ᠨᠡᠷᠡ：
ᠳ᠋ᠠ ᠂ ᠳ᠋ᠣᠫᠠ
ᠴᠢᠨᠠᠷ ᠤᠨ ᠢᠯᠭᠠᠯ：
ᠨᠢᠭᠤᠴᠠ
ᠬᠠᠷᠢᠯᠴᠠᠬᠤ ᠬᠡᠯᠪᠡᠷᠢ：
ᠵᠣᠬᠢᠶᠠᠭᠴᠢ ᠶᠢᠨ ᠲᠠᠨᠢᠯᠴᠠᠭᠤᠯᠭᠠ：
ᠳ᠋ᠠ ᠂ ᠳ᠋ᠣᠫᠠ 1967 ᠣᠨ ᠣ 6 ᠰᠠᠷᠠ ᠶᠢᠨ 25 ᠡᠳᠦᠷ ᠰᠢᠨᠵᠢᠶᠠᠩ ᠣᠨ ᠢᠯᠢ ᠵᠧᠦ ᠶᠢᠨ ᠮᠣᠩᠭᠣᠯᠬᠦᠢᠷᠢᠶᠡ ᠰᠢᠶᠠᠨ ᠣ ᠲᠠᠷᠪᠤᠵᠢ ᠭᠡᠳᠡᠭ ᠥᠯᠵᠡᠢᠲᠡᠢ ᠭᠠᠵᠠᠷ ᠳ᠋ᠣᠭᠤᠯᠵᠠᠪ ᠤᠨ ᠳ᠋ᠠᠸᠠᠴᠡᠷᠡᠨ ᠪᠣᠯᠣᠨ ᠰᠠᠨᠵᠠᠢ ᠶᠢᠨ ᠫᠦᠵᠡᠢ ᠶᠢᠨ ᠳᠥᠷᠪᠡᠳᠦᠭᠡᠷ ᠬᠦᠦ ᠪᠣᠯᠤᠨ ᠵᠠᠶᠠᠭᠠᠭᠳᠠᠵᠠᠢ ᠃ 1988 ᠣᠨ ᠣ 7 ᠰᠠᠷᠠ ᠳ᠋ᠤ᠌ ᠰᠢᠨᠵᠢᠶᠠᠩ ᠤᠨ ᠮᠣᠩᠭᠤᠯ ᠪᠠᠭᠰᠢ ᠶᠢᠨ ᠰᠤᠷᠭᠠᠭᠤᠯᠢ ᠡᠴᠡ ᠰᠤᠷᠤᠯᠭᠠ ᠲᠡᠭᠦᠰᠭᠡᠵᠦ ᠮᠣᠩᠭᠣᠯᠬᠦᠢᠷᠢᠶᠡ ᠰᠢᠶᠠᠨ ᠣ ᠦᠢᠯᠡᠳᠪᠦᠷᠢ ᠬᠤᠳᠠᠯᠳᠤᠭᠠ ᠵᠠᠰᠠᠭ ᠵᠠᠬᠢᠷᠭᠠᠨ ᠣ ᠬᠠᠮᠢᠶᠠᠷᠤᠯᠲᠠ ᠶᠢᠨ ᠲᠣᠪᠴᠢᠶᠠ ᠳ᠋ᠥ ᠠᠵᠢᠯ ᠣᠨ ᠬᠤᠪᠢᠶᠠᠷᠢ ᠠᠪᠴᠤ ᠣᠳᠣ ᠪᠣᠯᠲᠠᠯᠠ ᠪᠦᠬᠦᠯᠢ ᠠᠮᠢ ᠨᠠᠰᠤ ᠨᠢ ᠪᠡᠨ ᠬᠠᠪᠤᠷ ᠵᠣᠨ ᠢ ᠡᠯᠡᠭᠡᠵᠦ ᠣᠳᠣ ᠳᠡᠳ᠋ ᠡᠷᠬᠢᠯᠡᠭᠴᠢ ᠶᠢᠨ ᠠᠯᠪᠠᠲᠠᠨ ᠣ ᠠᠯᠳᠠᠷ ᠵᠢᠷᠤᠮᠲᠤ ᠡᠭᠦᠷᠭᠡ ᠶᠢ ᠡᠭᠦᠷᠭᠡᠯᠡᠵᠦ ᠠᠵᠢᠯᠯᠠᠵᠤ ᠪᠣᠢ ᠃ ᠳ᠋ᠠ ᠂ ᠳ᠋ᠣᠫᠠ 1984 ᠣᠨ ᠳ᠋ᠤ᠌ ︽ ᠮᠢᠨᠤ ᠵᠣᠷᠢᠭ ︾ ᠬᠡᠮᠡᠬᠦ ᠤᠤᠭᠠᠨ ᠰᠢᠯᠦᠭ ᠢᠶᠡᠨ ︽ ᠰᠢᠨᠵᠢᠶᠠᠩ ᠤᠨ ᠡᠳᠦᠷ ᠦᠨ ᠰᠣᠨᠢᠨ ︾ ᠳ᠋ᠤ᠌ ᠨᠡᠶᠢᠳᠡᠭᠦᠯᠦᠭᠰᠠᠨ ᠡᠴᠡ ᠠᠪᠤᠭᠠᠳ ᠣᠳᠣ ᠬᠦᠷᠲᠡᠯᠡ ᠤᠯᠤᠰ ᠤᠨ ᠳᠣᠲᠣᠭᠠᠳᠤ ᠶᠢᠨ ᠮᠣᠩᠭᠤᠯ ᠰᠣᠨᠢᠨ ᠰᠡᠳᠭᠦᠯ ᠳᠡᠭᠡᠷᠡ 100 ᠭᠠᠷᠤᠢ ᠰᠢᠯᠦᠭ ᠂ ᠥᠭᠦᠯᠡᠯᠭᠡ ᠂ ᠨᠠᠢᠷᠠᠭᠤᠯᠤᠯ ᠂ ᠡᠷᠳᠡᠮ ᠰᠢᠨᠵᠢᠯᠡᠭᠡᠨ ᠣ ᠥᠭᠦᠯᠡᠯ ᠂ ᠠᠶᠠᠯᠠᠯ ᠤᠨ ᠲᠡᠮᠳᠡᠭᠯᠡᠯ ᠂ ᠱᠣᠭ ᠶᠦᠮᠦᠷ ᠵᠡᠷᠭᠡ ᠣᠯᠠᠨ ᠰᠲ᠋ᠢᠯᠢ ᠶᠢᠨ ᠵᠣᠬᠢᠶᠠᠯ ᠪᠦᠲᠦᠭᠡᠯ ᠢ᠋ᠶ᠋ᠡᠨ ᠨᠡᠢᠲᠡᠯᠡᠵᠡᠢ ᠃ ᠡᠭᠦᠨ ᠣ ᠬᠠᠮᠲᠤ ᠪᠠᠰᠠ ᠨᠠᠮ ᠤᠨ ᠰᠣᠨᠢᠨ ᠰᠡᠳᠭᠦᠯ ᠂ ᠰᠣᠨᠢᠨ ᠮᠡᠳᠡᠭᠡ ᠨᠢ ᠵᠣᠪᠬᠢᠰ ᠲᠤ᠌ ᠦᠷᠭᠦᠯᠵᠢ ᠶᠢᠨ ᠴᠢᠨᠡᠷ ᠲᠠᠢ ᠢᠳᠡᠪᠬᠢᠲᠡᠢ ᠲᠠᠢ ᠪᠠᠷ 3000 ᠭᠠᠷᠤᠢ ᠬᠤᠪᠢ ᠰᠣᠨᠢᠨ ᠮᠡᠳᠡᠭᠡᠨ ᠣ ᠡᠬᠡ ᠪᠢᠴᠢᠭ ᠢᠯᠡᠭᠡᠵᠦ ᠨᠢᠭᠡ ᠬᠡᠰᠡᠭ ᠴᠢᠮᠡᠭᠡ ᠴᠢᠮᠡᠭᠡᠯᠡᠯ ᠨᠢ ︽ ᠰᠢᠨᠵᠢᠶᠠᠩ ᠤᠨ ᠡᠳᠦᠷ ᠦᠨ ᠰᠣᠨᠢᠨ ︾ ᠪᠠ ︽ ᠰᠢᠨᠵᠢᠶᠠᠩ ᠤᠨ ᠠᠷᠠᠳ ᠤᠨ ᠷᠠᠳᠢᠣ᠋ ᠬᠣᠷᠢᠶᠠ ︾ ᠤ ᠨᠢᠭᠡ ᠂ ᠬᠣᠶᠠᠷ ᠂ ᠭᠤᠷᠪᠠᠳᠤᠭᠠᠷ ᠳᠡᠰ ᠦᠨ ᠰᠢᠯᠢᠳᠡᠭ ᠴᠢᠮᠡᠭᠡᠯᠡᠯ ᠦᠨ ᠦᠷᠲᠡᠭᠯᠡᠯ ᠳ᠋ᠥ ᠬᠦᠷᠲᠡᠭᠰᠡᠨ ᠪᠠᠢᠨᠠ ᠃ ᠮᠥᠨ ᠴᠦ ᠥᠪᠡᠷ ᠦ᠋ᠨ ᠪᠡᠶᠡ ᠪᠠᠷ ᠢ᠋ᠶ᠋ᠡᠨ ᠰᠢᠯᠢᠳᠡᠭ ᠴᠢᠮᠡᠭᠡᠴᠢ ᠂ ᠰᠢᠯᠢᠳᠡᠭ ᠣᠨᠴᠠ ᠵᠠᠯᠠᠭᠰᠠᠨ ᠰᠤᠷᠪᠤᠯᠵᠢᠯᠠᠭᠴᠢ ᠶᠢᠨ ᠱᠠᠩᠨᠠᠯ ᠬᠦᠭᠢᠭᠦᠯᠦᠯ ᠢ ᠣᠯᠠᠨ ᠤᠳᠠᠭᠠ ᠲᠣᠰᠴᠠᠢ ᠃ 2008 ᠣᠨ ᠳ᠋ᠤ᠌ ᠪᠦᠬᠦ ᠰᠢᠨᠵᠢᠶᠠᠩ ᠤᠨ ᠦᠢᠯᠡᠳᠪᠦᠷᠢ ᠬᠤᠳᠠᠯᠳᠤᠭᠠ ᠨᠢ ᠰᠢᠰᠲ᠋ᠧᠮ ᠦᠨ ᠭᠡᠷᠡᠯ ᠵᠢᠷᠤᠭ ᠂ ᠤᠷᠠᠨ ᠵᠢᠷᠤᠭ ᠂ ᠦᠰᠦᠨ ᠪᠢᠷ ᠦᠨ ᠪᠢᠴᠢᠯᠭᠡ ᠶᠢᠨ ᠦᠵᠡᠭᠦᠯᠦᠯᠭᠡ ᠳᠡᠭᠡᠷᠡ ᠲᠡᠭᠦᠨ ᠣ ᠪᠢᠴᠢᠭᠰᠡᠨ ︽ ᠠᠷᠢᠭᠤᠨ ᠭᠠᠯ ︾ ᠭᠡᠮᠡᠬᠦ ᠴᠣᠷ ᠤ᠋ᠨ ᠭᠠᠭᠴᠠ ᠪᠣᠰᠣᠭᠠ ᠮᠣᠩᠭᠤᠯ ᠦᠰᠦᠭ ᠲᠠᠢ ᠦᠰᠦᠨ ᠪᠢᠷ ᠦᠨ ᠪᠢᠴᠢᠯᠭᠡ ᠨᠢ ᠬᠠᠮᠤᠭ ᠤᠨ ᠦᠨᠳᠦᠷ ᠣᠨᠴᠠ ᠳᠡᠰ ᠦᠨ ᠱᠠᠩᠨᠠᠯ ᠳ᠋ᠥ ᠲᠣᠳᠣᠷᠠᠪᠠ ᠃ 2015 ᠣᠨ ᠣ 7 ᠰᠠᠷᠠ ᠶᠢᠨ 31 ᠡᠳᠦᠷ ᠃ ᠬᠣᠪᠤᠭᠰᠠᠢᠷ ᠰᠢᠶᠠᠨ ᠣ ᠲᠠᠪᠤᠳᠤᠭᠠᠷ ᠤᠳᠠᠭᠠᠨ ᠣ ︽ ᠬᠡ ᠵᠢᠯᠠᠭᠠᠨ ︾ ᠬᠤᠨᠳᠠᠭᠠᠲᠤ ᠢᠷᠠᠭᠤ ᠨᠠᠢᠷᠠᠭ ᠤ᠋ᠨ ᠨᠠᠭᠠᠳᠤᠮ ᠳ᠋ᠥ ︽ ᠪᠢ ︕ ᠵᠡᠭᠦᠳᠦᠯᠡᠪᠡ ︾ ᠭᠡᠬᠦ ᠢᠷᠠᠭᠤ ᠨᠠᠢᠷᠠᠭ ᠪᠡᠨ ᠤᠶᠠᠩᠭᠠᠯᠠᠵᠤ ᠰᠢᠯᠢᠳᠡᠭ ᠳᠡᠰ ᠦᠨ ᠱᠠᠩᠨᠠᠯ ᠲᠣᠰᠪᠠ ᠃ 2017 ᠣᠨ ᠣ ᠡᠪᠦᠯ ᠮᠣᠩᠭᠣᠯᠬᠦᠢᠷᠢᠶᠡ ᠰᠢᠶᠠᠨ ᠣ ᠠᠩᠬᠠᠳᠤᠭᠠᠷ ᠤᠳᠠᠭᠠᠨ ᠣ ︽ ᠠᠯᠲᠠᠨ ᠴᠡᠭᠡᠵᠢ ︾ ᠨᠡᠷᠡᠮᠵᠢᠲᠦ ᠰᠢᠯᠦᠭ ᠦᠨ ᠮᠥᠷᠦᠢᠴᠡᠭᠡᠨ ᠳ᠋ᠥ ᠭᠤᠷᠪᠠᠳᠤᠭᠠᠷ ᠳᠡᠰ ᠳ᠋ᠥ ᠣᠷᠣᠪᠠ ᠃ ᠣᠳᠣ ᠰᠢᠨᠵᠢᠶᠠᠩ ᠤᠨ ᠣᠶᠢᠷᠡᠳ ᠰᠣᠳᠣᠯᠠᠯ ᠤᠨ ᠨᠡᠢᠭᠡᠮᠯᠢᠭ ᠦ᠋ᠨ ᠭᠡᠰᠢᠭᠦᠨ ᠂ ᠰᠢᠨᠵᠢᠶᠠᠩ ᠤᠨ ᠤᠷᠠᠨ ᠵᠣᠬᠢᠶᠠᠯᠴᠢᠳ ᠤᠨ ᠨᠡᠢᠭᠡᠮᠯᠢᠭ ᠦ᠋ᠨ ᠭᠡᠰᠢᠭᠦᠨ ᠂ ᠰᠢᠨᠵᠢᠶᠠᠩ ᠤᠨ ᠠᠷᠠᠳ ᠤᠨ ᠷᠠᠳᠢᠣ᠋ ᠨᠡᠪᠲᠡᠷᠡᠯᠦᠭᠡ ᠶᠢᠨ ᠬᠣᠷᠢᠶᠠ ᠶᠢᠨ ᠣᠨᠴᠠ ᠵᠠᠯᠠᠭᠰᠠᠨ ᠰᠤᠷᠪᠤᠯᠵᠢᠯᠠᠭᠴᠢ ᠂ ᠢᠯᠢ ᠬᠠᠰᠠᠭ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠵᠸᠤ ᠶᠢᠨ ᠮᠣᠩᠭᠤᠯ ᠰᠣᠶᠤᠯ ᠤᠨ ᠨᠡᠢᠭᠡᠮᠯᠢᠭ ᠤᠨ ᠳᠡᠳ᠋ ᠨᠠᠷᠢᠨ ᠪᠢᠴᠢᠭ ᠤᠨ ᠳᠠᠷᠤᠭᠠ ᠂ ᠮᠣᠩᠭᠣᠯᠬᠦᠢᠷᠢᠶᠡ ᠰᠢᠶᠠᠨ ᠣ ᠤᠷᠠᠨ ᠵᠣᠬᠢᠶᠠᠯᠴᠢᠳ ᠤᠨ ᠨᠡᠢᠭᠡᠮᠯᠢᠭ ᠦ᠋ᠨ ᠳᠡᠳ᠋ ᠨᠠᠷᠢᠨ ᠪᠢᠴᠢᠭ ᠦ᠋ᠨ ᠳᠠᠷᠤᠭᠠ ᠂ ᠮᠣᠩᠭᠣᠯᠬᠦᠢᠷᠢᠶᠡ ᠰᠢᠶᠠᠨ ᠣ ᠦᠭᠡᠯᠡᠳ ᠮᠣᠩᠭᠤᠯ ᠰᠣᠶᠤᠯ ᠤ᠋ᠨ ᠨᠡᠢᠭᠡᠮᠯᠢᠭ ᠦ᠋ᠨ ᠳᠡᠳ᠋ ᠳᠠᠷᠤᠭᠠ ᠂ ᠮᠣᠩᠭᠣᠯᠬᠦᠢᠷᠢᠶᠡ ᠰᠢᠶᠠᠨ ᠣ ᠦᠢᠯᠡᠳᠪᠦᠷᠢ ᠬᠤᠳᠠᠯᠳᠤᠭᠠ ᠨᠢ ᠰᠣᠶᠤᠯ ᠤ᠋ᠨ ᠨᠡᠢᠭᠡᠮᠯᠢᠭ ᠦ᠋ᠨ ᠭᠡᠰᠢᠭᠦᠨ ᠵᠡᠷᠭᠡ ᠨᠡᠶᠢᠭᠡᠮ ᠨᠡᠶᠢᠲᠡ ᠳ᠋ᠥ ᠳᠠᠷᠬᠠᠨ ᠡᠭᠦᠷᠭᠡ ᠬᠠᠷᠢᠭᠤᠴᠢᠯᠤᠭᠠ ᠲᠠᠢ ᠮᠣᠩᠭᠤᠯ ᠰᠣᠶᠤᠯ ᠭᠡᠭᠡᠷᠡᠯ ᠦᠨ ᠦᠢᠯᠡᠰ ᠲᠦ᠍ ᠵᠣᠬᠢᠬᠤ ᠬᠤᠪᠢ ᠨᠡᠮᠡᠭᠦᠷᠢ ᠪᠡᠨ ᠡᠷᠭᠦᠬᠦ ᠪᠠᠷ ᠴᠢᠷᠮᠠᠢᠨ ᠵᠢᠳᠬᠦᠵᠦ ᠪᠣᠢ ᠃
Copyight 2016 by nmgmzw.gov.cn All Rights Reserved
