ᠵᠣᠬᠢᠶᠠᠭᠴᠢ ᠶᠢᠨ ᠲᠠᠨᠢᠯᠴᠠᠭᠤᠯᠭ᠎ᠠ：

ᠢ ᠵᠢᠨ ᠬᠤᠸᠠ ︵ ᠪᠢᠷ ᠦᠨ ᠨᠡᠷ᠎ᠡ ᠄ ᠯ‍ · ᠨᠢᠩᠵᠢᠨ ︶ 1968 ᠣᠨ ᠤ᠋ 7 ᠰᠠᠷ᠎ᠠ ᠶᠢᠨ 30 ᠦ ᠡᠳᠦᠷ ᠬᠢᠩᠭᠠᠨ ᠠᠢᠮᠠᠭ ᠤ᠋ᠨ ᠵᠠᠯᠠᠢᠳ ᠬᠣᠰᠢᠭᠤᠨ ᠤ᠋ ᠪᠠᠶᠠᠨᠤ᠋ᠯᠠᠭᠠᠨ ᠰᠤᠮᠤ ᠶᠢᠨ ᠨᠡᠷᠡᠲᠦ ᠭᠠᠴᠠᠭᠠᠨ ‍ᠳ᠋ᠥ ᠲᠥᠷᠦᠪᠡ ᠃ ᠣᠳᠣ ᠬᠣᠷᠴᠢᠨ ᠪᠠᠷᠠᠭᠤᠨ ᠭᠠᠷᠤᠨ ᠡᠮᠦᠨᠡᠳᠦ ᠬᠣᠰᠢᠭᠤᠨ ᠤ᠋ ᠮᠠᠨᠵᠤᠲ᠋ᠦᠢᠨ ᠰᠤᠷᠭᠠᠭᠤᠯᠢ ‍ᠳ᠋ᠥ ᠪᠠᠭᠰᠢᠯᠠᠵᠤ ᠪᠤᠢ ᠃ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠶᠢᠨ ᠳᠡᠭᠡᠳᠦ ᠲᠡᠰ ᠦᠨ ᠪᠠᠭᠰᠢ ᠂ ᠬᠢᠩᠭᠠᠨ ᠠᠢᠮᠠᠭ ᠤ᠋ᠨ ᠵᠣᠬᠢᠶᠠᠯᠴᠢᠳ ᠤ᠋ᠨ ᠨᠡᠢᠭᠡᠮᠯᠢᠭ ᠦ᠋ᠨ ᠭᠡᠰᠢᠭᠦᠨ ᠃ 1989 ᠣᠨ ‍ᠳ᠋ᠥ ᠠᠩᠬᠠᠨ ᠤ ᠥᠭᠦᠯᠡᠯᠭᠡ《 ᠥᠨᠦᠴᠢᠨ ᠪᠤᠯᠠᠰᠢ》 ᠪᠠᠨ《 ᠲᠠᠯ᠎ᠠ ᠶᠢᠨ ᠭᠤᠷᠪᠠᠨ ᠭᠥᠷᠥᠭᠡᠰᠦ》 ᠭᠡᠬᠦ ᠪᠦᠬᠦ ᠣᠷᠤᠨ ᠤ᠋ ᠳᠤᠮᠳᠠ ᠵᠡᠷᠭᠡ ᠶᠢᠨ ᠪᠠᠭᠰᠢ ᠶᠢᠨ ᠰᠤᠷᠭᠠᠭᠤᠯᠢ ᠶᠢᠨ ᠵᠣᠬᠢᠶᠠᠯ ᠤ᠋ᠨ ᠲᠡᠭᠦᠪᠦᠷᠢ ‍ᠳ᠋ᠥ ᠨᠡᠢᠲᠡᠯᠡᠭᠦᠯᠦᠭᠰᠡᠨ ᠡᠴᠡ ᠨᠠᠰᠢ ᠤᠷᠠᠨ ᠵᠣᠬᠢᠶᠠᠯ ᠤ᠋ᠨ ᠣᠷᠤᠯᠳᠤᠯᠭ᠎ᠠ ᠪᠠᠨ ᠡᠬᠢᠯᠡᠭᠦᠯᠪᠡ ᠃ ᠨᠡᠢᠲᠡᠯᠡᠵᠦ ᠥᠩᠭᠡᠷᠡᠭᠰᠡᠨ ᠰᠢᠯᠦᠭ ᠵᠣᠬᠢᠶᠠᠯ ᠠ᠋ᠴᠠ ᠬᠡᠳᠦ ᠶᠢ ᠳᠤᠷᠠᠳᠪᠠᠯ ᠄ 《ᠬᠢᠯᠢᠴᠢᠳ》 ᠰᠡᠳᠭᠦᠯ ‍ᠳ᠋ᠥ ᠨᠡᠢᠲᠡᠯᠡᠭᠳᠡᠭᠰᠡᠨ《 ᠮᠢᠨᠤ ᠬᠢᠩᠭᠠᠨ ᠨᠤᠲᠤᠭ》 ᠂《 ᠪᠢ ᠴᠢᠮ᠎ᠠ ‍ᠳ᠋ᠥ ᠪᠠᠨ ᠬᠠᠢᠷᠠᠲᠠᠢ》 ᠂《 ᠬᠠᠪᠤᠷ ᠤᠨ ᠵᠡᠭᠦᠳᠦ》 ᠵᠡᠷᠭᠡ ᠰᠢᠯᠦᠭ ᠪᠤᠢ ᠃ 《 ᠨᠠᠩᠰᠠᠯ ᠡᠵᠢ ᠶᠢᠨ ᠬᠢᠨ》 ᠂《 ᠪᠠᠲᠤᠴᠠᠭᠠᠨ ᠮᠢᠨᠢ》 ᠂《 ᠴᠢᠯᠠᠭᠤᠨ ᠳᠠᠷᠤᠭ᠎ᠠ》 ᠂《 ᠰᠠᠩᠵᠠᠢ ᠡᠪᠦᠭᠡᠨ ᠦ ᠪᠠᠶᠠᠰᠤᠯ》 ᠂《 ᠴᠠᠭᠠᠨ ᠳᠠᠪᠠᠭᠠᠨ ᠤ᠋ ᠡᠩᠭᠡᠷ ᠲᠦ᠍》 ᠵᠡᠷᠭᠡ ᠬᠣᠷᠢᠭᠠᠳ ᠥᠭᠦᠯᠡᠯᠭᠡ ᠪᠠᠨ ᠤᠷᠢᠳ ᠬᠣᠵᠢᠳ《 ᠠᠯᠳᠠᠨ ᠬᠢᠩᠭᠠᠨ》 ᠰᠡᠳᠭᠦᠯ ‍ᠳ᠋ᠥ ᠨᠡᠢᠲᠡᠯᠡᠭᠦᠯᠵᠦ ᠥᠩᠭᠡᠷᠡᠪᠡ ᠃ ᠱᠠᠩᠨᠠᠯ ᠬᠥᠬᠢᠭᠦᠯᠦᠯ ᠬᠦᠷᠲᠡᠭᠰᠡᠨ ᠪᠠᠢᠳᠠᠯ ᠄ 2010 ᠣᠨ ‍ᠳ᠋ᠥ《 ᠬᠢᠩᠭᠠᠨ ᠤ ᠡᠳᠦᠷ ᠦᠨ ᠰᠣᠨᠢᠨ  》 ᠤ ᠬᠣᠷᠢᠶ᠎ᠠ ᠪᠠ ᠬᠣᠷᠴᠢᠨ ᠪᠠᠷᠠᠭᠤᠨ ᠭᠠᠷᠤᠨ ᠳᠤᠮᠳᠠᠳᠤ ᠬᠣᠰᠢᠭᠤᠨ ᠤ᠋ ᠤᠳᠭ᠎ᠠ ᠤᠷᠠᠯᠢᠭ ᠤᠨ ᠬᠣᠯᠪᠤᠭ᠎ᠠ ᠠ᠋ᠴᠠ ᠶᠠᠪᠤᠭᠳᠠᠭᠤᠯᠤᠭᠰᠠᠨ《 ᠪᠠᠲᠤᠴᠠᠭᠠᠨ ᠤ᠋ ᠬᠠᠢᠷ᠎ᠠ》 ᠨᠡᠷᠡᠮᠵᠢᠲᠦ ᠤᠷᠠᠨ ᠵᠣᠬᠢᠶᠠᠯ ᠤ᠋ᠨ ᠤᠷᠤᠯᠳᠤᠭᠠᠨ ‍ᠳ᠋ᠥ《 ᠪᠠᠲᠤᠴᠠᠭᠠᠨ ᠮᠢᠨᠢ》 ᠭᠡᠬᠦ ᠥᠭᠦᠯᠡᠯᠭᠡ ᠪᠡᠷ ᠭᠤᠷᠪᠠᠳᠤᠭᠠᠷ ᠲᠡᠰ ᠦᠨ ᠱᠠᠩ ᠲᠤᠰᠪᠠ ᠃ 2014 ᠣᠨ ‍ᠳ᠋ᠥ ᠬᠢᠩᠭᠠᠨ ᠠᠢᠮᠠᠭ ᠤ᠋ᠨ ᠦᠨᠳᠦᠰᠦᠲᠡᠨ ᠦ᠌ ᠬᠡᠷᠡᠭ ᠡᠷᠬᠢᠯᠡᠬᠦ ᠲᠣᠪᠴᠢᠶ᠎ᠠ ᠪᠠ《 ᠠᠯᠳᠠᠨ ᠬᠢᠩᠭᠠᠨ》 ᠰᠡᠳᠭᠦᠯ ᠡᠴᠡ ᠵᠣᠬᠢᠶᠠᠨ ᠪᠠᠢᠭᠤᠯᠤᠭᠰᠠᠨ《 ᠦᠨᠳᠦᠰᠦᠲᠡᠨ ᠦ᠌ ᠪᠦᠯᠬᠦᠮᠳᠡᠯ》 ᠦᠨ ᠰᠡᠳᠦᠪᠲᠦ ᠤᠷᠠᠨ ᠵᠣᠬᠢᠶᠠᠯ ᠤ᠋ᠨ ᠤᠷᠤᠯᠳᠤᠭᠠᠨ ‍ᠳ᠋ᠥ《 ᠴᠢᠯᠠᠭᠤᠨ ᠳᠠᠷᠤᠭ᠎ᠠ 》ᠭᠡᠬᠦ ᠥᠭᠦᠯᠡᠯᠭᠡ ᠪᠡᠷ ᠨᠢᠭᠡᠳᠦᠭᠡᠷ ᠲᠡᠰ ᠦᠨ ᠱᠠᠩ ᠲᠤᠰᠪᠠ ᠃ 2014 ᠣᠨ ᠤ᠋12 ᠰᠠᠷ᠎ᠠ ‍ᠳ᠋ᠥ ᠬᠢᠩᠭᠠᠨ ᠠᠢᠮᠠᠭ ᠤ᠋ᠨ ᠵᠣᠬᠢᠶᠠᠯᠴᠢᠳ ᠤ᠋ᠨ ᠨᠡᠢᠭᠡᠮᠯᠢᠭ ᠪᠠ ᠤᠳᠭ᠎ᠠ ᠤᠷᠠᠯᠢᠭ ᠤᠨ ᠬᠢᠨ ᠦ ᠬᠣᠯᠪᠤᠭ᠎ᠠ ᠠ᠋ᠴᠠ ᠡᠷᠬᠢᠯᠡᠨ ᠶᠠᠪᠤᠭᠤᠯᠤᠭᠰᠠᠨ《 ᠳᠤᠮᠳᠠᠳᠤ ᠶ᠋ᠢᠨ ᠬᠦᠰᠡᠯ ᠵᠡᠭᠦᠳᠦ ︱ ᠬᠢᠩᠭᠠᠨ ᠤ ᠦᠯᠢᠭᠡᠷ ᠢ ᠲᠤᠤᠨᠢᠬᠤᠢ》 ᠭᠡᠬᠦ ᠪᠦᠬᠦ ᠠᠢᠮᠠᠭ ᠤ᠋ᠨ ᠳᠥᠷᠪᠡᠳᠦᠭᠡᠷ ᠬᠤᠭᠤᠴᠠᠭᠠᠨ ᠤ ᠥᠭᠦᠯᠡᠯᠭᠡ ᠶ᠋ᠢᠨ ᠤᠷᠤᠯᠳᠤᠭᠠᠨ ‍ᠳ᠋ᠥ《 ᠴᠠᠭᠠᠨ ᠳᠠᠪᠠᠭᠠᠨ ᠤ᠋ ᠡᠩᠭᠡᠷ ᠲᠦ᠍》 ᠭᠡᠬᠦ ᠥᠭᠦᠯᠡᠯᠭᠡ ᠬᠣᠶᠠᠳᠤᠭᠠᠷ ᠲᠡᠰ ᠦᠨ ᠱᠠᠩᠨᠠᠯ ᠬᠦᠷᠲᠡᠪᠡ ᠃ 2015 ᠣᠨ ‍ᠳ᠋ᠥ《 ᠠᠷᠪᠠ ᠶᠢ ᠨᠡᠢᠳᠡᠮ ᠪᠦᠷᠬᠦᠭᠦᠯᠵᠦ ︱ ᠰᠢᠨ᠎ᠡ ᠬᠥᠳᠡᠭᠡ ᠲᠣᠰᠭᠤᠨ ᠤ᠋ ᠬᠦᠰᠡᠯ ᠢ ᠲᠡᠷᠭᠡᠯᠰᠢᠭᠦᠯᠬᠦ》 ᠰᠡᠳᠦᠪᠲᠦ ᠪᠦᠬᠦ ᠠᠢᠮᠠᠭ ᠤ᠋ᠨ ᠡᠯᠰᠡᠭᠰᠡᠨ ᠵᠣᠬᠢᠶᠠᠯ ᠤ᠋ᠨ ᠤᠷᠤᠯᠳᠤᠭᠠᠨ ‍ᠳ᠋ᠥ《 ᠰᠠᠩᠵᠠᠢ ᠡᠪᠦᠭᠡᠨ ᠦ ᠪᠠᠶᠠᠰᠤᠯ》 ᠭᠡᠬᠦ ᠥᠭᠦᠯᠡᠯᠭᠡ ᠪᠡᠷ ᠬᠣᠶᠠᠳᠤᠭᠠᠷ ᠲᠡᠰ ᠦᠨ ᠱᠠᠩᠨᠠᠯ ᠲᠤᠰᠴᠠᠢ ᠃