ᠨᠡᠷᠡ：
ᠰᠠᠷᠠᠨᠰᠦ᠋ᠬᠡ ᠶ᠋ᠢᠨ ᠴᠣᠮᠤᠷᠯᠢᠭ
ᠴᠢᠨᠠᠷ ᠤᠨ ᠢᠯᠭᠠᠯ：
ᠨᠢᠭᠤᠴᠠ
ᠬᠠᠷᠢᠯᠴᠠᠬᠤ ᠬᠡᠯᠪᠡᠷᠢ：
ᠵᠣᠬᠢᠶᠠᠭᠴᠢ ᠶᠢᠨ ᠲᠠᠨᠢᠯᠴᠠᠭᠤᠯᠭᠠ：
ᠰᠠᠷᠠᠨᠰᠦ᠋ᠬᠡ ᠶ᠋ᠢᠨ ᠴᠣᠮᠤᠷᠯᠢᠭ ︵ ᠪᠢᠷ ᠦᠨ ᠨᠡᠷᠡ ᠄ ᠪᠢᠯᠢᠭᠦᠵᠢᠨ ᠡᠷᠬᠡ ︶ ︱ ᠥᠪᠦᠷ ᠮᠣᠩᠭᠤᠯ ᠤ᠋ᠨ ᠰᠢᠯᠢ ᠶᠢᠨ ᠭᠣᠣᠯ ᠠᠢᠮᠠᠭ ᠤ᠋ᠨ ᠬᠥᠪᠡᠭᠡᠲᠦ ᠰᠢᠷᠠ ᠬᠣᠰᠢᠭᠤᠨ ᠣ ᠤᠤᠯ ᠣᠨ ᠪᠠᠶᠠᠨᠲᠠᠯᠠ ᠰᠤᠮᠤ ᠃ ᠬᠠᠷᠠᠬᠠᠨ ᠪᠠᠭᠠ ᠠᠴᠠ ᠪᠠᠨ ᠤᠷᠠᠨ ᠵᠣᠬᠢᠶᠠᠯ ᠳ᠋ᠣ ᠳᠤᠷᠠ ᠪᠠᠬᠠ ᠲᠠᠢ ᠬᠥᠮᠦᠵᠢᠭᠰᠡᠨ ᠲᠡᠷᠡ ᠪᠠᠷ 2007 ᠣᠨ ᠳ᠋ᠣ ︽ ᠮᠢᠨᠤ ᠨᠤᠲᠤᠭ ︾ ᠨᠠᠢᠷᠠᠭᠤᠯᠤᠯ ᠢ᠋ᠶ᠋ᠡᠨ ︽ ᠴᠣᠮᠤᠷᠯᠢᠭ ︾ ᠰᠡᠳᠭᠦᠯ ᠳ᠋ᠣ ᠨᠡᠢᠲᠡᠯᠡᠭᠦᠯᠦᠭᠰᠡᠨ ᠡᠴᠡ ᠨᠠᠭᠠᠰᠢ ︽ ᠬᠥᠪᠡᠭᠡᠲᠦ ᠰᠢᠷᠠ ︾ ᠰᠡᠳᠭᠦᠯ ᠂ ︽ ᠰᠢᠯᠢ ᠶᠢᠨ ᠭᠣᠣᠯ ︾ ᠰᠡᠳᠭᠦᠯ ᠂ ︽ ᠥᠨᠢᠷ ᠴᠡᠴᠡᠭ ︾ ᠰᠡᠳᠭᠦᠯ ᠤᠳ ᠢᠶᠠᠷ ᠪᠦᠲᠦᠭᠡᠯ ᠢ᠋ᠶ᠋ᠡᠨ ᠨᠡᠢᠲᠡᠯᠡᠭᠦᠯᠦᠭᠰᠡᠨ ᠪᠠ ᠳᠡᠯᠡᠬᠡᠢ ᠶᠢᠨ37 ᠳ᠋ᠤᠭᠠᠷ ᠤᠳᠠᠭᠠᠨ ᠣ ᠢᠷᠠᠭᠤ ᠨᠠᠢᠷᠠᠭᠴᠢᠳ ᠣᠨ ᠶᠡᠬᠡ ᠬᠤᠷᠠᠯ ᠳ᠋ᠣ ᠵᠣᠷᠢᠭᠤᠯᠤᠨ ᠮᠣᠩᠭᠤᠯ ᠣᠨ ᠵᠣᠬᠢᠶᠠᠯᠴᠢᠳ ᠣᠨ ᠬᠣᠷᠢᠶᠠᠨ ᠠᠴᠠ ᠬᠡᠪᠯᠡᠭᠦᠯᠦᠭᠰᠡᠨ ︽ ᠮᠣᠩᠭᠤᠯ ᠢᠷᠠᠭᠤ ᠨᠠᠢᠷᠠᠭ ︾ ᠨᠣᠮ ᠳ᠋ᠣ ᠰᠢᠯᠦᠭ ᠨᠢ ᠠᠩᠭᠡᠯᠢ ᠬᠡᠯᠡ ᠪᠠᠷ ᠣᠷᠴᠢᠭᠤᠯᠤᠭᠳᠠᠨ ᠨᠡᠢᠲᠡᠯᠡᠭᠳᠡᠪᠡ ᠃ ᠮᠥᠨ ᠴᠦ ︽ ᠮᠥᠩᠬᠡ ᠲᠡᠭᠷᠢ ︾ ᠂ ︽ ᠴᠢᠩᠭᠢᠰ ᠣᠨ ᠠᠯᠲᠠᠨ ᠳᠡᠪᠰᠢ ︾ ᠂ ︽ ᠡᠪᠦᠯ ᠣᠨ ᠤᠶᠠᠭᠠ ︾ ᠂ ︽ ᠤᠶᠠᠩᠭᠠ ᠶᠢᠨ ᠬᠤᠷᠠ ︾ ᠂ ︽ ᠬᠦᠷᠢᠶᠡᠲᠦᠨᠠᠭᠤᠷ ᠣᠨ ᠤᠶᠠᠩᠭᠠ ︾ ᠂ ︽ ᠲᠡᠷᠭᠡᠯ ᠰᠠᠷᠠᠨ ᠣ ᠨᠤᠲᠤᠭ ︾ ᠂ ︽ ᠤᠶᠠᠩᠭᠠ ᠶᠢᠨ ᠬᠦᠦᠭᠡᠢ ︾ ᠂ ︽ ᠲᠠᠮᠠᠴᠢ ᠶᠢᠨ ᠡᠭᠡᠰᠢᠭᠯᠡᠩ ︾ ᠂ ︽ ᠤᠶᠠᠩᠭᠠ ᠶᠢᠨ ᠵᠥᠭᠡᠯᠡᠨ ᠬᠤᠷᠠ ︾ ᠂ ︽ ᠪᠠᠭᠤᠴᠠᠨ ᠴᠢᠯᠠᠭᠤ ︾ ᠂ ︽ ᠳᠡᠯᠡᠬᠡᠢ ᠶᠢᠨ ᠢᠷᠠᠭᠤ ᠨᠠᠢᠷᠠᠭ ᠣᠨ ᠡᠳᠦᠷᠯᠢᠭ ᠢ ᠤᠭᠲᠤᠬᠤ ᠬᠥᠪᠡᠭᠡᠲᠦ ᠰᠢᠷᠠ ᠬᠣᠰᠢᠭᠤᠨ ᠣ ᠠᠷᠪᠠᠨ ᠳᠥᠷᠪᠡᠳᠦᠭᠡᠷ ᠂ ᠠᠷᠪᠠᠨ ᠳᠣᠯᠤᠳᠤᠭᠠᠷ ᠬᠤᠭᠤᠴᠠᠭᠠᠨ ᠣ ᠮᠠᠯᠴᠢᠳ ᠣᠨ ᠪᠢᠯᠢᠭ ᠰᠣᠷᠢᠬᠤ ᠴᠤᠭᠯᠠᠭᠠᠨ ︾ ︽ ᠬᠥᠪᠡᠭᠡᠲᠦ ᠰᠢᠷᠠ ᠬᠣᠰᠢᠭᠤᠨ ᠣ ᠰᠤᠷᠭᠠᠨ ᠬᠥᠮᠦᠵᠢᠯ ᠣᠨ ᠤᠷᠠᠯᠢᠭ ᠣᠨ ᠪᠠᠶᠠᠷ ︾ ᠵᠡᠷᠭᠡ ᠤᠯᠤᠰ ᠣᠷᠤᠨ ᠣ ᠶᠡᠬᠡ ᠪᠠᠭᠠ ᠢᠷᠠᠭᠤ ᠨᠠᠢᠷᠠᠭ ᠣᠨ ᠲᠡᠮᠡᠴᠡᠭᠡᠨ ᠢᠶᠠᠷ ᠠᠮᠵᠢᠯᠲᠠ ᠪᠠᠢᠭᠤᠯᠵᠤ ᠱᠠᠩᠨᠠᠯ ᠭᠠᠷᠳᠠᠵᠤ ᠪᠠᠢᠭᠰᠠᠨ ᠪᠥᠭᠡᠳ ᠪᠦᠬᠦ ᠤᠯᠤᠰ ᠣᠨ ︽ ᠲᠣᠷᠭᠠᠨ ᠴᠠᠬᠠᠷ ︾ ᠨᠡᠷᠡᠮᠵᠢᠲᠦ ᠢᠷᠠᠭᠤ ᠨᠠᠢᠷᠠᠭ ᠣᠨ ᠶᠡᠬᠡ ᠤᠷᠤᠯᠳᠤᠭᠠᠨ ᠳ᠋ᠣ ︽ ᠢᠷᠠᠭᠤ ᠤᠶᠠᠩᠭᠠᠯᠠᠭᠴᠢ ︾ ᠪᠠᠷ ᠴᠣᠯᠠᠯᠠᠭᠳᠠᠪᠠ ᠃ ᠶᠡᠬᠡ ᠰᠤᠷᠭᠠᠭᠤᠯᠢ ᠳ᠋ᠣ ᠪᠠᠢᠬᠤ ᠳ᠋ᠣ ᠪᠠᠨ ᠬᠥᠪᠡᠭᠡᠲᠦ ᠰᠢᠷᠠ ᠬᠣᠰᠢᠭᠤᠨ ᠣ ᠤᠷᠠᠯᠢᠭ ᠰᠣᠶᠤᠯ ᠳ᠋ᠣ ᠳᠤᠷᠠ ᠪᠠᠬᠠ ᠲᠠᠢ ᠣᠶᠤᠲᠠᠳ ᠢ᠋ᠶ᠋ᠡᠨ ᠵᠣᠬᠢᠶᠠᠨ ᠪᠠᠢᠭᠤᠯᠵᠤ ︽ ᠣᠶᠤᠲᠠᠳ ᠣᠨ ᠪᠣᠯᠵᠤᠭᠠ ︾ ᠤᠷᠠᠨ ᠰᠠᠢᠬᠠᠨ ᠣ ᠬᠠᠷᠢᠭᠤ ᠮᠡᠳᠡᠭᠦᠯᠦᠯᠲᠡ ᠶᠢᠨ ᠴᠠᠭᠠᠨ ᠰᠠᠷᠠ ᠶᠢᠨ ᠦᠳᠡᠰᠢᠯᠡᠭᠡ ᠶᠢ ᠳᠥᠷᠪᠡᠨ ᠵᠢᠯ ᠳᠠᠷᠠᠭᠠᠯᠠᠨ ᠵᠣᠬᠢᠶᠠᠨ ᠪᠠᠢᠭᠤᠯᠬᠤ ᠶᠢᠨ ᠳᠠᠭᠠᠤ ᠠᠮᠢᠳᠤᠷᠠᠯ ᠬᠦᠴᠢᠷᠳᠡᠯᠲᠡᠢ ᠪᠠᠭᠠ ᠰᠤᠷᠭᠠᠭᠤᠯᠢ ᠶᠢᠨ ᠳᠡᠭᠦᠦᠨᠡᠷ ᠢ᠋ᠶ᠋ᠡᠨ ᠳᠡᠮᠵᠢᠭᠰᠡᠨ ᠪᠠ ᠪᠠᠷᠠᠭᠤᠨ ᠦᠵᠦᠮᠦᠴᠢᠨ ᠬᠣᠰᠢᠭᠤᠨ ᠳ᠋ᠣ ᠥᠪᠦᠷ ᠮᠣᠩᠭᠤᠯ ᠣᠷᠤᠨ ᠣ ︽ ᠭᠠᠯᠲᠤ ᠬᠠᠷᠢᠶᠠᠴᠠᠢ ︾ ᠠᠩᠬᠠᠳᠠᠭᠴᠢ ᠤᠳᠠᠭᠠᠨ ᠣ ᠢᠨᠠᠭ ᠣᠨ ᠰᠢᠯᠦᠭ ᠣᠨ ᠤᠷᠤᠯᠳᠤᠭᠠᠨ ᠢ ᠡᠭᠦᠰᠭᠡᠨ ᠪᠠᠢᠭᠤᠯᠵᠤ ᠠᠮᠵᠢᠯᠲᠠ ᠲᠠᠢ ᠶᠠᠪᠤᠭᠳᠠᠭᠤᠯᠪᠠ ᠃ 2017 ᠣᠨ ᠳ᠋ᠣ ᠳᠡᠯᠡᠬᠡᠢ ᠶᠢᠨ ᠢᠷᠠᠭᠤ ᠨᠠᠢᠷᠠᠭᠴᠢᠳ ᠣᠨ ᠶᠡᠬᠡ ᠬᠤᠷᠠᠯ ᠳ᠋ᠣ ᠮᠣᠩᠭᠤᠯ ᠤᠯᠤᠰ ᠣᠨ ᠵᠣᠬᠢᠶᠠᠯᠴᠢᠳ ᠣᠨ ᠬᠣᠷᠢᠶᠠᠨ ᠣ ᠤᠷᠢᠯᠭᠠ ᠪᠠᠷ ᠣᠷᠤᠯᠴᠠᠵᠤ ᠥᠩᠭᠡ ᠭᠡᠷᠡᠯᠲᠡᠢ ᠪᠠᠷ ᠪᠠᠲᠤᠯᠠᠮᠵᠢ ᠭᠠᠷᠳᠠᠪᠠ ᠃ ᠰᠢᠯᠢ ᠶᠢᠨ ᠭᠣᠣᠯ ᠠᠢᠮᠠᠭ ᠣᠨ ᠵᠣᠬᠢᠶᠠᠯᠴᠢᠳ ᠣᠨ ᠡᠪᠯᠡᠯ ᠣᠨ ᠭᠡᠰᠢᠭᠦᠨ ᠂ ᠰᠢᠯᠢ ᠶᠢᠨ ᠭᠣᠣᠯ ᠠᠢᠮᠠᠭ ᠣᠨ ᠭᠡᠷᠡᠯ ᠵᠢᠷᠤᠭᠴᠢᠳ ᠣᠨ ᠨᠡᠢᠭᠡᠮᠯᠢᠭ ᠣᠨ ᠭᠡᠰᠢᠭᠦᠨ ᠂ ᠬᠥᠪᠡᠭᠡᠲᠦ ᠰᠢᠷᠠ ᠬᠣᠰᠢᠭᠤᠨ ᠣ ᠤᠳᠭᠠ ᠤᠷᠠᠯᠢᠭ ᠣᠨ ᠬᠢᠨ ᠣ ᠬᠣᠯᠪᠤᠭᠠᠨ ᠣ ᠭᠡᠰᠢᠭᠦᠨ ᠃ ᠣᠳᠣ ᠮᠣᠩᠭᠤᠯ ᠤᠯᠤᠰ ᠣᠨ ᠤᠯᠠᠭᠠᠨᠪᠠᠭᠠᠲᠤᠷ ᠣᠨ ᠶᠡᠬᠡ ᠰᠤᠷᠭᠠᠭᠤᠯᠢ ᠶᠢᠨ ᠮᠣᠩᠭᠤᠯ ᠬᠡᠯᠡ ᠤᠷᠠᠨ ᠵᠣᠬᠢᠶᠠᠯ ᠣᠨ ᠴᠢᠭᠯᠡᠯ ᠢ᠋ᠶ᠋ᠡᠷ ᠮᠠᠺᠢᠰᠲ᠋ᠣᠷ ᠰᠤᠷᠤᠯᠴᠠᠵᠤ ᠪᠠᠢᠨᠠ ᠃
Copyight 2016 by nmgmzw.gov.cn All Rights Reserved
