ᠨᠡᠷᠡ：
ᠷᠣᠯᠭᠠᠷᠵᠠᠪ
ᠴᠢᠨᠠᠷ ᠤᠨ ᠢᠯᠭᠠᠯ：
ᠨᠢᠭᠤᠴᠠ
ᠬᠠᠷᠢᠯᠴᠠᠬᠤ ᠬᠡᠯᠪᠡᠷᠢ：
ᠵᠣᠬᠢᠶᠠᠭᠴᠢ ᠶᠢᠨ ᠲᠠᠨᠢᠯᠴᠠᠭᠤᠯᠭᠠ：
ᠷᠣᠯᠭᠠᠷᠵᠠᠪ 《1889—— 1941 ) ᠰᠣᠶᠣᠯ ᠤᠨ ᠵᠢᠳᠬᠦᠯᠲᠡᠨ᠂ ᠨᠠᠢᠷᠠᠭᠤᠯᠤᠭᠴᠢ᠂ ᠣᠷᠴᠢᠭᠤᠯᠤᠭᠴᠢ᠃ ᠦᠪᠥᠷ ᠮᠣᠩᠭᠣᠯ ᠤᠨ ᠬᠡᠰᠢᠭᠲᠡᠨ ᠬᠣᠰᠢᠭᠤᠨ ᠤ ᠪᠠᠷᠠᠭᠤᠨ ᠠᠷᠤ ᠵᠢᠨ ᠨᠢᠭᠡᠨ ᠢᠵᠠᠭᠤᠷᠲᠠᠨ ᠤ ᠬᠡᠷ ᠲᠦ ᠲᠦᠷᠥᠵᠡᠢ᠃ ᠪᠠᠭᠠ ᠨᠠᠰᠤᠨ ᠳᠠᠭᠠᠨ ᠮᠣᠩᠭᠣᠯ᠂ ᠬᠢᠲᠠᠳ᠂ ᠮᠠᠨᠵᠤ ᠭᠤᠷᠪᠠᠨ ᠵᠦᠢᠯ ᠦᠨ ᠬᠡᠯᠡ ᠪᠢᠴᠢᠭ ᠢ ᠰᠤᠷᠴᠤ ᠡᠵᠡᠮᠰᠢᠭᠡᠳ 29 ᠨᠠᠰᠤᠲᠠᠶ ᠳᠠᠭᠠᠨ ᠬᠣᠰᠢᠭᠤ ᠬᠦᠩ ᠡᠷᠭᠦᠮᠵᠢᠯᠡᠭᠳᠡᠭᠰᠡᠨ ᠪᠣᠯᠪᠠᠴᠤ ᠲᠡᠷᠡ ᠨᠣᠶᠠᠨ ᠰᠠᠭᠤᠬᠤ ᠳᠤᠷᠠ ᠦᠬᠡᠶ᠂ ᠭᠠᠳᠠᠭᠰᠢ ᠬᠠᠯᠬᠠ ᠮᠣᠩᠭᠣᠯ ᠳᠤ ᠬᠦᠷᠴᠦ ᠶᠡᠬᠡ ᠬᠦᠷᠢᠶᠡ ᠳᠦ ᠬᠡᠳᠦᠨ ᠵᠢᠯ ᠰᠠᠭᠤᠵᠠᠢ᠃ ᠳᠠᠷᠠᠭᠠ ᠨᠢ ᠮᠦᠭᠳᠡᠨ ᠳᠦ ᠪᠤᠴᠠᠵᠤ ᠢᠷᠡᠭᠡᠳ ᠵᠠᠩ ᠰᠢᠶᠣᠣ ᠯᠢᠶᠠᠩ ᠤᠨ ᠳᠣᠣᠷᠠ ᠰᠤᠯᠠ ᠵᠦᠪᠯᠡᠭᠴᠢ ᠪᠡᠷ ᠠᠵᠢᠯᠯᠠᠵᠤ ᠪᠠᠢᠬᠤ ᠳᠠᠭᠠᠨ ᠬᠡᠰᠢᠩᠭᠡ᠂ ᠷᠡᠰᠢᠰᠡᠩᠭᠡ ᠨᠡᠷ ᠲᠡᠢ ᠬᠣᠷᠰᠢᠵᠤ ᠵᠣᠭᠣᠰ ᠮᠦᠩᠭᠥ ᠪᠠᠳᠢᠷᠯᠠᠨ 《ᠵᠡᠭᠦᠨ ᠮᠣᠩᠭᠣᠯ ᠤᠨ ᠪᠢᠴᠢᠭ ᠦᠨ ᠬᠣᠷᠢᠶᠠ》 ᠪᠠᠢᠭᠤᠯᠵᠤ᠂ ᠦᠨᠳᠦᠰᠦᠲᠡᠨ ᠤᠭᠰᠠᠭᠠᠲᠠᠨ ᠤ ᠪᠠᠨ ᠲᠦᠯᠥᠭᠡ ᠨᠣᠮ ᠪᠢᠴᠢᠭ ᠨᠠᠢᠷᠠᠭᠤᠯ ᠤᠨ ᠬᠡᠪᠯᠡᠨ ᠲᠠᠷᠬᠠᠭᠠᠵᠠᠢ᠃ 《ᠵᠡᠭᠦᠨ ᠮᠣᠩᠭᠣᠯ ᠤᠨ ᠪᠢᠴᠢᠭ ᠦᠨ ᠬᠣᠷᠢᠶᠠ》 ᠠᠴᠠ ᠬᠡᠪᠯᠡᠭᠦᠯᠦᠭᠰᠡᠨ ᠭᠤᠴᠢ ᠭᠠᠷᠤᠶ ᠨᠣᠮ ᠪᠢᠴᠢᠭ ᠢ ᠨᠠᠢᠷᠠᠭᠤᠯᠬᠤ ᠳᠤ ᠲᠡᠷᠡ ᠭᠣᠣᠯ ᠬᠢᠨᠠᠨ ᠨᠠᠢᠷᠠᠭᠤᠯᠤᠭᠴᠢ ᠪᠠᠢᠭᠰᠠᠨ ᠢᠶᠠᠷ ᠪᠠᠷᠠᠬᠤ ᠦᠬᠡᠶ 《ᠠᠩᠬᠠᠨ ᠰᠤᠷᠭᠠᠬᠤ ᠤᠯᠤᠰ ᠤᠨ ᠤᠳᠬᠠ》 ᠭᠡᠬᠦ 8 ᠳᠡᠪᠲᠡᠷ ᠬᠢᠴᠢᠶᠡᠯ ᠦᠨ ᠪᠢᠴᠢᠭ ᠢ ᠨᠠᠢᠷᠠᠭᠤᠯᠬᠤ ᠳᠤ ᠪᠡᠶᠡ ᠪᠡᠷ ᠢᠶᠡᠨ ᠪᠦᠬᠦᠯᠢ 3 ᠵᠢᠯ ᠦᠨ ᠴᠠᠭ ᠢ ᠵᠠᠷᠤᠴᠠᠭᠤᠯᠪᠠ᠃ ᠲᠡᠢᠮᠦ ᠡᠴᠡ ᠲᠣᠰ ᠬᠢᠴᠢᠶᠡᠯ ᠦᠨ ᠪᠢᠴᠢᠭ ᠦᠨ ᠲᠡᠷᠢᠭᠦᠨ ᠳᠡᠪᠲᠡᠷ ᠦᠨ ᠰᠡᠭᠦᠯ ᠳᠦ 《ᠬᠡᠰᠢᠭᠲᠡᠨ ᠦ ᠷᠣᠯᠭᠠᠷᠵᠠᠪ ᠨᠠᠢᠷᠠᠭᠤᠯ ᠤᠨ ᠵᠣᠬᠢᠶᠠᠵᠤ᠂ ᠬᠣᠷᠴᠢᠨ ᠤ ᠬᠡᠰᠢᠩᠭᠡ ᠬᠢᠨᠠᠨ ᠲᠣᠭᠲᠠᠭᠠᠵᠤ᠂ ᠵᠡᠭᠦᠨ ᠮᠣᠩᠭᠣᠯ ᠤᠨ ᠪᠢᠴᠢᠭ ᠦᠨ ᠬᠣᠷᠢᠶᠠ ᠳᠠᠷᠤᠮᠠᠯᠯᠠᠨ ᠭᠠᠷᠭᠠᠪᠠᠶ》 ᠭᠡᠵᠦ ᠲᠡᠮᠳᠡᠭᠯᠡᠵᠦ ᠪᠣᠶ᠃ 《 ᠲᠤᠭᠲᠠᠮ ᠵᠡᠷᠭᠡ ᠵᠢᠨ ᠰᠤᠷᠭᠠᠭᠤᠯᠢ ᠳᠤ ᠬᠡᠷᠡᠭᠯᠡᠬᠦ》 ᠬᠡᠦᠭᠡᠳ ᠦᠨ ᠬᠢᠴᠢᠶᠡᠯ ᠦᠨ ᠪᠢᠴᠢᠭ 《ᠠᠩᠬᠠᠨ ᠰᠤᠷᠭᠠᠬᠤ ᠤᠯᠤᠰ ᠤᠨ ᠤᠳᠬᠠ》 ( 8 ᠳᠡᠪᠲᠡᠷ ) ᠢ ᠨᠠᠢᠷᠠᠭᠤᠯᠬᠤ ᠳᠠᠭᠠᠨ 《ᠤᠯᠤᠰ ᠤᠨ ᠠᠷᠠᠳ ᠤᠨ ᠮᠡᠳᠡᠯᠭᠡ ᠤᠬᠠᠭᠠᠨ ᠢ ᠰᠡᠩᠬᠡᠷᠡᠭᠦᠯᠦᠨ ᠨᠡᠭᠡᠭᠡᠭᠳᠡᠭᠦᠯᠬᠦ ᠪᠡᠷ ᠵᠣᠷᠢᠯᠲᠠ》 ᠪᠣᠯᠭᠠᠵᠤ᠂ 《ᠶᠣᠰᠣ ᠡᠷᠳᠡᠮ ᠢ ᠬᠦᠨᠳᠦᠳᠬᠡᠬᠦ᠂ ᠤᠯᠤᠰ ᠢᠶᠠᠨ ᠬᠠᠢᠷᠠᠯᠠᠬᠤ᠂ ᠤᠭᠰᠠᠭᠠ ᠪᠠᠨ ᠬᠠᠮᠠᠭᠠᠯᠠᠬᠤ᠂ ᠠᠰᠢᠭ ᠢ ᠪᠠᠳᠠᠷᠠᠭᠤᠯᠬᠤ》 ᠶᠢ ᠦᠭᠦᠯᠡᠵᠦ᠂ 《ᠲᠩᠷᠢ ᠵᠢᠨ ᠤᠳᠬᠠ᠂ ᠭᠠᠵᠠᠷ ᠵᠦᠶ᠂ ᠬᠦᠮᠦᠨ ᠦ ᠶᠠᠪᠤᠳᠠᠯ ᠤᠨ ᠵᠡᠷᠭᠡ ᠡᠩ ᠦᠨ ᠮᠠᠲᠠᠯ ᠪᠠ ᠵᠠᠰᠠᠭ ᠴᠠᠭᠠᠵᠠ ᠬᠠᠤᠯᠢ ᠲᠦᠷᠢᠮ᠂ ᠴᠡᠷᠢᠭ ᠦᠨ ᠠᠶᠠᠨ ᠬᠦᠷᠲᠡᠯᠡ ᠠᠯᠢᠪᠠ ᠤᠯᠤᠰ ᠤᠨ ᠠᠷᠠᠳ ᠤᠨ ᠮᠡᠳᠡᠪᠡᠰᠦ ᠵᠣᠬᠢᠬᠤ ᠶᠢ ᠵᠢᠨᠤ ᠡᠰᠡ ᠪᠦᠷᠢᠳᠬᠡᠭᠰᠡᠨ ᠢᠶᠡᠷ ᠦᠬᠡᠶ᠃》 ᠡᠨᠡ ᠬᠢᠴᠢᠶᠡᠯ ᠦᠨ ᠪᠢᠴᠢᠭ ᠲᠦ ᠪᠠᠰᠠ 《ᠬᠦᠪᠡᠭᠦᠨ ᠦᠬᠵᠢᠨ ᠢ ᠦᠯᠥ ᠢᠯᠭᠠᠬᠤ ᠵᠢᠨ ᠲᠦ᠍ᠯᠠᠳᠠ》᠂ 《ᠦᠬᠢᠳ ᠲᠣᠷ ᠰᠤᠷᠭᠠᠬᠤ ᠬᠢᠴᠢᠶᠡᠯ ᠢ ᠬᠠᠮᠲᠤ ᠣᠷᠣᠭᠤᠯᠵᠤ᠂ ᠬᠦᠪᠡᠭᠦᠨ ᠦᠬᠵᠢᠨ ᠢ ᠬᠠᠮᠲᠤ ᠪᠠᠷ ᠰᠤᠷᠭᠠᠬᠤᠶ ᠳᠤᠷ ᠲᠦᠬᠥᠮ ᠪᠣᠯᠭᠠᠪᠠᠶ》 ᠭᠡᠪᠡ᠃ ᠲᠣᠰ ᠬᠢᠴᠢᠶᠡᠯ ᠦᠨ ᠪᠢᠴᠢᠭ ᠢ ᠨᠠᠢᠷᠠᠭᠤᠯᠬᠤ ᠶᠠᠪᠤᠴᠠ ᠳᠠᠭᠠᠨ ᠰᠠᠶᠢ ᠰᠤᠷᠭᠠᠭᠤᠯᠢ ᠳᠤ ᠣᠷᠣᠵᠤ ᠪᠠᠢᠭᠠ ᠬᠡᠦᠭᠡᠳ ᠪᠠ ᠵᠢᠷᠭᠤᠳᠤᠭᠠᠷ ᠣᠨ ᠠᠴᠠ ᠡᠮᠦᠨᠡᠬᠢ ᠨᠠᠰᠤᠨ ᠤ ᠬᠡᠦᠭᠡᠳ ᠪᠠᠭᠠᠴᠤᠳ ᠤᠨ ᠣᠶ ᠤᠨ ᠰᠠᠨᠠᠭᠠᠨ ᠤ ᠪᠠ ᠮᠡᠳᠡᠯᠭᠡ ᠵᠢᠨ ᠬᠦᠷᠢᠶᠡ ᠬᠡᠪᠴᠢᠶᠡ᠂ ᠬᠢᠷᠢ ᠴᠢᠳᠠᠯ ᠢ ᠦᠨᠳᠦᠰᠦᠯᠡᠵᠦ ᠴᠠᠭᠠᠨ ᠲᠣ ᠯᠦ᠍ᠭᠠᠶ ᠵᠢᠨ ᠠᠷᠪᠠᠨ ᠬᠣᠶᠠᠷ ᠰᠠᠮᠤᠷ ᠠᠴᠠ ᠡᠬᠢᠯᠡᠭᠡᠳ ᠦᠶᠡ ᠨᠡᠢᠯᠡᠭᠦᠯᠵᠦ ᠦᠰᠥᠭ ᠬᠣᠯᠪᠣᠬᠤ᠂ ᠤᠳᠬᠠ ᠨᠡᠢᠯᠡᠭᠦᠯᠵᠦ ᠵᠣᠬᠢᠶᠠᠨ ᠲᠤᠭᠤᠷᠪᠢᠬᠤ ᠬᠦᠷᠲᠡᠯᠡ ᠭᠦᠶᠭᠡᠨ ᠡᠴᠡ ᠭᠦᠨᠡ ᠦᠭᠡᠳᠡ ᠬᠦᠲᠥᠯᠵᠦ ᠬᠡᠦᠭᠡᠳ ᠦᠨ ᠪᠣᠳᠠᠲᠠᠶ ᠣᠢᠯᠠᠭᠠᠯᠲᠠ ᠵᠢᠨ ᠪᠠᠢᠳᠠᠯ ᠳᠤ ᠨᠢᠮᠪᠠᠶ ᠵᠣᠬᠢᠴᠠᠭᠤᠯ ᠤᠨ ᠨᠠᠷᠢᠨ ᠲᠣᠬᠢᠷᠠᠭᠤᠯᠵᠠᠢ᠃ ᠣᠨᠴᠠᠭᠠᠢᠯᠠᠨ ᠮᠣᠩᠭᠣᠯ ᠬᠦᠮᠦᠨ᠂ ᠮᠣᠩᠭᠣᠯ ᠨᠤᠲᠤᠭ ᠤᠨ ᠠᠮᠢᠳᠤᠷᠠᠯ ᠠᠷᠠᠨᠰᠢᠯ ᠲᠠᠢ ᠤᠶᠠᠯᠳᠤᠭᠤᠯ ᠤᠨ ᠮᠣᠩᠭᠣᠯ ᠬᠡᠦᠭᠡᠳ ᠪᠠᠭᠠᠴᠤᠳ ᠤᠨ ᠡᠳᠦᠷ ᠲᠦ᠍ ᠲᠦ᠍ᠮ ᠲᠣᠬᠢᠶᠠᠯᠳᠤᠵᠤ ᠪᠠᠢᠭᠠ ᠵᠦᠢᠯᠡᠰ ᠢ ᠬᠢᠴᠢᠶᠡᠯ ᠦᠨ ᠳᠡᠪᠲᠡᠷ ᠲᠦᠨᠢ ᠣᠷᠣᠭᠤᠯᠵᠤ᠂ ᠬᠢᠴᠢᠶᠡᠨ ᠰᠤᠷᠬᠤ᠂ ᠮᠡᠷᠡᠵᠢᠨ ᠴᠢᠷᠮᠠᠢᠬᠤ᠂ ᠪᠣᠯᠭᠣᠮᠵᠢᠯᠠᠨ ᠴᠡᠭᠡᠷᠯᠡᠬᠦ᠂ ᠡᠰᠡᠷᠭᠦᠴᠡᠨ ᠲᠡᠮᠡᠴᠡᠬᠦ ᠵᠦᠢᠯ ᠢ ᠲᠣᠳᠣᠷᠬᠠᠶ᠂ ᠠᠮᠢᠳᠤᠯᠢᠭ᠂ ᠳᠦᠷᠰᠦᠯᠢᠭ ᠲᠦ᠍ᠰᠬᠠᠭᠰᠠᠨ ᠪᠠᠢᠪᠠ᠃ 《ᠠᠩᠬᠠᠨ ᠰᠤᠷᠭᠠᠬᠤ ᠤᠯᠤᠰ ᠤᠨ ᠤᠳᠬᠠ》 ᠵᠢᠨ ᠭᠤᠷᠪᠠᠳᠤᠭᠠᠷ ᠳᠡᠪᠲᠡᠷ ᠦᠨ ᠨᠠᠢ᠍ᠮᠠᠳᠤᠭᠠᠷ ᠬᠢᠴᠢᠶᠡᠯ 《ᠬᠣᠨᠢ》 ᠭᠡᠳᠡᠭ ᠵᠣᠬᠢᠶᠠᠯ ᠳᠤ᠄ ᠨᠢᠭᠡ ᠰᠦᠷᠦᠭ ᠬᠣᠨᠢ ᠠᠭᠤᠯᠠᠨ ᠳᠤᠷ ᠣᠷᠣᠬᠤᠶ ᠳᠤᠷ ᠨᠣᠬᠠᠶ ᠪᠠᠷ ᠬᠠᠮᠠᠭᠠᠯᠠᠭᠴᠢ ᠪᠣᠯᠭᠠᠭᠰᠠᠨ ᠠᠵᠤᠭᠤ᠃ ᠴᠵᠢᠨᠣᠠ ᠢᠷᠡᠪᠡᠰᠦ ᠨᠣᠬᠠᠶ ᠳᠠᠷᠤᠶ ᠵᠠᠭᠤᠬᠤᠶ ᠳᠤᠷ ᠴᠵᠢᠨᠣᠠ ᠣᠯᠵᠤ ᠦᠯᠥ ᠵᠠᠪᠰᠢᠬᠤᠶ ᠵᠢᠨ ᠲᠦ᠍ᠯᠠᠳᠠ ᠬᠣᠨᠢ ᠵᠢᠨ ᠵᠦᠭ ᠦᠭᠦᠯᠡᠷᠦᠨ᠄ ᠪᠢ ᠲᠠᠨ ᠯᠤᠭᠠ ᠶᠠᠮᠪᠠᠷ ᠦᠰᠢᠶᠡ ᠪᠣᠶ ᠠᠵᠢ᠂ ᠭᠠᠭᠴᠠ ᠵᠢᠭᠰᠢᠬᠦ ᠵᠢᠨᠤ ᠨᠣᠬᠠᠶ ᠪᠣᠯᠠᠶ᠃ ᠴᠢ ᠦᠨᠡᠬᠡᠷ ᠨᠣᠬᠠᠶ ᠪᠠᠨ ᠬᠦᠭᠡᠭᠡᠵᠦ ᠢᠯᠡᠭᠡᠰᠦ᠂ ᠪᠢ ᠠᠨᠳᠠᠭᠠᠢᠯᠠᠵᠤ ᠲᠠᠨ ᠢ ᠦᠯᠥ ᠬᠣᠣᠷᠯᠠᠮᠤᠢ ᠬᠡᠮᠡᠭᠦᠶ ᠳᠦᠷ ᠬᠣᠨᠢ ᠪᠠᠶᠠᠷᠯᠠᠭᠠᠳ ᠳᠠᠷᠤᠶ ᠨᠣᠬᠠᠶ ᠪᠠᠨ ᠶᠠᠪᠤᠭᠤᠯᠤᠭᠰᠠᠨ ᠤ ᠬᠣᠵᠢᠨᠠ᠂ ᠴᠵᠢᠨᠣᠠ ᠲᠡᠭᠦᠨᠴᠡ ᠣᠯᠠᠨ ᠬᠣᠨᠢ ᠶᠢ ᠨᠢᠭᠡᠳ ᠨᠢᠭᠡ ᠪᠡᠷ ᠴᠦᠮ ᠢᠳᠡᠵᠦᠬᠦᠢ᠃ ᠮᠦᠨ ᠳᠡᠪᠲᠡᠷ ᠦᠨ ᠲᠠᠪᠤᠳᠤᠭᠠᠷ ᠬᠢᠴᠢᠶᠡᠯ 《ᠠᠷᠢᠬᠢ》 ᠳᠤ᠂ ᠠᠢᠯ ᠳᠤᠷ ᠨᠢᠭᠡᠨ ᠬᠡᠷ ᠪᠡᠷᠢ ᠠᠪᠬᠤᠶ ᠳᠤᠷ ᠰᠡᠩᠭᠡ ᠨᠠᠷᠠ ᠲᠦ᠍ ᠪᠢᠴᠢᠬᠠᠨ ᠬᠦᠪᠡᠭᠡᠨ ᠪᠠᠶᠠᠷ ᠬᠢᠭᠡᠷᠡ ᠡᠴᠢᠪᠡᠶ᠃ ᠬᠡᠷ ᠦᠨ ᠡᠵᠡᠨ ᠬᠤᠷᠢᠮ ᠪᠠᠵᠠᠭᠠᠵᠤ ᠣᠯᠠᠨ ᠵᠣᠴᠢᠳ ᠢ ᠬᠤᠷᠢᠮᠯᠠᠨ᠂ ᠳᠠᠷᠠᠰᠤ ᠬᠡᠳᠦᠨ ᠵᠡᠷᠭᠡ ᠳᠠᠪᠰᠢᠭᠤᠯᠪᠠᠰᠤ ᠪᠢᠴᠢᠭᠬ ᠬᠦᠪᠡᠭᠦᠨ ᠰᠡᠩᠭᠡ ᠬ ᠤᠨᠳᠠᠭᠠ ᠡᠰᠡ ᠡᠷᠭᠦᠪᠡᠢ᠃ ᠬᠡᠷ ᠦᠨ ᠡᠵᠡᠨ ᠳᠠᠷᠠᠭᠠ ᠪᠠᠷ ᠳᠠᠪᠰᠢᠭᠤᠯᠬᠤᠶ ᠳᠤᠷ ᠰᠡᠩᠭᠡ ᠦᠭᠦᠯᠡᠷᠦᠨ᠄ ᠮᠵᠢᠨᠦ ᠡᠴᠢᠭᠡ ᠦᠷᠭᠦᠯᠵᠢ ᠦᠭᠦᠯᠡᠭᠰᠡᠨ ᠵᠢᠨᠤ᠂ ᠳᠠᠷᠠᠰᠤ ᠪᠢᠯᠢᠭ ᠢ ᠮᠤᠩᠬᠠᠷᠠᠭᠤᠯᠬᠤ ᠵᠢᠨ ᠲᠦ᠍ᠯᠠᠳᠠ᠂ ᠪᠠᠭᠠ ᠬᠦᠪᠡᠭᠦᠨ ᠨᠠᠩ ᠴᠡᠭᠡᠷᠯᠡᠪᠡᠰᠦ ᠵᠣᠬᠢᠮᠤᠢ ᠬᠡᠮᠡᠭᠰᠡᠨ ᠪᠦᠯᠥᠭᠡ᠂ ᠲᠡᠵᠢᠨ ᠬᠦ ᠠᠶᠤᠮᠰᠢᠭ ᠦᠬᠡᠶ ᠦᠯᠥ ᠤᠤᠭᠤᠮᠤᠢ ᠬᠡᠮᠡᠭᠦᠶ ᠳᠦᠷ ᠣᠯᠠᠨ ᠵᠣᠴᠢᠳ ᠴᠦᠮ ᠰᠠᠢᠰᠢᠶᠠᠨ ᠮᠠᠭᠲᠠᠯᠴᠠᠵᠤᠬᠤᠢ᠃ ᠡᠨᠡ ᠬᠦ ᠬᠣᠶᠠᠷ ᠬᠢᠴᠢᠶᠡᠯ ᠦᠨ ᠦᠵᠡᠯ ᠰᠠᠨᠠᠭᠠ ᠲᠣᠳᠣᠷᠬᠠᠶ᠂ ᠮᠣᠩᠭᠣᠯ ᠣᠷᠣᠨ ᠤ ᠠᠮᠢᠳᠤᠷᠠᠯ ᠪᠠ ᠬᠡᠦᠭᠡᠳ ᠪᠠᠭᠠᠴᠤᠳ ᠤᠨ ᠣᠨᠴᠠᠯᠢᠭ ᠲᠦ᠍ ᠲᠣᠬᠢᠷᠠᠭᠤᠯᠵᠤ᠂ ᠪᠠᠭᠠ ᠤᠴᠢᠷ ᠢᠶᠠᠷ ᠶᠡᠬᠡ ᠶᠣᠰᠣ ᠶᠢ ᠲᠦ᠍ᠰᠬᠠᠵᠠᠶ᠃ 1936 ᠣᠨ ᠳᠤ ᠪᠦᠭᠡᠭᠡᠰᠢᠭ ᠦᠨ ᠤᠷᠢᠯᠭᠠ ᠪᠠᠷ ᠷᠣᠯᠭᠠᠷᠵᠠᠪ 《ᠮᠣᠩᠭᠣᠯ ᠤᠳᠬᠠ ᠵᠢᠨ ᠰᠤᠷᠭᠠᠯ ᠤᠨ ᠬᠤᠷᠠᠯ》 ᠤᠨ ᠵᠦᠪᠯᠡᠭᠴᠢ ᠪᠣᠯᠵᠤ 《ᠤᠯᠠᠭᠠᠨ ᠪᠠᠷᠰ》 ᠰᠡᠳᠬᠦᠯ ᠢ ᠶᠡᠷᠦᠩᠬᠡᠶ ᠨᠠᠢᠷᠠᠭᠤᠯ ᠤᠨ ᠬᠢᠨᠠᠵᠤ ᠪᠠᠢᠵᠠᠢ᠃ 20 ᠳ᠋ᠤᠭᠠᠷ ᠵᠠᠭ ᠤᠨ ᠤ ᠡᠬᠵᠢᠨ ᠳᠦ ᠠᠷᠠᠳᠴᠢᠯᠠᠭᠰᠠᠨ ᠬᠤᠪᠢᠰᠬᠠᠯ ᠤᠨ ᠦᠵᠡᠯ ᠰᠠᠨᠠᠭᠠ ᠵᠢᠨ ᠨᠦᠯᠥᠭᠡᠯᠡᠯ ᠪᠠ ᠦᠨᠳᠦᠰᠦᠲᠡᠨ ᠦ ᠴᠢᠯᠥᠭᠡᠯᠡᠯᠲᠡ ᠵᠢᠨ ᠲᠡᠮᠡᠴᠡᠯ ᠦᠨ ᠭᠠᠯ ᠳᠦᠷᠡᠯᠵᠡᠨ ᠨᠣᠴᠣᠭᠰᠠᠨ ᠠᠴᠠ ᠪᠣᠯᠵᠤ᠂ ᠦᠨᠳᠦᠰᠦᠲᠡᠨ ᠢᠶᠡᠨ ᠬᠠᠢᠷᠠᠯᠠᠬᠤ ᠨᠢᠭᠡ ᠪᠦᠯᠦᠭ ᠰᠡᠬᠡᠭᠡᠲᠡᠳ ᠦᠨᠳᠦᠰᠦ ᠤᠭᠰᠠᠭᠠ ᠪᠠᠨ ᠬᠡᠭᠡᠷᠡᠭᠦᠯᠦᠨ ᠮᠠᠨᠳᠤᠭᠤᠯᠬᠤ ᠵᠢᠨ ᠡᠭᠦᠳᠡᠨ ᠡᠴᠡ ᠮᠣᠩᠭᠣᠯ ᠰᠣᠨᠢᠨ ᠰᠡᠳᠬᠦᠯ᠂ ᠨᠣᠮ ᠬᠡᠪᠯᠡᠯ ᠦᠨ ᠦᠢᠯᠡᠰ ᠢ ᠡᠷᠬᠢᠯᠡᠨ ᠣᠷᠣᠯᠳᠤᠵᠠᠢ᠃ ᠲᠠᠲᠠᠨ ᠤ ᠳᠣᠲᠣᠷᠠᠬᠢ ᠲᠦᠯᠥᠭᠡᠯᠡᠬᠦ ᠴᠢᠨᠠᠷᠲᠠᠶ ᠬᠦᠮᠦᠰ ᠭᠡᠪᠡᠯ ᠳᠠᠷᠤᠶ ᠲᠡᠮᠭᠡᠲᠦ᠂ ᠪᠦᠭᠡᠭᠡᠰᠢᠭ᠂ ᠬᠡᠰᠢᠩᠭᠡ᠂ ᠷᠣᠯᠭᠠᠷᠵᠠᠪ ᠪᠣ ᠯᠦ᠍ᠨᠠ᠃ ᠲᠠᠳᠠ ᠬᠦᠮᠦᠰ ᠦᠨ ᠬᠢᠭᠡᠳᠦᠢ ᠪᠠᠢᠭᠰᠠᠨ ᠠᠵᠢᠯ ᠢ ᠡᠬᠢᠯᠡᠭᠦᠯᠵᠦ᠂ ᠦᠬᠡᠶ ᠡᠴᠡ ᠪᠠᠢᠬᠤ ᠪᠣᠯᠭᠠᠵᠤ᠂ ᠮᠣᠩᠭᠣᠯ ᠦᠨᠳᠦᠰᠦᠲᠡᠨ ᠦ ᠨᠣᠮ ᠪᠢᠴᠢᠭ ᠨᠠᠢᠷᠠᠭᠤᠯ ᠤᠨ ᠬᠡᠪᠯᠡᠬᠦ ᠦᠢᠯᠡᠰ ᠦᠨ ᠵᠠᠮ ᠢ ᠳᠡᠪᠢᠰᠦᠨ ᠡᠭᠦᠳᠡ ᠶᠢ ᠨᠡᠭᠡᠭᠡᠵᠦ ᠪᠢᠯᠡ᠃ ᠲᠡᠮᠭᠡᠲᠦ ᠵᠢᠨ ᠪᠠᠢᠭᠤᠯᠤᠭᠰᠠᠨ 《ᠮᠣᠩᠭᠣᠯ ᠪᠢᠴᠢᠭ ᠦᠨ ᠬᠣᠷᠢᠶᠠ》᠂ ᠬᠡᠰᠢᠩᠭᠡ᠂ ᠷᠣᠯᠭᠠᠷᠵᠠᠪ ᠤᠨ ᠪᠠᠢᠭᠤᠯᠤᠭᠰᠠᠨ 《ᠮᠣᠩᠭᠣᠯ ᠤᠳᠬᠠ ᠵᠢᠨ ᠰᠤᠷᠭᠠᠯ ᠤᠨ ᠬᠤᠷᠠᠯ》 ᠠᠴᠠ ᠨᠠᠢᠷᠠᠭᠤᠯ ᠤᠨ ᠬᠡᠪᠯᠡᠭᠰᠡᠨ ᠨᠣᠮ ᠢ ᠶᠡᠷᠦᠩᠬᠡᠢᠯᠡᠪᠡᠯ᠄ ᠮᠣᠩᠭᠣᠯ ᠦᠨᠳᠦᠰᠦᠲᠡᠨ ᠦ ᠡᠷᠲᠡᠨ ᠦ ᠰᠣᠩᠭᠣᠳᠠᠭ ᠵᠣᠬᠢᠶᠠᠯ .. ᠬᠢᠲᠠᠳ ᠤᠨ ᠰᠣᠩᠭᠣᠳᠠᠭ ᠵᠣᠬᠢᠶᠠᠯ ᠢ ᠣᠷᠴᠢᠭᠤᠯᠵᠤ ᠬᠡᠪᠯᠡᠭᠦᠯᠬᠦ .. ᠲᠤᠰᠭᠠᠢ ᠵᠢᠨ ᠦᠶᠡ ᠳᠦ ᠦᠨᠳᠦᠰᠦᠲᠡᠨ ᠦ ᠲᠦᠷᠥᠯᠬᠢ ᠬᠡᠯᠡ ᠪᠡᠷ ᠢᠶᠡᠨ ᠪᠢᠴᠢᠭᠰᠡᠨ ᠵᠣᠬᠢᠶᠠᠯ ᠢ ᠨᠠᠢᠷᠠᠭᠤᠯ ᠤᠨ ᠬᠡᠪᠯᠡᠭᠦᠯᠬᠦ .. ᠪᠠᠭᠠᠴᠤᠳ ᠬᠡᠦᠭᠡᠳ ᠦᠨ ᠰᠤᠷᠬᠤ ᠪᠢᠴᠢᠭ ᠵᠡᠷᠭᠡ ᠶᠢ ᠨᠠᠢᠷᠠᠭᠤᠯ ᠤᠨ ᠬᠡᠪᠯᠡᠭᠦᠯᠵᠦ ᠪᠠᠢᠪᠠ᠃ ᠲᠠᠳᠠ ᠨᠣᠮ ᠪᠢᠴᠢᠭ ᠵᠣᠬᠢᠶᠠᠬᠤ᠂ ᠨᠠᠢᠷᠠᠭᠤᠯᠬᠤ᠂ ᠣᠷᠴᠢᠭᠤᠯᠬᠤ᠂ ᠰᠡᠢᠷᠡᠭᠦᠯᠬᠦ᠂ ᠬᠡᠪᠯᠡᠭᠦᠯᠬᠦ᠂ ᠲᠠᠷᠬᠠᠭᠠᠬᠤ ᠠᠵᠢᠯᠯᠠᠭᠠ ᠪᠠᠨ ᠲᠦᠯᠥᠪᠯᠡᠭᠡ ᠲᠡᠢ ᠪᠦᠭᠡᠳ ᠠᠯᠬᠤᠮ ᠳᠠᠷᠠᠭᠠ ᠲᠠᠢ ᠨᠠᠷᠢᠨ ᠨᠢᠮᠪᠠᠶ ᠭᠦᠢᠴᠡᠳᠬᠡᠵᠦ ᠪᠠᠢᠭᠰᠠᠨ ᠪᠦᠭᠡᠳ ᠵᠣᠬᠢᠶᠠᠵᠤ ᠨᠠᠢᠷᠠᠭᠤᠯᠬᠤ ᠣᠷᠴᠢᠭᠤᠯᠬᠤ ᠤᠷᠠ ᠮᠡᠷᠭᠡᠰᠢᠯ ᠨᠢ ᠦᠨᠳᠥᠷ ᠪᠠᠢᠭᠰᠠᠨ ᠲᠦ᠍ᠯᠠ ᠣᠯᠠᠨ ᠤ ᠬᠦᠷᠢᠶᠡᠯᠡᠯ ᠢ ᠣᠯᠵᠤ ᠪᠠᠢᠯᠠ᠃ ᠣᠲᠣ ᠵᠢᠨ ᠣᠯᠳᠠᠭᠰᠠᠨ ᠲᠡᠦᠬᠡᠨ ᠮᠠᠲ᠋ᠧᠷᠢᠶᠠᠯ ᠳᠤ ᠲᠡᠮᠳᠡᠭᠯᠡᠭᠰᠡᠨ ᠡᠴᠡ ᠦᠵᠡᠪᠡᠯ᠂ ᠷᠣᠯᠭᠠᠷᠵᠠᠪ 1941 ᠣᠨ ᠤ 8 ᠰᠠᠷᠠ ᠳᠤ ᠬᠡᠢᠯᠦ ᠳᠦ ᠲᠠᠪᠵᠢᠨ ᠭᠤᠷᠪᠠᠲᠠᠶ ᠨᠠᠰᠤ ᠪᠠᠷᠠᠵᠠᠢ᠃ ᠲᠡᠷᠡ ᠦᠶᠡ ᠳᠦ ᠬᠡᠷ ᠪᠦᠯᠢ ᠵᠢᠨ ᠬᠵᠢᠨᠢ ᠪᠤᠶᠤ ᠨᠡᠢᠭᠡᠮ ᠳᠡᠭᠡᠷᠡᠬᠢ ᠵᠠᠷᠢᠮ ᠬᠦᠮᠦᠰ ᠶᠠᠫᠣᠨ ᠲᠡᠭᠦᠨ ᠢ ᠬᠡᠷ ᠲᠡᠭᠡᠨ ᠠᠪᠠᠴᠢᠵᠤ ᠠᠷᠢᠬᠢ ᠤᠤᠭᠤᠯᠭᠠᠭᠠᠳ ᠲᠡᠷᠡ ᠰᠦᠨᠢ ᠳᠦᠨᠢ ᠨᠣᠭᠣᠭᠠᠨ ᠢᠶᠠᠷ ᠪᠦᠭᠡᠯᠵᠢᠵᠦ ᠨᠠᠰᠤ ᠪᠠᠷᠠᠵᠠᠢ ᠭᠡᠵᠦ ᠬᠡᠯᠡᠯᠴᠡᠳᠡᠭ᠃ ᠭᠡᠪᠡᠴᠦ ᠡᠵᠡᠷᠬᠡᠭ ᠲᠦᠷᠢᠮᠡᠬᠡᠢᠲᠡᠨ ᠦ ᠬᠦᠨᠳᠦ ᠳᠠᠷᠤᠯᠠᠯ ᠤᠨ ᠳᠣᠣᠷᠠ ᠡᠨᠡ ᠬᠡᠷᠡᠭ ᠢ ᠬᠡᠯᠡᠵᠦ ᠪᠣᠯᠬᠤ ᠦᠬᠡᠶ᠂ ᠲᠣᠳᠣᠯᠠᠵᠤ ᠴᠢᠳᠠᠬᠤ ᠦᠬᠡᠶ ᠳᠡᠭᠡᠨ ᠳᠠᠯᠳᠠ ᠪᠠᠷ ᠭᠠᠰᠢᠭᠤᠳᠠᠨ ᠪᠠᠢᠵᠠᠢ᠃
Copyight 2016 by nmgmzw.gov.cn All Rights Reserved
