ᠨᠡᠷᠡ：
ᠷᠠᠭᠴᠠ
ᠴᠢᠨᠠᠷ ᠤᠨ ᠢᠯᠭᠠᠯ：
ᠨᠢᠭᠤᠴᠠ
ᠬᠠᠷᠢᠯᠴᠠᠬᠤ ᠬᠡᠯᠪᠡᠷᠢ：
ᠵᠣᠬᠢᠶᠠᠭᠴᠢ ᠶᠢᠨ ᠲᠠᠨᠢᠯᠴᠠᠭᠤᠯᠭᠠ：
ᠷᠠᠭᠴᠠ᠂ ( 1926—— ) ᠰᠡᠳᠬᠦᠯᠴᠢ᠃ ᠮᠣᠩᠭᠣᠯ ᠤᠯᠤᠰ ᠤᠨ ᠭᠣᠪᠢᠭᠯᠲᠠᠶ ᠠᠢᠮᠠᠭ ᠤᠨ ᠲᠦᠩᠭᠦᠯ ᠰᠤᠮᠤᠨ ᠤ ᠪᠤᠯᠠᠭ ᠤᠨ ᠬᠣᠯᠪᠣᠭᠠ ᠭᠡᠳᠡᠭ ᠨᠤᠲᠤᠭ ᠲᠦ᠍ ᠲᠦᠷᠥᠵᠡᠢ᠃ 1942 ᠣᠨ ᠳᠤ ᠤᠯᠠᠭᠠᠨᠪᠠᠭᠠᠲᠤᠷ ᠬᠣᠲᠠ ᠵᠢᠨ ᠰᠠᠩ ᠬᠦᠦ ᠡᠳ᠋ ᠦᠨ ᠵᠠᠰᠠᠭ ᠤᠨ ᠰᠤᠷᠭᠠᠭᠤᠯᠢ ᠳᠤ ᠰᠤᠷᠤᠯᠴᠠᠵᠤ᠂ 1945 ᠣᠨ ᠳᠤ ᠪᠦᠭᠦᠳᠡ ᠨᠠᠢᠷᠠᠮᠳᠠᠬᠤ ᠮᠣᠩᠭᠣᠯ ᠠᠷᠠᠳ ᠤᠯᠤᠰ ᠤᠨ ᠰᠠᠩ ᠤᠨ ᠶᠠᠮ ᠤᠨ ᠳᠤ ᠮᠠᠯ ᠠᠵᠤ ᠠᠬᠤᠶ ᠵᠢᠨ ᠠᠯᠪᠠᠨ ᠲᠠᠲᠠᠪᠤᠷᠢ ᠬᠠᠷᠢᠭᠤᠴᠠᠭᠰᠠᠨ ᠵᠢᠭᠠᠪᠤᠷᠢᠯᠠᠭᠴᠢ ᠪᠣᠯᠵᠠᠢ᠃ l946 ᠣᠨ ᠳᠤ ᠮᠣᠩᠭᠣᠯ ᠤᠨ ᠴᠡᠷᠢᠭ ᠦᠨ ᠶᠡᠷᠦᠩᠬᠡᠶ ᠰᠤᠷᠭᠠᠭᠤᠯᠢ ᠳᠤ ᠣᠷᠣᠵᠤ ᠰᠤᠷᠤᠯᠴᠠᠭᠠᠳ᠂ 1949 ᠣᠨ ᠳᠤ 《ᠤᠯᠠᠭᠠᠨ ᠣᠳᠣᠨ》 ᠰᠣᠨᠢᠨ ᠳᠤ ᠨᠠᠢᠷᠠᠭᠤᠯᠤᠭᠴᠢ ᠪᠠᠷ ᠠᠵᠢᠯᠯᠠᠵᠤ ᠰᠣᠨᠢᠨ ᠮᠡᠳᠡᠭᠡ ᠬᠡᠪᠯᠡᠯ ᠦᠨ ᠵᠠᠮ ᠳᠤ ᠣᠷᠣᠪᠠ᠃ 1954 ᠣᠨ ᠠᠴᠠ 1956 ᠣᠨ ᠪᠣᠯᠲᠠᠯᠠ 《ᠵᠠᠯᠠᠭᠤᠴᠤᠳ ᠤᠨ ᠦᠨᠡᠨ》 ᠰᠣᠨᠢᠨ ᠳᠤ ᠨᠠᠢᠷᠠᠭᠤᠯᠤᠭᠴᠢ ᠪᠠᠷ᠂ 1957 ᠣᠨ ᠠᠴᠠ 1965 ᠣᠨ ᠪᠣᠯᠲᠠᠯᠠ 《ᠦᠨᠡᠨ》 ᠰᠣᠨᠢᠨ ᠳᠤ ᠰᠤᠷᠪᠤᠯᠵᠢᠯᠠᠭᠴᠢ ᠪᠠᠷ ᠪᠠᠢᠪᠠ᠃ 1966 ᠣᠨ ᠠᠴᠠ 967 ᠣᠨ ᠳᠤ ᠵᠦᠪᠯᠡᠯᠲᠦ ᠬᠣᠯᠪᠣᠭᠠ ᠲᠦ᠍ ᠤᠯᠤᠰ ᠤᠨ ᠺᠣᠮᠮ ᠤᠨᠢᠰᠲ ᠨᠠᠮ ᠤᠨ ᠳᠡᠭᠡᠳᠦ ᠰᠤᠷᠭᠠᠭᠤᠯᠢ ᠳᠤ ᠰᠡᠳᠬᠦᠯᠴᠢ ᠵᠢᠨ ᠮᠡᠷᠭᠡᠵᠢᠯ ᠰᠤᠷᠤᠯᠴᠠᠵᠤ᠂ 1968 ᠣᠨ ᠠᠴᠠ 1971 ᠣᠨ ᠤ ᠬᠣᠭᠣᠷᠣᠨᠳᠣ ᠮᠣᠩᠭᠣᠯ ᠤᠯᠤᠰ ᠤᠨ ᠷᠠᠳᠢᠣ᠋ ᠬᠣᠷᠢᠶᠠ ᠵᠢᠨ ᠭᠠᠳᠠᠭᠠᠳᠤ ᠬᠡᠯᠡᠨ ᠦ ᠨᠡᠪᠲᠡᠷᠡᠭᠦᠯᠭᠡ ᠵᠢᠨ ᠶᠡᠷᠦᠩᠬᠡᠶ ᠷᠸᠳᠠᠺᠲ᠋ᠤᠷ ᠪᠠᠢᠵᠤ᠂ 1972 ᠣᠨ ᠠᠴᠠ 1986 ᠣᠨ ᠪᠣᠯᠲᠠᠯᠠ 《ᠦᠨᠡᠨ》 ᠰᠣᠨᠢᠨ ᠤ ᠤᠳᠬᠠ ᠵᠣᠬᠢᠶᠠᠯ ᠤᠨ ᠠᠵᠢᠯᠲᠠᠨ᠂ ᠲᠠᠰᠤᠭ ᠤᠨ ᠡᠷᠬᠢᠯᠡᠭᠴᠢ ᠵᠢᠨ ᠲᠤᠰᠢᠶᠠᠯ ᠢ ᠬᠠᠷᠢᠭᠤᠴᠠᠵᠤ ᠪᠠᠢᠪᠠ᠃ ᠳᠦᠴᠢ ᠭᠠᠷᠤᠶ ᠵᠢᠯ ᠦᠨ ᠲᠦ᠍ᠷᠰᠢ ᠰᠣᠨᠢᠨ ᠮᠡᠳᠡᠭᠡ᠂ ᠷᠠᠳᠢᠣ᠋ ᠨᠡᠪᠲᠡᠷᠡᠭᠦᠯᠭᠡ ᠵᠢᠨ ᠹᠷᠣᠨᠲ ᠳᠡᠭᠡᠷᠡ ᠪᠠᠢᠬᠤ ᠳᠠᠭᠠᠨ ᠲᠡᠷᠡ ᠤᠯᠤᠰ ᠲᠦᠷᠥ᠂ ᠡᠳ᠋ ᠦᠨ ᠵᠠᠰᠠᠭ᠂ ᠰᠣᠶᠣᠯ ᠭᠡᠭᠡᠷᠡᠯ᠂ ᠴᠡᠷᠢᠭ ᠦᠨ ᠶᠠᠪᠤᠳᠠᠯ ᠡᠯᠡ ᠲᠠᠯᠠ ᠵᠢᠨ ᠮᠡᠳᠡᠭᠡ 1200 ᠭᠠᠷᠤᠶ ᠵᠤᠷᠪᠤᠰ᠂ ᠴᠢᠮᠡᠭᠡᠯᠡᠯ᠂ ᠦᠭᠦᠯᠡᠯ᠂ ᠲᠡᠮᠳᠡᠭᠯᠡᠯ᠂ ᠰᠤᠷᠪᠤᠯᠵᠢᠯᠠᠭᠠ 400 ᠭᠠᠷᠤᠶ ᠰᠢᠬᠠᠮ ᠬᠤᠪᠢ᠂ ᠬᠡᠷᠡᠯ ᠵᠢᠷᠤᠭ 200 ᠭᠠᠷᠤᠶ ᠢᠵᠢ ᠶᠢ ᠲᠣᠰ ᠲᠣᠰ ᠨᠠᠢᠳᠠᠯᠠᠵᠠᠢ᠃ ᠪᠠᠰᠠ ᠵᠦᠪᠯᠡᠯᠲᠦ ᠬᠣᠯᠪᠣᠭᠠ ᠲᠦ᠍ ᠤᠯᠤᠰ᠂ ᠳᠤᠮᠳᠠᠳᠤ ᠤᠯᠤᠰ᠂ ᠫᠣᠯᠠᠨᠳ᠋᠂ ᠴᠧᠺᠣᠰ ᠯᠦ᠍ᠸᠠᠺᠢᠶᠠ᠂ ᠸᠢᠶᠧᠲ᠋ᠨᠠᠮ᠂ ᠯᠠᠤᠰ ᠵᠡᠷᠭᠡ ᠤᠯᠤᠰ ᠣᠷᠣᠨ ᠢᠶᠠᠷ ᠰᠤᠷᠪᠤᠯᠵᠢᠯᠠᠭᠠ ᠬᠢᠵᠦ ᠦᠩᠭᠡᠷᠡᠪᠡ᠃ ᠨᠠᠢᠷᠠᠭᠤᠯᠤᠯ ᠤᠨ ᠰᠣᠩᠭᠣᠮᠠᠯ 《ᠬᠦᠮᠦᠨ ᠦ ᠵᠢᠷᠭᠠᠯ》 ᠭᠡᠬᠦ ᠨᠣᠮ ᠢᠶᠠᠨ l971 ᠣᠨ ᠳᠤ ᠤᠯᠠᠭᠠᠨᠪᠠᠭᠠᠲᠤᠷ ᠲᠦ᠍ ᠬᠡᠪᠯᠡᠭᠦᠯᠪᠡ᠃ ᠤᠷᠢᠳ ᠬᠣᠵᠢᠳ ᠮᠣᠩᠭᠣᠯ ᠤᠨ ᠠᠷᠠᠳ ᠤᠨ ᠬᠤᠪᠢᠰᠬᠠᠯ ᠤᠨ 40᠂ 50᠂ 60 ᠵᠢᠯ ᠦᠨ ᠣᠶ ᠵᠢᠨ ᠮᠧᠳᠠᠯ ᠲᠣᠰ ᠲᠣᠰ ᠬᠦᠷᠲᠡᠭᠰᠡᠨ ᠪᠦᠭᠡᠳ 1970 ᠣᠨ ᠪᠠ 1986 ᠣᠨ ᠳᠤ ᠮᠣᠩᠭᠣᠯ ᠤᠯᠤᠰ ᠤᠨ ᠠᠯᠲᠠᠨ ᠭᠠᠳᠠᠰᠤ ᠣᠳᠣᠨ ᠤ ᠱᠠᠩᠨᠠᠯ ᠢ ᠬᠣᠶᠠᠷ ᠤᠳᠠᠭᠠ ᠬᠦᠷᠲᠡᠵᠡᠶ᠃ 1991 ᠣᠨ ᠳᠤ ᠪᠠᠰᠠ ᠮᠣᠩᠭᠣᠯ ᠤᠯᠤᠰ ᠤᠨ ᠬᠡᠪᠯᠡᠯ ᠮᠡᠳᠡᠭᠡᠯᠡᠯ ᠦᠨ ᠲᠡᠷᠢᠭᠦᠨ ᠦ ᠠᠵᠢᠯᠲᠠᠨ ᠪᠣᠯᠪᠠ᠃
Copyight 2016 by nmgmzw.gov.cn All Rights Reserved
