ᠨᠡᠷᠡ：
ᠯᠦ᠍ᠪᠰᠠᠩᠳᠠᠮᠪᠵᠢᠨᠢᠮᠠ
ᠴᠢᠨᠠᠷ ᠤᠨ ᠢᠯᠭᠠᠯ：
ᠨᠢᠭᠤᠴᠠ
ᠬᠠᠷᠢᠯᠴᠠᠬᠤ ᠬᠡᠯᠪᠡᠷᠢ：
ᠵᠣᠬᠢᠶᠠᠭᠴᠢ ᠶᠢᠨ ᠲᠠᠨᠢᠯᠴᠠᠭᠤᠯᠭᠠ：
( 1689~ 1762 ) ᠭᠠᠯᠳᠠᠨ ᠰᠢᠷᠡᠭᠡᠲᠦ ᠬᠤᠲᠤᠭᠲᠤ ᠵᠢᠨ ᠨᠢᠭᠡᠳᠦᠭᠡᠷ ᠳᠦᠷᠢ 《ᠳ᠋ᠠᠨᠵᠤᠤᠷ》 ᠢ ᠣᠷᠴᠢᠭᠤᠯ ᠤᠨ ᠪᠠᠷᠯᠠᠭᠰᠠᠨ ᠬᠥᠮᠦᠨ᠃ ᠬᠥᠬᠡᠨᠠᠭᠤᠷ ᠤ᠋ᠨ ᠪᠠᠷᠠᠭᠤᠨ ᠬᠡᠰᠡᠭ ᠦᠨ ᠮᠠᠩᠶᠤᠯ ᠬᠡᠮᠡᠬᠦ ᠡᠯᠡᠰᠦᠨ ᠴᠤ᠌ᠯ ᠦᠨ ᠬᠠᠪᠢ ᠳ᠋ᠠᠺᠢ ᠶᠠᠩᠰᠠᠩ ᠬᠡᠮᠡᠬᠦ ᠭᠠᠵᠠᠷ 1689 ᠣᠨ ᠳᠤ ᠲᠥᠷᠦᠵᠡᠢ᠃ ᠪᠠᠭᠠ ᠵᠢᠨ ᠨᠡᠷᠡ ᠨᠢ ᠯᠠᠾᠢᠵᠵᠢᠨᠼᠠᠩᠵᠠᠪ ᠭᠡᠳᠡᠭ᠃ 1690 ᠣᠨ ᠳᠤ ᠤᠪᠠᠳᠵᠢᠨᠢ ᠡᠷᠳᠡᠨᠢ ᠪᠠ ᠳ᠋ᠧᠴᠢᠨ ᠦ ᠪᠠᠭᠰᠢ ᠠᠭᠸᠠᠩ ᠯᠦ᠍ᠪᠰᠠᠩᠷᠠᠰᠢ ᠬᠣᠶᠠᠷ ᠲᠡᠭᠦᠨ ᠢ ᠭᠠᠯᠳᠠᠨ ᠰᠢᠷᠡᠭᠡᠲᠦ ᠠᠭᠸᠠᠩᠯᠦ᠍ᠷᠣᠢᠵᠠᠮᠰᠤ ( 1635~ 1688 ) ᠵᠢᠨ ᠬᠤᠪᠢᠯᠭᠠᠨ ᠢᠶᠠᠷ ᠲᠣᠳᠤᠯᠠᠪᠠ᠃ ᠬᠣ ᠰᠢᠨᠡ ᠨᠢᠭᠡᠨ ᠴᠠᠭ ᠲᠦ᠍ ᠵᠠᠩᠵᠠ ᠠᠭᠸᠠᠩᠴᠤ᠌ᠢᠳᠠᠨ ᠪᠠ ᠪᠠᠨᠴᠢᠨ ᠯᠦ᠍ᠪᠰᠠᠩᠶᠸᠰ᠌ᠢ ᠨᠠᠷ ᠴᠤ᠌ ᠲᠡᠭᠦᠨ ᠢ ᠭᠠᠯᠳᠠᠨ ᠰᠢᠷᠡᠭᠡᠲᠦ ᠵᠢᠨ ᠬᠤᠪᠢᠯᠭᠠᠨ ᠢᠶᠠᠷ ᠲᠣᠳᠣᠯᠠᠵᠠᠶ᠃ ᠢᠩᠭᠢᠭᠡᠳ ᠲᠡᠷᠡ ᠳ᠋ᠧᠴᠢᠨ ᠬᠡᠢᠳ᠂ ᠭᠤᠩ ᠯᠦ᠍ᠩ ᠬᠦᠮᠪᠥᠮ ᠷᠠᠰᠢᠴᠢᠯ᠂ ᠷᠣᠩᠪᠤ᠂ ᠭᠠᠯᠳᠠᠨ ᠪᠷᠠᠢᠪᠤᠩ᠂ ᠰᠧᠷᠠ ᠷᠠᠰᠢᠯᠾᠤᠶᠠᠭᠪᠤ ᠭᠡᠬᠦ ᠮᠡᠲᠦ ᠵᠢᠨ ᠬᠡᠢᠳ ᠦᠳ ᠲᠦ ᠵᠠᠯᠠᠭᠳᠠᠨ ᠨᠣᠮ ᠨᠣᠮᠯᠠᠨ ᠱᠠᠰᠢᠨ ᠤ ᠠᠵᠢᠯᠯᠠᠭᠠ ᠬᠢᠵᠠᠶ᠃ 1734 ᠣᠨ ᠳᠤ ᠨᠠᠢᠷᠠᠯ ᠲᠦ᠍ ᠲᠥᠪ ᠬᠠᠭᠠᠨ ᠲᠡᠭᠦᠨ ᠢ ᠪᠡᠭᠡᠵᠢᠩ ᠳᠦ ᠢᠷᠡᠭᠦᠯᠵᠦ ᠲᠥᠪᠡᠳ ᠨᠣᠮ ᠤᠨ ᠰᠦᠮᠡ ᠳᠦ ᠰᠠᠭᠤᠯᠭᠠᠵᠤ᠂ 1735 ᠣᠨ ᠳᠤ ᠰᠢᠷᠠ ᠰᠦᠮᠡ ᠳᠦ ᠰᠠᠭᠤᠵᠠᠢ᠃ ᠡᠵᠢᠨ ᠬᠦ ᠲᠡᠷᠡ ᠴᠢᠩ ᠭᠦᠷᠦᠨ ᠦ ᠦᠶᠡ ᠳᠦ ᠪᠡᠭᠡᠵᠢᠩ ᠳᠦ ᠰᠠᠭᠤᠳᠠᠭ ᠶᠡᠬᠡ ᠬᠤᠲᠤᠭ ᠲᠦ᠍ ᠵᠢᠨ ᠨᠢᠭᠡᠨ ᠪᠣᠯᠵᠤ᠂ ᠪᠡᠭᠡᠵᠢᠩ ᠦᠨ ᠰᠢᠷᠠ ᠰᠦᠮᠡ ᠵᠢᠨ ᠪᠯᠠᠮᠠᠲᠠᠨ ᠭᠡᠭᠳᠡᠬᠦ ᠪᠣᠯᠵᠠᠢ᠃ ᠲᠡᠭᠦᠨ ᠦ ᠮᠣᠩᠭᠤᠯ ᠬᠡᠪᠯᠡᠯ ᠦᠨ ᠦᠢᠯᠡᠰ ᠲᠦ ᠦᠵᠡᠭᠦᠯᠦᠭᠰᠡᠨ ᠬᠠᠮᠤᠭ ᠤᠨ ᠲᠣᠮᠣ ᠠᠵᠢᠯᠯᠠᠭᠠ ᠭᠡᠪᠡᠯ 《ᠳ᠋ᠠᠨᠵᠤᠤᠷ》 ᠢ ᠤᠳᠤᠷᠢᠳ ᠴᠤ᠌ ᠣᠷᠴᠢᠭᠤᠯᠵᠤ ᠪᠠᠷ ᠲᠦ᠍ ᠭᠠᠷᠭᠠᠭᠰᠠᠨ ᠶᠠᠪᠤᠳᠠᠯ ᠪᠣᠯᠤᠨᠠ᠃ 1741 ᠣᠨ ᠳᠤ ᠲᠩᠷᠢ ᠲᠡᠳᠭᠦᠭᠴᠢ ᠬᠠᠭᠠᠨ 《ᠳ᠋ᠠᠨᠵᠤᠤᠷ》 ᠢ ᠮᠣᠩᠭᠤᠯᠴᠢᠯᠠᠬᠤ ᠵᠠᠷᠯᠢᠭ ᠭᠠᠷᠭᠠᠭᠰᠠᠨᠠ ᠵᠠᠩᠵᠠ ᠬᠤᠲᠤᠭ ᠲᠦ᠍ ᠷᠣᠯᠪᠢᠳᠤᠷᠵᠢ᠂ ᠡᠨᠡ ᠭᠠᠯᠳᠠᠨ ᠰᠢᠷᠡᠭᠡᠲᠦ ᠬᠤᠲᠤᠭ ᠲᠦ᠍ ᠯᠦ᠍ᠪᠰᠠᠩᠳᠠᠮᠪᠵᠢᠨᠢᠮᠠ ᠬᠣᠶᠠᠷ ᠲᠠᠩᠭᠤᠳ ᠠᠴᠠ ᠤᠬᠠᠭᠠᠨ ᠤ ᠣᠷᠤᠨ ᠢ᠋ ᠮᠡᠳᠡᠭᠴᠢ ᠮᠡᠷᠭᠡᠳ ᠬᠢᠭᠡᠳ 49 ᠬᠣᠰᠢᠭᠤ ᠶᠡᠬᠡ ᠮᠣᠩᠭᠤᠯ᠂ 7 ᠬᠣᠰᠢᠭᠤ ᠬᠠᠯᠬᠠ᠂ 8 ᠬᠣᠰᠢᠭᠤ ᠴᠠᠬᠠᠷ ᠲᠡᠷᠢᠭᠦᠲᠡᠨ ᠡᠴᠡ ᠯᠠᠮᠠ ᠬᠤᠪᠢᠯᠭᠠᠨ᠂ ᠬᠤᠲᠤᠭ ᠲᠦ᠍᠂ ᠭᠠᠪᠵᠤ᠂ ᠷᠠᠪᠵᠠᠮᠪᠠ᠂ ᠭᠦᠦᠰᠢ ᠨᠡᠷ ᠲᠥᠪᠡᠳ ᠮᠣᠩᠭᠤᠯ ᠦᠰᠥᠭ ᠬᠢᠭᠡᠳ ᠨᠣᠮ ᠤᠨ ᠶᠣᠰᠤᠨ ᠳ᠋ᠤ᠌ ᠮᠡᠷᠭᠡᠰᠢᠭᠰᠡᠨ ᠪᠦᠭᠦᠳᠡ ᠶᠢ ᠤᠷᠢᠵᠤ 1742 ᠣᠨ ᠠᠴᠠ ᠡᠬᠢᠯᠡᠵᠦ 《ᠳ᠋ᠠᠨᠵᠤᠤᠷ》 ᠢ ᠣᠷᠴᠢᠭᠤᠯᠬᠤ᠂ ᠣᠷᠴᠢᠭᠤᠯᠭᠠ ᠶᠢ ᠵᠠᠰᠠᠬᠤ ᠰᠢᠭᠦᠬᠦ ᠪᠠᠷᠯᠠᠬᠤ ᠠᠵᠢᠯ ᠢ ᠤᠳᠤᠷᠢᠳ ᠤᠨ ᠬᠢᠴᠢᠶᠡᠵᠦ᠂ 1749 ᠣᠨ ᠳᠤ ᠠᠮᠵᠢᠯᠲᠠᠲᠠᠶ ᠪᠠᠷ ᠪᠠᠷᠯᠠᠵᠤ ᠳᠠᠭᠤᠰᠬᠠᠵᠠᠶ᠃
Copyight 2016 by nmgmzw.gov.cn All Rights Reserved
