ᠨᠡᠷᠡ：
ᠰ ᠂ ᠵᠠᠮᠢᠶᠠᠨ
ᠴᠢᠨᠠᠷ ᠤᠨ ᠢᠯᠭᠠᠯ：
ᠨᠢᠭᠤᠴᠠ
ᠬᠠᠷᠢᠯᠴᠠᠬᠤ ᠬᠡᠯᠪᠡᠷᠢ：
ᠵᠣᠬᠢᠶᠠᠭᠴᠢ ᠶᠢᠨ ᠲᠠᠨᠢᠯᠴᠠᠭᠤᠯᠭᠠ：
ᠰ ᠂ ᠵᠠᠮᠢᠶᠠᠨ ᠂ ︵ ᠪᠦᠬᠦᠯᠢ ᠨᠡᠷᠡ ᠵᠠᠮᠢᠶᠠᠨᠯᠤᠷᠤᠢ ︶ᠡᠷᠡᠭᠲᠡᠢ ᠂ ᠮᠣᠩᠭᠤᠯ ᠦᠨᠳᠦᠰᠦᠲᠡᠨ ᠂ 1957.9.29 ᠣ ᠡᠳᠦᠷ ᠠᠷᠤ ᠬᠣᠷᠴᠢᠨ ᠣ ᠬᠤᠨᠲᠤ ᠨᠤᠲᠤᠭ ᠤᠨ ᠪᠠᠢᠴᠠ ᠶ᠋ᠢᠨ ᠠᠢᠯ ᠳ᠋ᠥ ᠡᠪᠴᠢᠭᠦᠴᠢᠨ ᠠᠢᠮᠠᠭ ᠤ᠋ᠨ ᠰᠠᠮᠪᠠᠯ ᠂ ᠲᠠᠯᠤᠳ ᠠᠢᠮᠠᠭ ᠤ᠋ᠨ ᠬᠦᠤᠳᠡᠭᠦᠳᠤ ᠶᠢᠨ ᠤᠤᠭᠠᠨ ᠬᠦᠤ ᠨᠢ ᠪᠣᠯᠵᠤ ᠵᠠᠶᠠᠭᠠᠪᠠ ᠃1964 ︱1969 ᠣᠨ ᠳ᠋ᠥ ᠠᠷᠤ ᠬᠣᠷᠴᠢᠨ ᠬᠣᠰᠢᠭᠤᠨ ᠣ ᠬᠤᠨᠲᠤ ᠨᠢᠭᠡᠳᠦᠯ ᠦ᠋ᠨ ᠶᠠᠩᠼᠢ ᠭᠠᠴᠠᠭᠠᠨ ᠣ ᠪᠠᠭᠠ ᠰᠤᠷᠭᠠᠭᠤᠯᠢ ᠳ᠋ᠥ ᠪᠢᠴᠢᠭ ᠦᠵᠡᠪᠡ ᠃1976 ︱ 1978 ᠳ᠋ᠤᠭᠠᠷ ᠣᠨ ᠳ᠋ᠥ ᠯᠢᠨᠳᠦ᠋ᠩ ᠳ᠋ᠡᠬᠢ ᠪᠠᠭᠰᠢ ᠶᠢᠨ ᠰᠤᠷᠭᠠᠭᠤᠯᠢ ᠳ᠋ᠥ ᠰᠤᠷᠤᠯᠴᠠᠵᠤ ᠂1978 ᠠᠵᠢᠯ ᠤᠨ ᠭᠠᠷᠤᠭᠠ ᠠᠪᠴᠤ ᠂ ᠤᠷᠢᠳ ᠬᠣᠵᠢᠳ ᠪᠠᠶᠨᠬᠤᠸᠠ ᠬᠣᠶᠠᠳᠤᠭᠠᠷ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠂ ᠬᠤᠨᠲᠤ ᠳ᠋ᠠᠬᠢ ᠳᠡᠭᠡᠳᠦ ᠵᠡᠷᠭᠡ ᠶᠢᠨ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠂ ᠬᠤᠨᠲᠤ ᠶᠡᠷᠦᠩᠬᠡᠢ ᠰᠤᠷᠭᠠᠭᠤᠯᠢ ᠳ᠋ᠥ ᠪᠠᠭᠰᠢ ᠶᠢᠨ ᠠᠯᠪᠠ ᠬᠠᠭᠠᠵᠤ ᠂ ᠪᠡᠶᠡ ᠲᠠᠮᠢᠷ ᠂ ᠭᠠᠵᠠᠷ ᠵᠦᠢ ᠶᠢᠨ ᠬᠢᠴᠢᠶᠡᠯ ᠢ ᠵᠢᠭᠠᠵᠤ ᠳᠥᠴᠢᠭᠡᠳ ᠵᠢᠯ ᠠᠵᠢᠯᠯᠠᠭᠠᠳ 2017 ᠣᠨ ᠣ 9 ᠳ᠋ᠤᠭᠡᠷ ᠰᠠᠷᠠ ᠳ᠋ᠥ ᠠᠵᠢᠯ ᠠ᠋ᠴᠠ ᠪᠠᠨ ᠠᠮᠠᠷᠠᠪᠠ ᠃ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠶᠢᠨ ᠳᠡᠭᠡᠳᠦ ᠲᠡᠰ ᠦ᠋ᠨ ᠪᠠᠭᠰᠢ ᠶᠢᠨ ᠴᠣᠯᠠ ᠲᠠᠢ ᠃ ᠲᠡᠦᠬᠡ ᠰᠣᠶᠤᠯ ᠂ ᠤᠷᠠᠨ ᠵᠣᠬᠢᠶᠠᠯ ᠳ᠋ᠥ ᠤᠷᠮᠠ ᠲᠠᠢ ᠂ ᠣᠷᠤᠨ ᠣ ᠳᠣᠲᠤᠨᠠ ᠭᠠᠳᠠᠨᠠᠬᠢ ᠡᠯᠡ ᠲᠥᠷᠦᠯ ᠦ᠋ᠨ ᠰᠣᠨᠢᠨ ᠰᠡᠳᠭᠦᠯ ᠳ᠋ᠥ ᠰᠢᠯᠦᠭ ᠂ ᠨᠠᠢᠷᠠᠭᠤᠯᠤᠯ ᠂ ᠨᠡᠢᠲᠡᠯᠡᠯ ᠂ ᠥᠭᠦᠯᠡᠯ ᠰᠢᠭᠦᠮᠵᠢ ᠵᠡᠷᠭᠡ ᠶᠢ 300 ᠢᠯᠡᠭᠦᠦ ᠬᠤᠪᠢ ᠨᠡᠢᠲᠡᠯᠡᠭᠦᠯᠵᠦ ᠂ ︽ ᠭᠠᠵᠠᠷ ᠤᠰᠤᠨ ᠪᠤᠶᠤ ᠰᠡᠳᠭᠢᠯ ᠦ᠋ᠨ ᠲᠠᠢᠯᠤᠨ ︾ ᠭᠡᠬᠦ ᠰᠢᠯᠦᠭ ᠦ᠋ᠨ ᠲᠡᠭᠦᠪᠦᠷᠢ ᠲᠠᠢ ᠃ ︽ ᠬᠤᠨᠲᠤ ᠶ᠋ᠢᠨ ᠰᠤᠷᠭᠠᠨ ᠬᠥᠮᠦᠵᠢᠯ ᠦ᠋ᠨ ᠣᠢᠯᠠᠯᠭᠠ ︾ ᠂ ︽ ᠬᠤᠨᠲᠤ ᠳ᠋ᠠᠬᠢ ᠳᠡᠭᠡᠳᠦ ᠵᠡᠷᠭᠡ ᠶᠢᠨ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠶᠢᠨ ᠣᠢᠯᠠᠯᠭᠠ ︾ ᠂ ︽ ᠮᠣᠩᠭᠤᠯ ᠬᠠᠭᠠᠨᠲᠤ ᠲᠥᠷᠦ ᠶ᠋ᠢᠨ ᠨᠡᠢᠰᠯᠡᠯ ︱ ᠸᠴᠢᠷᠲᠤ ᠴᠠᠭᠠᠨ ᠬᠤᠳᠠ ︾ ᠵᠡᠷᠭᠡ ᠨᠣᠮ ᠢ᠋ ᠪᠤᠰᠤᠳ ᠲᠠᠢ ᠬᠠᠮᠲᠤᠷᠠᠨ ᠨᠠᠢᠷᠠᠭᠤᠯᠵᠤ ᠂ ︽ ᠠᠷᠤ ᠬᠣᠷᠴᠢᠨ ᠮᠣᠩᠭᠤᠯᠴᠤᠳ ᠤ᠋ᠨ ᠤᠯᠠᠮᠵᠢᠯᠠᠯᠲᠤ ᠣᠷᠤᠨ ᠰᠠᠭᠤᠴᠠ ︾ ᠂ ︽ ᠠᠷᠤ ᠬᠣᠷᠴᠢᠨ ᠮᠣᠩᠭᠤᠯᠴᠤᠳ ᠤ᠋ᠨ ᠤᠯᠠᠮᠵᠢᠯᠠᠯᠲᠤ ᠮᠠᠯ ᠠᠵᠤ ᠠᠬᠤᠢ ᠶ᠋ᠢᠨ ᠲᠤᠬᠠᠢ ᠲᠡᠮᠳᠡᠭᠯᠡᠯ ︾ ᠂ ︽ ᠤᠤ ᠮᠥᠷᠡᠨ ᠭᠣᠣᠯ ᠤ᠋ᠨ ᠰᠠᠪᠠ ᠳᠠᠭᠠᠤ ᠶ᠋ᠢᠨ ᠲᠡᠦᠬᠡ ᠰᠣᠶᠤᠯ ᠤ᠋ᠨ ᠤᠯᠠ ᠮᠥᠷ ︾ ᠵᠡᠷᠭᠡ ᠶᠢ ᠨᠠᠢᠷᠠᠭᠤᠯᠤᠨ ᠡᠮᠬᠢᠳᠭᠡᠵᠦ ᠬᠡᠪᠯᠡᠯ ᠳ᠋ᠥ ᠣᠷᠤᠭᠤᠯᠬᠤ ᠪᠡᠷ ᠪᠤᠢ ᠃ ᠠᠷᠤ ᠬᠣᠷᠴᠢᠨ ᠬᠣᠰᠢᠭᠤᠨ ᠣ ᠮᠣᠩᠭᠤᠯ ᠲᠡᠦᠬᠡ ᠶ᠋ᠢᠨ ᠨᠡᠢᠭᠡᠮᠯᠢᠭ ᠦ᠋ᠨ ᠪᠠᠢᠩᠭᠤ ᠶ᠋ᠢᠨ ᠭᠡᠰᠢᠭᠦᠨ ᠂ ᠥᠪᠦᠷ ᠮᠣᠩᠭᠤᠯ ᠤ᠋ᠨ ᠵᠣᠬᠢᠶᠠᠯᠴᠢᠳ ᠤ᠋ᠨ ᠨᠡᠢᠭᠡᠮᠯᠢᠭ ᠦ᠋ᠨ ᠭᠡᠰᠢᠭᠦᠨ ᠂ ᠤᠯᠠᠭᠠᠨᠬᠠᠳᠠ ᠬᠤᠳᠠ ᠶᠢᠨ ᠵᠠᠰᠠᠭ ᠤᠨ ᠣᠷᠳᠤᠨ ᠣ ︽ ᠦᠨᠳᠦᠰᠦᠲᠡᠨ ᠦ᠌ ᠰᠤᠷᠭᠠᠨ ᠬᠥᠮᠦᠵᠢᠯ ᠦ᠋ᠨ ᠲᠡᠷᠢᠭᠦᠨ ᠣ ᠠᠵᠢᠯᠲᠠᠨ ︾ ᠣ ᠱᠠᠩᠨᠠᠯ ᠂ ︽ ᠬᠥᠳᠡᠭᠡ ᠳ᠋ᠡᠭᠡᠨ ᠣᠴᠢᠨᠠ ᠳ᠋ᠠ ︾ ᠬᠡᠦᠬᠡᠳ ᠦ᠋ᠨ ᠳᠠᠭᠤᠤ ᠨᠢ ᠥᠪᠦᠷ ᠮᠣᠩᠭᠤᠯ ᠤ᠋ᠨ ᠷᠠᠳᠢᠣ᠋ ᠲᠧᠯᠸᠢᠰ ᠬᠣᠷᠢᠶᠠ ᠶ᠋ᠢᠨ ᠭᠤᠷᠪᠠᠳᠤᠭᠠᠷ ᠲᠡᠰ ᠦ᠋ᠨ ᠱᠠᠩᠨᠠᠯ ᠢ ᠬᠦᠷᠲᠡᠪᠡ ᠃ ᠭᠠ ᠮᠥᠩᠬᠡᠳᠡᠯᠭᠡᠷ ᠂ ᠢᠷᠠᠭᠤ ᠨᠠᠢᠷᠠᠭᠴᠢ ᠭᠠᠳᠠᠨ ᠂ ᠮᠠᠯᠴᠢᠨ ᠪᠦᠰᠡᠭᠦᠢ ᠠᠯᠲᠠᠨᠴᠡᠴᠡᠭ ᠣᠨ ᠬᠠᠯᠠᠭᠤᠨ ᠴᠢᠰᠤ ᠪᠦᠯᠢᠶᠡᠨ ᠰᠦᠨ ᠣ ᠦᠷᠭᠦᠯᠵᠢᠯᠡᠯ ᠪᠣᠯᠵᠤ ᠵᠠᠷᠤᠳ ᠬᠣᠰᠢᠭᠤᠨ ᠣ ᠭᠡᠷᠴᠢᠯᠠᠭᠤ ᠰᠤᠮᠤᠨ ᠣ ᠤᠳᠤᠮ ᠨᠤᠲᠤᠭ ᠲᠣ ᠠᠩᠬᠠᠨ ᠣ ᠳᠠᠭᠤ ᠪᠠᠨ ᠬᠠᠲᠠᠭᠠᠵᠠᠢ ᠃ ᠳᠥᠷᠪᠡᠨ ᠴᠠᠭ ᠣᠨ ᠨᠡᠭᠦᠳᠡᠯ ᠲᠠᠢ ᠳᠥᠷᠦᠭᠡᠨ ᠳᠡᠭᠡᠷᠡ ᠪᠡᠨ ᠵᠣᠭᠰᠤᠭᠠᠯ ᠲᠠᠢ ᠬᠥᠮᠦᠨ ᠪᠠᠢᠭᠠᠯᠢ ᠵᠣᠬᠢᠴᠠᠯᠳᠤᠭᠰᠠᠨ ᠬᠦᠮᠡᠯᠢ ᠲᠠᠭᠠᠨᠠ ᠲᠠᠢ ᠪᠠᠨ ᠬᠥᠲᠦᠯᠦᠯᠴᠡᠭᠰᠡᠨ ᠠᠬᠤᠢ ᠲᠠᠩᠰᠤᠭ ᠤᠰᠤ ᠨᠤᠲᠤᠭ ᠨᠢ ᠤᠶᠠᠩᠭᠠ ᠶᠢᠨ ᠬᠠᠷᠠᠭᠠᠨ ᠳ᠋ᠥ ᠨᠢ ᠰᠦ᠋ ᠳᠤᠰᠤᠭᠠᠵᠤ ᠠᠭᠤᠰᠭᠢᠨ ᠣ ᠰᠤᠳᠠᠰᠤᠨ ᠳ᠋ᠥ ᠨᠢ ᠬᠠᠢᠷᠠ ᠢᠪᠢᠯᠭᠡᠵᠦ ᠂ ᠪᠦᠳᠦᠷᠢᠵᠦ ᠤᠨᠠᠭᠠᠭᠰᠠᠨ ᠴᠢᠯᠠᠭᠤ ᠂ ᠪᠤᠲᠠᠨ ᠣ ᠬᠢᠨᠢ ᠰᠢᠷᠬᠡᠭ ᠥᠷᠭᠡᠰᠦ ᠨᠢ ᠬᠦᠷᠲᠡᠯᠡ ᠬᠥᠮᠦᠨ ᠶᠠᠪᠤᠬᠤ ᠶᠢᠨ ᠤᠬᠠᠭᠠ ᠬᠡᠷᠰᠡᠦ ᠨᠠᠰᠤᠨ ᠣ ᠮᠥᠷᠦᠭᠡᠳᠦᠯ ᠪᠣᠯᠵᠤ ᠣᠳᠣ ᠳ᠋ᠥ ᠬᠦᠷᠭᠡᠵᠡᠢ ᠃ ᠢᠯᠠᠩᠭᠤᠶᠠ ᠨᠠᠢᠷᠠᠭᠴᠢ ᠪᠤᠭᠤᠷᠤᠯ ᠠᠪᠤ ᠵᠢᠴᠢ ᠨᠤᠲᠤᠭ ᠤᠰᠤᠨ ᠣ ᠪᠠᠨ ᠤᠯᠠᠨ ᠰᠠᠢᠬᠠᠨ ᠤᠷᠠᠨ ᠪᠦᠲᠦᠭᠡᠯᠴᠢᠳ ᠣᠨ ᠢᠶᠠᠨ ᠨᠥᠯᠦᠭᠡ ᠰᠤᠷᠭᠠᠯ ᠢᠶᠠᠷ ᠢᠷᠠᠭᠤ ᠨᠠᠢᠷᠠᠭ ᠲᠣ ᠬᠥᠲᠦᠯᠦᠭᠳᠡᠵᠦ ᠥᠪᠡᠷ ᠣᠨ ᠢᠶᠠᠨ ᠳᠣᠲᠤᠭᠠᠳᠤ ᠰᠡᠳᠭᠢᠯᠭᠡᠨ ᠣ ᠪᠠᠨ ᠭᠦᠨ ᠤᠷᠤᠭᠤ ᠂ ᠭᠠᠵᠠᠷ ᠣᠨ ᠦᠨᠳᠦᠰᠦ ᠤᠷᠤᠭᠤ ᠂ ᠭᠠᠭᠴᠠᠬᠠᠨ ᠴᠡᠴᠡᠭ ᠤᠷᠭᠤᠬᠤ ᠳ᠋ᠥ ᠮᠢᠩᠭᠠᠨ ᠮᠥᠬᠦᠯᠢᠭ ᠴᠢᠯᠠᠭᠤ ᠬᠡᠪᠲᠡᠷᠢ ᠪᠡᠨ ᠵᠠᠢᠴᠢᠯᠠᠵᠤ ᠥᠭᠳᠡᠭ ᠠᠬᠤᠢ ᠪᠠᠢᠭᠠᠯᠢ ᠶ᠋ᠢᠨ ᠢ᠋ᠶ᠋ᠠᠨ ᠠᠮᠢᠨ ᠰᠦᠨᠡᠰᠦ ᠤᠷᠤᠭᠤ ᠬᠣᠷᠢᠭᠠᠳ ᠵᠢᠯ ᠣᠨ ᠲᠤᠷᠰᠢ ᠡᠬᠡ ᠬᠡᠯᠡᠨ ᠣ ᠪᠠᠨ ᠤᠷᠠᠨ ᠪᠠᠶᠠᠯᠢᠭ ᠢᠶᠠᠷ ᠡᠮᠵᠡᠭ ᠰᠡᠳᠭᠢᠯ ᠣᠨ ᠢᠶᠠᠨ ᠤᠷᠢ ᠳᠠᠭᠤ ᠪᠠᠨ ᠤᠶᠠᠩᠭᠠᠯᠠᠵᠤ ᠢᠷᠡᠬᠦ ᠳ᠋ᠥ ᠪᠠᠨ1991 ᠣᠨ ᠳ᠋ᠥ ᠥᠨᠳᠦᠷ ᠳᠤᠮᠳᠠᠳᠤ ᠳ᠋ᠥ ᠰᠤᠷᠤᠯᠴᠠᠵᠤ ᠪᠠᠢᠬᠤ ᠳ᠋ᠥ ᠪᠠᠨ ︽ ᠰᠢᠷᠠ ᠪᠦᠷᠦᠢ ︾ ᠬᠡᠮᠡᠬᠦ ᠰᠢᠯᠦᠭ ᠢ᠋ᠶ᠋ᠡᠨ ︽ ᠵᠢᠷᠢᠮ ᠣᠨ ᠰᠣᠨᠢᠨ ︾ ᠳ᠋ᠥ ᠠᠩᠬᠠᠯᠠᠨ ᠨᠡᠢᠲᠡᠯᠡᠭᠦᠯᠦᠭᠰᠡᠨ ᠡᠴᠡ ᠨᠠᠭᠠᠰᠢ ᠣᠷᠤᠨ ᠠᠢᠮᠠᠭ ᠣᠨ ᠰᠣᠨᠢᠨ ᠰᠡᠳᠭᠦᠯ ᠤᠳ ᠢ᠋ᠶ᠋ᠠᠷ ᠠᠯᠳᠠᠭ ᠤᠨᠤᠭ ᠨᠡᠢᠲᠡᠯᠡᠭᠦᠯᠦᠭᠰᠡᠭᠡᠷ ᠢᠷᠡᠵᠡᠢ ᠃ ᠡᠨᠡ ᠲᠠᠰᠢᠷᠠᠮ ᠢᠶᠠᠷ ︽ ᠲᠡᠭᠷᠢ ᠶᠢᠨ ᠪᠤᠲᠤᠭᠤ ︾ ︽ ᠴᠢᠩᠭᠢᠰ ᠣᠨ ᠠᠯᠲᠠᠨ ᠲᠡᠪᠰᠢ ︾ ︽ ᠮᠥᠩᠬᠡ ᠤᠷᠤᠰᠭᠠᠯ ︾ ︽ ᠪᠦᠦᠪᠡᠢ ᠳᠡᠯᠡᠬᠡᠢ ︾ ᠂ ᠂ ᠂ ᠭᠡᠬᠦ ᠮᠡᠲᠦ ᠶᠢᠨ ᠤᠯᠤᠰ ᠣᠷᠤᠨ ᠠᠢᠮᠠᠭ ᠣᠨ ᠳᠡᠰ ᠣᠨ ᠤᠯᠠᠨ ᠰᠠᠢᠬᠠᠨ ᠮᠥᠷᠦᠢᠴᠡᠭᠡᠨ ᠢ᠋ᠶ᠋ᠡᠷ ᠢᠷᠠᠭᠤ ᠨᠠᠢᠷᠠᠭ ᠣᠨ ᠰᠣᠷᠢᠭᠠ ᠲᠠᠯᠪᠢᠵᠤ ᠳᠦᠷᠦᠭᠡ ᠴᠢᠩᠭᠠᠯᠠᠵᠤ ᠶᠠᠪᠤᠭᠰᠠᠨ ᠤᠷᠮᠠᠰᠢᠯ ᠲᠠᠢ ᠪᠢᠯᠡ ᠃ ︽ ᠠᠳᠤᠭᠤᠨ ᠣ ᠲᠠᠮᠠᠭᠠ ︾ ᠬᠡᠮᠡᠬᠦ ᠰᠢᠯᠦᠭ ᠣᠨ ᠨᠣᠮ ᠲᠠᠢ ᠃ ︽ ᠮᠣᠩᠭᠤᠯ ᠠ᠋ᠴᠠ ᠥᠭᠡᠷᠡ ᠰᠡᠳᠭᠢᠯ ᠦᠭᠡᠢ ᠰᠣᠶᠤᠯ ᠠ᠋ᠴᠠ ᠥᠭᠡᠷᠡ ᠠᠪᠤᠷᠠᠯ ᠦᠭᠡᠢ ︾ ᠬᠡᠮᠡᠬᠦ ᠭᠠᠭᠴᠠ ᠵᠢᠯᠤᠭᠤᠨ ᠳ᠋ᠥ ᠰᠣᠢᠭᠳᠠᠭᠰᠠᠨ ᠬᠦᠰᠡᠯ ᠳ᠋ᠥ ᠪᠠᠨ ᠬᠥᠲᠦᠯᠦᠭᠳᠡᠵᠦ ᠣᠳᠣ ᠭᠡᠷᠴᠢᠯᠠᠭᠤ ᠰᠤᠷᠭᠠᠭᠤᠯᠢ ᠶᠢᠨ ᠮᠣᠩᠭᠤᠯ ᠬᠡᠯᠡᠨ ᠣ ᠪᠠᠭᠰᠢ ᠶᠢᠨ ᠭᠠᠷᠤᠭᠠᠨ ᠳ᠋ᠥ ᠢᠷᠠᠭᠤ ᠨᠠᠢᠷᠠᠭ ᠲᠠᠢ ᠪᠠᠨ ᠬᠠᠮᠲᠤ ᠳᠦᠩᠭᠦᠷ ᠳᠠᠩᠭᠠᠷ ᠭᠡᠯᠴᠡᠵᠦ ᠂ ᠢᠷᠡᠬᠦ ᠴᠠᠭ ᠣᠨ ᠡᠵᠡᠳ︱ ᠰᠤᠷᠤᠭᠴᠢᠳ ᠲᠠᠢ ᠪᠠᠨ ᠬᠠᠩᠭᠢᠷ ᠵᠢᠩᠭᠢᠷ ᠵᠢᠷᠭᠢᠵᠦ ᠶᠠᠪᠤᠭᠠ ᠃
Copyight 2016 by nmgmzw.gov.cn All Rights Reserved
