ᠨᠡᠷᠡ：
ᠫᠣᠩᠰᠤᠭ ᠤ᠋ᠨ ᠣᠶᠤᠨᠭᠡᠷᠡᠯ
ᠴᠢᠨᠠᠷ ᠤᠨ ᠢᠯᠭᠠᠯ：
ᠨᠢᠭᠤᠴᠠ
ᠬᠠᠷᠢᠯᠴᠠᠬᠤ ᠬᠡᠯᠪᠡᠷᠢ：
ᠵᠣᠬᠢᠶᠠᠭᠴᠢ ᠶᠢᠨ ᠲᠠᠨᠢᠯᠴᠠᠭᠤᠯᠭᠠ：
ᠫᠣᠩᠰᠤᠭ ᠤ᠋ᠨ ᠣᠶᠤᠨᠭᠡᠷᠡᠯ ᠂ 1956 ᠣᠨ ᠤ᠋ 2 ᠰᠠᠷᠠᠢᠨ 14 ᠤ ᠡᠳᠦᠷ ᠂ ᠰᠢᠯᠢ ᠶᠢᠨ ᠭᠣᠣᠯ ᠠᠢᠮᠠᠭ ᠤ᠋ᠨ ᠠᠪᠠᠭᠠ ᠬᠣᠰᠢᠭᠤᠨ ᠤ᠋ ᠤᠤᠯ ᠤᠨ ᠴᠠᠩᠬᠡᠯᠪᠤᠯᠠᠭ ᠰᠤᠮᠤᠨ ᠤ᠋ ᠴᠡᠩᠭᠡᠯ ᠭᠠᠴᠠᠭᠠᠨ ᠤ ᠪᠣᠷᠵᠢᠭᠢᠨ ᠣᠪᠤᠭᠲᠤ ᠴᠠᠡᠷᠠᠪ ᠤᠨ ᠫᠣᠩᠰᠤᠭ ᠂ ᠬᠠᠯᠬᠠ ᠤᠳᠤᠮ ᠤᠨ ᠲᠠᠷᠢᠰᠦ᠋ᠷᠦᠩ ᠬᠤᠶᠠᠷ ᠤᠨ ᠳᠥᠷᠪᠡᠳᠡᠬᠢ ᠥᠬᠢᠨ ᠦᠷᠡ ᠪᠣᠯᠵᠤ ᠵᠠᠶᠠᠭᠠᠵᠠᠢ ᠃ 1976 ᠣᠨ ᠳ᠋ᠥ ᠰᠢᠯᠢ ᠶᠢᠨ ᠭᠣᠣᠯ ᠠᠢᠮᠠᠭ ᠤ᠋ᠨ ᠪᠠᠭᠰᠢ ᠶᠢᠨ ᠰᠤᠷᠭᠠᠭᠤᠯᠢ ᠠ᠋ᠴᠠ ᠲᠡᠭᠦᠰᠴᠦ ᠂ ᠪᠠᠷᠠᠭᠤᠨ ᠦᠵᠦᠮᠦᠴᠢᠨ ᠬᠣᠰᠢᠭᠤᠨ ᠳ᠋ᠥ ᠠᠵᠢᠯ ᠤᠨ ᠬᠤᠪᠢᠶᠠᠷᠢ ᠠᠪᠴᠤ ᠠᠷᠠᠳ ᠤᠨ ᠪᠠᠭᠰᠢ ᠶᠢᠨ ᠬᠠᠷᠢᠭᠤᠴᠠᠯᠭᠠ ᠶᠢ ᠡᠭᠦᠷᠭᠡᠯᠡᠵᠡᠢ ᠃ 1976 ᠣᠨ ︱ 1987 ᠣᠨ ᠬᠦᠷᠲᠡᠯᠡ ᠪᠠᠷᠠᠭᠤᠨ ᠦᠵᠦᠮᠦᠴᠢᠨ ᠬᠣᠰᠢᠭᠤᠨ ᠤ᠋ ᠬᠠᠷᠭᠠᠨᠠᠲᠠᠢ ᠂ ᠰᠣᠩᠬᠢᠡᠡᠠᠭᠤᠯᠠ ᠵᠡᠷᠭᠡ ᠦᠨᠳᠦᠰᠦᠨ ᠱᠠᠲᠤᠨ ᠤ᠋ ᠪᠠᠭᠠ ᠰᠤᠷᠭᠠᠭᠤᠯᠢ ᠳ᠋ᠥ ᠪᠠᠭᠰᠢᠯᠠᠵᠤ ᠂ 1987 ᠣᠨ ︱ 2012 ᠣᠨ ᠬᠦᠷᠲᠡᠯᠡ ᠬᠣᠰᠢᠭᠤᠨ ᠤ᠋ ᠪᠠᠨ ᠮᠣᠩᠭᠤᠯ ᠦᠨᠳᠦᠰᠦᠲᠡᠨ ᠦ᠌ ᠨᠢᠭᠡᠳᠦᠭᠡᠷ ᠪᠠᠭᠠ ᠰᠤᠷᠭᠠᠭᠤᠯᠢ ᠳ᠋ᠥ ᠠᠵᠢᠯ ᠤᠨ ᠠᠮᠠᠷᠠᠯᠲᠠ ᠪᠠᠨ ᠠᠪᠲᠠᠯᠠ ᠠᠵᠢᠯᠯᠠᠵᠠᠢ ᠃ ᠳᠥᠴᠢ ᠰᠢᠬᠠᠮ ᠬᠠᠪᠤᠷ ᠨᠠᠮᠤᠷ ᠢ ᠲᠤᠭᠤᠯᠤᠨ ᠥᠩᠭᠡᠷᠡᠭᠦᠯᠬᠦ ᠳ᠋ᠡᠭᠡᠨ ᠰᠤᠷᠭᠠᠨ ᠬᠥᠮᠦᠵᠢᠯ ᠦ᠋ᠨ ᠦᠢᠯᠡᠰ ᠦ᠋ᠨ ᠲᠥᠯᠦᠭᠡ ᠨᠠᠰᠤᠨ ᠲᠤᠷᠰᠢᠳᠠ ᠵᠢᠳᠭᠦᠨ ᠠᠵᠢᠯᠯᠠᠵᠤ ᠂ ᠮᠣᠩᠭᠤᠯ ᠬᠡᠯᠡ ᠂ ᠤᠷᠠᠨ ᠵᠣᠬᠢᠶᠠᠯ ᠤ᠋ᠨ ᠦᠢᠯᠡᠰ ᠲᠣ ᠭᠠᠷᠮᠠᠭᠠᠢ ᠬᠤᠪᠢ ᠨᠡᠮᠡᠷᠢ ᠦᠵᠡᠭᠦᠯᠦᠭᠰᠡᠨ ᠂ ᠨᠡᠷᠡ ᠬᠥᠨᠳᠦᠲᠦ ᠰᠤᠷᠭᠠᠨ ᠬᠥᠮᠦᠵᠢᠯ ᠦ᠋ᠨ ᠵᠢᠳᠭᠦᠯᠲᠡᠨ ᠶᠤᠮ ᠃ ᠲᠡᠷᠡᠪᠡᠷ ᠭᠠᠷᠭᠠᠨ ᠪᠠᠭᠠ ᠠᠴᠠ ᠪᠠᠨ ᠨᠣᠮ ᠪᠢᠴᠢᠭ ᠢ᠋ ᠳᠡᠭᠡᠳᠦᠯᠡᠵᠦ ᠂ ᠴᠥᠬᠦᠷᠡᠯ ᠦᠭᠡᠢ ᠴᠢᠷᠮᠠᠢᠨ ᠰᠤᠷᠤᠯᠴᠠᠳᠠᠭ ᠰᠠᠢᠬᠠᠨ ᠳᠠᠳᠭᠠᠯ ᠲᠠᠢ ᠂ ᠤᠷᠠᠨ ᠵᠣᠬᠢᠶᠠᠯ ᠳ᠋ᠥ ᠠᠪᠢᠶᠠᠰᠤᠯᠢᠭ ᠪᠠᠢᠵᠤ ᠂ ᠪᠠᠭᠠ ᠵᠠᠯᠠᠭᠤ ᠨᠠᠰᠤᠨ ᠠ᠋ᠴᠠ ᠪᠠᠨ ᠡᠬᠢᠯᠡᠨ ᠤᠷᠠᠨ ᠵᠣᠬᠢᠶᠠᠯ ᠣᠷᠤᠯᠳᠤᠵᠤ ᠡᠬᠢᠯᠡᠵᠡᠢ ᠃ 1990 ᠣᠨ ᠳ᠋ᠥ ᠂ ᠠᠩᠬᠠᠨ ᠤ ᠨᠠᠢᠷᠠᠭᠤᠯᠤᠯ ︽ ᠲᠡᠷᠡ ᠦᠳᠡᠰᠢ ᠶᠢᠨ ᠰᠠᠷᠠ ︾ ᠂ ︽ ᠳᠠᠭᠤᠰᠤᠰᠢ ᠦᠭᠡᠢ ᠠᠮᠢᠳᠤᠷᠠᠯ ︾ ᠭᠡᠬᠦ ᠥᠭᠦᠯᠡᠯᠭᠡ ᠪᠡᠨ ︽ ᠦᠵᠦᠮᠦᠴᠢᠨ ᠰᠡᠳᠭᠦᠯ ︾ ᠳ᠋ᠥ ᠪᠠᠨ ᠨᠡᠢᠲᠡᠯᠡᠭᠦᠯᠵᠦ ᠤᠷᠠᠨ ᠵᠣᠬᠢᠶᠠᠯ ᠤ᠋ᠨ ᠠᠩᠬᠠᠨ ᠤ ᠠᠶᠠᠨ ᠢᠶᠠᠨ ᠡᠬᠢᠯᠡᠭᠦᠯᠦᠭᠰᠡᠨ ᠡᠴᠡ ᠠᠪᠤᠭᠠᠳ ᠠᠢᠮᠠᠭ ᠂ ᠣᠷᠤᠨ ᠤ᠋ ᠲᠠᠰ ᠤᠨ ᠰᠣᠨᠢᠨ ᠰᠡᠳᠭᠦᠯ ᠨᠤᠭᠦᠳ ᠲᠣ ᠨᠠᠢᠷᠠᠭᠤᠯᠤᠯ ᠂ ᠥᠭᠦᠯᠡᠯᠭᠡ ᠂ ᠲᠤᠭᠤᠵᠢ ᠂ ᠷᠣᠮᠠᠨ ᠤ᠋ ᠵᠣᠬᠢᠶᠠᠯ ᠢ᠋ᠶ᠋ᠠᠨ ᠵᠠᠭᠤ ᠭᠠᠷᠤᠢ ᠪᠦᠲᠦᠭᠡᠯ ᠢ᠋ᠶ᠋ᠡᠨ ᠨᠡᠢᠲᠡᠯᠡᠭᠦᠯᠵᠦ ᠂ ︽ ᠬᠤᠨ ᠭᠠᠯᠠᠭᠤ ︾ ᠂ ︽ ᠵᠠᠯᠠᠭᠤᠴᠤᠳ ︾ ᠂ ︽ ᠴᠣᠮᠣᠷᠯᠢᠭ ︾ ᠂ ︽ ᠥᠨᠢᠷ ᠴᠡᠴᠡᠭ ︾ ᠵᠡᠷᠭᠡ ᠰᠡᠳᠭᠦᠯ ᠦ᠋ᠨ ᠬᠣᠷᠢᠶᠠ ᠠ᠋ᠴᠠ ᠡᠷᠬᠢᠯᠡᠨ ᠶᠠᠪᠤᠭᠳᠠᠭᠤᠯᠤᠭᠰᠠᠨ ᠨᠠᠢ᠍ᠮᠠᠨ ᠮᠤᠵᠢ ᠣᠷᠤᠨ ᠤ᠋ ᠨᠠᠢᠷᠠᠭᠤᠯᠤᠯ ᠥᠭᠦᠯᠡᠯᠭᠡ ᠶ᠋ᠢᠨ ᠤᠷᠤᠯᠳᠤᠭᠠᠨ ᠳ᠋ᠥ ︽ ᠠᠪᠤ ᠶᠢᠨ ᠳᠦᠷᠢ ᠲᠠᠢ ᠡᠭᠦᠯᠡ ︾ ᠂ ︽ ᠨᠠᠰᠤᠨ ᠳ᠋ᠠᠭᠠᠨ ᠪᠢᠴᠢᠭᠰᠡᠨ ᠵᠠᠬᠢᠳᠠᠯ ︾ ᠂ ︽ ᠬᠠᠷᠠ ᠨᠢᠳᠦᠨ ᠬᠤᠷᠠᠭᠠ ᠬᠢᠭᠡᠳ ᠰᠢᠷᠠ ᠨᠢᠳᠦᠨ ᠥᠬᠢᠨ ︾ ᠂ ︽ ᠥᠨᠦᠴᠢᠨ ᠤᠨᠠᠭᠠᠨ ᠤ ᠦᠦᠷᠰᠡᠯ ︾ ᠵᠡᠷᠭᠡ ᠥᠭᠦᠯᠡᠯᠭᠡ ᠨᠠᠢᠷᠠᠭᠤᠯᠤᠯ ᠤ᠋ᠨ ᠵᠣᠬᠢᠶᠠᠯ ᠨᠢ ᠬᠣᠶᠠᠳᠤᠭᠠᠷ ᠂ ᠭᠤᠷᠪᠠᠳᠤᠭᠠᠷ ᠲᠠᠰ ᠂ ᠰᠢᠯᠢᠳᠡᠭ ᠲᠠᠰ ᠲᠣ ᠰᠢᠯᠭᠠᠷᠠᠵᠤ ᠪᠠᠢᠭᠰᠠᠨ ᠃ ᠨᠡᠯᠢᠶᠡᠳ ᠨᠥᠯᠦᠭᠡ ᠲᠠᠢ ᠵᠣᠬᠢᠶᠠᠯ ᠠ᠋ᠴᠠ ᠳᠤᠷᠠᠳᠬᠤ ᠳ᠋ᠥ ᠄ ︽ ᠰᠦᠨᠡᠰᠦᠨ ᠦ᠌ ᠨᠢᠳᠦ ︾ ︵ ᠥᠭᠦᠯᠡᠯᠭᠡ ︶ ᠂ ︽ ᠨᠤᠲᠤᠭ ︾ ︵ ᠥᠭᠦᠯᠡᠯᠭᠡ ︶ ᠂ ︽ ᠠᠷᠭᠠᠯ ᠲᠠᠢ ᠨᠤᠲᠤᠭ ᠤ᠋ᠨ ᠠᠭᠠᠷ ᠴᠡᠯᠮᠡᠭ ︾ ︵ ᠨᠠᠢᠷᠠᠭᠤᠯᠤᠯ ︶ ᠨᠤᠭᠤᠳ ᠨᠢ ᠤᠩᠰᠢᠭᠴᠢᠳ ᠤᠨ ᠳᠤᠮᠳᠠ ᠨᠡᠯᠢᠶᠡᠳ ᠨᠥᠯᠦᠭᠡ ᠲᠤᠰᠭᠠᠯ ᠲᠠᠢ ᠪᠠᠢᠳᠠᠭ ᠃ 2017 ᠣᠨ ᠤ᠋ ᠠᠷᠪᠠᠨ ᠰᠠᠷᠠ ᠳ᠋ᠥ ᠂ ᠠᠩᠬᠠᠨ ᠤ ᠷᠣᠮᠠᠨ ︱ ︽ ᠡᠯᠡᠰᠦᠨ ᠳ᠋ᠥ ᠪᠤᠯᠠᠭᠳᠠᠭᠰᠠᠨ ᠰᠤᠪᠤᠳ ︾ ᠪᠣᠯᠤᠨ ᠡᠮᠬᠢᠳᠭᠡᠯ ᠲᠡᠭᠦᠪᠦᠷᠢ ︽ ᠠᠪᠤ ᠶᠢᠨ ᠳᠦᠷᠢ ᠲᠠᠢ ᠡᠭᠦᠯᠡ ︾ ᠵᠣᠬᠢᠶᠠᠯ ᠢᠶᠠᠨ ︵ ᠠᠷᠠᠳ ᠤᠨ ᠬᠡᠪᠯᠡᠯ ᠦ᠋ᠨ ᠬᠣᠷᠢᠶᠠ ︶ ᠬᠡᠪᠯᠡᠭᠦᠯᠪᠡ ᠃ ︽ ᠡᠯᠡᠰᠦᠨ ᠳ᠋ᠥ ᠪᠤᠯᠠᠭᠳᠠᠭᠰᠠᠨ ᠰᠤᠪᠤᠳ ︾ ᠷᠣᠮᠠᠨ ᠨᠢ ᠤᠩᠰᠢᠭᠴᠢᠳ ᠤᠨ ᠬᠠᠯᠠᠭᠤᠨ ᠬᠦᠷᠢᠶᠡᠯᠡᠯ ᠢ᠋ ᠣᠯᠵᠤ ᠨᠥᠯᠦᠭᠡ ᠲᠤᠰᠭᠠᠯ ᠰᠠᠢᠲᠠᠢ ᠪᠦᠲᠦᠭᠡᠯ ᠦ᠋ᠨ ᠨᠢᠭᠡᠨ ᠪᠣᠯᠵᠠᠢ ᠃ ᠲᠡᠭᠦᠨ ᠦ᠌ ᠪᠦᠲᠦᠭᠡᠯ ᠨᠢ ᠬᠡᠯᠡ ᠬᠡᠯᠡᠯᠭᠡ ᠤᠷᠤᠰᠤᠮᠠ ᠰᠠᠢᠬᠠᠨ ᠂ ᠡᠬᠡᠯ ᠪᠣᠷᠤᠭᠵᠢᠭᠤᠨ ᠂ ᠤᠷᠠᠨ ᠳᠦᠷᠰᠦᠯᠢᠭ ᠂ ᠡᠬᠡᠯ ᠠᠮᠢᠳᠤᠷᠠᠯ ᠤ᠋ᠨ ᠪᠣᠷᠤ ᠵᠢᠷᠤᠭ ᠢ ᠳᠦᠷᠰᠦᠯᠢᠭ ᠤᠷᠠᠨ ᠢᠯᠡᠳᠭᠡᠵᠦ ᠴᠢᠳᠠᠳᠠᠭ ᠃ ᠥᠪᠡᠷ ᠦ᠋ᠨ ᠭᠡᠰᠡᠨ ᠥᠪᠡᠷᠮᠢᠴᠡ ᠬᠡᠪ ᠨᠠᠮᠪᠠ ᠪᠠᠷ ᠢᠶᠠᠨ ᠪᠤᠰᠤᠳ ᠠ᠋ᠴᠠ ᠣᠨᠴᠠᠯᠢᠭᠳᠠᠨᠠ ᠃ ᠫ ᠂ ᠣᠶᠤᠨᠭᠡᠷᠡᠯ ᠪᠠᠭᠰᠢ ᠪᠣᠯ ᠴᠥᠭᠡᠨ ᠪᠣᠯᠪᠠᠴᠤ ᠳᠣᠷᠪᠢᠯᠢᠭ ᠂ ᠴᠢᠨᠠᠷᠯᠢᠭ ᠤᠷᠠᠨ ᠪᠦᠲᠦᠭᠡᠯ ᠲᠠᠢ ᠠᠷᠠᠳ ᠤᠯᠠᠨ ᠳ᠋ᠥ ᠪᠠᠨ ᠲᠠᠨᠢᠭᠳᠠᠨ ᠮᠡᠳᠡᠷᠡᠭᠳᠡᠵᠦ ᠪᠠᠢᠭᠠ ᠤᠷᠠᠨ ᠪᠦᠲᠦᠭᠡᠯᠴᠢ ᠶ᠋ᠢᠨ ᠨᠢᠭᠡᠨ ᠪᠣᠯᠬᠤ ᠶᠤᠮ ᠃ ᠮᠥᠨᠴᠦ ᠦᠨᠳᠦᠰᠦᠲᠡᠨ ᠦ᠌ ᠬᠡᠯᠡ ᠰᠣᠶᠤᠯ ᠤ᠋ᠨ ᠦᠢᠯᠡᠰ ᠲᠣ ᠵᠠᠵᠢᠨ ᠦᠰᠦ ᠪᠡᠨ ᠴᠠᠢᠲᠠᠯᠠ ᠵᠢᠳᠭᠦᠵᠦ ᠂ ᠡᠳᠦᠭᠡ ᠠᠵᠢᠯ ᠠᠴᠠ ᠪᠠᠨ ᠳᠠᠷᠬᠠᠯᠠᠭᠳᠠᠭᠰᠠᠨ ᠪᠣᠯᠪᠠᠴᠤ ᠰᠣᠶᠤᠯ ᠰᠤᠷᠭᠠᠨ ᠬᠥᠮᠦᠵᠢᠯ ᠤᠨ᠋ ᠦᠢᠯᠠᠰ ᠲᠣ ᠪᠡᠶᠡ ᠰᠡᠳᠭᠢᠯ ᠢ᠋ᠶ᠋ᠡᠨ ᠵᠦᠳᠡᠭᠡᠨ ᠠᠵᠢᠯᠯᠠᠭᠰᠠᠭᠠᠷ ᠪᠠᠢᠭᠠ ᠃ ︽ ᠤᠩᠰᠢᠵᠤ ᠰᠤᠷᠤᠯᠴᠠᠬᠤ ᠤᠷᠠᠯᠠᠵᠤ ᠪᠦᠲᠦᠭᠡᠬᠦ ︾ ᠦᠢᠯᠡᠰ ᠢ᠋ᠶ᠋ᠡᠨ ᠦᠷᠭᠦᠯᠵᠢᠯᠡᠭᠦᠯᠦᠭᠰᠡᠭᠡᠷ ᠪᠠᠢᠨᠠ ᠡ ᠃
Copyight 2016 by nmgmzw.gov.cn All Rights Reserved
