ᠨᠡᠷᠡ：
ᠡᠷᠭᠦᠨᠡ
ᠴᠢᠨᠠᠷ ᠤᠨ ᠢᠯᠭᠠᠯ：
ᠨᠢᠭᠤᠴᠠ
ᠬᠠᠷᠢᠯᠴᠠᠬᠤ ᠬᠡᠯᠪᠡᠷᠢ：
ᠵᠣᠬᠢᠶᠠᠭᠴᠢ ᠶᠢᠨ ᠲᠠᠨᠢᠯᠴᠠᠭᠤᠯᠭᠠ：
ᠱᠢᠷᠦᠨᠴᠢᠮᠡᠭ ᠤᠨ ᠵᠢᠷᠤᠮᠲᠤ ︵ ᠪᠢᠷ ᠦ᠋ᠨ ᠨᠡᠷᠡ ᠡᠷᠭᠦᠨᠡ ᠂ ᠨᠠᠷᠠᠨᠠᠰᠢ ︶ 1968 ᠣᠨ ᠤ᠋5 ᠰᠠᠷᠠ ᠶᠢᠨ21 ᠤ ᠡᠳᠦᠷ ᠲᠦᠩᠯᠢᠶᠣᠤ ᠬᠤᠳᠠ ᠶᠢᠨ ᠬᠦᠷᠢᠶᠡ ᠬᠣᠰᠢᠭᠤᠨ ᠤ᠋ ᠡᠯᠡᠰᠦᠨ ᠪᠠᠯᠭᠠᠰᠤᠨ ᠤ ᠴᠠᠭᠠᠨᠴᠢᠯᠠᠭᠤ ᠭᠠᠴᠠᠭᠠᠨ ᠤ ᠴᠠᠭᠠᠨᠴᠢᠯᠠᠭᠤ ᠳᠤᠭᠤᠶᠢᠯᠠᠩ ᠤᠨ ᠡᠷᠳᠡᠨᠢᠴᠤᠭᠯᠠ ᠂ ᠣᠶᠤᠨᠴᠢᠮᠡᠭ ᠦ᠋ᠨ ᠲᠤᠯᠤᠭᠠᠨ ᠬᠦᠦ ᠶᠢᠨ ᠬᠢᠨ ᠲᠠᠪᠤᠳᠤᠭᠠᠷ ᠨᠢ ᠪᠣᠯᠵᠤ ᠵᠠᠶᠠᠭᠠᠵᠤ ᠂ ᠨᠠᠭᠠᠴᠤ ᠠᠯᠳᠠᠨ᠋ᠤᠤᠽᠠᠷ ᠂ ᠱᠢᠷᠦᠨᠴᠢᠮᠡᠭ ᠬᠤᠶᠠᠷ ᠲᠣ ᠦᠷᠡᠴᠢᠯᠡᠭᠳᠡᠨ ᠥᠰᠴᠡᠢ ᠃ ᠤᠳᠭᠠ ᠵᠣᠬᠢᠶᠠᠯ ᠳ᠋ᠥ ᠳᠤᠷᠠ ᠪᠠᠬᠠᠲᠠᠢ ᠶ᠋ᠢᠨ ᠤᠴᠢᠷ ᠳᠡᠭᠡᠷᠡ ᠵᠠᠭᠤᠨ ᠤ ᠶᠡᠷᠡᠭᠡᠳ ᠣᠨ ᠤ᠋ ᠦᠶᠡ ᠡᠴᠡ ᠰᠢᠯᠦᠭ ᠨᠠᠢᠷᠠᠭᠤᠯᠤᠯ ᠪᠢᠴᠢᠵᠦ ᠂ ᠤᠯᠤᠰ ᠤᠨ ᠳᠣᠲᠤᠷᠠᠬᠢ ᠮᠣᠩᠭᠤᠯ ᠰᠣᠨᠢᠨ ᠰᠡᠳᠭᠦᠯ ᠳ᠋ᠥ ᠣᠯᠠᠨᠲᠠ ᠨᠡᠢᠲᠡᠯᠡᠭᠦᠯᠵᠦ ᠂ ︽ ᠡᠭᠡ ᠤᠯᠤᠰ ᠤᠨ ᠨᠠᠷᠠ ︾ ᠬᠡᠦᠬᠡᠳ ᠦ᠋ᠨ ᠳᠠᠭᠤᠤ ᠪᠠᠷ ᠢ᠋ᠶ᠋ᠠᠨ ᠥᠪᠦᠷ ᠮᠣᠩᠭᠤᠯ ᠤ᠋ᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠤᠨ ᠪᠠᠢᠭᠤᠯᠤᠭᠳᠠᠭᠰᠠᠨ50 ᠵᠢᠯ ᠦ᠋ᠨ ᠤᠢ ᠶᠢᠨ ︽ 5.1 ︾ ᠢᠨᠵᠧᠨᠧᠷᠢᠭ ᠤᠨ ᠱᠠᠩᠨᠠᠯ ᠢ ᠲᠣᠰᠴᠤ ᠂ ᠲᠤᠰ ᠳᠠᠭᠤᠤ ᠨᠢ ᠬᠢᠲᠠᠳ ᠢ᠋ᠶ᠋ᠠᠷ ᠣᠷᠴᠢᠭᠤᠯᠤᠭᠳᠠᠵᠤ ︽ ᠳᠤᠮᠳᠠᠳᠤ ᠤᠯᠤᠰ ᠤᠨ ᠬᠡᠦᠬᠡᠳ ᠪᠠᠭᠠᠴᠤᠳ ︾ ᠰᠡᠳᠭᠦᠯ ᠳ᠋ᠥ ᠨᠡᠢᠲᠡᠯᠡᠭᠳᠡᠵᠡᠢ ᠃ ︽ ᠠᠷᠤ ᠭᠠᠵᠠᠷ ᠤᠨ ᠭᠣᠣᠯ ︾ ᠳᠠᠭᠤᠤ ᠶ᠋ᠢ ᠨᠢ ᠳᠠᠭᠤᠴᠢᠨ ᠠᠯᠲᠠᠢ ᠳᠠᠭᠤᠯᠠᠵᠤ 50 ᠵᠢᠯ ᠦ᠋ᠨ ᠤᠢ ᠶᠢᠨ ᠰᠢᠯᠢᠳᠡᠭ ᠱᠠᠩᠨᠠᠯ ᠲᠤᠰᠴᠠᠢ ᠃ ᠡᠭᠦᠨ ᠡᠴᠡ ᠭᠠᠳᠠᠨᠠ ︽ ᠠᠪᠤ ᠬᠥᠮᠦᠨ ᠨᠤᠲᠤᠭ ᠤ᠋ᠨ ᠨᠠᠷᠠ ︾ ᠂ ︽ ᠡᠵᠢ ᠶᠢᠨ ᠠᠮᠲᠠᠲᠤ ᠰᠦ᠋ ᠲᠠᠢ ᠴᠠᠢ ︾ ᠂ ︽ ᠮᠣᠩᠭᠤᠯ ᠳᠠᠭᠤᠤ ︾ ᠂ ︽ ᠥᠨᠢ ᠶ᠋ᠢᠨ ᠨᠤᠲᠤᠭ ︾ ᠂ ︽ ᠢᠷᠡᠬᠦ ᠵᠢᠯ ᠦ᠋ᠨ ᠪᠣᠯᠵᠤᠭᠠ ︾ ᠂ ︽ ᠥᠨᠢᠷ ᠪᠠᠶᠠᠯᠢᠭ ᠡᠯᠡᠰᠦ ︾ ᠂ ᠂ ᠂ ᠂ ᠂ ᠂ ᠵᠡᠷᠭᠡ ᠬᠣᠷᠢ ᠭᠠᠷᠤᠢ ᠳᠠᠭᠤᠤ ᠨᠢ ᠰᠣᠨᠤᠰᠤᠭᠴᠢ ᠶ᠋ᠢᠨ ᠲᠠᠭᠠᠰᠢᠶᠠᠯ ᠳ᠋ᠥ ᠬᠦᠷᠦᠭᠰᠡᠨ ᠪᠦᠲᠦᠭᠡᠯ ᠪᠣᠯᠤᠭᠰᠠᠨ ᠪᠠᠢᠨᠠ ᠃ ᠲᠡᠷᠡ ︽ ᠶᠤᠸᠠᠨ ᠤ ᠳᠡᠭᠡᠳᠦ ᠨᠡᠢᠰᠯᠡᠯ ᠬᠤᠨᠳᠠᠭᠠᠲᠤ ︾ ᠪᠦᠬᠦ ᠤᠯᠤᠰ ᠤᠨ ᠨᠠᠢ᠍ᠮᠠᠨ ᠮᠤᠵᠢ ᠣᠷᠤᠨ ᠤ᠋ ᠬᠣᠶᠠᠳᠤᠭᠠᠷ ᠤᠳᠠᠭᠠᠨ ᠤ ᠬᠥᠲᠦᠯᠦᠭᠴᠢ ᠨᠡᠪᠲᠡᠷᠡᠭᠦᠯᠦᠭᠴᠢ ᠶ᠋ᠢᠨ ᠤᠷᠤᠯᠳᠤᠭᠠᠨ ᠤ ᠣᠨᠴᠠ ᠳᠡᠰ ᠦ᠋ᠨ ᠱᠠᠩᠨᠠᠯ ᠢ ᠲᠣᠰᠴᠤ ᠂ ᠪᠦᠬᠦ ᠤᠯᠤᠰ ᠤᠨ ᠭᠤᠷᠪᠠᠳᠠᠬᠢ ᠤᠳᠠᠭᠠᠨ ᠤ ︽ ᠬᠢᠯᠦᠭᠡᠨ ᠤᠶᠠᠩᠭᠠ ︾ ᠰᠢᠯᠦᠭ ᠦ᠋ᠨ ᠨᠠᠭᠠᠳᠤᠮ ᠤᠨ ᠢᠷᠠᠭᠤ ᠠᠯᠳᠠᠷ ᠤᠨ ᠱᠠᠩᠨᠠᠯ ᠪᠠ ᠰᠢᠯᠢᠳᠡᠭ ᠱᠠᠩᠨᠠᠯ ᠢ ᠵᠡᠷᠭᠡᠳᠡ ᠲᠤᠰᠴᠠᠢ ᠃ ᠣᠷᠤᠨ ᠤ᠋ ᠲᠡᠰ ᠦ᠋ᠨ40 ᠭᠠᠷᠤᠢ ᠬᠥᠬᠢᠭᠦᠯᠦᠯ ᠱᠠᠩᠨᠠᠯ ᠬᠦᠷᠲᠡᠵᠡᠢ ᠃2014 ᠣᠨ ᠤ᠋ ᠳᠤᠮᠳᠠᠳᠤ ᠤᠯᠤᠰ ᠤᠨ ᠯᠦ᠍ ᠰᠢᠶᠦ᠋ᠨ ᠦ᠌ ᠤᠳᠭᠠ ᠵᠣᠬᠢᠶᠠᠯ ᠤ᠋ᠨ ᠠᠩᠭᠢ ᠳ᠋ᠥ ᠰᠤᠷᠤᠯᠴᠠᠵᠤ ᠥᠩᠭᠡᠷᠡᠵᠡᠢ ᠃ ︽ ᠠᠯᠳᠠᠨ ᠣᠳᠽᠠᠷ ︾ ︵ ᠰᠢᠯᠦᠭ ᠦ᠋ᠨ ᠲᠡᠭᠦᠪᠦᠷᠢ ︶ ᠂ ︽ ᠱ᠌ᠢᠷᠦᠨ ᠴᠢᠮᠡᠭ ︾ ︵ ᠨᠠᠢᠷᠠᠭᠤᠯᠤᠯ ᠤ᠋ᠨ ᠲᠡᠭᠦᠪᠦᠷᠢ ︶ ᠵᠡᠷᠭᠡ ᠬᠤᠶᠠᠷ ᠨᠣᠮ ᠲᠠᠢ ᠃ ︽ ᠠᠨᠳᠠᠢ ᠶᠢᠨ ᠮᠠᠩᠬᠠ ︾ ᠥᠭᠦᠯᠡᠯᠭᠡ ᠨᠢ ᠬᠦᠷᠢᠶᠡ ᠬᠣᠰᠢᠭᠤᠨ ᠤ᠋ ᠵᠣᠬᠢᠶᠠᠯ ᠪᠦᠲᠦᠭᠡᠯ ᠦ᠋ᠨ ᠲᠡᠭᠦᠪᠦᠷᠢ ᠳ᠋ᠥ ᠰᠢᠯᠢᠭᠳᠡᠨ ᠣᠷᠤᠵᠠᠢ ᠃ ᠲᠦᠩᠯᠢᠶᠣᠤ ᠬᠤᠳᠠ ᠶᠢᠨ ᠵᠣᠬᠢᠶᠠᠯᠴᠢᠳ ᠤ᠋ᠨ ᠡᠪᠯᠡᠯ ᠦ᠋ᠨ ᠭᠡᠰᠢᠭᠦᠨ ᠂ ᠥᠪᠦᠷ ᠮᠣᠩᠭᠤᠯ ᠤ᠋ᠨ ᠵᠣᠬᠢᠶᠠᠯᠴᠢᠳ ᠤ᠋ᠨ ᠡᠪᠯᠡᠯ ᠦ᠋ᠨ ᠭᠡᠰᠢᠭᠦᠨ ᠃ ᠣᠳᠣ ᠪᠠᠭᠰᠢ ᠶᠢᠨ ᠠᠯᠪᠠ ᠲᠠᠢ ᠲᠡᠷᠡ ᠪᠡᠷ ᠴᠡᠴᠡᠨ ᠬᠡᠯᠡ ᠂ ᠪᠡᠯᠡᠨ ᠰᠢᠯᠦᠭ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠠᠵᠢᠯ ᠤᠨ ᠴᠢᠯᠦᠭᠡᠨ ᠦ᠌ ᠬᠥᠲᠦᠯᠦᠭᠴᠢ ᠪᠡᠷ ᠠᠵᠢᠯᠯᠠᠵᠤ ᠪᠠᠢᠨᠠ ᠃
Copyight 2016 by nmgmzw.gov.cn All Rights Reserved
