ᠨᠡᠷᠡ：
ᠨᠠᠮᠰᠠᠷᠠᠢ ᠵᠢᠨ ᠰᠢᠷᠠᠬᠦᠦ
ᠴᠢᠨᠠᠷ ᠤᠨ ᠢᠯᠭᠠᠯ：
ᠨᠢᠭᠤᠴᠠ
ᠬᠠᠷᠢᠯᠴᠠᠬᠤ ᠬᠡᠯᠪᠡᠷᠢ：
ᠵᠣᠬᠢᠶᠠᠭᠴᠢ ᠶᠢᠨ ᠲᠠᠨᠢᠯᠴᠠᠭᠤᠯᠭᠠ：
1943.7.7 ᠤᠤᠯ ᠤᠨ ᠤᠯᠠᠭᠠᠨᠴᠠᠪ ᠴᠢᠭᠤᠯᠭᠠᠨ ᠤ ᠤᠷᠠᠳ ᠤᠨ ᠳᠤᠮᠳᠠᠳᠤ ᠭᠦᠩ ᠦ᠋ᠨ ᠬᠣᠰᠢᠭᠤᠨ ᠤ᠋ ᠭᠣᠣᠯ ᠰᠤᠮᠤ ᠵᠢᠨ ᠲᠠᠢᠵᠢ ᠤᠬᠰᠠᠭᠠᠳᠠᠨ ᠤ ᠭᠡᠷ ᠲᠦ᠍ ᠲᠦᠷᠦᠪᠡ ᠃ ᠣᠳᠣ ᠵᠢᠨ ᠰᠠᠭᠤᠵᠤ ᠪᠠᠢᠬᠤ ᠭᠠᠵᠠᠷ ᠪᠣᠯ ᠪᠠᠶᠠᠠᠨᠠᠭᠤᠷ ᠬᠤᠳᠠ ᠵᠢᠨ ᠤᠷᠠᠳ ᠤᠨ ᠳᠤᠮᠳᠠᠳᠤ ᠬᠣᠰᠢᠭᠤᠨ ᠤ᠋ ᠭᠠᠬᠴᠠᠮᠤᠳᠤ ᠪᠠᠯᠭᠠᠰᠤᠨ ᠤ ᠲᠡᠷᠡᠰᠤ ᠭᠠᠴᠠᠭᠠᠨ ᠳ᠋ᠥ ᠰᠠᠭᠤᠵᠤ ᠪᠤᠢ ᠃ 1962 ᠣᠨ ᠳ᠋ᠥ ᠪᠠᠭᠠ ᠰᠤᠷᠭᠠᠭᠤᠯᠢ ᠪᠠᠨ ᠲᠡᠭᠦᠰᠴᠦ ᠬᠥᠳᠡᠭᠡ ᠨᠤᠲᠤᠭ ᠲᠠᠭᠨᠠ ᠪᠤᠴᠠᠵᠤ ᠢᠷᠡᠭᠡᠳ ᠤᠷᠠᠳ ᠭᠣᠪᠢ ᠨᠤᠲᠤᠭ ᠲᠠᠭᠠᠨ ᠨᠢᠭᠡ ᠨᠠᠰᠤᠨ ᠤ ᠮᠠᠯᠴᠢᠨ ᠤ ᠠᠮᠢᠳᠤᠷᠠᠯ ᠵᠢᠠᠨ ᠡᠬᠢᠯᠡᠭᠦᠯᠪᠡ ᠃ 1973 ᠣᠨ ᠳ᠋ᠥ ᠪᠠᠶᠠᠨ ᠨᠠᠭᠤᠷ ᠤᠨ ᠰᠣᠨᠢᠨ ᠂ ᠥᠪᠦᠷ ᠮᠣᠩᠭᠤᠯ ᠤ᠋ᠨ ᠡᠳᠦᠷ ᠦ᠋ᠨ ᠰᠣᠨᠢᠨ ᠂ ᠥᠪᠦᠷ ᠮᠣᠩᠭᠤᠯ ᠤ᠋ᠨ ᠷᠠᠳᠢᠣ᠋ ᠨᠡᠪᠲᠡᠷᠡᠭᠦᠯᠭᠡ ᠵᠢᠨ ᠬᠣᠷᠢᠶᠠᠨ ᠠ᠋ᠴᠠ ᠳᠥᠴᠢᠨ ᠡᠳᠦᠷ ᠦ᠋ᠨ ᠪᠣᠯᠪᠠᠰᠤᠷᠠᠯ ᠤ᠋ᠨ ᠬᠤᠷᠠᠯ ᠢ ᠲᠡᠭᠦᠰᠭᠡᠭᠡᠳ ᠲᠡᠷᠡ ᠴᠠᠭ ᠦᠶᠡ ᠡᠴᠡ ᠡᠬᠢᠯᠡᠨ ᠡᠯᠡ ᠰᠣᠨᠢᠨ ᠮᠡᠳᠡᠭᠡᠨ ᠦ᠌ ᠴᠢᠮᠡᠭᠡᠯᠡᠭᠴᠢ ᠪᠤᠯᠤᠬᠰᠠᠨ ᠪᠢᠯᠡ ᠃ ᠮᠡᠳᠡᠭᠡᠯᠡᠯ ᠴᠢᠮᠡᠭᠡᠯᠡᠬᠦ ᠠᠵᠢᠯ ᠤᠨ ᠳᠤᠮᠳᠠ ᠪᠠᠨ ᠬᠣᠯᠪᠤᠭᠠ ᠰᠢᠯᠦᠭ ᠂ ᠢᠷᠠᠭᠤ ᠨᠠᠢᠷᠠᠭ ᠂ ᠥᠭᠦᠯᠡᠯᠭᠡ ᠨᠠᠢᠷᠠᠭᠤᠯᠤᠯ ᠵᠡᠷᠭᠡ ᠶᠢ ᠦᠷᠭᠦᠯᠵᠢ ᠪᠢᠴᠢᠵᠦ ᠪᠠᠶᠠᠠᠨᠠᠭᠤᠷ ᠤᠨ ᠤᠷᠠᠨ ᠵᠣᠬᠢᠶᠠᠯ ᠂ ᠥᠪᠦᠷ ᠮᠣᠩᠭᠤᠯ ᠤ᠋ᠨ ᠵᠠᠯᠠᠭᠤᠴᠤᠳ ᠰᠡᠳᠭᠦᠯ ᠵᠡᠷᠭᠡ ᠰᠣᠨᠢᠨ ᠰᠡᠳᠭᠦᠯ ᠳ᠋ᠥ ᠪᠠᠢᠩᠭᠤ ᠡᠭᠡ ᠪᠢᠴᠢᠭ ᠪᠢᠴᠢᠵᠦ ᠡᠳᠦᠭᠡ ᠪᠣᠯᠲᠠᠯᠠ ᠳᠥᠴᠢᠨ ᠵᠢᠷᠭᠤᠭᠠᠨ ᠵᠢᠯ ᠳ᠋ᠥ ᠮᠣᠩᠭᠤᠯ ᠦᠭᠡ ᠭᠡᠯᠡ ᠦᠰᠦᠭ ᠪᠢᠴᠢᠭ ᠡᠴᠡ ᠪᠠᠨ ᠨᠢᠭᠡ ᠡᠳᠦᠷ ᠴᠦ ᠰᠠᠯᠤᠯ ᠦᠭᠡᠢ ᠪᠡᠷ ᠥᠪᠡᠷ ᠦ᠋ᠨ ᠨᠠᠮ ᠲᠦᠷᠦ ᠡᠭᠡ ᠣᠷᠤᠨ ᠦᠨᠳᠦᠰᠦᠲᠡᠨ ᠦ᠌ ᠲᠥᠯᠦᠭᠡ ᠡᠭᠡ ᠪᠢᠴᠢᠭ ᠨᠣᠮ ᠵᠣᠬᠢᠶᠠᠯ ᠵᠢᠠᠨ ᠲᠤᠭᠤᠷᠪᠢᠨ ᠪᠢᠴᠢᠭᠰᠡᠭᠡᠷ ᠪᠢᠯᠡ ᠃ ᠡᠨᠡᠬᠦ ᠤᠷᠳᠤ ᠤᠳᠠᠭᠠᠨ ᠳᠥᠴᠢ ᠭᠠᠷᠤᠢ ᠵᠢᠯ ᠦ᠋ᠨ ᠳᠣᠲᠤᠷᠠ ᠰᠣᠨᠢᠨ ᠮᠡᠳᠡᠭᠡᠨ ᠦ᠌ ᠰᠢᠯᠢᠳᠡᠭ ᠴᠢᠮᠡᠭᠡᠯᠡᠭᠴᠢ ᠪᠡᠷ ᠭᠤᠴᠢ ᠭᠠᠷᠤᠢ ᠵᠢᠯ ᠬᠥᠬᠢᠭᠦᠯᠦᠭᠳᠡᠨ ᠱᠠᠩᠨᠠᠬᠳᠠᠵᠤ ᠰᠠᠢᠰᠢᠶᠠᠭᠳᠠᠨ ᠮᠣᠩᠭᠤᠯ ᠦᠭᠡ ᠭᠡᠯᠡ ᠦᠰᠦᠭ ᠪᠢᠴᠢᠭ ᠰᠤᠷᠴᠤ ᠬᠡᠷᠡᠭᠯᠡᠭᠰᠡᠨ ᠲᠡᠷᠢᠭᠦᠨ ᠦ᠌ ᠵᠢᠱ᠌ᠢᠶᠡᠴᠢ ᠪᠠ ᠪᠤᠰᠤᠳ ᠤᠷᠠᠨ ᠵᠣᠬᠢᠶᠠᠯ ᠤ᠋ᠨ ᠲᠠᠯᠠ ᠪᠠᠷ ᠴᠤ᠌ ᠥᠨᠳᠦᠷ ᠦᠨᠡᠯᠡᠯᠲᠡ ᠶ᠋ᠢ ᠣᠯᠤᠭᠰᠠᠭᠠᠷ ᠢᠷᠡᠵᠡᠢ ᠃ 1979 ᠣᠨ ᠠ᠋ᠴᠠ ᠡᠬᠢᠯᠡᠨ ᠰᠣᠨᠢᠨ ᠮᠡᠳᠡᠭᠡᠯᠡᠯ ᠦ᠋ᠨ ᠠᠵᠢᠯ ᠤᠨ ᠵᠢᠠᠨ ᠳᠤᠮᠳᠠ ᠲᠤᠭᠤᠵᠢ ᠪᠤᠶᠤ ᠷᠣᠮᠠᠨ ᠤ᠋ ᠵᠣᠬᠢᠶᠠᠨ ᠪᠢᠴᠢᠬᠦ ᠤᠷᠮᠠ ᠰᠡᠳᠭᠢᠯᠭᠡ ᠪᠤᠢ ᠪᠣᠯᠵᠤ ᠲᠡᠷᠡ ᠦᠶᠡ ᠡᠴᠡ ᠡᠬᠢᠯᠡᠨ ᠤᠯᠠᠨ ᠣᠨ ᠵᠢᠯ ᠦ᠋ᠨ ᠲᠤᠷᠰᠢᠳᠠ ᠠᠬᠠᠮᠠᠳ ᠮᠠᠯᠴᠢᠳ ᠤᠨ ᠲᠡᠦᠬᠡᠨ ᠳ᠋ᠦ᠍ ᠬᠠᠲᠠᠭᠤ ᠬᠡᠴᠡᠭᠦᠦ ᠲᠡᠮᠡᠴᠡᠯ ᠦ᠋ᠨ ᠥᠩᠭᠡᠷᠡᠯᠲᠡ ᠵᠢ ᠥᠩᠭᠡᠷᠡᠭᠡᠭᠰᠡᠨ ᠬᠥᠮᠦᠰ ᠦ᠋ᠨ ᠪᠣᠳᠠᠲᠠᠢ ᠥᠩᠭᠡᠷᠡᠯᠲᠡ ᠲᠡᠦᠬᠡ ᠶ᠋ᠢ ᠲᠡᠮᠳᠡᠭᠯᠡᠨ ᠠᠪᠤᠭᠰᠠᠨ ᠵᠢᠠᠨ ᠨᠢᠭᠡᠨ ᠢᠵᠢ ᠵᠣᠬᠢᠶᠠᠯ ᠪᠣᠯᠭᠠᠬᠤ ᠰᠡᠳᠭᠢᠯ ᠲᠥᠷᠦᠭᠳᠡᠨ ᠲᠡᠷᠡ ᠦᠶᠡ ᠡᠴᠡ ᠡᠬᠢᠯᠡᠨ ᠣᠳᠣ ᠵᠢᠨ ︽ ᠪᠤᠭᠤᠷᠤᠯ ᠭᠣᠪᠢ ︾ ᠭᠡᠰᠡᠨ ᠷᠣᠮᠠᠨ ᠵᠢᠠᠨ ᠲᠤᠭᠤᠷᠪᠢᠨ ᠪᠢᠴᠢᠪᠡ ᠃ ᠲᠤᠰ ᠵᠣᠬᠢᠶᠠᠯ ᠢ᠋ ᠪᠢᠴᠢᠬᠦ ᠶᠠᠪᠤᠴᠠ ᠳᠤᠮᠳᠠ ᠪᠤᠰᠤᠳ ᠮᠡᠳᠡᠭᠡᠯᠡᠯ ᠴᠢᠮᠡᠭᠡᠯᠡᠬᠦ ᠂ ᠭᠣᠪᠢ ᠨᠤᠲᠤᠭ ᠲᠠᠭᠠᠨ ᠲᠡᠮᠡᠭᠡ ᠮᠠᠯ ᠵᠢᠠᠨ ᠬᠠᠷᠢᠭᠤᠯᠬᠤ ᠠᠵᠢᠯ ᠵᠢᠠᠨ ᠶᠡᠷᠦ ᠣᠷᠬᠢᠭᠠ ᠦᠭᠡᠢ ᠪᠥᠭᠡᠳ ᠨᠠᠶᠠᠭᠠᠳ ᠣᠨ ᠠ᠋ᠴᠠ ᠶᠡᠷᠡᠭᠡᠳ ᠣᠨ ᠤ᠋ ᠰᠡᠭᠦᠯᠴᠢ ᠪᠣᠯᠲᠠᠯᠠ ᠡᠭᠡ ᠨᠣᠣᠷᠠᠭ ᠵᠢᠠᠨ ᠪᠠᠷᠤᠭ ᠪᠦᠷ ᠬᠥᠳᠡᠭᠡ ᠬᠡᠭᠡᠷᠡ ᠰᠦᠷᠦᠭ ᠦ᠋ᠨ ᠵᠢᠠᠨ ᠳᠡᠷᠭᠡᠳᠡ ᠪᠢᠴᠢᠵᠦ ᠥᠷᠯᠦᠭᠡ ᠦᠳᠡᠰᠢ ᠵᠢᠨ ᠴᠠᠭ ᠢ ᠵᠠᠪᠳᠤᠨ ᠡᠮᠬᠢᠳᠭᠡᠵᠦ ᠶᠠᠪᠤᠬᠰᠠᠭᠠᠷ ᠬᠣᠷᠢᠨ ᠨᠢᠭᠡᠳᠦᠭᠡᠷ ᠵᠠᠭᠤᠨ ᠤ᠋ ᠡᠬᠢ ᠪᠣᠯᠬᠤ ᠳ᠋ᠥ ︽ ᠪᠤᠭᠤᠷᠤᠯ ᠭᠣᠪᠢ ︾ ᠷᠣᠮᠠᠨ ᠮᠠᠨᠢ ᠨᠢᠭᠡᠨᠲᠡ ᠡᠭᠡ ᠪᠢᠴᠢᠭ ᠵᠠᠰᠠᠵᠤ ᠨᠠᠢᠷᠠᠭᠤᠯᠤᠭᠠᠳ 2014 ᠣᠨ ᠳ᠋ᠥ ᠬᠡᠪᠯᠡᠯᠲᠡ ᠳ᠋ᠥ ᠣᠷᠤᠵᠤ ᠮᠥᠨ ᠵᠢᠯ ᠦ᠋ᠨ ᠡᠪᠦᠯ ᠬᠡᠪᠯᠡᠭᠳᠡᠨ ᠭᠠᠷᠴᠤ 2015.1.18 ᠤ ᠡᠳᠦᠷ ᠨᠣᠮ ᠲᠠᠷᠬᠠᠭᠠᠬᠤ ᠶᠤᠰᠤᠯᠠᠯ ᠪᠠᠨ ᠶᠠᠪᠤᠭᠤᠯᠵᠤ ︽ ᠪᠤᠭᠤᠷᠤᠯ ᠭᠣᠪᠢ ︾ ᠭᠡᠰᠡᠨ ᠷᠣᠮᠠᠨ ᠮᠠᠨᠢ ᠲᠦᠭ ᠲᠦᠮᠡᠨ ᠮᠣᠩᠭᠤᠯ ᠤᠩᠰᠢᠬᠴᠢᠳ ᠲᠠᠢ ᠵᠤᠯᠭᠠᠬᠰᠠᠨ ᠪᠢᠯᠡ ᠃ 2015 ᠣᠨ ᠤ᠋ 7 ᠳ᠋ᠤᠭᠠᠷ ᠰᠠᠷᠠ ᠵᠢᠨ 3 ᠤ ᠡᠳᠦᠷ ᠥᠪᠦᠷ ᠮᠣᠩᠭᠤᠯ ᠤ᠋ᠨ ᠤᠳᠭᠠ ᠵᠣᠬᠢᠶᠠᠯ ᠤ᠋ᠨ ᠬᠠᠮᠤᠭ ᠤᠨ ᠥᠨᠳᠦᠷ ᠱᠠᠩᠨᠠᠯ ︽ ᠰᠣᠯᠤᠩᠭᠠ ︾ ᠱᠠᠩᠨᠠᠯ ᠢ ᠲᠤᠰᠪᠠ ᠃ ᠡᠭᠦᠨ ᠡᠴᠡ ᠭᠠᠳᠠᠨᠠ ᠪᠠᠶᠠᠠᠨᠠᠭᠤᠷ ᠬᠤᠳᠠ ᠵᠢᠨ ᠤᠳᠭᠠ ᠤᠷᠠᠯᠢᠭ ᠤᠨ ᠬᠣᠯᠪᠤᠭᠠ ᠂ ᠤᠷᠠᠳ ᠤᠨ ᠳᠤᠮᠳᠠᠳᠤ ᠬᠣᠰᠢᠭᠤᠨ ᠤ᠋ ᠤᠳᠭᠠ ᠤᠷᠠᠯᠢᠭ ᠤᠨ ᠬᠣᠯᠪᠤᠭᠠ ᠪᠣᠯᠤᠨ ᠭᠠᠬᠴᠠᠮᠤᠳᠤ ᠵᠠᠰᠠᠭ ᠤᠨ ᠣᠷᠳᠤᠨ ᠂ ᠲᠡᠷᠡᠰᠤ ᠭᠠᠴᠠᠭᠠᠨ ᠤ ᠵᠥᠪᠯᠡᠯ ᠦ᠋ᠨ ᠬᠥᠬᠢᠭᠦᠯᠦᠯ ᠱᠠᠩᠨᠠᠯ ᠢ ᠳᠠᠷᠠᠭᠠ ᠳᠠᠷᠠᠭᠠ ᠪᠠᠷ ᠲᠤᠰᠴᠤ ᠥᠩᠭᠡᠷᠡᠪᠡ ᠃ ᠮᠢᠨᠤ ᠡᠨᠡ ᠨᠢᠭᠡ ᠨᠠᠰᠤ ᠪᠠᠨ ᠬᠥᠳᠡᠭᠡ ᠵᠢᠨ ᠰᠠᠯᠬᠢᠨ ᠪᠣᠷᠤᠭᠠᠨ ᠬᠠᠯᠠᠭᠤᠨ ᠬᠦᠢᠲᠡᠨ ᠦ᠌ ᠴᠠᠭ ᠤᠯᠠᠷᠢᠯ ᠢ ᠢᠯᠭᠠᠯ ᠦᠭᠡᠢ ᠪᠡᠷ ᠤᠷᠠᠳ ᠭᠣᠪᠢ ᠬᠠᠩᠭᠠᠢ ᠨᠤᠲᠤᠭ ᠲᠠᠭᠠᠨ ᠰᠣᠶᠤᠯ ᠤ᠋ᠨ ᠶᠡᠬᠡᠬᠡᠨ ᠦᠢᠯᠡᠰ ᠵᠢᠠᠨ ᠪᠦᠳᠦᠭᠡᠭᠦ ᠵᠢᠨ ᠲᠥᠯᠦᠭᠡ ᠴᠢᠷᠮᠠᠢᠨ ᠵᠢᠳᠭᠦᠵᠦ ᠂ ᠣᠶᠤᠨ ᠤᠬᠠᠭᠠᠨ ᠤ ᠪᠤᠢ ᠪᠦᠭᠦᠢ ᠬᠦᠴᠦᠨ ᠲᠠᠮᠢᠷ ᠵᠢᠠᠨ ᠢᠪᠡᠭᠡᠨ ᠠᠵᠢᠯᠯᠠᠬᠰᠠᠭᠠᠷ ᠢᠷᠡᠭᠰᠡᠨ ᠨᠢᠭᠡ ᠨᠠᠰᠤ ᠪᠢᠯᠡ ᠃ ᠨᠠᠰᠤ ᠮᠢᠨᠢ ᠥᠲᠡᠯᠵᠦ ᠬᠦᠭᠰᠢᠷᠡᠭᠰᠡᠨ ᠴᠦ ᠬᠠᠷᠢᠨ ᠥᠪ ᠰᠣᠶᠤᠯ ᠵᠢᠠᠨ ᠪᠢᠴᠢᠵᠦ ᠤᠷᠤᠯᠳᠤᠬᠤ ᠡᠷᠴᠢ ᠵᠣᠷᠢᠭ ᠮᠢᠨᠢ ᠥᠴᠦᠬᠡᠨ ᠴᠦ ᠰᠤᠯᠠᠷᠠᠭᠠ ᠦᠭᠡᠢ ᠪᠢᠯᠡ ᠃ ᠠᠩᠬᠠᠨ ᠤ ᠪᠦᠲᠦᠭᠡᠯ ︽ ᠪᠤᠭᠤᠷᠤᠯ ᠭᠣᠪᠢ ︾ ᠮᠢᠨᠢ ᠥᠨᠳᠦᠷ ᠠᠮᠵᠢᠯᠲᠠ ᠤᠯᠤᠬᠰᠠᠨ ᠳ᠋ᠥ ᠤᠯᠠᠮ ᠢᠯᠡᠭᠦᠦ ᠤᠷᠮᠠ ᠵᠣᠷᠢᠭ ᠣᠷᠬᠢᠯᠠᠵᠤ ᠵᠠᠯᠭᠠᠭᠠ ᠪᠠᠷ ︽ ᠭᠣᠪᠢ ᠵᠢᠨ ᠰᠢᠨᠳᠠᠰᠤ ︾ ᠭᠡᠰᠡᠨ ᠷᠣᠮᠠᠨ ᠵᠢᠠᠨ ᠪᠢᠴᠢᠵᠦ ᠪᠠᠷᠠᠭᠠᠳ ᠬᠢᠨᠠᠭᠴᠢ ᠪᠠᠬᠰᠢ ᠪᠠᠷ ᠵᠠᠰᠠᠭᠤᠯᠵᠤ ᠪᠠᠢᠬᠤ ᠪᠥᠭᠡᠳ ᠭᠤᠷᠪᠠᠳᠠᠬᠢ ᠷᠣᠮᠠᠨ ︽ ᠲᠡᠮᠡᠭᠡᠲᠦ ᠵᠢᠨ ᠭᠣᠪᠢ ︾ ᠭᠡᠰᠡᠨ ᠵᠣᠬᠢᠶᠠᠯ ᠵᠢᠠᠨ ᠤᠳᠤ ᠠᠴᠠ ᠡᠬᠢᠯᠡᠨ ᠪᠢᠴᠢᠵᠦ ᠪᠠᠢᠨᠠ ᠃ ᠬᠤᠶᠠᠷ ᠭᠤᠷᠪᠠᠳᠠᠬᠢ ᠵᠣᠬᠢᠶᠠᠯ ᠮᠢᠨᠢ ᠪᠡᠶᠡᠯᠡᠭᠳᠡᠵᠦ ᠴᠢᠳᠠᠪᠠᠯ ᠤᠷᠠᠳ ᠨᠤᠲᠤᠭ ᠤ᠋ᠨ ᠲᠡᠦᠬᠡᠨ ᠳ᠋ᠥ ᠭᠤᠷᠪᠠᠨ ᠷᠣᠮᠠᠨ ᠵᠢᠠᠨ ᠬᠣᠪᠤᠷ ᠡᠷᠳᠡᠨᠢ ᠪᠣᠯᠭᠠᠨ ᠦᠯᠡᠳᠡᠭᠡᠵᠦ ᠬᠣᠵᠢᠮ ᠬᠤᠶᠢᠴᠢ ᠦᠷᠡ ᠠᠴᠢᠨᠠᠷ ᠦᠢ ᠲᠦᠮᠡᠨ ᠮᠣᠩᠭᠤᠯᠴᠤᠳ ᠲᠠᠭᠠᠨ ᠦᠨᠢᠳᠡ ᠵᠢᠨ ᠨᠠᠨᠳᠢᠨ ᠥᠪ ᠪᠣᠯᠭᠠᠨ ᠦᠯᠡᠳᠡᠭᠡᠬᠦ ᠬᠦᠰᠡᠯᠡᠩ ᠲᠠᠢ ᠪᠢᠯᠡ ᠃ ᠰᠠᠨᠠᠵᠤ ᠶᠠᠪᠤᠪᠠᠯ ᠪᠦᠲᠦᠳᠡᠭ ᠶᠤᠮ ᠂ ᠰᠠᠵᠢᠯᠠᠵᠤ ᠶᠠᠪᠤᠪᠠᠯ ᠬᠦᠷᠳᠡᠭ ᠶᠤᠮ ᠭᠡᠰᠡᠨ ᠠᠷᠠᠳ ᠤᠨ ᠰᠡᠴᠡᠨ ᠦᠭᠡ ᠪᠣᠯ ᠮᠢᠨᠤ ᠡᠭᠦᠷᠢᠳᠡ ᠵᠢᠨ ᠤᠷᠤᠬᠰᠢ ᠲᠡᠮᠡᠤᠯᠡᠭᠦ ᠡᠷᠬᠢᠮ ᠵᠣᠷᠢᠯᠲᠠ ᠪᠢᠯᠡ ᠃
Copyight 2016 by nmgmzw.gov.cn All Rights Reserved
