ᠨᠡᠷᠡ：
ᠭᠠ ᠂ ᠤᠶᠠᠩᠭᠠ
ᠴᠢᠨᠠᠷ ᠤᠨ ᠢᠯᠭᠠᠯ：
ᠨᠢᠭᠤᠴᠠ
ᠬᠠᠷᠢᠯᠴᠠᠬᠤ ᠬᠡᠯᠪᠡᠷᠢ：
ᠵᠣᠬᠢᠶᠠᠭᠴᠢ ᠶᠢᠨ ᠲᠠᠨᠢᠯᠴᠠᠭᠤᠯᠭᠠ：
ᠭᠠ ᠂ ᠤᠶᠠᠩᠭᠠ ᠂ ᠮᠣᠩᠭᠤᠯ ᠦᠨᠳᠦᠰᠦᠲᠡᠨ ᠂ ᠬᠥᠬᠡᠳ ᠬᠣᠰᠢᠭᠤᠨ ᠳ᠋ᠤ᠌ ᠨᠤᠲᠤᠭ ᠲᠠᠢ ᠂ ᠪᠠᠭᠠ ᠵᠢᠨ ᠨᠡᠷᠡ ᠵᠣᠷᠢᠭ ᠂ ᠪᠢᠴᠢᠭ ᠦ᠋ᠨ ᠨᠡᠷᠡ ᠱᠤ ᠴᠢᠩ ᠂ ᠶᠡᠬᠡ ᠰᠤᠷᠭᠠᠭᠤᠯᠢ ᠵᠢᠨ ᠰᠣᠶᠤᠯ ᠤ᠋ᠨ ᠪᠣᠯᠪᠠᠰᠤᠷᠠᠯ ᠲᠠᠢ ᠃ ᠬᠠᠷᠠᠭᠴᠢᠨ ᠦᠬᠡᠷ ᠵᠢᠯ ᠬᠥᠬᠡᠳ ᠬᠣᠰᠢᠭᠤᠨ ᠣ ᠵᠡᠭᠦᠨ ᠲᠣᠬᠤᠢ ᠵᠢᠨ ᠴᠠᠭᠠᠨ ᠶᠠᠰᠤᠲᠤ ᠲᠤᠰᠠᠯᠠᠭᠴᠢ ᠨᠣᠶᠠᠨ ᠯᠣᠪᠰᠠᠩᠳᠠᠰᠢ ᠵᠢᠨ ᠣᠳᠭᠤᠨ ᠬᠥᠪᠡᠭᠦᠨ ᠭᠠᠩᠷᠢ ᠂ ᠱᠠᠩ ᠬᠣᠰᠢᠭᠤᠨ ᠣ ᠨᠡᠷᠡᠲᠦ ᠡᠮᠴᠢ ᠯᠾᠠᠪᠰᠠᠩ ᠤᠨ ᠭᠤᠷᠪᠠᠳᠤᠭᠠᠷ ᠥᠬᠢᠨ ᠵᠢᠪᠽᠠᠨ ᠣ ᠬᠣᠶᠠᠳᠤᠭᠠᠷ ᠬᠡᠦᠬᠡᠳ ᠨᠢ ᠪᠣᠯᠵᠤ ᠲᠥᠷᠦᠵᠡᠢ ᠃ ᠲᠡᠷᠡ ᠂ 1994 ᠣᠨ ᠳ᠋ᠤ᠌ ᠬᠥᠬᠡᠨᠠᠭᠤᠷ ᠮᠤᠵᠢ ᠵᠢᠨ ᠬᠠᠢᠰᠢ ᠵᠧᠦ ᠵᠢᠨ ᠦᠨᠳᠦᠰᠦᠲᠡᠨ ᠣ ᠪᠠᠭᠰᠢ ᠵᠢᠨ ᠰᠤᠷᠭᠠᠭᠤᠯᠢ ᠠ᠋ᠴᠠ ᠰᠢᠯᠢᠳᠡᠭ ᠬᠢᠷᠢ ᠪᠦᠲᠦᠮᠵᠢ ᠪᠡᠷ ᠲᠡᠭᠦᠰᠦᠭᠡᠳ ᠂ ᠮᠥᠨ ᠵᠢᠯ ᠦ᠋ᠨ 7 ᠰᠠᠷᠠ ᠳ᠋ᠤ᠌ ︽ ᠴᠠᠢᠳᠠᠮ ᠤ᠋ᠨ ᠡᠳᠦᠷ ᠦ᠋ᠨ ᠰᠣᠨᠢᠨ ︾ ᠣ ᠬᠣᠷᠢᠶᠠ ᠵᠢᠨ ᠮᠣᠩᠭᠤᠯ ᠨᠠᠢᠷᠠᠭᠤᠯᠬᠤ ᠬᠡᠯᠲᠡᠰ ᠲᠦ᠍ ᠠᠵᠢᠯ ᠤᠨ ᠭᠠᠷᠤᠭᠠ ᠪᠠᠨ ᠠᠪᠴᠤ ᠂ ᠥᠨᠥ ᠬᠠᠷᠢᠭᠤᠴᠠᠭᠰᠠᠨ ᠨᠠᠢᠷᠠᠭᠤᠯᠤᠭᠴᠢ ᠪᠡᠷ ᠠᠵᠢᠯᠯᠠᠵᠤ ᠪᠠᠢᠨᠠ ᠃ ᠡᠷᠬᠢᠯᠡᠭᠴᠢ ᠨᠠᠢᠷᠠᠭᠤᠯᠤᠭᠴᠢ ᠵᠢᠨ ᠠᠵᠢᠯ ᠮᠡᠷᠭᠡᠵᠢᠯ ᠦ᠋ᠨ ᠴᠣᠯᠠ ᠲᠠᠢ ᠃ ᠲᠡᠷᠡ ᠂ 1999 ︱ 2004 ᠣᠨ ᠬᠦᠷᠲᠡᠯᠡ ᠬᠥᠬᠡᠨᠠᠭᠤᠷ ᠤ᠋ᠨ ᠦᠨᠳᠦᠰᠦᠲᠡᠨ ᠣ ᠶᠡᠬᠡ ᠰᠤᠷᠭᠠᠭᠤᠯᠢ ᠵᠢᠨ ᠮᠣᠩᠭᠤᠯ ᠬᠡᠯᠡ ᠤᠳᠭᠠ ᠵᠣᠬᠢᠶᠠᠯ ᠤ᠋ᠨ ᠰᠠᠯᠪᠤᠷᠢ ᠳ᠋ᠤ᠌ ᠣᠶᠤᠲᠠᠨ ᠢ᠋ᠶ᠋ᠠᠷ ᠰᠤᠷᠤᠯᠴᠠᠵᠤ ᠂ 2003 ᠣᠳᠣ ᠬᠥᠬᠡᠨᠠᠭᠤᠷ ᠮᠤᠵᠢ ᠵᠢᠨ ᠰᠣᠨᠢᠨ ᠮᠡᠳᠡᠭᠡ ᠬᠡᠪᠯᠡᠯ ᠦ᠋ᠨ ᠲᠣᠪᠴᠢᠶᠠ ᠵᠢᠨ ᠨᠠᠢᠷᠠᠭᠤᠯᠤᠭᠴᠢ ᠰᠤᠷᠪᠤᠯᠵᠢᠯᠠᠭᠴᠢ ᠵᠢᠨ ᠪᠣᠯᠪᠠᠰᠤᠷᠠᠯ ᠤ᠋ᠨ ᠠᠩᠭᠢ ᠳ᠋ᠤ᠌ ᠮᠡᠷᠭᠡᠵᠢᠯ ᠳᠡᠭᠡᠭᠰᠢᠯᠡᠭᠦᠯᠪᠡ ᠃ 2010 ᠣᠨ ᠳ᠋ᠤ᠌ ᠨᠡᠢᠰᠯᠡᠯ ᠪᠡᠭᠡᠵᠢᠩ ᠦ᠋ᠨ ᠬᠠᠢ ᠳ᠋ᠢᠶᠠᠨ ᠣᠷᠤᠨ ᠣ ᠨᠠᠮ ᠤᠨ ᠰᠤᠷᠭᠠᠭᠤᠯᠢ ᠳ᠋ᠤ᠌ ᠲᠣᠭᠤᠷᠢᠨ ᠰᠤᠷᠤᠯᠴᠠᠪᠠ ᠃ 2014 ᠣᠨ ᠳ᠋ᠤ᠌ ᠬᠤᠨᠠᠨ ᠮᠤᠵᠢ ᠵᠢᠨ ᠴᠠᠩᠱᠠ ᠳ᠋ᠤ᠌ ᠠᠵᠢᠯ ᠮᠡᠷᠭᠡᠵᠢᠯ ᠳᠡᠭᠡᠭᠰᠢᠯᠡᠭᠦᠯᠵᠦ ᠂ 2014 ᠣᠨ ᠳ᠋ᠤ᠌ ᠭᠤᠸᠠᠩᠳᠦ᠋ᠩ ᠮᠤᠵᠢ ᠵᠢᠨ ᠵᠦᠬᠠᠢ ᠬᠣᠲᠠᠨᠠ ᠯᠦ᠍ ᠰᠢᠶᠦ᠋ᠨ ᠨ᠋ᠤᠳᠬᠠ ᠵᠣᠬᠢᠶᠠᠯ ᠤ᠋ᠨ ᠬᠦᠷᠢᠶᠡᠯᠡᠩ ᠳ᠋ᠦ᠍ ᠰᠤᠷᠤᠯᠴᠠᠪᠠ ᠃ ︽ ᠳᠤᠮᠳᠠᠳᠤ ᠵᠢᠨ ᠦᠨᠳᠦᠰᠦᠲᠡᠨ ︾ ᠂ ︽ ᠮᠣᠩᠭᠤᠯ ᠬᠡᠯᠡ ᠪᠢᠴᠢᠭ ︾ ᠂ ︽ ᠥᠪᠦᠷ ᠮᠣᠩᠭᠤᠯ ᠤ᠋ᠨ ᠡᠳᠦᠷ ᠦ᠋ᠨ ᠰᠣᠨᠢᠨ ︾ ᠂ ︽ ᠰᠢᠨᠵᠢᠶᠠᠩ ᠤᠨ ᠡᠳᠦᠷ ᠦ᠋ᠨ ᠰᠣᠨᠢᠨ ︾ ᠂ ︽ ᠳᠤᠮᠳᠠᠳᠤ ᠤᠯᠤᠰ ᠤᠨ ᠮᠣᠩᠭᠤᠯ ᠬᠡᠯᠡᠨ ᠣ ᠰᠣᠨᠢᠨ ᠮᠡᠳᠡᠭᠡᠨ ᠣ ᠰᠦᠯᠵᠢᠶᠡ ︾ ᠂ ︽ ᠳᠤᠮᠳᠠᠳᠤ ᠤᠯᠤᠰ ᠂ ᠴᠠᠢᠳᠠᠮ ᠮᠣᠩᠭᠤᠯ ᠰᠦᠯᠵᠢᠶᠡ ︾ ᠵᠡᠷᠭᠡ ᠰᠣᠨᠢᠨ ᠰᠡᠳᠭᠦᠯ ᠪᠣᠯᠤᠨ ᠰᠦᠯᠵᠢᠶᠡᠨ ᠳ᠋ᠦ᠍ ᠡᠳᠦᠢ ᠲᠡᠳᠦᠢ ᠥᠭᠦᠯᠡᠯ ᠰᠢᠭᠦᠮᠵᠢ ᠪᠠ ᠰᠣᠨᠢᠨ ᠮᠡᠳᠡᠭᠡᠨ ᠣ ᠵᠣᠬᠢᠶᠠᠯ ᠵᠡᠷᠭᠡ ᠪᠠᠨ ᠨᠡᠢᠲᠡᠯᠡᠭᠦᠯᠦᠭᠰᠡᠭᠡᠷ ᠢᠷᠡᠭᠰᠡᠨ ᠪᠥᠭᠡᠳ ᠤᠯᠤᠰ ᠂ ᠵᠧᠦ ᠵᠢᠨ ᠲᠡᠰ ᠦ᠋ᠨ ᠰᠠᠢᠨ ᠰᠣᠨᠢᠨ ᠮᠡᠳᠡᠭᠡᠨ ᠣ ᠱᠠᠩᠨᠠᠯ ᠬᠥᠬᠢᠭᠦᠯᠦᠯ ᠢ᠋ ᠨᠡᠢᠲᠡ ᠬᠣᠷᠢᠭᠠᠳ ᠤᠳᠠᠭᠠ ᠲᠤᠰᠴᠤ ᠂ ᠪᠠᠢᠭᠤᠯᠭᠠ ᠵᠢᠨ ᠢ᠋ᠶ᠋ᠠᠨ ᠰᠢᠯᠢᠳᠡᠭ ᠠᠵᠢᠯᠲᠠᠨ ᠂ ᠰᠢᠯᠢᠳᠡᠭ ᠰᠤᠷᠪᠤᠯᠵᠢᠯᠠᠭᠴᠢ ᠵᠡᠷᠭᠡ ᠢᠷᠠᠭᠤ ᠠᠯᠳᠠᠷ ᠢ ᠴᠦ᠍ ᠤᠳᠠᠭᠠ ᠳᠠᠷᠠᠭᠠᠯᠠᠨ ᠬᠦᠷᠲᠡᠭᠰᠡᠭᠡᠷ ᠢᠷᠡᠵᠡᠢ ᠃ ᠲᠡᠷᠡ ᠂ ︽ ᠳᠡᠭᠡᠳᠦ ᠮᠣᠩᠭᠤᠯ ᠢ᠋ᠶ᠋ᠠᠨ ᠠᠨᠢᠷᠯᠠᠬᠤᠢ ︾ ᠂ ︽ ᠳᠡᠭᠡᠳᠦ ᠮᠣᠩᠭᠤᠯ ᠤ᠋ᠨ ᠵᠦᠢᠷ ᠰᠡᠴᠡᠨ ᠦᠭᠡ ᠮᠢᠩᠭᠠᠨ ᠵᠤᠷᠪᠤᠰ ︾ ᠂ ︽ ᠳᠡᠭᠡᠳᠦ ᠮᠣᠩᠭᠤᠯ ᠤ᠋ᠨ ᠣᠨᠢᠰᠤᠭᠠ ᠲᠠᠭᠠᠯᠠᠭᠠ ᠮᠢᠩᠭᠠᠨ ᠵᠤᠷᠪᠤᠰ ︾ ᠬᠡᠮᠡᠬᠦ ᠭᠤᠷᠪᠠᠨ ᠨᠣᠮ ᠲᠠᠢ ᠃ ︽ ᠰᠣᠨᠢᠨ ᠮᠡᠳᠡᠭᠡᠨ ᠣ ᠰᠤᠳᠤᠯᠤᠯ ︾ ᠰᠡᠳᠭᠦᠯ ᠦ᠋ᠨ ᠣᠨᠴᠠ ᠤᠷᠢᠭᠰᠠᠨ ᠰᠤᠷᠪᠤᠯᠵᠢᠯᠠᠭᠴᠢ ᠂ ᠥᠪᠦᠷ ᠮᠣᠩᠭᠤᠯ ᠤ᠋ᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠤᠨ ᠣ ᠮᠣᠩᠭᠤᠯ ᠬᠡᠯᠡᠨ ᠣ ᠵᠥᠪ ᠪᠢᠴᠢᠯᠭᠡ ᠵᠢᠨ ᠺᠣᠮᠢᠰ ᠤ᠋ᠨ ᠬᠠᠮᠵᠢᠯᠴᠠᠬᠤ ᠭᠡᠰᠢᠭᠦᠨ ᠂ ᠬᠥᠬᠡᠨᠠᠭᠤᠷ ᠤ᠋ᠨ ᠮᠣᠩᠭᠤᠯ ᠰᠤᠳᠤᠯᠭᠠᠨ ᠣ ᠨᠡᠢᠭᠡᠮᠯᠢᠭ ᠦ᠋ᠨ ᠭᠡᠰᠢᠭᠦᠨ ᠂ ᠬᠠᠢᠰᠢ ᠵᠧᠦ ᠵᠢᠨ ᠵᠣᠬᠢᠶᠠᠯᠴᠢᠳ ᠤ᠋ᠨ ᠨᠡᠢᠭᠡᠮᠯᠢᠭ ᠦ᠋ᠨ ᠭᠡᠰᠢᠭᠦᠨ ᠂ ᠳᠡᠭᠡᠳᠦ ᠮᠣᠩᠭᠤᠯ ᠢᠰᠢᠪᠠᠯᠵᠤᠤᠷ ᠰᠤᠳᠤᠯᠭᠠᠨ ᠣ ᠨᠡᠢᠭᠡᠮᠯᠢᠭ ᠦ᠋ᠨ ᠭᠡᠰᠢᠭᠦᠨ ᠂ ᠳᠡᠭᠡᠳᠦ ᠮᠣᠩᠭᠤᠯ ᠤ᠋ᠨ ︽ ᠮᠥᠩᠬᠡ ᠭᠠᠯ ︾ ᠰᠣᠶᠤᠯ ᠤ᠋ᠨ ᠨᠡᠢᠭᠡᠮᠯᠢᠭ ᠦ᠋ᠨ ᠭᠡᠰᠢᠭᠦᠨ ᠵᠡᠷᠭᠡ ᠨᠡᠢᠭᠡᠮ ᠦ᠋ᠨ ᠡᠭᠦᠷᠭᠡ ᠲᠤᠰᠢᠶᠠᠯ ᠢ ᠬᠠᠷᠢᠭᠤᠴᠠᠵᠤ ᠪᠤᠢ ᠃
Copyight 2016 by nmgmzw.gov.cn All Rights Reserved
