ᠨᠡᠷᠡ：
ᠮᠠ ᠂ ᠡᠷᠳᠡᠨᠢᠪᠠᠳᠤ
ᠴᠢᠨᠠᠷ ᠤᠨ ᠢᠯᠭᠠᠯ：
ᠨᠢᠭᠤᠴᠠ
ᠬᠠᠷᠢᠯᠴᠠᠬᠤ ᠬᠡᠯᠪᠡᠷᠢ：
ᠵᠣᠬᠢᠶᠠᠭᠴᠢ ᠶᠢᠨ ᠲᠠᠨᠢᠯᠴᠠᠭᠤᠯᠭᠠ：
ᠮᠠ ᠂ ᠡᠷᠳᠡᠨᠢᠪᠠᠳᠤ 1962 ᠂.12.12 ᠣ ᠡᠳᠦᠷ ᠂ ᠵᠠᠷᠤᠳ ᠬᠣᠰᠢᠭᠤᠨ ᠣ ᠨᠤᠤᠳᠤᠮ ᠠᠢᠯ ᠳ᠋ᠤ᠌ ᠳᠦᠷᠦᠪᠡ ᠃ 1988 ︱1990 ᠪᠣᠯᠲᠠᠯᠠ ᠥᠪᠦᠷ ᠮᠣᠩᠭᠤᠯ ᠤ᠋ᠨ ᠦᠨᠳᠦᠰᠦᠳᠡᠨ ᠣ ᠶᠡᠬᠡ ᠰᠤᠷᠭᠠᠭᠤᠯᠢ ᠶᠢᠨ ᠮᠣᠩᠭᠤᠯ ᠭᠡᠯᠡ ᠤᠳᠭᠠ ᠵᠣᠬᠢᠶᠠᠯ ᠤ᠋ᠨ ᠰᠠᠯᠪᠤᠷᠢ ᠳ᠋ᠥ ᠰᠤᠷᠤᠯᠴᠠᠪᠠ ᠃ 1984 ᠣᠨ ᠳ᠋ᠥ ︽ ᠵᠢᠷᠢᠮ ᠦ᠋ᠨ ᠤᠷᠠᠨ ᠵᠣᠬᠢᠶᠠᠯ ︾ ᠳ᠋ᠤ᠌ ᠤᠤᠭᠠᠨ ᠰᠢᠯᠦᠭ ᠢᠶᠡᠨ ᠨᠡᠶᠢᠲᠡᠯᠡᠬᠦᠯᠦᠭᠰᠡᠨ ᠠᠴᠠ ᠨᠠᠭᠠᠰᠢ ︽ ᠦᠨᠳᠦᠰᠦᠳᠡᠨ ᠣ ᠤᠳᠭᠠ ᠵᠣᠬᠢᠶᠠᠯ ︾ ᠂ ︽ ᠥᠨᠢᠷ ᠴᠡᠴᠡᠭ ︾ ᠮᠡᠳᠦ ᠶᠢᠨ ᠬᠣᠷᠢᠭᠠᠳ ᠰᠣᠨᠢᠨ ᠰᠡᠳᠭᠦᠯ ᠳ᠋ᠥ ᠨᠠᠢ᠍ᠮᠠᠨ ᠵᠠᠭᠤ ᠰᠢᠬᠠᠮ ᠰᠢᠯᠦᠭ ᠂ ᠨᠠᠢᠷᠠᠭᠤᠯᠤᠯ ᠂ ᠲᠤᠭᠤᠵᠢᠰ ᠂ ᠰᠢᠭᠦᠮᠵᠢ ᠂ ᠳᠠᠭᠤᠨ ᠣ ᠦᠭᠡ ᠨᠡᠢᠲᠡᠯᠡᠭᠦᠯᠵᠦ ᠂ ︽ ᠥᠨᠢᠷ ᠴᠡᠴᠡᠭ ︾ ᠂ ︽ ᠴᠣᠯᠮᠤᠨ ︾ ᠂ ︽ ᠥᠪᠦᠷ ᠮᠣᠩᠭᠤᠯ ᠤ᠋ᠨ ᠵᠠᠯᠠᠭᠤᠴᠤᠳ ︾ ᠂ ︽ ᠥᠪᠦᠷ ᠮᠣᠩᠭᠤᠯ ᠤ᠋ᠨ ᠡᠳᠦᠷ ᠦ᠋ᠨ ᠰᠣᠨᠢᠨ ︾ ᠵᠡᠷᠭᠡ ᠰᠣᠨᠢᠨ ᠰᠡᠳᠭᠦᠯ ᠦ᠋ᠨ ᠱᠠᠩᠨᠠᠯ ᠪᠠ ᠳᠠᠪᠤᠳᠤᠭᠠᠷ ᠤᠳᠠᠭᠠᠨ ᠣ ᠬᠣᠷᠴᠢᠨ ᠤᠷᠠᠨ ᠵᠣᠬᠢᠶᠠᠯ ᠤ᠋ᠨ ᠱᠠᠩᠨᠠᠯ ᠂ ᠬᠣᠶᠠᠳᠤᠭᠠᠷ ᠤᠳᠠᠭᠠᠨ ᠣ ᠪᠦᠬᠦ ᠤᠯᠤᠰ ᠤᠨ ︽ ᠬᠢᠯᠦᠭᠡᠨ ᠤᠶᠠᠩᠭᠠ ︾ ᠠᠯᠳᠠᠨ ᠣᠳᠤᠨ ᠱᠠᠩᠨᠠᠯᠳᠤ ᠮᠥᠷᠦᠢᠴᠡᠭᠡᠨ ᠣ ᠱᠠᠩᠨᠠᠯ ᠂ ᠥᠪᠦᠷ ᠮᠣᠩᠭᠤᠯ ᠤ᠋ᠨ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠣᠷᠤᠨ ᠪᠠᠶᠢᠭᠤᠯᠤᠭᠳᠠᠭᠰᠠᠨ50 ᠵᠢᠯ ᠦ᠋ᠨ ᠤᠢ ᠳ᠋ᠥ ᠵᠣᠷᠢᠭᠤᠯᠤᠭᠰᠠᠨ ᠪᠦᠬᠦ ᠣᠷᠤᠨ ᠣ ᠷᠠᠳᠢᠤ ᠨᠡᠪᠳᠡᠷᠡᠬᠦᠯᠭᠡ ᠤᠷᠠᠨ ᠵᠣᠬᠢᠶᠠᠯ ᠳᠠᠭᠤᠤᠷᠯᠢᠭ ᠤᠨ ᠤᠷᠤᠯᠳᠤᠭᠠᠨ ᠣ ᠱᠠᠩᠨᠠᠯ ᠂ ᠨᠠ ᠂ ᠰᠠᠢᠨᠴᠣᠭᠲᠤ ᠶᠢᠨ ᠮᠡᠨᠳᠦᠯᠡᠭᠰᠡᠨ100 ᠵᠢᠯ ᠦ᠋ᠨ ᠤᠢ ᠳ᠋ᠤ᠌ ᠵᠣᠷᠢᠭᠤᠯᠤᠭᠰᠠᠨ ᠤᠷᠠᠨ ᠵᠣᠬᠢᠶᠠᠯ ᠤ᠋ᠨ ᠤᠷᠤᠯᠳᠤᠭᠠᠨ ᠣ ᠱᠠᠩᠨᠠᠯ ᠂ ︽ ᠣᠩᠨᠢᠭᠤᠳ ᠨᠡᠷᠡᠮᠵᠢᠲᠦ ︾ ᠪᠦᠬᠦ ᠤᠯᠤᠰ ᠤᠨ ᠪᠣᠭᠤᠨᠢ ᠦᠬᠦᠯᠡᠯᠭᠡ ᠶᠢᠨ ᠤᠷᠤᠯᠳᠤᠭᠠᠨ ᠣ ᠱᠠᠩᠨᠠᠯ ᠂ ᠥᠪᠦᠷ ᠮᠣᠩᠭᠤᠯ ᠪᠠᠶᠢᠭᠤᠯᠤᠭᠳᠠᠭᠰᠠᠨ 70 ᠵᠢᠯ ᠦ᠋ᠨ ᠤᠢ ᠳ᠋ᠤ᠌ ᠵᠣᠷᠢᠭᠤᠯᠤᠭᠰᠠᠨ ᠨᠠᠢ᠍ᠮᠠᠨ ᠮᠤᠵᠢ ᠣᠷᠤᠨ ᠣ ᠷᠠᠳᠢᠤ ᠲᠸᠯᠸᠢᠰ ᠤᠨ ᠨᠠᠢᠷᠠᠭᠤᠯᠤᠯ ᠤ᠋ᠨ ᠱᠠᠩᠨᠠᠯ ᠂ ᠪᠦᠬᠦ ᠤᠯᠤᠰ ᠤᠨ ︽ ᠮᠦᠩᠭᠡ ᠠᠷᠴᠠ ︾ ᠢᠷᠠᠭᠤ ᠨᠠᠢᠷᠠᠭ ᠤ᠋ᠨ ᠤᠷᠤᠯᠳᠤᠭᠠᠨ ᠣ ᠱᠠᠩᠨᠠᠯ ᠮᠡᠳᠦ ᠶᠢᠨ ᠠᠳᠠᠯᠢ ᠪᠤᠰᠤ ᠳᠠᠰ ᠤᠨ ᠬᠣᠷᠢᠭᠠᠳ ᠱᠠᠩᠨᠠᠯ ᠳᠤᠰᠴᠤ ᠂ 2013 ᠣᠨ ᠳ᠋ᠥ ︽ ᠡᠭᠡᠯ ᠬᠥᠮᠦᠨ ᠣ ᠵᠢᠷ ᠦ᠋ᠨ ᠨᠠᠮᠲᠠᠷ ︾ ᠨᠠᠢᠷᠠᠭᠯᠠᠯ ᠢᠶᠡᠷ ᠢᠶᠡᠨ ᠠᠷᠪᠠᠳᠤᠭᠠᠷ ᠬᠤᠭᠤᠴᠠᠭᠠᠨ ᠣ ︽ ᠰᠤᠯᠤᠩᠭᠠ ︾ ᠱᠠᠩᠨᠠᠯ ᠳᠤᠰᠪᠠ ᠃ 1999 ᠣᠨ ᠳ᠋ᠥ ︽ ᠬᠦᠭᠡ ᠲᠡᠭᠷᠢ ᠶᠢᠨ ᠨᠢᠳᠦᠨ ᠳᠤᠤᠷᠠ ︾ ᠂ 2007 ᠣᠨ ᠳ᠋ᠤ᠌ ︽ ᠮᠣᠩᠭᠤᠯ ᠰᠠᠯᠬᠢ ︾ ᠂ 2013 ᠣᠨ ᠳ᠋ᠥ ︽ ᠠᠮᠢᠳᠤᠷᠠᠯ ᠤᠨ ᠰᠤᠩᠭᠤᠳᠠᠭ ᠴᠡᠴᠡᠭᠡᠰ ︾ ᠰᠢᠯᠦᠭ ᠦ᠋ᠨ ᠳᠡᠬᠦᠪᠦᠷᠢ ᠪᠠᠨ ᠬᠡᠪᠯᠡᠭᠦᠯᠪᠡ ᠃ ᠡᠭᠦᠨ ᠡᠴᠡ ᠭᠠᠳᠠᠨᠠ ︽ ᠣᠳᠣ ᠦᠶᠡ ᠶ᠋ᠢᠨ ᠰᠢᠯᠢᠳᠡᠭ ᠮᠣᠩᠭᠤᠯ ᠤᠷᠠᠨ ᠵᠣᠬᠢᠶᠠᠯ ᠤ᠋ᠨ ᠰᠣᠩᠭᠤᠮᠠᠯ ︾ ᠂ ︽ ᠴᠣᠯᠮᠤᠨ ᠤᠷᠠᠨ ᠵᠣᠬᠢᠶᠠᠯ ᠤ᠋ᠨ ᠳᠡᠭᠡᠵᠢ ︾ ᠂ ︽ ᠳᠠᠯᠠ ᠨᠤᠲᠤᠭ ᠤ᠋ᠨ ᠤᠳᠭᠠ ᠵᠣᠬᠢᠶᠠᠯ ᠤ᠋ᠨ ᠰᠣᠳᠤᠨ ᠪᠦᠲᠦᠭᠡᠯ ᠦ᠋ᠨ ᠰᠣᠩᠭᠤᠮᠠᠯ ︾ ᠮᠡᠳᠦ ᠠᠷᠪᠠᠭᠠᠳ ᠳᠡᠭᠦᠪᠦᠷᠢ ᠳ᠋ᠥ ᠰᠢᠯᠦᠭ ᠨᠢ ᠰᠤᠩᠭᠤᠭᠳᠠᠨ ᠳᠡᠭᠦᠪᠦᠷᠢᠯᠡᠭᠳᠡᠪᠡ ᠃ 2012 ᠣᠨ ᠳ᠋ᠤ᠌ ᠶᠢᠰᠦᠳᠦᠬᠡᠷ ᠬᠤᠭᠤᠴᠠᠭᠠᠨ ᠤ ᠳᠤᠮᠳᠠᠳᠤ ᠤᠯᠤᠰ ᠂ ᠥᠪᠦᠷ ᠮᠣᠩᠭᠤᠯ ᠤ᠋ᠨ ᠲᠠᠯᠠ ᠨᠤᠲᠤᠭ ᠤ᠋ᠨ ᠰᠣᠶᠤᠯ ᠤ᠋ᠨ ᠨᠠᠢᠢᠷ ᠤᠨ ᠮᠣᠩᠭᠤᠯ ᠢᠷᠡᠭᠤ ᠨᠠᠢᠢᠷᠠᠭ ᠤᠨ ᠦᠳᠡᠰᠢᠯᠡᠬᠡ ᠳ᠋ᠥ ︽ ᠭᠦᠭᠡ ᠠᠶᠠᠯᠭᠤ ︾ ᠰᠢᠯᠦᠭ ᠨᠢ ᠰᠤᠩᠭᠤᠭᠳᠠᠨ ᠤᠩᠰᠢᠭᠳᠠᠪᠠ ᠃ ᠭᠡᠷᠴᠢᠯᠠᠭᠤ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠤᠨ ᠳᠡᠭᠡᠳᠦ ᠳᠡᠰ ᠦ᠋ᠨ ᠪᠠᠭᠰᠢ ᠨᠠᠮ ᠤᠨ ᠡᠬᠦᠷ ᠤᠨ ᠱᠦᠵᠢ ᠮᠠ ᠂ ᠡᠷᠳᠡᠨᠢᠪᠳᠤ ᠥᠪᠦᠷ ᠮᠣᠩᠭᠤᠯ ᠤ᠋ᠨ ᠵᠣᠬᠢᠶᠠᠯᠴᠢᠳ ᠤ᠋ᠨ ᠡᠪᠯᠡᠯ ᠦ᠋ᠨ ᠭᠡᠰᠢᠭᠦᠨ ᠂ ︽ ᠳᠡᠯᠡᠬᠡᠢ ᠶᠢᠨ ᠰᠢᠯᠢᠳᠡᠭ ᠮᠡᠷᠭᠡᠵᠢᠯᠲᠡᠨ ᠴᠢᠳᠠᠪᠤᠷᠢᠳᠠᠨ ᠣ ᠨᠡᠷᠡᠳᠦ ᠳᠤᠯᠢ ︾ ᠳ᠋ᠥ ᠨᠡᠷᠡ ᠪᠠᠨ ᠬᠠᠳᠠᠭᠤᠯᠪᠠ ᠃ ᠳᠡᠷᠡ ᠤᠯᠠᠨ ᠳᠠᠪᠬᠤᠷᠭᠠᠳᠤ ᠰᠠᠨᠠᠭᠠ ᠠᠬᠤᠢ ᠶᠢ ᠬᠦᠭᠡᠭᠡᠴᠡᠯᠳᠦᠨ ᠂ ᠭᠦᠨ ᠤᠬᠠᠭᠠᠯᠢᠭ ᠳᠠᠯᠳᠠ ᠮᠡᠳᠡᠷᠡᠮᠵᠢ ᠪᠦᠬᠦᠢ ᠰᠢᠯᠦᠭ ᠤᠷᠠᠯᠬᠤ ᠶᠢ ᠰᠠᠨᠠᠭᠠᠰᠢᠷᠠᠨ ᠤᠯᠠᠨ ᠶᠠᠩᠵᠤᠷᠬᠠᠭ ᠢᠯᠡᠳᠬᠡᠬᠦ ᠠᠷᠭᠠ ᠶᠢ ᠰᠦᠪᠡᠭᠴᠢᠯᠡᠨ ᠳᠡᠭᠦᠯᠳᠡᠷ ᠰᠡᠳᠬᠢᠴᠡ ᠲᠠᠢ ᠴᠡᠴᠡᠨ ᠬᠡᠯᠡᠯᠭᠡ ᠲᠠᠢ ᠰᠢᠯᠦᠭ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠤᠩᠰᠢᠭᠴᠢ ᠰᠢᠬᠦᠮᠵᠢᠯᠡᠭᠴᠢᠳ ᠤᠨ ᠠᠩᠬᠠᠷᠤᠯ ᠳ᠋ᠥ ᠬᠦᠷᠴᠦ ᠂ ︽ ᠠᠯᠳᠠᠨ ᠲᠦᠯᠬᠢᠬᠦᠷ ︾ ᠂ ︽ ᠥᠨᠢᠷ ᠴᠡᠴᠡᠭ ︾ ᠮᠡᠳᠦ ᠶᠢᠨ ᠤᠯᠠᠨ ᠰᠠᠳᠭᠦᠯ ᠢᠶᠠᠷ ᠰᠢᠯᠦᠭ ᠵᠣᠬᠢᠶᠠᠯ ᠤ᠋ᠨ ᠬᠢᠨᠢ ᠳᠤᠬᠠᠢ ᠰᠢᠭᠦᠮᠵᠢ ᠥᠭᠦᠯᠡᠯ ᠤᠯᠠᠰᠢᠷᠠᠨ ᠬᠠᠯᠠᠭᠤᠨ ᠶᠠᠷᠢᠯᠴᠠᠭᠠ ᠦᠷᠨᠢᠭᠰᠡᠨ ᠪᠠᠢᠨᠠ ᠃
Copyight 2016 by nmgmzw.gov.cn All Rights Reserved
