦᠵᠢᠯ ᠦ᠋ᠨ ᠳᠡᠭᠡᠳᠦ ᠰᠤᠷᠭᠠᠭᠤᠯᠢ ᠳ᠋ᠥ ᠦᠷᠭᠦᠯᠵᠢᠯᠡᠨ ᠰᠤᠷᠤᠯᠴᠠᠵᠤ ᠰᠤᠷᠤᠯᠭᠠ ᠲᠡᠭᠦᠰᠴᠡᠢ ᠃ ᠣᠳᠣ ᠠᠯᠠᠱᠠ ᠵᠡᠭᠦᠨ ᠬᠣᠰᠢᠭᠤᠨ ᠣ ᠮᠣᠩᠭᠤᠯ ᠦᠨᠳᠦᠰᠦᠲᠡᠨ ᠣ ᠰᠤᠷᠭᠠᠭᠤᠯᠢ ᠶᠢᠨ ᠠᠩᠬᠠ ᠳᠤᠮᠳᠠᠳᠤ ᠳ᠋ᠥ ᠥᠨᠳᠦᠷ ᠲᠠᠰ ᠤᠨ ᠴᠣᠯᠠ ᠲᠠᠢ ᠹᠢᠽᠢᠺ ᠦ᠋ᠨ ᠪᠠᠭᠰᠢ ᠶ᠋ᠢᠨ ᠠᠯᠪᠠ ᠲᠠᠢ ᠠᠵᠢᠯᠯᠠᠵᠤ ᠶᠠᠪᠤᠬᠤ ᠳ᠋ᠥ ᠪᠠᠨ ᠤᠷᠠᠨ ᠵᠣᠬᠢᠶᠠᠯ ᠰᠣᠨᠢᠷᠬᠠᠵᠤ ᠤᠷᠤᠯᠳᠤᠬᠤ ᠳᠤᠷᠠ ᠬᠦᠰᠡᠯ ᠳ᠋ᠥ ᠪᠠᠨ ᠬᠥᠲᠦᠯᠦᠭᠳᠡᠵᠦ ᠶᠠᠪᠤᠵᠤ ᠪᠤᠢ ᠃ 《 ᠨᠤᠲᠤᠭ ᠲᠡᠮᠡᠦᠯᠡᠬᠦᠢ》 ᠂《 ᠨᠠᠷᠠᠨ ᠵᠢᠷᠭᠠᠬᠤᠶᠠ》 ᠂《 ᠨᠠᠮᠤᠷ ᠤᠨ ᠳᠤᠷᠠᠰᠤᠮᠵᠢ》 ᠂《 ᠬᠠᠪᠤᠷ ᠤᠨ ᠤᠶᠠᠩᠭᠠ》 ᠭᠡᠬᠦ ᠪᠦᠲᠦᠭᠡᠯ ᠢ᠋ᠶ᠋ᠡᠨ《 ᠥᠪᠦᠷ ᠮᠣᠩᠭᠤᠯ ᠤ᠋ᠨ ᠡᠳᠦᠷ ᠦ᠋ᠨ ᠰᠣᠨᠢᠨ 》 ᠳ᠋ᠥ ᠨᠡᠢᠲᠡᠯᠡᠵᠦ ᠂《 ᠮᠢᠨᠤ ᠨᠤᠲᠤᠭ ᠲᠦᠰᠢᠶᠡᠲᠦ》 ᠭᠡᠬᠦ ᠪᠦᠲᠦᠭᠡᠯ ᠥᠪᠦᠷ ᠮᠣᠩᠭᠤᠯ ᠤ᠋ᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠤᠨ ᠪᠠᠢᠭᠤᠯᠤᠭᠳᠠᠭᠰᠠᠨ70 ᠵᠢᠯ ᠦ᠋ᠨ ᠤᠢ ᠶᠢᠨ ᠪᠠᠶᠠᠷ ᠢ ᠪᠡᠯᠡᠭᠯᠡᠬᠦ《 ᠤᠶᠠᠩᠭᠠᠲᠤ ᠲᠦᠰᠢᠶᠡᠲᠦ 》 ᠱᠠᠩᠨᠠᠯᠳᠤ ᠢᠷᠠᠭᠤ ᠨᠠᠢᠷᠠᠭ ᠤ᠋ᠨ ᠤᠷᠤᠯᠳᠤᠭᠠᠨ ᠳ᠋ᠥ ᠬᠣᠶᠠᠳᠤᠭᠠᠷ ᠲᠠᠰ ᠤᠨ ᠱᠠᠩ ᠪᠡᠷ ᠡᠩᠭᠡᠷ ᠢ᠋ᠶ᠋ᠡᠨ ᠮᠢᠯᠢᠶᠠᠯᠭᠠᠵᠤ ᠂《 ᠡᠵᠢ ᠮᠢᠨᠢ 》 ᠂《 ᠬᠠᠮᠢᠭᠠ ᠪᠠᠢᠭᠠ ᠪᠣᠯ ︖》 ᠂《 ᠪᠣᠳᠤᠯ ᠤ᠋ᠨ ᠰᠢᠪᠡᠨᠡᠭᠡ》 ᠂《 ᠮᠣᠩᠭᠤᠯ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠭᠤᠶᠤᠶᠠ》 ᠵᠡᠷᠭᠡ ᠪᠦᠲᠦᠭᠡᠯ《 ᠨᠠᠷᠠᠨ ᠳ᠋ᠥ ᠵᠠᠯᠪᠠᠷᠢᠭᠰᠠᠨ ᠴᠡᠴᠡᠭᠡᠰ ᠦ᠋ᠨ ᠲᠡᠭᠦᠪᠦᠷᠢ》 ᠳ᠋ᠥ ᠰᠣᠩᠭᠤᠭᠳᠠᠨ ᠭᠠᠪᠠᠯᠠᠭᠳᠠᠪᠠ ᠃ ᠲᠠᠷᠬᠠᠨ ᠮᠣᠩᠭᠤᠯ ᠨᠤᠲᠤᠭ ᠲᠤ᠌ ᠪᠠᠨ ᠲᠠᠩᠰᠤᠭ ᠭᠡᠯᠡ ᠪᠡᠷ ᠢ᠋ᠶ᠋ᠡᠨ ᠪᠠᠬᠠᠷᠬᠠᠵᠤ ᠠᠵᠢᠯᠯᠠᠵᠤ ᠶᠠᠪᠤᠭᠠ ᠳ᠋ᠥ ᠪᠠᠨ ᠮᠣᠩᠭᠤᠯ ᠰᠣᠶᠤᠯ ᠳ᠋ᠥ ᠪᠠᠨ ᠬᠥᠲᠦᠯᠦᠭᠳᠡᠵᠦ ᠬᠡᠦᠬᠡᠳ ᠦ᠋ᠨ ᠰᠢᠯᠦᠭ《 ᠱᠠᠭᠠᠵᠠᠭᠠᠢ 》 ᠂ 《 ᠨᠣᠮ ᠲᠠᠢ ᠬᠡᠦᠬᠡᠳ ᠪᠣᠯᠤᠶᠠ 》 ᠂ 《 ᠪᠣᠷᠤᠭᠠᠨ ᠣᠷᠤᠯᠠ 》 ᠂ 《 ᠪᠢᠳᠡᠨ ᠣ ᠪᠠᠶᠠᠰᠤᠯ 》 ᠂ 《 ᠠᠪᠤ ᠡᠵᠢ ᠳ᠋ᠥ ᠪᠠᠨ ᠲᠠᠯᠠᠷᠬᠠᠶᠠ 》 ᠂ 《 ᠰᠠᠨᠠᠯᠠ ᠪᠢ 》 ᠂ 《 ᠨᠠᠮ ᠳ᠋ᠥ ᠪᠠᠨ ᠡᠷᠭᠦᠬᠦ ᠤᠶᠠᠩᠭᠠ 》 ᠵᠡᠷᠭᠡ ᠪᠦᠲᠦᠭᠡᠯ ᠢ᠋ᠶ᠋ᠡᠨ《 ᠥᠪᠦᠷ ᠮᠣᠩᠭᠤᠯ ᠤ᠋ᠨ ᠪᠠᠭᠠᠴᠤᠳ ᠤᠨ ᠰᠣᠨᠢᠨ 》 ᠳ᠋ᠥ ᠨᠡᠢᠲᠡᠯᠡᠭᠳᠡᠵᠦ ᠂ ᠣᠳᠣ ᠤᠷᠠᠨ ᠵᠣᠬᠢᠶᠠᠯ ᠤ᠋ᠨ ᠵᠠᠮ ᠮᠥᠷ ᠢ᠋ ᠬᠠᠢᠨ ᠰᠦᠪᠡᠭᠴᠢᠯᠡᠵᠦ ᠰᠤᠷᠤᠯᠴᠠᠬᠤ ᠵᠠᠮ ᠳ᠋ᠥ ᠪᠠᠨ ᠵᠢᠳᠭᠦᠵᠦ ᠪᠤᠢ ᠃
Copyight 2016 by nmgmzw.gov.cn All Rights Reserved