ᠨᠡᠷᠡ：
ᠨᠠᠷᠠᠩᠭᠤᠸᠠ
ᠴᠢᠨᠠᠷ ᠤᠨ ᠢᠯᠭᠠᠯ：
ᠨᠢᠭᠤᠴᠠ
ᠬᠠᠷᠢᠯᠴᠠᠬᠤ ᠬᠡᠯᠪᠡᠷᠢ：
ᠵᠣᠬᠢᠶᠠᠭᠴᠢ ᠶᠢᠨ ᠲᠠᠨᠢᠯᠴᠠᠭᠤᠯᠭᠠ：
ᠨᠠᠷᠠᠩᠭᠤᠸᠠ ᠪᠣᠯ 1959 ᠣᠨ ᠣ 9 ᠰᠠᠷᠠ ᠳ᠋ᠣ ᠬᠦᠷᠢᠶᠡ ᠬᠣᠰᠢᠭᠤᠨ ᠣ ᠮᠠᠩᠬᠠᠨ ᠰᠤᠮᠤᠨ ᠳ᠋ᠣ ᠲᠥᠷᠦᠵᠦ ᠂ ᠪᠠᠭᠠ ᠰᠤᠷᠭᠠᠭᠤᠯᠢ ᠪᠠᠨ ᠮᠠᠩᠬᠠᠨ ᠰᠤᠮᠤᠨ ᠣ ᠬᠠᠲᠠᠭᠤ ᠭᠠᠴᠠᠭᠠᠨ ᠣ ᠪᠠᠭᠠ ᠰᠤᠷᠭᠠᠭᠤᠯᠢ ᠳ᠋ᠣ ᠦᠵᠡᠪᠡ ︵1968 ︱1973 ᠣᠨ ︶ 1973 ︱ 1975 ᠣᠨ ᠪᠣᠯᠲᠠᠯᠠ ᠮᠠᠩᠬᠠᠨ ᠰᠤᠮᠤ ᠶᠢᠨ ᠰᠠᠭᠤᠭᠠ ᠭᠠᠵᠠᠷ ᠂ ᠮᠠᠩᠬᠠᠨ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠳ᠋ᠣ ᠪᠢᠴᠢᠭ ᠦᠵᠡᠪᠡ ᠂ ᠠᠩᠭᠢ ᠶᠢᠨ ᠡᠷᠬᠢᠯᠡᠭᠴᠢ ᠄ ᠪᠠᠭᠠᠲᠤᠷ ᠪᠠᠭᠰᠢ ︔ 1975 ︱1977 ᠣᠨ ᠪᠣᠯᠲᠠᠯᠠ ᠡᠯᠡᠰᠦᠨ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠳ᠋ᠣ ᠪᠢᠴᠢᠭ ᠦᠵᠡᠪᠡ ᠂ ᠠᠩᠭᠢ ᠶᠢᠨ ᠡᠷᠬᠢᠯᠡᠭᠴᠢ ᠄ ᠢᠮᠡᠰᠡᠷᠡᠩ ᠪᠠᠭᠰᠢ ︔ 1977 ︱ 1979 ᠣᠨ ᠪᠣᠯᠲᠠᠯᠠ ᠤᠤᠯ ᠣᠨ ᠵᠢᠷᠢᠮ ᠣᠨ ᠪᠠᠭᠰᠢ ᠶᠢᠨ ᠰᠤᠷᠭᠠᠭᠤᠯᠢ ᠶᠢᠨ ᠮᠣᠩᠭᠤᠯ ᠬᠡᠯᠡᠨ ᠣ ᠠᠩᠭᠢ ᠳ᠋ᠣ ᠪᠢᠴᠢᠭ ᠦᠵᠡᠪᠡ ᠂ ᠠᠩᠭᠢ ᠶᠢᠨ ᠡᠷᠬᠢᠯᠡᠭᠴᠢ ᠪᠠᠭᠰᠢ ᠄ ᠦᠯᠵᠡᠶᠢᠠᠤᠷᠤᠰᠢᠬᠤ ᠪᠠᠭᠰᠢ ︔ 1979.8 ︱1988.8 ᠮᠠᠩᠬᠠᠨ ᠳ᠋ᠠᠬᠢ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠳ᠋ᠣ ᠪᠢᠴᠢᠭ ᠵᠢᠭᠠᠵᠤ ᠂ ᠪᠠᠭᠰᠢ ᠶᠢᠨ ᠠᠵᠢᠯ ᠢ ᠬᠢᠪᠡ ᠂ ᠰᠤᠷᠭᠠᠭᠤᠯᠢ ᠶᠢᠨ ᠵᠠᠬᠢᠷᠤᠯ ᠄ ᠪᠥᠬᠡᠲᠡᠮᠦᠷ ᠪᠠᠭᠰᠢ ︔ 1988.9 ︱2002 ᠣᠨ ᠳ᠋ᠣ ᠬᠦᠷᠢᠶᠡ ᠬᠣᠰᠢᠭᠤᠨ ᠣ ᠳᠥᠷᠪᠡᠳᠦᠭᠡᠷ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠶᠢᠨ ᠪᠠᠭᠰᠢ ᠶᠢᠨ ᠠᠵᠢᠯ ᠬᠢᠪᠡ ᠂ ᠵᠠᠬᠢᠷᠤᠯ ᠄ ᠸᠠᠩ ᠹᠦ ᠴᠢᠤᠸᠠᠨ ᠪᠠᠭᠰᠢ ︔ 2002.8 ︱2014.9.10 ᠪᠣᠯᠲᠠᠯᠠ ᠬᠦᠷᠢᠶᠡ ᠳ᠋ᠠᠬᠢ ᠨᠢᠭᠡᠳᠦᠭᠡᠷ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠳ᠋ᠣ ᠠᠵᠢᠯᠯᠠᠪᠠ ᠂ ᠵᠠᠬᠢᠷᠤᠯ ᠄ ᠠᠯᠲᠠᠨᠪᠠᠶᠠᠷ 2014 ᠣᠨ ᠣ9 ᠰᠠᠷᠠ ᠶᠢᠨ10 ᠣ ᠡᠳᠦᠷ ᠬᠦᠷᠢᠶᠡ ᠨᠢᠭᠡᠳᠦᠭᠡᠷ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠠᠴᠠ ᠠᠵᠢᠯ ᠣᠨ ᠠᠮᠠᠷᠠᠯᠲᠠ ᠪᠠᠨ ᠠᠪᠤᠪᠠ ᠃ ᠪᠢ ᠬᠠᠷᠠᠬᠠᠨ ᠪᠠᠭᠠ ᠠᠴᠠ ᠪᠠᠨ ᠳᠠᠭᠤᠯᠠᠵᠤ ᠪᠥᠵᠢᠭᠯᠡᠬᠦ ᠂ ᠵᠣᠬᠢᠶᠠᠨ ᠪᠦᠲᠦᠭᠡᠬᠦ ᠳᠤᠷᠠᠲᠠᠢ ᠂ ᠨᠡᠩ ᠨᠠᠢᠷᠠᠭᠤᠯᠤᠯ ᠣᠨ ᠵᠣᠬᠢᠶᠠᠯ ᠢ ᠤᠩᠰᠢᠨ ᠰᠣᠨᠢᠷᠬᠠᠬᠤ ᠳᠤᠷᠠᠲᠠᠢ ᠪᠥᠭᠡᠳ ᠥᠪᠡᠷᠲᠡᠭᠡᠨ ᠴᠦ᠍ ᠪᠠᠰᠠ ᠤᠯᠠᠨ ᠤᠯᠠᠨ ᠨᠠᠢᠷᠠᠭᠤᠯᠤᠯ ᠣᠨ ᠵᠣᠬᠢᠶᠠᠯ ᠪᠢᠴᠢᠵᠦ ᠂ ᠲᠦᠩᠯᠢᠶᠣᠤ ᠡᠳᠦᠷ ᠣᠨ ᠰᠣᠨᠢᠨ ᠂ ᠥᠪᠦᠷ ᠮᠣᠩᠭᠤᠯ ᠣᠨ ᠡᠳᠦᠷ ᠣᠨ ᠰᠣᠨᠢᠨ ᠂ ᠥᠪᠦᠷ ᠮᠣᠩᠭᠤᠯ ᠣᠨ ᠡᠮᠡᠭᠲᠡᠢᠴᠦᠳ ᠰᠡᠳᠭᠦᠯ ᠂ ᠵᠢᠷᠢᠮ ᠣᠨ ᠤᠷᠠᠨ ᠵᠣᠬᠢᠶᠠᠯ ᠰᠡᠳᠭᠦᠯ ᠂ ᠬᠤᠨ ᠭᠠᠯᠠᠭᠤ ᠵᠡᠷᠭᠡ ᠵᠡᠷᠭᠡ ᠰᠡᠳᠭᠦᠯ ᠳᠡᠭᠡᠷᠡ ᠨᠡᠢᠲᠡᠯᠡᠭᠦᠯᠵᠦ ᠥᠩᠭᠡᠷᠡᠭᠰᠡᠨ ᠶᠤᠮ ᠃ ᠳᠠᠭᠤᠯᠠᠬᠤ ᠳᠤᠷᠠᠲᠠᠢ ᠤᠴᠢᠷ ᠠᠴᠠ ᠰᠠᠢᠬᠠᠨ ᠳᠠᠭᠤᠯᠠᠵᠤ ᠰᠠᠢᠲᠤᠷ ᠤᠯᠠᠮᠵᠢᠯᠠᠨ ᠴᠢᠷᠮᠠᠢᠭᠰᠠᠨ ᠠᠴᠠ ︽ ᠬᠦᠷᠢᠶᠡ ᠬᠣᠰᠢᠭᠤᠨ ᠣ ᠠᠷᠠᠳ ᠣᠨ ᠳᠠᠭᠤᠤ ᠶᠢᠨ ᠤᠯᠠᠮᠵᠢᠯᠠᠭᠴᠢ ︾ ᠪᠡᠷ ᠨᠡᠷᠡᠢᠳᠦᠭᠳᠡᠭᠰᠡᠨ ᠣ ᠬᠠᠮᠲᠤ 2013 ᠣᠨ ᠣ 6 ᠰᠠᠷᠠ ᠳ᠋ᠣ ᠲᠦᠩᠯᠢᠶᠣᠤ ᠬᠤᠳᠠ ᠶᠢᠨ ︽ ᠠᠷᠠᠳ ᠣᠨ ᠳᠠᠭᠤᠤ ᠶᠢᠨ ᠤᠯᠠᠮᠵᠢᠯᠠᠭᠴᠢ ︾ ᠪᠡᠷ ᠨᠡᠷᠡᠢᠳᠦᠭᠳᠡᠭᠰᠡᠨ ᠪᠥᠭᠡᠳ 2017 ᠣᠨ ᠳ᠋ᠣ ᠲᠦᠩᠯᠢᠶᠣᠤ ᠬᠤᠳᠠ ᠶᠢᠨ ᠠᠷᠠᠳ ᠣᠨ ᠳᠠᠭᠤᠤ ᠶᠢᠨ ᠬᠡᠷᠡᠭ ᠡᠷᠬᠢᠯᠡᠭᠴᠢ ᠶᠢᠨ ᠠᠵᠢᠯ ᠢ ᠡᠭᠦᠷᠭᠡᠯᠡᠨ ᠬᠢᠵᠦ ᠪᠠᠢᠨᠠ ᠃ ᠪᠢ ᠤᠶᠠᠩᠭᠠ ᠳᠠᠭᠤᠤ ᠪᠠᠨ ᠤᠷᠠᠨ ᠵᠣᠬᠢᠶᠠᠯ ᠳ᠋ᠠᠭᠠᠨ ᠠᠭᠤᠰᠭᠠᠨ ᠂ ᠤᠷᠠᠨ ᠵᠣᠬᠢᠶᠠᠯ ᠂ ᠮᠣᠩᠭᠤᠯ ᠵᠦᠴᠦᠭᠡ ᠶᠢᠨ ᠵᠣᠬᠢᠶᠠᠯ ᠢᠶᠠᠨ ᠨᠡᠩ ᠤᠷᠮᠠ ᠪᠠᠬᠠ ᠲᠠᠢ ᠪᠢᠴᠢᠵᠦ ᠂ ᠤᠯᠠᠨ ᠤᠯᠠᠨ ᠱᠠᠩᠨᠠᠯ ᠲᠤᠰᠤᠭᠰᠠᠨ ᠪᠠᠢᠨᠠ ᠃ ᠤᠯᠠᠨ ᠵᠢᠯ ᠣᠨ ᠲᠤᠷᠰᠢ ᠮᠢᠨᠤ ᠪᠢᠴᠢᠭᠰᠡᠨ ︽ ᠬᠣᠵᠢᠮ ᠪᠢ ᠨᠢᠰᠭᠡᠯ ᠢᠶᠠᠷ ᠲᠦᠷᠬᠦᠮᠴᠢᠯᠡᠨᠡ ᠳ᠋ᠠ ︾ ᠂ ︽ ᠦᠷᠡ ᠲᠠᠢ ᠬᠥᠮᠦᠨ ᠥᠷᠢ ᠲᠠᠢ ᠯᠠ ᠳ᠋ᠠ ︾ ᠂ ︽ ᠮᠢᠨᠤ ᠡᠵᠢ ᠪᠣᠯ ᠮᠠᠵᠶᠠᠩ ᠫᠠᠢ ᠨᠠᠭᠠᠳᠤᠬᠴᠢ ︾ ᠂ ︽ ᠮᠢᠨᠤ ᠵᠢᠷᠦᠬᠡᠨ ᠣ ᠭᠤᠷᠪᠠᠨ ᠲᠣᠯᠲᠤ ︾ ᠂ ︽ ᠡᠭᠡᠴᠢ ᠶᠢᠨ ᠮᠢᠨᠤ ᠮᠣᠷᠳᠠᠭᠰᠠᠨ ᠳᠠᠷᠤᠭᠠ ᠬᠦᠷᠭᠡᠨ ︾ ᠂ ︽ ᠦᠢᠯᠡ ᠣᠶᠤᠳᠠᠯ ᠢᠶᠠᠷ ᠢᠶᠠᠨ ᠦᠢᠯᠡᠰ ᠪᠣᠰᠭᠠᠭᠰᠠᠨ ᠬᠡᠦᠬᠡᠨ ︾ ᠵᠡᠷᠭᠡ ᠵᠡᠷᠭᠡ ᠨᠠᠢᠷᠠᠭᠤᠯᠤᠯ ᠣᠨ ᠵᠣᠬᠢᠶᠠᠯ ᠤᠳ ᠲᠤᠰ ᠲᠤᠰ ᠵᠢᠷᠢᠮ ᠣᠨ ᠤᠷᠠᠨ ᠵᠣᠬᠢᠶᠠᠯ ᠂ ᠥᠪᠦᠷ ᠮᠣᠩᠭᠤᠯ ᠣᠨ ᠡᠮᠡᠭᠲᠡᠢᠴᠦᠳ ᠂ ᠥᠪᠦᠷ ᠮᠣᠩᠭᠤᠯ ᠣᠨ ᠵᠠᠯᠠᠭᠤᠴᠤᠳ ᠰᠡᠳᠭᠦᠯ ᠂ ᠥᠪᠦᠷ ᠮᠣᠩᠭᠤᠯ ᠣᠨ ᠡᠳᠦᠷ ᠣᠨ ᠰᠣᠨᠢᠨ ᠵᠡᠷᠭᠡ ᠵᠡᠷᠭᠡ ᠳ᠋ᠣ ᠪᠦᠷ ᠨᠡᠢᠲᠡᠯᠡᠵᠦ ᠥᠩᠭᠡᠷᠡᠭᠰᠡᠨ ᠪᠠᠢᠨᠠ ᠃ ᠠᠷᠠᠳ ᠣᠨ ᠳᠠᠭᠤᠤ ᠪᠣᠯ ᠮᠣᠩᠭᠤᠯ ᠵᠦᠴᠦᠭᠡ ᠲᠠᠢ ᠨᠢᠭᠲᠠ ᠬᠣᠯᠪᠤᠭᠠ ᠲᠠᠢ ᠭᠡᠳᠡᠭ ᠢ ᠪᠢ ᠮᠡᠳᠡᠵᠦ ᠤᠯᠤᠬᠰᠠᠨ ᠣ ᠳᠠᠷᠠᠭᠠ ᠂ ᠠᠷᠠᠳ ᠣᠨ ᠳᠠᠭᠤᠤ ᠪᠡᠷ ᠰᠡᠳᠦᠪ ᠠᠪᠴᠤ ᠮᠣᠩᠭᠤᠯ ᠳᠠᠭᠤᠯᠠᠯᠲᠤ ᠵᠦᠴᠦᠭᠡ ︽ ᠳᠤᠸᠠᠯᠠᠮᠠ ᠰᠠᠴᠤᠷᠠᠮᠠ ᠬᠤᠶᠠᠭᠤᠯᠨ ︾ ᠂ ᠬᠦᠷᠢᠶᠡ ᠠᠷᠠᠳ ᠣᠨ ᠳᠠᠭᠤᠤ ︽ ᠳᠠᠭᠤᠯᠨ ︾ ︵2013 ᠣᠨ ᠳ᠋ᠣ ︶ ︽ ᠵᠠᠩ ᠢᠦᠢ ᠱᠢ ︾ ᠵᠡᠷᠭᠡ ᠵᠦᠴᠦᠭᠡ ᠶᠢᠨ ᠵᠣᠬᠢᠶᠠᠯ ᠲᠤᠰᠪᠤᠷᠢ ︽ ᠬᠤᠨ ᠭᠠᠯᠠᠭᠤ ᠰᠡᠳᠭᠦᠯ ︾ ︽ ᠵᠢᠷᠢᠮ ᠤᠷᠠᠯᠢᠭ ︾ ᠰᠡᠳᠭᠦᠯ ᠳ᠋ᠣ ᠨᠡᠢᠲᠡᠯᠡᠭᠳᠡᠭᠰᠡᠨ ᠪᠥᠭᠡᠳ 2013 ᠣᠨ ᠳ᠋ᠣ ᠪᠦᠬᠦ ᠣᠷᠤᠨ ᠣ ᠬᠡᠪᠴᠢᠶᠡᠨ ᠳ᠋ᠣ ᠶᠠᠪᠤᠭᠳᠠᠭᠤᠯᠤᠭᠰᠠᠨ ᠥᠪᠦᠷ ᠮᠣᠩᠭᠤᠯ ᠣᠨ ᠤᠳᠭᠠ ᠤᠷᠠᠯᠢᠭ ᠣᠨ ᠬᠣᠯᠪᠤᠭᠠ ᠠᠴᠠ ᠡᠷᠬᠢᠯᠡᠨ ᠶᠠᠪᠤᠭᠳᠠᠭᠤᠯᠤᠭᠰᠠᠨ ᠳᠠᠭᠤᠷᠢᠯᠢᠭ ᠣᠨ ᠤᠷᠤᠯᠳᠤᠭᠠᠨ ᠳ᠋ᠣ ︽ ᠬᠦᠷᠭᠡᠨ ᠰᠣᠩᠭᠤᠭᠰᠠᠨ ᠦᠢᠮᠡᠭᠡᠨ ︾ ᠭᠡᠳᠡᠭ ᠮᠣᠩᠭᠤᠯ ᠵᠦᠴᠦᠭᠡ ᠭᠤᠷᠪᠠᠳᠤᠭᠠᠷ ᠲᠤ᠌ ᠣᠷᠤᠵᠤ ᠱᠠᠩᠨᠠᠭᠳᠠᠭᠰᠠᠨ ᠪᠠᠢᠨᠠ ᠃ 2014 ᠣᠨ ᠳ᠋ᠣ ᠥᠪᠦᠷ ᠮᠣᠩᠭᠤᠯ ᠣᠨ ᠤᠳᠭᠠ ᠤᠷᠠᠯᠢᠭ ᠣᠨ ᠬᠣᠯᠪᠤᠭᠠ ᠂ ᠤᠯᠠᠨ ᠲᠦᠮᠡᠨᠴᠢ ᠤᠷᠠᠯᠢᠭ ᠣᠨ ᠣᠷᠳᠤᠨ ᠠᠴᠠ ᠲᠠᠷᠬᠠᠨ ᠮᠤᠤᠮᠢᠩᠭᠠᠨ ᠬᠣᠯᠪᠤᠭᠠᠲᠤ ᠬᠣᠰᠢᠭᠤᠨ ᠳ᠋ᠣ ᠶᠠᠪᠤᠭᠳᠠᠭᠤᠯᠤᠭᠰᠠᠨ ᠳᠠᠭᠤᠷᠢᠯᠢᠭ ᠣᠨ ᠵᠣᠬᠢᠶᠠᠨ ᠪᠦᠲᠦᠭᠡᠬᠦ ᠂ ᠰᠣᠳᠤᠯᠠᠬᠤ ᠦᠵᠡᠭᠦᠯᠦᠯᠭᠡ ᠶᠢᠨ ᠬᠥᠳᠡᠯᠭᠡᠭᠡᠨ ᠳ᠋ᠣ ︽ ᠡᠢᠮᠦ ᠨᠢᠭᠡᠨ ᠬᠥᠮᠦᠨ ︾ ᠵᠡᠷᠭᠡ ᠵᠦᠴᠦᠭᠡ ᠶᠢᠨ ᠵᠣᠬᠢᠶᠠᠯ ᠢᠶᠠᠷ ᠢᠶᠠᠨ ᠲᠡᠷᠢᠭᠦᠨ ᠲᠡᠰ ᠣᠨ ᠱᠠᠩᠨᠠᠯ ᠬᠦᠷᠲᠡᠭᠰᠡᠨ ᠪᠠᠢᠨᠠ ᠃ ᠤᠷᠠᠨ ᠵᠣᠬᠢᠶᠠᠯ ᠂ ᠮᠣᠩᠭᠤᠯ ᠵᠦᠴᠦᠭᠡ ᠪᠢᠴᠢᠭᠰᠡᠨ ᠢ᠋ᠶ᠋ᠡᠷ ᠪᠠᠷᠠᠬᠤ ᠦᠭᠡᠢ ᠥᠪᠡᠷ ᠢᠶᠠᠨ ᠴᠦ᠍ ᠮᠣᠩᠭᠤᠯ ᠵᠦᠴᠦᠭᠡ ᠲᠣᠭᠯᠠᠵᠤ ᠱᠠᠩᠨᠠᠯ ᠬᠦᠷᠲᠡᠭᠰᠡᠨ ᠪᠠᠢᠨᠠ ᠃ 2012 ᠣᠨ ᠳ᠋ᠣ ᠮᠣᠩᠭᠤᠯ ᠵᠦᠴᠦᠭᠡ ︽ ᠵᠠᠩ ᠢᠦᠢ ᠱᠢ ︾ ᠶᠢᠨ ᠳᠣᠲᠤᠷᠠᠬᠢ ᠵᠠᠩ ᠢᠦᠢ ᠱᠢ ᠶᠢ ᠲᠣᠭᠯᠠᠭᠰᠠᠨ ᠪᠥᠭᠡᠳ 2016 ᠣᠨ ᠣ 9 ᠰᠠᠷᠠ ᠳ᠋ᠣ ᠣᠷᠳᠤᠰ ᠲᠤ᠌ ᠶᠠᠪᠤᠭᠳᠠᠭᠰᠠᠨ ᠮᠣᠩᠭᠤᠯ ᠵᠦᠴᠦᠭᠡ ᠶᠢᠨ ᠦᠵᠡᠭᠦᠯᠦᠯᠭᠡ ᠶᠢᠨ ᠤᠷᠤᠯᠳᠤᠭᠠᠨ ᠳ᠋ᠣ ︽ ᠳᠠᠭᠤᠯᠨ ︾ ᠭᠡᠳᠡᠭ ᠵᠦᠴᠦᠭᠡ ᠶᠢᠨ ᠭᠣᠣᠯ ᠲᠣᠭᠯᠠᠭᠴᠢ ︽ ᠳᠠᠭᠤᠯᠨ ︾ ᠶᠢ ᠲᠣᠭᠯᠠᠵᠤ ᠱᠠᠩᠨᠠᠯ ᠬᠦᠷᠲᠡᠭᠰᠡᠨ ᠪᠠᠢᠨᠠ ᠃ ︽ ᠬᠦᠷᠭᠡᠨ ᠰᠣᠩᠭᠤᠭᠰᠠᠨ ᠳᠡᠪᠵᠢᠶᠡᠨ ︾ ᠭᠡᠳᠡᠭ ᠮᠣᠩᠭᠤᠯ ᠵᠦᠴᠦᠭᠡ ᠥᠪᠦᠷ ᠮᠣᠩᠭᠤᠯ ᠣᠨ ᠬᠡᠪᠯᠡᠯ ᠣᠨ ᠬᠣᠷᠢᠶᠠᠨ ᠣ ᠬᠡᠪᠯᠡᠭᠰᠡᠨ ᠣᠬᠤᠷ ᠮᠣᠩᠭᠤᠯ ᠵᠦᠴᠦᠭᠡ ᠶᠢᠨ ᠰᠣᠩᠭᠤᠮᠠᠯ ᠳ᠋ᠣ ᠰᠣᠩᠭᠤᠭᠳᠠᠨ ᠣᠷᠤᠭᠰᠠᠨ ᠪᠠᠢᠨᠠ ᠃ 2013 ᠣᠨ ᠣ12 ᠰᠠᠷᠠ ᠳ᠋ᠣ ︽ ᠬᠦᠷᠢᠶᠡ ᠨᠤᠲᠤᠭ ᠤᠰᠤᠨ ᠣ ᠤᠷᠠᠨ ᠵᠣᠬᠢᠶᠠᠯ ᠰᠤᠳᠤᠯᠤᠯ ︾ ᠣᠨ ᠰᠣᠩᠭᠤᠮᠠᠯ ᠳ᠋ᠣ ᠮᠢᠨᠤ ᠪᠢᠴᠢᠭᠰᠡᠨ ︽ ᠮᠠᠷᠲᠠᠭᠳᠠᠰᠢ ᠦᠭᠡᠢ ᠪᠠᠭᠠ ᠶᠢᠨ ᠦᠶᠡ ᠶᠢᠨ ᠨᠤᠲᠤᠭ ᠮᠢᠨᠢ ︾ ᠭᠡᠳᠡᠭ ᠵᠣᠬᠢᠶᠠᠯ ᠰᠣᠩᠭᠤᠭᠳᠠᠭᠰᠠᠨ ᠣᠷᠤᠭᠰᠠᠨ ᠪᠠᠢᠨᠠ ᠃ 2014 ᠣᠨ ᠳ᠋ᠣ ᠬᠦᠷᠢᠶᠡ ᠨᠢᠭᠡᠳᠦᠭᠡᠷ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠠᠴᠠ ᠠᠵᠢᠯ ᠣᠨ ᠠᠮᠠᠷᠠᠯᠲᠠ ᠪᠠᠨ ᠠᠪᠤᠭᠰᠠᠨ ᠣ ᠳᠠᠷᠠᠭᠠ ᠥᠪᠡᠷ ᠣᠨ ᠠᠵᠢᠯ ᠣᠨ ᠴᠢᠯᠥᠭᠡ ᠂ ᠠᠮᠠᠷᠠᠯᠲᠠ ᠶᠢᠨ ᠰᠡᠯᠡᠭᠦᠦ ᠪᠠᠨ ᠠᠰᠢᠭᠯᠠᠨ ᠤᠷᠠᠨ ᠵᠣᠬᠢᠶᠠᠯ ᠂ ᠮᠣᠩᠭᠤᠯ ᠵᠦᠴᠦᠭᠡ ᠪᠠᠨ ᠦᠷᠭᠦᠯᠵᠢᠯᠡᠨ ᠪᠢᠴᠢᠭᠰᠡᠨ ᠣ ᠬᠠᠮᠲᠤ ᠂ ᠳᠠᠭᠤᠤ ᠶᠢᠨ ᠦᠭᠡ ᠪᠢᠴᠢᠵᠦ ᠨᠡᠢᠭᠡᠮ ᠨᠡᠢᠲᠡ ᠶᠢᠨ ᠬᠦᠷᠢᠶᠡᠯᠡᠯ ᠢ ᠣᠯᠵᠤ ᠮᠠᠭᠲᠠᠭᠳᠠᠭᠰᠠᠨ ᠣ ᠬᠠᠮᠲᠤ ᠤᠷᠠᠯᠢᠭ ᠣᠨ ᠲᠠᠢᠰᠠᠨ ᠳ᠋ᠣ ᠳᠠᠭᠤᠯᠠᠭᠳᠠᠨ ᠲᠠᠷᠬᠠᠭᠳᠠᠵᠤ ᠪᠠᠢᠨᠠ ᠃ ᠮᠢᠨᠤ ᠪᠢᠴᠢᠭᠰᠡᠨ ᠳᠠᠭᠤᠤ ᠶᠢᠨ ᠦᠭᠡ ︱ ︽ ᠮᠠᠷᠭᠠᠰᠢ ᠨᠡᠩ ᠰᠠᠢᠨ ᠪᠣᠯᠤᠭᠠᠰᠠᠢ ︾ ᠭᠡᠳᠡᠭ ᠳᠠᠭᠤᠤ ᠬᠦᠷᠢᠶᠡ ᠬᠣᠰᠢᠭᠤᠨ ᠣ 2018 ᠣᠨ ᠣ ᠰᠢᠨᠡ ᠵᠢᠯ ᠣᠨ ᠦᠳᠡᠰᠢᠯᠡᠭᠡ ᠳ᠋ᠣ ᠳᠥᠷᠪᠡᠨ ᠬᠥᠮᠦᠨ ᠣ ᠬᠠᠮᠲᠤ ᠶᠢᠨ ᠳᠠᠭᠤᠤ ᠪᠡᠷ ᠳᠠᠭᠤᠯᠠᠭᠳᠠᠪᠠ ᠃ ︽ ᠬᠠᠲᠠᠭᠤ ᠮᠢᠨᠢ ᠨᠠᠳᠠᠳᠤ ᠪᠠᠨ ᠰᠠᠢᠬᠠᠨ ︾ ᠭᠡᠳᠡᠭ ᠳᠠᠭᠤᠤ ᠂ ᠮᠠᠩᠬᠠᠨ ᠰᠤᠮᠤᠨ ᠣ ᠬᠠᠲᠠᠭᠤ ᠭᠠᠴᠠᠭᠠ ᠶᠢᠨ ᠭᠠᠴᠠᠭᠠᠨ ᠳᠠᠭᠤᠤ ᠪᠡᠷ ᠰᠣᠩᠭᠤᠭᠳᠠᠨ ᠨᠤᠲᠠᠯᠠᠭᠳᠠᠭᠰᠠᠨ ᠪᠠᠢᠨᠠ ᠃ ︽ ᠮᠠᠩᠬᠠᠨ ᠠᠷᠠᠳ ᠣᠨ ᠰᠡᠳᠭᠢᠯ ︾ ᠂ ︽ ᠬᠠᠲᠠᠭᠤ ᠨᠠᠳᠠᠳᠤ ᠪᠠᠨ ᠰᠠᠢᠬᠠᠨ ︾ ᠭᠡᠳᠡᠭ ᠳᠠᠭᠤᠤ ᠪᠦᠷ ᠬᠦᠷᠢᠶᠡ ᠬᠣᠰᠢᠭᠤᠨ ᠣ ᠤᠬᠠᠭᠤᠯᠬᠤ ᠬᠡᠯᠲᠡᠰ ᠣᠨ ᠰᠢᠯᠢᠳᠡᠭ ᠳᠠᠭᠤᠤ ᠪᠡᠷ ᠱᠠᠩᠨᠠᠭᠳᠠᠭᠰᠠᠨ ᠪᠠᠢᠨᠠ ᠃ ︽ ᠰᠢᠳᠡᠳᠤ ᠠᠨᠳᠠᠢ ︾ ᠂ ︽ ᠮᠣᠩᠭᠤᠯ ᠰᠣᠶᠤᠯ ᠣᠨ ᠥᠪ ᠢᠶᠠᠨ ᠤᠯᠠᠮᠵᠢᠯᠠᠨ ᠬᠠᠮᠠᠭᠠᠯᠠᠶᠠ ︾ ᠂ ︽ ᠪᠠᠭᠰᠢ ᠮᠢᠨᠢ ᠬᠦᠨᠳᠦᠲᠡᠢ ︾ ᠂ ᠂ ᠂ ᠂ ᠂ ᠂ ᠂ ᠵᠡᠷᠭᠡ ᠠᠷᠪᠠᠭᠠᠳ ᠳᠠᠭᠤᠤ ᠣᠳᠣ ᠪᠦᠷ ᠲᠠᠢᠰᠠᠨ ᠳᠡᠭᠡᠷᠡ ᠳᠠᠭᠤᠯᠠᠭᠳᠠᠭᠰᠠᠨ ᠴᠤᠤᠷᠢᠶᠠᠲᠤᠭᠰᠠᠭᠠᠷ ᠪᠠᠢᠨᠠ ᠃ ︽ ᠰᠣᠶᠤᠯ ᠣᠨ ᠥᠪ ᠢᠶᠠᠨ ᠤᠯᠠᠮᠵᠢᠯᠠᠨ ᠬᠠᠮᠠᠭᠠᠯᠠᠶᠠ ︾ ᠭᠡᠳᠡᠭ ᠳᠠᠭᠤᠤ ᠬᠦᠷᠢᠶᠡ ᠬᠣᠰᠢᠭᠤᠨ ᠣ ︽ ᠰᠣᠶᠤᠯ ᠣᠨ ᠥᠪ ᠢᠶᠠᠨ ᠤᠯᠠᠮᠵᠢᠯᠠᠨ ᠬᠠᠮᠠᠭᠠᠯᠠᠬᠤ ᠲᠥᠪ ︾ ᠣᠨ ᠭᠣᠣᠯ ᠰᠡᠳᠦᠪᠲᠦ ᠳᠠᠭᠤᠤ ᠪᠡᠷ ᠡᠯᠰᠡᠭᠳᠡᠨ ᠬᠡᠷᠡᠭᠯᠡᠭᠳᠡᠵᠦ ᠪᠠᠢᠨᠠ ︵2017 ᠣᠨ ᠠᠴᠠ ᠣᠳᠣ ᠪᠣᠯᠲᠠᠯᠠ ︶ ᠬᠣᠵᠢᠮ ᠨᠡᠩ ᠢᠯᠡᠭᠦᠦ ᠴᠢᠷᠮᠠᠢᠨ ᠂ ᠤᠷᠠᠨ ᠵᠣᠬᠢᠶᠠᠯ ︵ ᠨᠠᠢᠷᠠᠭᠤᠯᠤᠯ ︶ ᠮᠣᠩᠭᠤᠯ ᠵᠦᠴᠦᠭᠡ ᠶᠢᠨ ᠵᠣᠬᠢᠶᠠᠯ ᠂ ᠳᠠᠭᠤᠤ ᠶᠢᠨ ᠦᠭᠡ ᠪᠠᠨ ᠰᠠᠢᠲᠤᠷ ᠴᠢᠨᠠᠷᠯᠢᠭ ᠪᠢᠴᠢᠵᠦ ᠬᠣᠰᠢᠭᠤ ᠨᠤᠲᠤᠭ ᠂ ᠮᠣᠩᠭᠤᠯ ᠦᠨᠳᠦᠰᠦᠲᠡᠨ ᠣ ᠰᠣᠶᠤᠯ ᠣᠨ ᠬᠥᠭᠵᠢᠯᠲᠡ ᠳ᠋ᠣ ᠬᠦᠴᠦ ᠪᠠᠨ ᠡᠷᠭᠦᠬᠦ ᠪᠡᠷ ᠰᠢᠮᠳᠠᠨ ᠰᠤᠷᠴᠤ ᠰᠤᠳᠤᠯᠤᠨ ᠂ ᠪᠦᠲᠦᠭᠡᠯ ᠢᠶᠠᠨ ᠭᠢᠯᠠᠷᠠᠭᠤᠯᠤᠶᠠ ᠃ ᠬᠦᠷᠢᠶᠡ ᠬᠣᠰᠢᠭᠤᠨ ᠣ ᠨᠢᠭᠡᠳᠦᠭᠡᠷ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠣᠨ ᠠᠵᠢᠯ ᠣᠨ ᠠᠮᠠᠷᠠᠯᠲᠠ ᠪᠠᠨ ᠠᠪᠤᠭᠰᠠᠨ ᠪᠠᠭᠰᠢ ︱ ᠨᠠᠷᠠᠩᠭᠤᠸᠠ 13948751123
Copyight 2016 by nmgmzw.gov.cn All Rights Reserved
