ᠮᠣᠩᠭᠤᠯ ᠠᠨᠠᠭᠠᠬᠤ ᠤᠬᠠᠭᠠᠨ ᠤ ᠳᠣᠲᠤᠷ ᠡᠪᠡᠳᠴᠢᠨ ᠤ ᠬᠤᠪᠢᠰᠤᠩᠭᠤᠢ ᠵᠠᠳᠠᠯᠤᠯᠲᠠ ᠳᠤ ᠬᠢ ᠬᠡᠢᠰᠪᠦᠷᠢ ᠰᠡᠳᠭᠢᠬᠦᠢ ᠶᠢᠨ ᠦᠢᠯᠡᠳᠦᠯ ᠦᠨ ᠲᠤᠬᠠᠢ
ᠢᠷᠡᠯᠲᠡ： ᠪᠠᠢᠭᠠᠯᠢ ᠶ᠋ᠢᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠦ᠌ ᠮᠣᠩᠭᠤᠯ ᠬᠡᠯᠡ ᠦ᠌ ᠬᠤᠭᠤᠴᠠᠭᠠᠲᠦ ᠰᠡᠳᠭᠦᠯ -> ᠥᠪᠦᠷ ᠮᠣᠩᠭᠤᠯ ᠤ᠋ᠨ ᠦᠨᠳᠦᠰᠦᠲᠡᠨ ᠦ᠌ ᠶᠡᠬᠡ ᠰᠤᠷᠭᠠᠭᠤᠯᠢ ᠶ᠋ᠢᠨ ᠡᠷᠳᠡᠮ ᠰᠢᠨᠵᠢᠯᠡᠭᠡᠨ ᠦ᠌ ᠰᠡᠳᠭᠦᠯ ᠦ᠋ᠨ ᠪᠠᠢᠭᠠᠯᠢ ᠶ᠋ᠢᠨ ᠰᠢᠨᠵᠢᠯᠡ -> 201002
ᠮᠠᠲ᠋ᠧᠷᠢᠶᠠᠯ ᠶ᠋ᠢᠨ ᠬᠡᠯᠪᠡᠷᠢ： pdf
ᠳᠠᠮᠵᠢᠭᠤᠯᠤᠭᠰᠠᠨ ᠴᠠᠭ： 2019/03/04
ᠦᠵᠡᠭᠰᠡᠨ ᠤᠳᠠᠭᠠ： 1ᠤᠳᠠᠭᠠ
ᠵᠣᠬᠢᠶᠠᠭᠴᠢ᠄ ᠤᠷᠲᠤᠨᠠᠰᠤᠨ᠂ ᠪᠦᠷᠢᠨᠪᠠᠲᠤ
ᠵᠠᠩᠭᠢᠯᠠᠭᠠ ᠦᠭᠡ᠄ ᠮᠣᠩᠭᠤᠯ ᠡᠮᠨᠡᠯᠭᠡ᠂ ᠬᠤᠪᠢᠰᠤᠩᠭᠤᠢ ᠵᠠᠳᠠᠯᠤᠯᠲᠠ᠂ ᠬᠡᠢᠰᠪᠦᠷᠢ ᠰᠡᠳᠭᠢᠬᠦᠢ
ᠰᠠᠭᠤᠷᠢ ᠮᠥᠩᠭᠦᠨ ᠤ᠋ ᠳᠡᠮᠵᠢᠯᠭᠡ᠄ (ᠦᠭᠡᠢ)
ᠠᠭᠤᠯᠭᠠ ᠶ᠋ᠢᠨ ᠲᠣᠪᠴᠢ᠄ ᠮᠣᠩᠭᠤᠯ ᠠᠨᠠᠭᠠᠬᠤ ᠤᠬᠠᠭᠠᠨ ᠤ ᠳᠣᠲᠤᠷ ᠡᠮᠨᠡᠯᠭᠡ ᠶᠢᠨ ᠣᠨᠤᠯ ᠤᠨ ᠵᠢᠯᠤᠭᠤᠳᠤᠯᠭᠠ ᠪᠣᠯᠵᠤ ᠪᠠᠢᠭᠠ ᠨᠢ ᠮᠣᠩᠭᠤᠯ ᠠᠨᠠᠭᠠᠬᠤ ᠤᠬᠠᠭᠠᠨ ᠤ ᠦᠨᠳᠦᠰᠦᠨ ᠣᠨᠤᠯ ᠪᠣᠯᠬᠤ ᠬᠡᠢ᠂ ᠰᠢᠷᠠ᠂ ᠪᠠᠳᠭᠠᠨ᠂ ᠳᠣᠯᠤᠭᠠᠨ ᠲᠠᠮᠢᠷ᠂ ᠭᠤᠷᠪᠠᠨᠠ ᠭᠬᠢᠷ ᠦᠨ ᠣᠨᠤᠯ ᠵᠢᠴᠢ ᠲᠠᠪᠤᠨ ᠮᠠᠬᠠᠪᠤᠳ︵ ᠣᠳᠤᠨ ᠵᠢᠷᠤᠬᠠᠢ ᠪᠠ ᠬᠠᠷᠠ ᠵᠢᠷᠤᠬᠠᠢ ᠶᠢᠨ ᠲᠠᠪᠤᠨ ᠮᠠᠬᠠᠪᠤᠳ︶ ᠪᠠ ᠠᠷᠭᠠ ᠪᠢᠯᠢᠭ᠌ ᠦᠨ ᠰᠤᠷᠭᠠᠯ ᠪᠣᠯᠤᠨᠠ᠃ ᠲᠡᠭᠦᠨ ᠤ ᠣᠨᠴᠠᠯᠢᠭ ᠨᠢ᠂ ᠨᠢᠳᠦᠨ ᠳᠦ ᠦᠵᠡᠭᠳᠡᠵᠦ ᠭᠠᠷ ᠲᠤ ᠪᠠᠷᠢᠭᠳᠠᠮᠠᠷ ᠵᠦᠢᠯ ᠪᠢᠰᠢ᠂ ᠬᠠᠷᠢᠨ ᠡᠷᠲᠡᠨ ᠤ ᠪᠣᠷᠤᠭᠵᠢᠭᠤᠨ ᠪᠣᠳᠠᠰᠴᠢ ᠦᠵᠡᠯ ᠪᠠ ᠭᠦᠨ ᠤᠬᠠᠭᠠᠨ ᠵᠢᠴᠢ ᠡᠮᠴᠢᠯᠡᠭᠡᠨ ᠤ ᠲᠤᠷᠰᠢᠯᠭᠠ ᠶᠢᠨ ᠰᠠᠭᠤᠷᠢᠨ ᠳᠡᠭᠡᠷᠡ ᠪᠣᠢ ᠪᠣᠯᠤᠭᠰᠠᠨ ᠨᠢᠭᠡ ᠵᠦᠢᠯ ᠦᠨ ᠠᠬᠤᠢ ᠶᠢᠷᠲᠢᠨᠴᠦ ᠶᠢᠨ ᠲᠤᠰᠭᠠᠯ ᠪᠦᠬᠦᠢ ᠬᠡᠢᠰᠪᠦᠷᠢ ᠰᠡᠳᠭᠢᠬᠦᠢ ᠪᠡᠷ ᠭᠣᠣᠯᠯᠠᠭᠰᠠᠨ ᠣᠨᠤᠯ ᠪᠣᠯᠤᠨᠠ᠃ ᠡᠢᠮᠦ ᠡᠴᠡ᠂ ᠡᠮᠴᠢᠯᠡᠭᠡᠨ ᠳᠡᠭᠡᠷᠡ ᠨᠢᠭᠡ ᠡᠪᠡᠳᠴᠢᠨ᠂ ᠣᠨᠴᠠᠭᠠᠢᠯᠠᠨ ᠳᠣᠲᠤᠷ ᠡᠪᠡᠳᠴᠢᠨ ᠳᠦ ᠬᠤᠪᠢᠰᠤᠩᠭᠤᠢ ᠵᠠᠳᠠᠯᠤᠯᠲᠠ ᠬᠢᠬᠦ ᠳᠦ᠂ ᠶᠠᠮᠠᠷ ᠨᠥᠬᠦᠴᠡᠯ ᠢᠶᠡᠷ ᠶᠠᠮᠠᠷ ᠮᠠᠬᠠᠪᠤᠳ ᠳᠦᠷᠢ ᠤᠷᠪᠠᠵᠤ᠂ ᠶᠠᠮᠠᠷ ᠣᠷᠤᠨ ᠳᠤ ᠪᠠᠭᠤᠵᠤ᠂ ᠶᠠᠮᠠᠷ ᠡᠪᠡᠳᠴᠢᠨ ᠢ ᠡᠭᠦᠰᠭᠡᠨ᠂ ᠶᠠᠮᠠᠷ ᠶᠠᠮᠠᠷ ᠰᠢᠨᠵᠢ ᠲᠡᠮᠳᠡᠭ ᠢᠯᠡᠷᠡᠵᠦ ᠪᠠᠢᠨᠠ ᠭᠡᠳᠡᠭ ᠢ ᠡᠮᠴᠢ ᠪᠣᠯᠤᠭᠰᠠᠳ ᠴᠥᠮ ᠥᠪᠡᠷ ᠦᠨ ᠰᠡᠳᠭᠢᠬᠦᠢ ᠳᠦ ᠪᠡᠨ ᠲᠦᠰᠢᠭᠯᠡᠨ ᠡᠪᠡᠳᠴᠢᠲᠡᠨ ᠤ ᠪᠡᠶᠡ ᠳᠡᠭᠡᠷᠡ ᠢᠯᠡᠷᠡᠵᠦ ᠪᠦᠬᠦᠢ ᠰᠢᠨᠵᠢ ᠢᠯᠡᠷᠡᠯ ᠢᠶᠡᠷ ᠡᠰᠢ ᠪᠠᠷᠢᠮᠲᠠ ᠪᠣᠯᠭᠠᠵᠤ ᠬᠡᠢᠰᠪᠦᠷᠢᠯᠡᠨ ᠰᠡᠳᠭᠢᠵᠦ᠂ ᠳᠠᠬᠢᠨ ᠣᠨᠤᠯ ᠲᠤᠷᠰᠢᠯᠭᠠ ᠶᠢ ᠤᠶᠠᠯᠳᠤᠭᠤᠯᠤᠨ ᠠᠯᠢ ᠣᠯᠠᠨ ᠪᠤᠳᠤᠯᠢᠶᠠᠨᠲᠠᠢ ᠰᠢᠨᠵᠢ ᠢᠯᠡᠷᠡᠯ ᠳᠣᠲᠤᠷᠠ ᠠᠴᠠ ᠡᠪᠡᠳᠴᠢᠨ ᠤ ᠡᠭᠦᠰᠦᠯᠲᠡ ᠲᠡᠢ ᠰᠢᠭᠤᠳ ᠬᠣᠯᠪᠤᠭᠳᠠᠯ ᠲᠠᠢ ᠵᠦᠢᠯ ᠢ ᠮᠠᠭᠠᠳᠯᠠᠨ ᠣᠯᠵᠤ᠂ ᠡᠭᠦᠨ ᠢᠶᠡᠷ ᠳᠠᠮᠵᠢᠵᠤ ᠡᠪᠡᠳᠴᠢᠨ ᠤ ᠵᠢᠩᠬᠢᠨᠢ ᠰᠢᠯᠲᠠᠭᠠᠨ ᠪᠠ ᠪᠠᠭᠤᠭᠰᠠᠨ ᠣᠷᠤᠨ ᠢ ᠮᠥᠷᠳᠡᠨ ᠲᠣᠳᠤᠯᠠᠵᠤ᠂ ᠡᠨᠡ ᠬᠦ ᠰᠠᠭᠤᠷᠢᠨ ᠳᠡᠭᠡᠷᠡ ᠰᠠᠶᠢ ᠡᠮᠴᠢᠯᠡᠭᠡ ᠬᠢᠬᠦ ᠪᠣᠯᠤᠨᠠ᠃ ᠡᠭᠦᠨ ᠡᠴᠡ ᠲᠣᠳᠤᠷᠬᠠᠢ ᠣᠯᠵᠤ ᠬᠠᠷᠠᠬᠤ ᠨᠢ᠂ ᠬᠡᠢᠰᠪᠦᠷᠢ ᠰᠡᠳᠭᠢᠬᠦᠢ ᠶᠢᠨ ᠵᠠᠳᠠᠯᠤᠨ ᠰᠢᠨᠵᠢᠯᠡᠬᠦ᠂ ᠬᠤᠷᠢᠶᠠᠩᠭᠤᠢᠯᠠᠬᠤ᠂ ᠬᠠᠷᠢᠶᠠᠯᠠᠭᠤᠯᠤᠨ ᠪᠠᠭᠲᠠᠭᠠᠬᠤ᠂ ᠠᠳᠠᠯᠢᠳᠭᠠᠬᠤ᠂ ᠳ᠋ᠦᠩᠨᠡᠬᠦ᠂ ᠬᠡᠢᠰᠪᠦᠷᠢᠵᠢᠭᠦᠯᠬᠦ ᠵᠡᠷᠭᠡ ᠰᠡᠳᠭᠢᠴᠡ ᠶᠢᠨ ᠶᠠᠪᠤᠴᠠ ᠪᠠ ᠤᠬᠠᠭᠳᠠᠬᠤᠨ᠂ ᠮᠠᠭᠠᠳᠯᠠᠯ᠂ ᠮᠥᠷᠳᠡᠯᠭᠡ ᠵᠡᠷᠭᠡ ᠯᠣᠭᠢᠭ ᠰᠡᠳᠭᠢᠬᠦᠢ ᠨᠢ ᠮᠣᠩᠭᠤᠯ ᠠᠨᠠᠭᠠᠬᠤ ᠤᠬᠠᠭᠠᠨ ᠤ ᠳᠣᠲᠤᠷ ᠡᠪᠡᠳᠴᠢᠨ ᠤ ᠬᠤᠪᠢᠰᠤᠩᠭᠤᠢ ᠵᠠᠳᠠᠯᠤᠯᠲᠠ ᠳᠤ ᠬᠡᠷᠡᠭᠯᠡᠭᠳᠡᠭᠰᠡᠨ ᠪᠠᠢᠨᠠ᠃ ᠡᠢᠮᠦ ᠡᠴᠡ᠂ ᠬᠡᠢᠰᠪᠦᠷᠢ ᠰᠡᠳᠭᠢᠬᠦᠢ ᠨᠢ ᠮᠣᠩᠭᠤᠯ ᠠᠨᠠᠭᠠᠬᠤ ᠤᠬᠠᠭᠠᠨ ᠤ ᠳᠣᠲᠤᠷ ᠡᠪᠡᠳᠴᠢᠨ ᠤ ᠬᠤᠪᠢᠰᠤᠩᠭᠤᠢ ᠵᠠᠳᠠᠯᠤᠯᠲᠠ ᠲᠠᠢ ᠰᠠᠯᠵᠤ ᠪᠣᠯᠤᠰᠢ ᠦᠭᠡᠢ ᠨᠢᠭᠲᠠ ᠬᠠᠷᠢᠴᠠᠭᠠ ᠲᠠᠢ ᠪᠠᠢᠳᠠᠭ᠃ ᠨᠢᠭᠡᠨ ᠬᠢᠷᠢ ᠲᠡᠩᠴᠡᠭᠰᠡᠨ ᠮᠣᠩᠭᠤᠯ ᠠᠨᠠᠭᠠᠬᠤ ᠤᠬᠠᠭᠠᠨ ᠤ ᠳᠣᠲᠤᠷ ᠡᠮᠨᠡᠯᠭᠡ ᠶᠢᠨ ᠡᠮᠴᠢ ᠪᠣᠯᠤᠶᠠ ᠭᠡᠪᠡᠯ᠂ ᠡᠷᠬᠡᠪᠰᠢ ᠬᠡᠢᠰᠪᠦᠷᠢ ᠰᠡᠳᠭᠢᠬᠦᠢ ᠶᠢ ᠴᠢᠳᠠᠮᠠᠭᠠᠢ ᠪᠠᠷ ᠠᠰᠢᠭᠯᠠᠨ ᠬᠡᠷᠡᠭᠯᠡᠵᠦ ᠴᠢᠳᠠᠭᠰᠠᠨ ᠪᠠᠢᠬᠤ ᠬᠡᠷᠡᠭᠲᠡᠢ᠃ ᠤᠴᠢᠷ ᠨᠢ᠂ ᠳᠣᠲᠤᠷ ᠡᠪᠡᠳᠴᠢᠨ ᠤ ᠬᠤᠪᠢᠰᠤᠩᠭᠤᠢ ᠵᠠᠳᠠᠯᠤᠯᠲᠠ ᠪᠣᠯ ᠡᠪᠡᠳᠴᠢᠨ ᠢ ᠵᠥᠪ ᠣᠨᠤᠪᠴᠢᠲᠠᠢ ᠪᠠᠷ ᠲᠠᠨᠢᠵᠤ ᠡᠮᠴᠢᠯᠡᠬᠦ ᠶᠢᠨ ᠵᠠᠩᠭᠢᠯᠠᠭᠠ ᠪᠣᠯᠬᠤ ᠪᠥᠭᠡᠳ ᠬᠡᠢᠰᠪᠦᠷᠢ ᠰᠡᠳᠭᠢᠬᠦᠢ ᠶᠢ ᠴᠢᠳᠠᠮᠠᠭᠠᠢ ᠡᠵᠡᠮᠰᠢᠬᠦ ᠪᠣᠯ ᠳᠣᠲᠤᠷ ᠡᠪᠡᠳᠴᠢᠨ ᠤ ᠬᠤᠪᠢᠰᠤᠩᠭᠤᠢ ᠵᠠᠳᠠᠯᠤᠯᠲᠠ ᠢ ᠵᠥᠪ ᠣᠨᠤᠪᠴᠢᠲᠠᠢ ᠬᠢᠬᠦ ᠶᠢᠨ ᠤᠷᠢᠲᠠᠯ ᠪᠣᠯᠤᠨᠠ᠃ ᠡᠨᠡ ᠬᠦ ᠴᠢᠬᠤᠯᠠ ᠴᠢᠨᠠᠷ ᠠᠴᠠ ᠡᠭᠦᠰᠴᠦ᠂ ᠬᠡᠢᠰᠪᠦᠷᠢ ᠰᠡᠳᠭᠢᠬᠦᠢ ᠨᠢ ᠶᠠᠭᠤ ᠪᠣᠯᠬᠤ᠂ ᠲᠡᠭᠦᠨ ᠤ ᠣᠨᠴᠠᠯᠢᠭ ᠰᠢᠨᠵᠢ ᠨᠢ ᠶᠠᠮᠠᠷ ᠪᠠᠢᠬᠤ᠂ ᠮᠣᠩᠭᠤᠯ ᠠᠨᠠᠭᠠᠬᠤ ᠤᠬᠠᠭᠠᠨ ᠤ ᠳᠣᠲᠤᠷ ᠡᠪᠡᠳᠴᠢᠨ ᠤ ᠬᠤᠪᠢᠰᠤᠩᠭᠤᠢ ᠵᠠᠳᠠᠯᠤᠯᠲᠠ ᠶᠢ ᠬᠡᠷᠬᠢᠨ ᠬᠢᠬᠦ᠂ ᠬᠡᠢᠰᠪᠦᠷᠢ ᠰᠡᠳᠭᠢᠬᠦᠢ ᠨᠢ ᠮᠣᠩᠭᠤᠯ ᠡᠮᠨᠡᠯᠭᠡ ᠶᠢᠨ ᠳᠣᠲᠤᠷ ᠡᠪᠡᠳᠴᠢᠨ ᠤ ᠬᠤᠪᠢᠰᠤᠩᠭᠤᠢ ᠵᠳᠯᠯᠲᠠᠠ ᠬᠢᠬᠦ ᠳᠦ ᠴᠣᠬᠤᠮ ᠬᠢᠷᠢ ᠵᠡᠷᠭᠡ ᠦᠢᠯᠡᠳᠦᠯ ᠦᠵᠡᠭᠦᠯᠵᠦ ᠪᠠᠢᠬᠤ ᠵᠡᠷᠭᠡ ᠲᠠᠯᠠ ᠠᠴᠠ ᠥᠪᠡᠷ ᠦᠨ ᠣᠢᠯᠠᠭᠠᠯᠲᠠ ᠪᠠᠨ ᠲᠣᠪᠴᠢ ᠥᠭᠦᠯᠡᠵᠦ᠂ ᠮᠣᠩᠭᠤᠯ ᠡᠮ ᠡᠮᠨᠡᠯᠭᠡ ᠰᠤᠷᠴᠤ ᠰᠤᠳᠤᠯᠵᠤ ᠪᠠᠢᠭᠠ ᠡᠷᠬᠢᠮ ᠪᠠᠭᠰᠢ ᠨᠠᠷ ᠪᠠ ᠬᠠᠮᠲᠤ ᠨᠥᠬᠥᠳ ᠲᠡᠢ ᠰᠠᠨᠠᠯ ᠢᠶᠠᠨ ᠰᠣᠯᠢᠯᠴᠠᠬᠤ ᠶᠢ ᠵᠣᠷᠢᠪᠠ᠃
