ᠨᠡᠷᠡ：
ᠼ ᠂ ᠤᠷᠠᠨᠴᠢᠮᠡᠭ
ᠴᠢᠨᠠᠷ ᠤᠨ ᠢᠯᠭᠠᠯ：
ᠨᠢᠭᠤᠴᠠ
ᠬᠠᠷᠢᠯᠴᠠᠬᠤ ᠬᠡᠯᠪᠡᠷᠢ：
ᠵᠣᠬᠢᠶᠠᠭᠴᠢ ᠶᠢᠨ ᠲᠠᠨᠢᠯᠴᠠᠭᠤᠯᠭᠠ：
ᠣᠪᠤᠭ ᠨᠡᠷᠡ ᠼ ᠂ ᠤᠷᠠᠨᠴᠢᠮᠡᠭ ︵ᠬᠠᠢᠷᠠᠭᠤᠴᠠᠢ ︶ ᠮᠣᠩᠭᠤᠯ ᠦᠨᠳᠦᠰᠦᠲᠡᠨ ᠃ 1970 ᠣᠨ ᠤ12 ᠰᠠᠷᠠ ᠶᠢᠨ 28ᠡᠳᠦᠷ ᠂ ᠥᠪᠦᠷ ᠮᠣᠩᠭᠤᠯ ᠤ᠋ᠨ ︵ ᠤᠤᠯ ᠤ᠋ᠨ ᠶᠡᠬᠡ ᠵᠤᠤ ᠠᠢᠮᠠᠭ ︶ ᠣᠷᠳᠤᠰ ᠬᠣᠲᠠ ᠶ᠋ᠢᠨ ᠦᠦᠰᠢᠨ ᠬᠤᠰᠢᠭᠤᠨ᠋ᠤ ᠦᠦᠰᠢᠨᠵᠤᠤ ᠰᠤᠮᠤᠨ ᠤ᠋ ᠪᠠᠶᠠᠨᠲᠣᠯᠤᠭᠠᠢ ᠭᠠᠴᠠᠭᠠ ᠶᠢᠨ ᠮᠠᠯᠴᠢᠨ ᠂ ᠽᠦᠡᠭᠷᠦᠶᠢᠵᠠᠮᠰᠤ( ᠯᠠᠮᠠ) ᠠᠯᠲᠠᠨᠲᠣᠪᠴᠢ ᠬᠤᠶᠠᠷ ᠤᠨ ᠣᠳᠭᠠᠨ ᠬᠡᠦᠬᠡᠨ ᠨᠢ ᠪᠣᠯᠵᠤ ᠲᠥᠷᠦᠪᠡ ᠃ ᠡᠳᠦᠭᠡ ᠶ᠋ᠢᠨ ᠣᠷᠤᠰᠢᠨ ᠰᠠᠭᠤᠭᠠ ᠭᠠᠵᠠᠷ ᠂ ᠣᠷᠳᠤᠰ ᠬᠣᠲᠠ ᠶ᠋ᠢᠨ ᠬᠠᠩᠭᠢᠨ ᠬᠣᠰᠢᠭᠤᠨ ᠤ᠋ ᠰᠢᠨᠡᠪᠠᠯᠭᠠᠰᠤ ᠶᠢᠨ ᠵᠠᠭᠠᠷᠠᠭ ᠭᠠᠴᠠᠭᠠ ᠶᠢᠨ ᠡᠭᠡᠯ ᠵᠢᠷ ᠦᠨ ᠮᠠᠯᠴᠢᠨ ᠃ ᠠᠩᠬᠠ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠶᠢᠨ ᠰᠣᠶᠤᠯ ᠤ᠋ᠨ ᠬᠡᠮᠵᠢᠶᠡ ᠲᠠᠢ ᠃ ᠪᠠᠭᠠ ᠨᠠᠰᠤᠨ ᠠᠴᠠ ᠪᠠᠨ ᠨᠣᠮ ᠪᠢᠴᠢᠭ ᠲᠦ᠍ ᠳᠤᠷᠠ ᠪᠠᠬᠠ ᠲᠠᠢ ᠪᠠᠢᠵᠤ᠂ ᠮᠣᠩᠭᠤᠯ ᠰᠣᠶᠤᠯ ᠳ᠋ᠤ᠌ ᠪᠠᠨ ᠣᠨᠴᠠ ᠶ᠋ᠢᠨ ᠬᠠᠢᠷᠠᠲᠠᠢ ᠃ ᠪᠢᠴᠢᠶᠡ ᠵᠢᠷᠤᠶᠠ ᠂ ᠣᠷᠣᠯᠳᠤᠶᠠ ᠪᠦᠲᠦᠭᠡᠶᠡ ᠭᠡᠰᠡᠨ ᠬᠠᠲᠠᠭᠤᠬᠠᠨ ᠪᠣᠳᠤᠯ ᠲᠠᠢ ᠬᠡᠦᠬᠡᠳ ᠪᠠᠢᠭᠰᠠᠨ ᠃ ᠭᠡᠲᠡᠯᠡ ᠣᠯᠠᠨ ᠵᠦᠢᠯ ᠦᠨ ᠰᠢᠯᠲᠠᠭᠠᠨ ᠠ᠋ᠴᠠ ᠪᠣᠯᠵᠤ ᠪᠠᠭᠠ ᠶᠢᠨ ᠬᠦᠰᠡᠯᠡᠩ ᠮᠠᠨᠢ ᠬᠠᠷᠠᠬᠠᠨ ᠪᠡᠶᠡᠯᠡᠭᠳᠡᠵᠦ ᠴᠢᠳᠠᠭᠠ ᠦᠭᠡᠢ ᠬᠥᠳᠡᠭᠡ ᠳ᠋ᠦ᠍ ᠪᠡᠨ ᠮᠠᠯᠴᠢᠨ ᠪᠣᠯᠵᠤ ᠠᠮᠢᠳᠤᠷᠠᠵᠠᠢ ᠃ ᠬᠥᠳᠡᠭᠡ ᠶ᠋ᠢᠨ ᠠᠵᠢᠯ ᠬᠥᠳᠡᠯᠮᠦᠷᠢ ᠭᠡᠵᠦ ᠬᠡᠯᠡᠬᠦ ᠶᠢᠨ ᠠᠷᠭᠠ ᠦᠭᠡᠢ ᠬᠦᠴᠢᠷ ᠲᠠᠢ ᠮᠥᠷᠲᠡᠭᠡᠨ ᠵᠦᠳᠡᠷᠡᠯᠲᠡᠢ ᠃ ᠬᠡᠳᠦᠢ ᠶᠠᠳᠠᠷᠠᠵᠤ ᠵᠦᠳᠡᠷᠡᠭᠰᠡᠨ ᠴᠦ ᠪᠠᠭᠠ ᠰᠠᠭᠠ ᠰᠢᠯᠦᠭ ᠵᠣᠬᠢᠶᠠᠯ ᠣᠷᠤᠯᠳᠤᠵᠤ ᠂ ᠤᠯᠤᠰ ᠣᠷᠤᠨ ᠂ ᠠᠢᠮᠠᠭ ᠬᠤᠳᠠ ᠂ ᠬᠣᠰᠢᠭᠤ ᠰᠢᠶᠠᠨ ᠤ ᠰᠣᠨᠢᠨ ᠰᠡᠳᠭᠦᠯ ᠂ ᠷᠠᠳᠢᠣ᠋ ᠲᠧᠯᠸᠢᠰ ᠲᠦ᠍ ᠨᠡᠢᠲᠡᠯᠡᠭᠦᠯᠦᠨ ᠨᠡᠪᠲᠡᠷᠡᠭᠦᠯᠵᠦ ᠂ ᠤᠷᠠᠨ ᠵᠣᠬᠢᠶᠠᠯ ᠤ᠋ᠨ ᠠᠮᠲᠠ ᠰᠢᠮᠲᠡ ᠶᠢ ᠮᠡᠳᠡᠷᠡᠵᠦ ᠂ ᠦᠳᠡᠰᠢ ᠶᠢᠨ ᠴᠢᠯᠦᠭᠡ ᠪᠡᠨ ᠠᠰᠢᠭᠯᠠᠨ ᠪᠢᠴᠢᠳᠡᠭ ᠮᠢᠨᠢ ᠮᠢᠨᠤ ᠵᠠᠩᠰᠢᠯ ᠪᠣᠯᠵᠠᠢ ᠃ ᠳᠡᠭᠡᠷᠡ ᠵᠠᠭᠤᠨ ᠤ ᠨᠠᠶᠠᠭᠠᠳ ᠣᠨ ᠤ ᠰᠡᠭᠦᠯᠴᠢ ᠡᠴᠡ ᠡᠬᠢᠯᠡᠵᠦ ᠡᠳᠦᠭᠡ ᠪᠣᠯᠲᠠᠯᠠ ᠤᠯᠤᠰ ᠣᠷᠤᠨ ᠠᠢᠮᠠᠭ ᠬᠣᠲᠠ ᠬᠣᠰᠢᠭᠤ ᠰᠢᠶᠠᠨ ᠤ ᠰᠣᠨᠢᠨ ᠰᠡᠳᠭᠦᠯ ᠂ ᠲᠧᠯᠸᠢᠰ ᠷᠠᠳᠢᠣ᠋ ᠳ᠋ᠤ᠌ ᠭᠤᠷᠪᠠᠨ ᠵᠠᠭᠤᠭᠠᠳ ᠂ ᠰᠢᠯᠦᠭ ᠵᠣᠬᠢᠶᠠᠯ ᠂ ᠮᠡᠳᠡᠭᠡ ᠴᠢᠮᠡᠭᠡᠯᠡᠯ ᠂ ᠲᠠᠭᠤᠨ ᠤ ᠦᠭᠡ ᠵᠡᠷᠭᠡ ᠪᠡᠨ ᠨᠡᠢᠲᠡᠯᠡᠭᠦᠯᠵᠦ ᠨᠡᠪᠲᠡᠷᠡᠭᠦᠯᠵᠦ ᠢᠷᠡᠭᠰᠡᠨ ᠨᠢ ᠨᠢᠭᠡ ᠮᠠᠯᠴᠢᠨ ᠬᠥᠮᠦᠨ ᠦ᠌ ᠣᠮᠤᠭᠰᠢᠯ ᠪᠢᠯᠡ ᠃ ᠤᠷᠢᠳ ᠬᠣᠵᠢᠳ ᠤᠯᠤᠰ ᠣᠷᠤᠨ ᠠᠢᠮᠠᠭ ᠬᠤᠳᠠ ᠬᠣᠰᠢᠭᠤ ᠰᠢᠶᠠᠨ ᠤ ᠣᠯᠠᠨ ᠮᠥᠷᠦᠢᠴᠡᠭᠡᠨ ᠲᠡᠮᠡᠴᠡᠭᠡᠨ ᠢᠶᠡᠷ ᠣᠷᠤᠯᠴᠠᠵᠤ ᠱᠠᠩᠨᠠᠯ ᠬᠥᠬᠢᠭᠦᠯᠦᠯ ᠂ ᠵᠣᠷᠢᠭᠵᠢᠭᠤᠯᠤᠯ ᠮᠠᠭᠲᠠᠭᠠᠯ ᠢ᠋ ᠣᠯᠠᠨ ᠤᠳᠠᠭᠠ ᠬᠦᠯᠢᠶᠡᠵᠦ ᠂ ᠨᠢᠭᠡᠳᠦᠭᠡᠷ ᠂ ᠬᠣᠶᠠᠳᠤᠭᠠᠷ ᠂ ᠭᠤᠷᠪᠠᠳᠤᠭᠠᠷ ᠰᠢᠯᠢᠳᠡᠭ ᠱᠠᠩᠨᠠᠯ ᠤ᠋ᠳ ᠢ᠋ ᠲᠣᠰᠴᠤ ᠴᠢᠷᠠᠢ ᠳᠦᠭᠦᠷᠡᠩ ᠢᠨᠢᠶᠡᠳᠦ ᠪᠠᠶᠠᠰᠤᠯ ᠲᠠᠢ ᠶᠠᠪᠤᠭᠰᠠᠨ ᠂ ᠂ ᠂ ᠂ ᠂ ᠂ ᠡᠨᠡ ᠨᠢ ᠵᠢᠯ ᠦᠨ ᠳᠥᠷᠪᠡᠨ ᠤᠯᠠᠷᠢᠯ ᠳ᠋ᠤ᠌ ᠭᠠᠷᠠᠭ ᠤ᠋ᠨ ᠡᠳᠦᠷ ᠭᠡᠵᠦ ᠨᠢᠭᠡ ᠴᠦ ᠪᠠᠢᠭᠠ ᠦᠭᠡᠢ ᠡᠭᠡᠯ ᠵᠢᠷ ᠦᠨ ᠨᠢᠭᠡ ᠮᠠᠯᠴᠢᠨ ᠬᠥᠮᠦᠨ ᠦ᠌ ᠡᠨᠡ ᠨᠠᠰᠤᠨ ᠤ᠋ ᠮᠢᠨᠢ ᠬᠠᠮᠤᠭ ᠶᠡᠬᠡ ᠣᠯᠵᠠᠷᠬᠠᠯ ᠪᠢᠯᠡ ᠃ 2013ᠣᠨ ᠳ᠋ᠤ᠌ ︿︿ ᠬᠥᠳᠡᠭᠡ ᠶ᠋ᠢᠨ ᠰᠠᠢᠬᠠᠨ ﹀﹀ ᠭᠡᠰᠡᠨ ᠠᠩᠬᠠᠨ ᠤ᠋ ᠨᠣᠮ ᠢ᠋ᠶ᠋ᠠᠨ ᠬᠡᠪᠯᠡᠭᠦᠯᠵᠦ ᠂ ᠮᠣᠩᠭᠤᠯ ᠰᠣᠶᠤᠯ ᠤ᠋ᠨ ᠣᠪᠤᠭᠠᠨ ᠳ᠋ᠤ᠌ ᠴᠢᠯᠠᠭᠤ ᠨᠢᠭᠡ ᠶᠢ ᠨᠡᠮᠡᠭᠰᠡᠨ ︕ ᠬᠣᠢᠰᠢᠳᠠ ᠨᠡᠩ ᠢᠯᠡᠭᠦᠦ ᠴᠢᠷᠮᠠᠢᠵᠤ ᠪᠣᠰᠤᠭᠠ ᠮᠣᠩᠭᠤᠯ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠪᠠᠬᠠᠷᠬᠠᠵᠤ ᠶᠠᠪᠤᠨᠠ ᠃ ᠠᠮᠢᠰᠭᠤᠭᠠ ᠲᠠᠢ ᠪᠠᠢᠭᠰᠠᠨ ᠴᠠᠭ ᠲᠤ ᠬᠡᠴᠢᠨᠡᠨ ᠶᠠᠳᠠᠷᠠᠭᠰᠠᠨ ᠴᠦ ᠮᠣᠩᠭᠤᠯ ᠪᠢᠴᠢᠭ ᠢ᠋ᠶ᠋ᠡᠨ ᠤᠩᠰᠢᠵᠤ ᠶᠠᠪᠤᠨᠠ ᠃ ᠡᠨᠡ ᠪᠣᠯ ᠮᠢᠨᠤ ᠲᠠᠩᠭᠠᠷᠢᠭ ︕ ᠮᠢᠨᠤ ᠬᠦᠰᠡᠯᠡᠩ ︕ ᠮᠥᠨ ᠴᠦ ᠬᠣᠢᠴᠢ ᠦᠶᠡ ᠶᠢᠨ ᠭᠢᠨ ᠳ᠋ᠦ᠍ ᠪᠡᠨ ᠥᠪᠡᠷ ᠦ᠋ᠨ ᠮᠡᠳᠡᠳᠡᠭ ᠴᠢᠳᠠᠳᠠᠭ ᠵᠦᠢᠯᠡᠰ ᠢᠶᠡᠨ ᠤᠯᠠᠮᠵᠢᠯᠠᠵᠤ ᠶᠠᠪᠤᠨᠠ ᠃ ᠡᠨᠡ ᠪᠣᠯ ᠮᠢᠨᠤ ᠪᠣᠳᠤᠯ ᠬᠦᠰᠡᠯ ᠪᠠᠢᠭᠠ ᠶᠤᠮ ᠃ ᠣᠷᠳᠤᠰ ᠬᠣᠲᠠ ᠶ᠋ᠢᠨ ᠵᠣᠬᠢᠶᠠᠯᠴᠢᠳ ᠤ᠋ᠨ ᠨᠡᠢᠭᠡᠮᠯᠢᠭ ᠦ᠋ᠨ ᠭᠡᠰᠢᠭᠦᠨ ᠂ ᠬᠠᠩᠭᠢᠨ ᠬᠣᠰᠢᠭᠤᠨ ᠤ᠋ ᠵᠣᠬᠢᠶᠠᠯᠴᠢᠳ ᠤ᠋ᠨ ᠨᠡᠢᠭᠡᠮᠯᠢᠭ ᠦ᠋ᠨ ᠭᠡᠰᠢᠭᠦᠨ ᠃
Copyight 2016 by nmgmzw.gov.cn All Rights Reserved
