ᠵᠣᠬᠢᠶᠠᠭᠴᠢ ᠶᠢᠨ ᠲᠠᠨᠢᠯᠴᠠᠭᠤᠯᠭ᠎ᠠ：

ᠨᠡᠷ᠎ᠡ ᠂ ᠴᠠᠭᠠᠨᠬᠡᠦᠬᠡᠨ ᠂ ᠪᠢᠷ ‍ᠦᠨ ᠨᠡᠷ᠎ᠡ ᠂ ᠪᠠ‍ ᠂ · ᠴᠠᠭᠠᠨ ᠪᠠ‍ ᠂ · ᠴᠠᠭᠠᠨᠬᠡᠦᠬᠡᠨ ᠃ 1954 ᠣᠨ ‍ᠥ 4 ‍ᠳᠦᠭᠡᠷ ᠰᠠᠷ᠎ᠠ ᠶᠢᠨ12  ‍ᠣᠨ ᠡᠳᠦᠷ ᠂ ᠬᠠᠩᠭᠢᠨ ᠬᠣᠰᠢᠭᠤᠨ ‍ᠣ ᠬᠥᠬᠡᠮᠣᠳᠤ ᠰᠤᠮᠤᠨ ‍ᠣ ᠪᠠᠶᠠᠨ᠋ᠤ᠋ᠰᠤ ᠭᠠᠴᠠᠭᠠᠨ  ‍ᠳ᠋ᠣ ᠲᠥᠷᠦᠵᠡᠢ ᠃ ᠥᠪᠦᠷ ᠮᠣᠩᠭᠤᠯ ‍ᠣᠨ ᠪᠠᠭᠰᠢ  ᠶᠢᠨ ᠶᠡᠬᠡ ᠰᠤᠷᠭᠠᠭᠤᠯᠢ  ᠶᠢᠨ ᠮᠣᠩᠭᠤᠯ ᠬᠡᠯᠡ ᠤᠳᠭ᠎ᠠ ᠵᠣᠬᠢᠶᠠᠯ ‍ᠣᠨ ᠰᠠᠯᠪᠤᠷᠢ  ᠠᠴᠠ ᠲᠡᠭᠦᠰᠪᠡ ᠃ ᠳᠡᠭᠡᠳᠦ ᠵᠡᠷᠭᠡ  ᠶᠢᠨ ᠯᠸᠺᠲ᠋ᠣᠷ ᠃ ᠥᠪᠦᠷ ᠮᠣᠩᠭᠤᠯ ‍ᠣᠨ ᠦᠨᠳᠦᠰᠦᠲᠡᠨ ‍ᠥ ᠴᠡᠴᠡᠷᠯᠢᠭ ‍ᠦᠨ ᠪᠠᠭᠰᠢ  ᠶᠢᠨ ᠲᠤᠰᠭᠠᠢ ᠮᠡᠷᠭᠡᠵᠢᠯ ‍ᠦᠨ ᠳᠡᠭᠡᠳᠦ ᠰᠤᠷᠭᠠᠭᠤᠯᠢ ‍ᠳ᠋ᠣ ᠪᠠᠭᠰᠢᠯᠠᠵᠤ ᠪᠠᠢᠭᠠᠳ ᠠᠵᠢᠯ  ᠠᠴᠠ ‍ᠪᠠᠨ ᠠᠮᠠᠷᠠᠵᠠᠢ ᠃ ︽ ᠪᠠᠭ᠎ᠠ ᠰᠤᠷᠭᠠᠭᠤᠯᠢ  ᠶᠢᠨ ᠰᠤᠷᠤᠭᠴᠢᠳ ‍ᠣᠨ ᠲᠣᠭᠠᠨ ‍ᠣ ᠤᠬᠠᠭᠠᠨ ‍ᠣ ᠲᠣᠯᠢ ︾ ᠂ ︽ ᠪᠠᠭ᠎ᠠ ᠰᠤᠷᠭᠠᠭᠤᠯᠢ  ᠶᠢᠨ ᠰᠤᠷᠤᠭᠴᠢᠳ ‍ᠣᠨ ᠮᠣᠩᠭᠤᠯ ᠬᠡᠯᠡᠨ ‍ᠥ ᠲᠣᠯᠢ ︾ ᠂ ︽ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ  ᠶᠢᠨ ᠰᠤᠷᠤᠭᠴᠢᠳ ‍ᠣᠨ ᠲᠣᠭᠠᠨ ‍ᠣ ᠤᠬᠠᠭᠠᠨ ‍ᠣ ᠲᠣᠯᠢ ︾ ᠂ ︽ ᠠᠮᠢᠳᠤᠷᠠᠯ ‍ᠣᠨ ᠬᠡᠷᠡᠭᠯᠡᠭᠡᠨ ‍ᠥ ᠭᠠᠷ ᠳᠡᠪᠲᠡᠷ ︾ ᠂ ︽ ᠰᠢᠳᠢᠲᠦ ᠴᠠᠮᠴᠠ ︾ ᠂ ︽ ᠮᠣᠷᠢᠨ ᠴᠠᠭᠠᠨ ᠰᠤᠪᠤᠳ ︾ ᠂ ︽ ᠥᠨᠦᠴᠢᠨ ᠬᠦᠦ  ᠶᠢᠨ ᠳᠣᠮᠣᠭ ︾ ᠂ ︽ ᠬᠠᠷ᠎ᠠ ᠦᠬᠡᠷᠲᠦ ᠬᠥᠪᠡᠭᠦᠨ ‍ᠥ ᠦᠯᠢᠭᠡᠷ ︾ ᠂ ︽ ᠭᠠᠷᠤᠳᠢ ᠬᠦᠦ  ᠶᠢᠨ ᠦᠯᠢᠭᠡᠷ ︾ ᠂ ︽ ᠪᠠᠭᠠᠴᠤᠳ ᠬᠡᠦᠬᠡᠳ ‍ᠦᠨ ᠰᠣᠨᠢᠷᠬᠠᠯᠲᠤ ᠥᠯᠢᠭᠡᠷ ︾ ᠪᠠ ᠬᠢᠴᠢᠶᠡᠯ  ‍ᠣᠨ ᠪᠢᠴᠢᠭ ︽ ᠴᠡᠴᠡᠷᠯᠢᠭ ‍ᠦᠨ ᠬᠡᠦᠬᠡᠳ ᠲᠥ ᠦᠭᠡ ᠵᠢᠭᠠᠬᠤ ᠠᠷᠭ᠎ᠠ ︾ ᠂ ︽ ᠮᠣᠩᠭᠤᠯᠴᠤᠳ ‍ᠣᠨ ᠠᠮᠠᠨ ᠦᠯᠢᠭᠡᠷ ︾ ᠂ ︽ ᠮᠣᠩᠭᠤᠯᠴᠤᠳ ‍ᠣᠨ ᠦᠯᠢᠭᠡᠷ ᠳᠣᠮᠣᠭ ︾ ᠂ ︽ ᠮᠣᠩᠭᠤᠯ ᠤᠯᠠᠮᠵᠢᠯᠠᠯᠲᠤ ᠣᠨᠢᠰᠤᠭ᠎ᠠ  ᠶᠢᠨ ᠲᠣᠯᠢ ︾ ᠂ ︽ ᠭᠡᠷ ‍ᠦᠨ ᠴᠠᠳᠢᠭ ︾ ᠭᠡᠬᠦ ᠮᠡᠲᠦ ᠠᠷᠪᠠᠨ ᠲᠠᠪᠤᠨ ᠳᠡᠪᠲᠡᠷ ᠨᠣᠮ ᠲᠠᠢ ᠃ ᠲᠤᠰ ᠬᠢᠴᠢᠶᠡᠯ  ‍ᠣᠨ ᠪᠢᠴᠢᠭ ᠨᠢ ᠤᠯᠤᠰ ‍ᠣᠨ ᠬᠣᠶᠠᠳᠤᠭᠠᠷ ᠲᠡᠰ ‍ᠦᠨ ᠱᠠᠩᠨᠠᠯ  ᠢ ᠣᠯᠵᠠᠢ ᠃ 1980 ᠣᠨ ‍ᠳ᠋ᠣ ︽ ᠲᠠᠪᠤᠨ ᠮᠥᠩᠭᠦ ︾ ᠭᠡᠬᠦ ᠤᠤᠭᠠᠨ ᠵᠣᠬᠢᠶᠠᠯ  ᠢᠶᠠᠨ ︽ ᠣᠷᠳᠤᠰ ‍ᠣᠨ ᠰᠣᠨᠢᠨ ︾ ᠳᠡᠭᠡᠷ᠎ᠡ ᠨᠡᠢᠲᠡᠯᠡᠭᠦᠯᠪᠡ ᠃ ᠲᠤᠰ ᠵᠣᠬᠢᠶᠠᠯ ᠨᠢ ᠲᠠᠪᠤᠳᠤᠭᠠᠷ ᠬᠤᠭᠤᠴᠠᠭᠠᠨ ‍ᠣ ᠣᠷᠳᠤᠰ ᠤᠳᠭ᠎ᠠ ᠤᠷᠠᠯᠢᠭ ‍ᠣᠨ ᠵᠣᠬᠢᠶᠠᠯ ᠪᠦᠲᠦᠭᠡᠯ ‍ᠦᠨ ᠰᠢᠯᠭᠠᠷᠠᠭᠤᠯᠤᠯᠲᠠ ‍ᠳ᠋ᠣ ᠨᠢᠭᠡᠳᠦᠭᠡᠷ ᠲᠡᠰ ‍ᠦᠨ ᠱᠠᠩᠨᠠᠯ ᠣᠯᠵᠠᠢ ᠃ ︽ ᠵᠤᠯᠵᠠᠭᠠᠨ ᠨᠠᠷᠠᠰᠤ ︾ ᠂ ︽ ᠬᠠᠲᠤᠨ ᠭᠣᠣᠯ ᠮᠢᠨᠤ ᠨᠤᠲᠤᠭ ︾ ᠂ ︽ ᠮᠠᠷᠲᠠᠮᠠᠲᠠᠭᠠᠢ ᠬᠦᠦ ︾ ᠂ ︽ ᠲᠥᠭᠡ ᠲᠥᠭᠡ ᠡᠪᠦᠭᠡᠨ ︾ ᠂ ︽ ᠣᠳᠬᠤᠨ ᠬᠡᠦᠬᠡᠨ ︾ ᠂ ︽ ᠱᠣᠭ ᠬᠣᠱᠤᠩ ᠦᠯᠢᠭᠡᠷ ‍ᠥᠳ ︾ ᠂ ︽ ᠠᠯᠲᠠᠨ ᠬᠠᠷᠢᠶᠠᠴᠠᠢ  ᠶᠢᠨ ᠶᠡᠬᠡ ᠬᠡᠯᠡᠯᠴᠡᠭᠡᠨ ︾ ᠵᠡᠷᠭᠡ ᠰᠢᠯᠦᠭ ᠂ ᠳᠠᠭᠤᠤ ᠂ ᠦᠯᠢᠭᠡᠷ ‍ᠥᠳ  ᠢᠶᠡᠨ ᠡᠯ᠎ᠡ ᠱᠠᠲᠤᠨ ‍ᠣ ᠰᠣᠨᠢᠨ ᠰᠡᠳᠭᠦᠯ ᠨᠣᠮ ‍ᠳ᠋ᠣ ᠨᠡᠢᠲᠡᠯᠡᠭᠦᠯᠵᠡᠢ ᠃ ︽ ᠠᠯᠲᠠᠨ ᠬᠠᠷᠢᠶᠠᠴᠠᠢ  ᠶᠢᠨ ᠶᠡᠬᠡ ᠬᠡᠯᠡᠯᠴᠡᠭᠡᠨ ︾ ᠪᠠ ︽ ᠱᠣᠭ ᠬᠣᠱᠤᠩ ᠦᠯᠢᠭᠡᠷ ‍ᠥᠳ ︾ ᠨᠢ ᠲᠤᠰ ᠲᠤᠰ ᠣᠷᠳᠤᠰ ᠵᠣᠬᠢᠶᠠᠯ ᠪᠦᠲᠦᠭᠡᠯ ‍ᠦᠨ ᠱᠠᠩᠨᠠᠯ ᠣᠯᠵᠠᠢ ᠃ ︽ ᠪᠠᠭ᠎ᠠ ᠰᠤᠷᠭᠠᠭᠤᠯᠢ  ᠶᠢᠨ ᠳᠣᠣᠷ᠎ᠠ ᠣᠨ ‍ᠳ᠋ᠣ ᠬᠦᠨᠳᠦ ᠦᠭᠡᠰ ᠵᠢᠭᠠᠭᠰᠠᠨ ᠣᠶᠢᠯᠠᠭᠠᠯᠲᠠ ︾ ᠂ ︽ ᠤᠭ ᠳᠦᠷᠰᠦ  ᠶᠢ ᠵᠢᠭᠠᠬᠤ ᠲᠤᠬᠠᠢ ᠰᠦᠪᠡᠭᠴᠢᠯᠡᠯ ︾ ᠂ ︽ ᠴᠠᠬᠢᠯᠭᠠᠨᠴᠢᠯᠠᠭᠰᠠᠨ ᠠᠷᠭ᠎ᠠ ᠪᠠᠷᠢᠯ  ᠢ ᠬᠡᠯᠡ ᠪᠢᠴᠢᠭ ‍ᠦᠨ ᠬᠢᠴᠢᠶᠡᠯᠯᠡᠭᠡ ‍ᠳ᠋ᠥ ᠬᠡᠷᠡᠭᠯᠡᠬᠦ ᠲᠤᠬᠠᠢ ︾ ᠂ ︽ ᠪᠠᠭᠠᠴᠤᠳ ᠬᠡᠦᠬᠡᠳ ‍ᠦᠨ ᠶᠠᠯ᠎ᠠ ᠬᠢᠬᠦ ᠪᠠ ᠭᠡᠷ ᠪᠦᠯᠢ  ᠶᠢᠨ ᠬᠥᠮᠦᠵᠢᠯ ︾ ᠂ ︽ ᠪᠠᠭ᠎ᠠ ᠰᠤᠷᠭᠠᠭᠤᠯᠢ  ᠶᠢᠨ ᠬᠡᠯᠡ ᠪᠢᠴᠢᠭ ᠵᠢᠭᠠᠬᠤ ᠠᠷᠭ᠎ᠠ  ᠶᠢᠨ ᠬᠢᠴᠢᠶᠡᠯᠯᠡᠭᠡ ‍ᠳ᠋ᠥ ᠰᠤᠷᠤᠭᠴᠢᠳ ‍ᠣᠨ ᠳᠤᠷ᠎ᠠ ᠰᠣᠨᠢᠷᠬᠠᠯ  ᠢ ᠲᠠᠲᠠᠬᠤ ᠲᠤᠬᠠᠢ ︾ ᠂ ︽ ᠪᠠᠭᠰᠢ  ᠶᠢᠨ ᠰᠤᠷᠭᠠᠭᠤᠯᠢ  ᠶᠢᠨ ᠰᠤᠷᠤᠭᠴᠢᠳ ‍ᠣᠨ ᠳᠠᠳᠤᠯᠭ᠎ᠠ ᠬᠢᠬᠦ ‍ᠳ᠋ᠥ ᠴᠢᠬᠤᠯᠠᠴᠢᠯᠠᠨ ᠠᠳᠭᠤᠬᠤ ᠬᠡᠳᠦᠨ ᠵᠠᠩᠭᠢᠯᠠᠭ᠎ᠠ  ᠶᠢᠨ ᠠᠰᠠᠭᠤᠳᠠᠯ ‍ᠣᠨ ᠲᠤᠬᠠᠢ ᠥᠭᠦᠯᠡᠬᠦ ᠨᠢ ︾ ᠂ ︽ ᠴᠡᠴᠡᠷᠯᠢᠭ ‍ᠦᠨ ᠪᠠᠭᠰᠢ  ᠶᠢᠨ ᠰᠤᠷᠭᠠᠭᠤᠯᠢ  ᠶᠢᠨ ᠰᠤᠷᠤᠭᠴᠢᠳ ‍ᠣᠨ ᠦᠨᠳᠦᠰᠦᠨ ᠪᠣᠯᠪᠠᠰᠤᠷᠠᠯ ‍ᠣᠨ ᠲᠤᠬᠠᠢ ᠥᠭᠦᠯᠡᠬᠦ ᠨᠢ ︾ ᠂ ︽ ᠬᠢᠴᠢᠶᠡᠯᠯᠡᠭᠡ  ᠶᠢ ᠬᠢᠨᠠᠬᠤABC ︾ ᠂ ᠂ ᠂ ᠂ ᠵᠡᠷᠭᠡ ᠥᠭᠦᠯᠡᠯ  ᠢ ᠪᠢᠴᠢᠵᠦ ᠨᠡᠢᠲᠡᠯᠡᠭᠦᠯᠪᠡ ᠃ ︽ ᠪᠠᠭ᠎ᠠ ᠰᠤᠷᠭᠠᠭᠤᠯᠢ  ᠶᠢᠨ ᠬᠡᠯᠡ ᠪᠢᠴᠢᠭ ᠵᠢᠭᠠᠬᠤ ᠠᠷᠭ᠎ᠠ  ᠶᠢᠨ ᠬᠢᠴᠢᠶᠡᠯᠯᠡᠭᠡ ‍ᠳ᠋ᠥ ᠰᠤᠷᠤᠭᠴᠢᠳ ‍ᠣᠨ ᠳᠤᠷ᠎ᠠ ᠰᠣᠨᠢᠷᠬᠠᠯ  ᠢ ᠲᠠᠲᠠᠬᠤ ᠲᠤᠬᠠᠢ ︾ ᠥᠭᠦᠯᠡᠯ ᠨᠢ ᠪᠦᠬᠦ ᠣᠷᠤᠨ ‍ᠣ ᠢᠳᠡᠷ ᠵᠠᠯᠠᠭᠤ ᠨᠠᠰᠤᠨ ‍ᠣ ᠪᠠᠭᠰᠢ ᠨᠠᠷ ‍ᠣᠨ ᠥᠭᠦᠯᠡᠯ ‍ᠦᠨ ᠰᠢᠯᠭᠠᠷᠠᠭᠤᠯᠤᠯᠲᠠ ‍ᠳ᠋ᠣ ᠭᠤᠷᠪᠠᠳᠤᠭᠠᠷ ᠲᠡᠰ ‍ᠦᠨ ᠱᠠᠩᠨᠠᠯ ᠣᠯᠵᠠᠢ ᠃ ︽ ᠪᠠᠭᠰᠢ  ᠶᠢᠨ ᠰᠤᠷᠭᠠᠭᠤᠯᠢ  ᠶᠢᠨ ᠰᠤᠷᠤᠭᠴᠢᠳ ‍ᠣᠨ ᠳᠠᠳᠤᠯᠭ᠎ᠠ ᠬᠢᠬᠦ ‍ᠳ᠋ᠥ ᠴᠢᠬᠤᠯᠠᠴᠢᠯᠠᠨ ᠠᠳᠭᠤᠬᠤ ᠬᠡᠳᠦᠨ ᠵᠠᠩᠭᠢᠯᠠᠭ᠎ᠠ  ᠶᠢᠨ ᠠᠰᠠᠭᠤᠳᠠᠯ ‍ᠣᠨ ᠲᠤᠬᠠᠢ ᠥᠭᠦᠯᠡᠬᠦ ᠨᠢ ︾ ᠭᠡᠳᠡᠭ ᠥᠭᠦᠯᠡᠯ ᠨᠢ ᠶᠡᠬᠡ ᠵᠤᠤ ᠠᠢᠮᠠᠭ ᠪᠠ ᠥᠪᠦᠷ ᠮᠣᠩᠭᠤᠯ ‍ᠣᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠤᠨ ‍ᠣ ᠰᠤᠷᠭᠠᠨ ᠬᠥᠮᠦᠵᠢᠯ ‍ᠦᠨ ᠨᠡᠢᠭᠡᠮᠯᠢᠭ ‍ᠦᠨ ᠡᠷᠳᠡᠮ ᠰᠢᠨᠵᠢᠯᠡᠭᠡᠨ ‍ᠥ ᠥᠭᠦᠯᠡᠯ ‍ᠦᠨ ᠰᠢᠯᠭᠠᠷᠠᠭᠤᠯᠤᠯᠲᠠ ‍ᠳ᠋ᠣ ᠲᠤᠰ ᠲᠤᠰ ᠨᠢᠭᠡᠳᠦᠭᠡᠷ ᠂ ᠬᠣᠶᠠᠳᠤᠭᠠᠷ ᠲᠡᠰ ‍ᠦᠨ ᠱᠠᠩᠨᠠᠯ ᠣᠯᠵᠠᠢ ᠃ ︽ ᠬᠠᠲᠤᠨ ᠭᠣᠣᠯ ᠮᠢᠨᠤ ᠨᠤᠲᠤᠭ ︾ ᠂ ︽ ᠡᠵᠢ ᠪᠠ ᠪᠠᠭᠰᠢ ︾ ᠂ ︽ ᠢᠮᠠᠭ᠎ᠠ ᠮᠢᠨᠢ ︾ ᠂ ︽ ᠬᠥᠮᠦᠨ ‍ᠥ ᠠᠮᠢᠳᠤᠷᠠᠯ ‍ᠣᠨ ᠵᠠᠮ ︾ ᠭᠡᠬᠦ ᠮᠡᠲᠦ  ᠶᠢᠨ ᠳᠠᠭᠤᠤ ᠵᠦᠴᠦᠭᠡ ᠵᠣᠬᠢᠶᠠᠵᠤ ᠂ ᠥᠪᠡᠷ  ᠢᠶᠡᠨ ᠳᠠᠭᠤᠯᠠᠵᠤ ᠵᠠᠷᠢᠮ  ᠢ ᠨᠢ ᠦᠷ᠎ᠡ ᠬᠡᠦᠬᠡᠳ  ᠢᠶᠡᠨ ᠳᠠᠢᠴᠢᠯᠠᠨ ᠭᠤᠷᠪᠠᠨ ᠦᠶ᠎ᠡ ᠪᠡᠷ  ᠢᠶᠡᠨ ᠲᠣᠭᠯᠠᠵᠤ ᠂ ᠬᠣᠲᠠ ᠂ ᠲᠣᠭᠣᠷᠢᠭ ‍ᠣᠨ ᠲᠡᠰ ‍ᠦᠨ ᠱᠠᠩᠨᠠᠯ  ᠢ ᠲᠤᠰ ᠲᠤᠰ ᠣᠯᠵᠠᠢ ᠃ ᠳᠥᠴᠢᠭᠡᠳ ᠵᠢᠯ ‍ᠦᠨ ᠲᠤᠷᠰᠢ ᠦᠨᠳᠦᠰᠦᠲᠡᠨ ‍ᠥ ᠰᠤᠷᠭᠠᠨ ᠬᠥᠮᠦᠵᠢᠯ ‍ᠣᠨ ᠦᠢᠯᠡᠰ ᠲᠥ ᠵᠢᠳᠭᠦᠨ ᠠᠵᠢᠯᠯᠠᠬᠤ  ᠶᠢᠨ ᠳᠠᠭᠠᠤ ᠮᠢᠩᠭᠠᠭᠠᠳ ᠲᠦᠮᠡᠨ ᠦᠰᠦᠭ ‍ᠦᠨ ᠵᠣᠬᠢᠶᠠᠯ ᠪᠦᠲᠦᠭᠡᠯ ᠭᠠᠷᠭᠠᠭᠰᠠᠨ ᠲᠤᠯᠠ ︽ ᠳᠤᠮᠳᠠᠳᠤ ᠤᠯᠤᠰ  ‍ᠣᠨ ᠮᠣᠩᠭᠤᠯ ᠦᠨᠳᠦᠰᠲᠡᠨ  ‍ᠣ ᠣᠳᠣ ᠦᠶ᠎ᠡ  ᠶᠢᠨ ᠰᠤᠷᠭᠠᠨ ᠬᠥᠮᠦᠵᠢᠯ  ‍ᠣᠨ ᠵᠢᠳᠭᠦᠯᠲᠡᠳ  ‍ᠣᠨ ᠲᠤᠮᠤ ᠲᠣᠯᠢ ︾ ᠵᠡᠷᠭᠡ ᠤᠯᠤᠰ ᠪᠠ ᠳᠡᠯᠡᠬᠡᠢ  ᠶᠢᠨ ᠴᠢᠨᠠᠷᠲᠠᠢ ᠲᠣᠮᠣ ᠬᠡᠯᠪᠡᠷᠢ  ᠶᠢᠨ ᠲᠣᠯᠢ ᠪᠢᠴᠢᠭ ᠦ᠋ᠳ ᠲᠦ᠍ ᠰᠣᠩᠭᠤᠭᠳᠠᠨ ᠣᠷᠤᠵᠠᠢ ᠃ 通信地址：查干胡很 鄂尔多斯市康巴什区 园丁南区10号楼702 邮箱：34 手机：15326930881 单位：内蒙古民族幼儿师范高等专科学校 QQ：1542212032