ᠮᠣᠩᠭᠤᠯ ᠬᠡᠯᠡᠨ ᠦ ᠰᠢᠨᠵᠢᠯᠡᠭᠡᠨ ᠳᠡᠬᠢ ︽ᠡᠷᠰᠦ~ ᠰᠠᠭᠠᠷᠮᠠᠭ︾ ᠭᠡᠳᠡᠭ ᠨᠡᠷᠡ ᠶ᠋ᠢᠨ ᠲᠤᠬᠠᠢ
ᠢᠷᠡᠯᠲᠡ: ᠨᠡᠢᠭᠡᠮ ᠦ᠋ᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠦ᠌ ᠮᠣᠩᠭᠤᠯ ᠬᠡᠯᠡ ᠦ᠌ ᠬᠤᠭᠤᠴᠠᠭᠠᠲᠦ ᠰᠡᠳᠭᠦᠯ -> ᠥᠪᠦᠷ ᠮᠣᠩᠭᠤᠯ ᠦ᠋ᠨ ᠶᠡᠬᠡ ᠰᠤᠷᠭᠠᠭᠤᠯᠢ ᠶ᠋ᠢᠨ ᠡᠷᠳᠡᠮ ᠰᠢᠨᠵᠢᠯᠡᠭᠡᠨ ᠦ᠌ ᠰᠡᠳᠭᠦᠯ -> 200505
ᠮᠠᠲ᠋ᠧᠷᠢᠶᠠᠯ ᠶ᠋ᠢᠨ ᠬᠡᠯᠪᠡᠷᠢ: pdf
ᠳᠠᠮᠵᠢᠭᠤᠯᠤᠭᠰᠠᠨ ᠴᠠᠭ: 2019/04/02
ᠦᠵᠡᠭᠰᠡᠨ ᠤᠳᠠᠭᠠ: 0ᠤᠳᠠᠭᠠ
ᠵᠣᠬᠢᠶᠠᠭᠴᠢ᠄ ᠪᠠᠶᠠᠨᠴᠣᠭᠲᠤ
ᠵᠠᠩᠭᠢᠯᠠᠭᠠ ᠦᠭᠡ᠄ ᠠᠪᠢᠶᠠ ᠵᠦᠢ ︔ ᠡᠭᠡᠰᠢᠭ ᠦ᠋ᠨ ᠠᠩᠭᠢᠯᠠᠯ ︔ ︽ ᠡᠷᠰᠦ ~ ᠰᠠᠭᠠᠷᠮᠠᠭ ᠭᠡᠳᠡᠭ ᠨᠡᠷᠡ ᠶᠢᠨ ᠲᠤᠬᠠᠢ
ᠰᠠᠭᠤᠷᠢ ᠮᠥᠩᠭᠦᠨ ᠤ᠋ ᠳᠡᠮᠵᠢᠯᠭᠡ᠄ (ᠦᠭᠡᠢ)
ᠠᠭᠤᠯᠭᠠ ᠶ᠋ᠢᠨ ᠲᠣᠪᠴᠢ᠄ ᠲᠤᠰ ᠥᠭᠦᠯᠡᠯ ᠳᠦ ︽ ᠡᠷᠰᠦ ~ ᠰᠠᠭᠠᠷᠮᠠᠭ ︾ ︵ ᠦᠰᠦᠭ ~ ᠡᠭᠡᠰᠢᠭ︶ ᠭᠡᠳᠡᠭ ᠨᠡᠷᠡ ᠶᠢᠨ ᠲᠤᠬᠠᠢ ᠡᠷᠳᠡᠮᠲᠡᠳ ᠦᠨ ᠣᠯᠠᠨ ᠵᠦᠢᠯ ᠦᠨ ᠠᠳᠠᠯᠢ ᠪᠤᠰᠤ ᠲᠠᠢᠯᠪᠤᠷᠢ ᠳ᠋ᠤ᠌ ᠴᠢᠭᠯᠡᠭᠦᠯᠦᠨ ᠂ ᠵᠣᠬᠢᠶᠠᠭᠴᠢ ᠶᠢᠨ ᠣᠶᠢᠯᠠᠭᠠᠯᠲᠠ ᠪᠠ ᠵᠥᠪᠳᠡᠬᠦ ᠰᠠᠨᠠᠯ ᠢᠶᠠᠨ ᠳᠣᠣᠷᠠᠬᠢ ᠮᠡᠲᠦ ᠬᠡᠳᠦᠨ ᠲᠠᠯᠠ ᠪᠠᠷ ᠥᠭᠦᠯᠡᠵᠦ ᠲᠠᠢᠯᠪᠤᠷᠢᠯᠠᠭᠰᠠᠨ ᠪᠠᠢᠨᠠ ᠃
1.ᠮᠣᠩᠭᠤᠯ ᠬᠡᠯᠡᠨ ᠦ ᠴᠢᠩᠭᠠ ᠪᠠ ᠬᠥᠨᠳᠡᠢ ᠭᠡᠳᠡᠭ ᠨᠡᠷᠡ ᠶᠢ ᠬᠡᠯᠡᠨ ᠦ ᠠᠪᠢᠶᠠᠨ ᠤ ᠹᠢᠽᠢᠺ ᠦᠨ ᠰᠢᠨᠵᠢ ᠶᠢᠨ ᠴᠢᠩᠭᠠ ᠪᠠ ᠰᠤᠯᠠ ᠲᠠᠢ ᠠᠳᠠᠯᠢ ᠪᠠᠷ ᠣᠢᠯᠭᠠᠭᠠᠳ ︽ ᠡᠷᠰᠦ ~ ᠰᠠᠭᠠᠷᠮᠠᠭ ︾ ᠦᠰᠦᠭ ︵ ᠪᠤᠶᠤ ᠡᠭᠡᠰᠢᠭ︶ ᠦᠨ ᠳᠠᠭᠤᠳᠠᠯᠭᠠ ᠶᠢ ︽ ᠳᠤᠮᠳᠠᠴᠢ ︾ ᠪᠤᠶᠤ ︽ ᠳᠤᠮᠳᠠ ᠵᠡᠷᠭᠡ ︾ ᠭᠡᠳᠡᠭ ᠨᠢ ᠮᠣᠩᠭᠤᠯ ᠦᠰᠦᠭ ᠪᠤᠶᠤ ᠮᠣᠩᠭᠤᠯ ᠬᠡᠯᠡᠨ ᠦ ᠡᠭᠡᠰᠢᠭ ᠦ᠋ᠨ ᠳᠠᠭᠤᠳᠠᠯᠭᠠ ᠲᠠᠢ ᠡᠷᠡᠰ ᠲᠣᠬᠢᠷᠠᠬᠤ ᠦᠭᠡᠢ ᠃2. ᠬᠡᠯᠡᠨ ᠦ ᠪᠠᠢᠷᠢ ᠶ᠋ᠢᠨ ᠲᠠᠯᠠ ᠪᠠᠷ ᠂ ᠴᠢᠩᠭᠠ ᠪᠣᠯᠤᠨ ᠬᠥᠨᠳᠡᠢ ᠡᠭᠡᠰᠢᠭ ᠡᠴᠡ ᠢᠯᠭᠠᠭᠳᠠᠬᠤ ︽ ᠡᠷᠰᠦ ~ ᠰᠠᠭᠠᠷᠮᠠᠭ ︾ ᠡᠭᠡᠰᠢᠭ ᠭᠡᠵᠦ ᠦᠭᠡᠢ ᠃3. ᠥᠭᠦᠯᠡᠬᠦ ᠡᠷᠬᠡᠲᠡᠨ ᠦ ᠪᠤᠯᠴᠢᠩ ᠤᠨ ᠴᠢᠩᠭᠠᠷᠠᠯᠲᠠ ᠶᠢᠨ ᠪᠠᠢᠳᠠᠯ ᠢ᠋ᠶ᠋ᠠᠷ ᠂ ᠮᠣᠩᠭᠤᠯ ᠬᠡᠯᠡᠨ ᠦ ᠡᠭᠡᠰᠢᠭ ᠨᠢ ᠴᠢᠩᠭᠠ ᠡᠭᠡᠰᠢᠭ ᠪᠣᠯᠤᠨ ᠬᠥᠨᠳᠡᠢ ᠡᠭᠡᠰᠢᠭ ᠭᠡᠵᠦ ᠬᠣᠶᠠᠷᠬᠠᠨ ᠲᠥᠷᠦᠯ ᠪᠣᠯᠳᠠᠭ ᠃ ᠵᠠᠪᠰᠠᠷ ᠤᠨ ᠰᠢᠨᠵᠢᠲᠡᠢ ᠴᠢᠩᠭᠠᠷᠠᠯᠲᠠ ᠭᠡᠵᠦ ᠦᠭᠡᠢ ᠪᠣᠯᠬᠣᠷ ᠂ ᠴᠢᠩᠭᠠ ᠬᠥᠨᠳᠡᠢ ᠡᠭᠡᠰᠢᠭ ᠡᠴᠡ ᠠᠩᠭᠢᠳᠠ ᠵᠠᠪᠰᠠᠷ ᠤᠨ ᠰᠢᠨᠵᠢᠲᠡᠢ ︽ ᠡᠷᠰᠦ ~ ᠰᠠᠭᠠᠷᠮᠠᠭ ︾ ᠡᠭᠡᠰᠢᠭ ᠭᠡᠵᠦ ᠴᠦ ᠦᠭᠡᠢ ᠃ 4. ᠮᠣᠩᠭᠤᠯ ᠬᠡᠯᠡᠨ ᠦ ︵ ᠪᠢᠴᠢᠭ ᠦᠨ ᠬᠡᠯᠡ ᠪᠠᠭᠲᠠᠨᠠ︶ ᠦᠭᠡ ᠶᠢᠨ ᠡᠬᠢᠨ ᠦ ᠦᠶᠡ ᠶᠢᠨ ᠡᠭᠡᠰᠢᠭ ᠨᠢ ᠥᠪᠡᠷ ᠦᠨ ᠡᠷᠬᠡ ᠪᠡᠷ ᠢᠶᠡᠨ ᠂ ᠡᠬᠢᠨ ᠦ ᠪᠤᠰᠤ ᠦᠶᠡ ᠶᠢᠨ ᠡᠭᠡᠰᠢᠭ ᠢ᠋ ᠰᠣᠩᠭᠤᠵᠤ ᠵᠣᠬᠢᠴᠠᠭᠤᠯᠳᠠᠭ ᠶᠡᠷᠦᠩᠬᠡᠢ ᠶᠣᠰᠤ ᠶ᠋ᠢ ᠦᠨᠳᠦᠰᠦᠯᠡᠪᠡᠯ ᠂ ᠮᠣᠩᠭᠤᠯ ᠬᠡᠯᠡᠨ ᠦ ᠪᠦᠬᠦ ᠡᠭᠡᠰᠢᠭ ᠨᠢ ᠴᠢᠩᠭᠠ ᠡᠭᠡᠰᠢᠭ ᠪᠣᠯᠤᠨ ᠬᠥᠨᠳᠡᠢ ᠡᠭᠡᠰᠢᠭ ᠭᠡᠵᠦ ᠬᠣᠶᠠᠷᠬᠠᠨ ᠲᠥᠷᠦᠯ ᠬᠤᠪᠢᠶᠠᠭᠳᠠᠨᠠ ᠃ ᠮᠣᠩᠭᠤᠯ ᠬᠡᠯᠡᠨ ᠦ ᠡᠭᠡᠰᠢᠭ ᠵᠣᠬᠢᠴᠠᠬᠤ ᠶᠣᠰᠤᠨ ᠳ᠋ᠤ᠌ ᠵᠠᠪᠰᠠᠷ ᠤᠨ ᠰᠢᠨᠵᠢᠲᠡᠢ ᠰᠠᠭᠠᠷᠮᠠᠭ ᠵᠣᠬᠢᠴᠠᠯ ᠭᠡᠵᠦ ᠦᠭᠡᠢ ᠪᠣᠯᠬᠣᠷ ᠮᠣᠩᠭᠤᠯ ᠬᠡᠯᠡᠨ ᠳᠦ ︽ ᠡᠷᠰᠦ ~ ᠰᠠᠭᠠᠷᠮᠠᠭ ︾ ᠡᠭᠡᠰᠢᠭ ᠭᠡᠵᠦ ᠴᠦ ᠦᠭᠡᠢ ᠃ 5. ᠮᠣᠩᠭᠤᠯ ᠬᠡᠯᠡ ᠠᠶᠠᠯᠭᠤᠨ ᠳᠤ ᠶᠡᠷᠦ ᠨᠢ ︽ ᠰᠠᠭᠠᠷᠮᠠᠭ ᠡᠭᠡᠰᠢᠭ ︾ ᠭᠡᠵᠦ ᠦᠭᠡᠢ ᠃ ᠳᠡᠭᠡᠷᠡ ᠦᠶᠡ ᠶᠢᠨ ᠰᠢᠨᠵᠢᠯᠡᠭᠡᠨ ᠦ ᠵᠣᠬᠢᠶᠠᠯ ᠳᠤ ︽ ᠡᠷᠰᠦ ~ ᠰᠠᠭᠠᠷᠮᠠᠭ ︾ ︵ ᠦᠰᠦᠭ︶ ᠭᠡᠳᠡᠭ ᠨᠡᠷᠡ ᠶᠢ ᠳᠤᠷᠠᠳᠤᠭᠰᠠᠨ ᠪᠣᠯᠪᠠᠴᠤ ᠨᠡᠷᠡ ᠶᠢᠨ ᠳᠣᠲᠤᠷᠠ ᠴᠢᠩᠭᠠ ᠪᠠ ᠬᠥᠨᠳᠡᠢ ᠶᠢᠨ ᠡᠷᠬᠡ ᠪᠡᠷ ᠤᠷᠪᠠᠵᠤ ᠬᠤᠪᠢᠯᠳᠠᠭ ᠪᠣᠯᠬᠣᠷ ᠴᠢᠩᠭᠠ ᠬᠥᠨᠳᠡᠢ ᠶᠢᠨ ᠢᠯᠭᠠᠭᠠ ᠪᠠᠷ ︽ ᠡᠷᠡ ᠡᠷᠰᠦ ︾ ᠂ ︽ ᠡᠮᠡ ᠡᠷᠰᠦ ︾ ᠭᠡᠵᠦ ᠢᠯᠭᠠᠨ ᠨᠡᠷᠡᠯᠡᠭᠰᠡᠨ ᠡᠴᠡ ᠦᠵᠡᠪᠡᠯ ᠡᠷᠳᠡᠮᠲᠡᠳ ᠡᠴᠡ ᠴᠢᠩᠭᠠ ᠬᠥᠨᠳᠡᠢ ᠶᠢᠨ ᠵᠠᠪᠰᠠᠷ ᠤᠨ ᠰᠢᠨᠵᠢᠲᠡᠢ ᠵᠢᠩᠬᠢᠨᠢ ︽ ᠡᠷᠰᠦ ~ ᠰᠠᠭᠠᠷᠮᠠᠭ ︾ ᠦᠰᠦᠭ ᠪᠠᠢᠨᠠ ᠭᠡᠵᠦ ᠦᠵᠡᠭᠡ ᠦᠭᠡᠢ ᠃ ᠡᠢᠮᠦ ᠡᠴᠡ ᠂ ᠪᠢᠳᠡ ︽ ᠡᠷᠰᠦ ~ ᠰᠠᠭᠠᠷᠮᠠᠭ ︾ ᠭᠡᠳᠡᠭ ᠨᠡᠷᠡ ᠶᠢ ᠮᠣᠩᠭᠤᠯ ᠦᠰᠦᠭ ᠦᠨ ᠰᠢᠨᠵᠢᠯᠡᠭᠡᠨ ᠳᠡᠬᠢ ᠲᠡᠦᠬᠡᠨ ᠨᠡᠷᠡ ᠭᠡᠵᠦ ᠦᠵᠡᠭᠡᠳ ᠂ ᠣᠳᠣ ᠶᠢᠨ ᠮᠣᠩᠭᠤᠯ ᠬᠡᠯᠡ ᠠᠶᠠᠯᠭᠤᠨ ᠤ ᠰᠢᠨᠵᠢᠯᠡᠭᠡᠨ ᠳᠦ ᠬᠡᠷᠡᠭᠯᠡᠬᠦ ᠦᠭᠡᠢ ᠪᠣᠯ ᠵᠣᠬᠢᠨᠠ ᠃ 6. ᠡᠭᠡᠰᠢᠭ ᠵᠣᠬᠢᠴᠠᠬᠤ ᠪᠠᠢᠳᠠᠯ ᠢ᠋ᠶ᠋ᠠᠷ ᠂ ᠪᠢᠴᠢᠭ ᠦᠨ ᠬᠡᠯᠡᠨ ᠳᠦ ᠰᠠᠭᠠᠷᠮᠠᠭ ︽ ᠢ ︾ ᠭᠡᠵᠦ ᠦᠭᠡᠢ ᠪᠣᠯᠬᠣᠷ ᠂ ᠪᠢᠴᠢᠭ ᠦᠨ ᠬᠡᠯᠡᠨ ᠦ ︽ ᠢ ︾ ᠳᠦ ᠭᠠᠯᠢᠭ ᠬᠠᠳᠠᠬᠤ ᠳᠠᠭᠠᠨ ᠴᠢᠩᠭᠠ ᠦᠭᠡᠨ ᠳᠦ ︽i ~I ︾ ᠢᠶᠡᠷ᠂ ᠬᠥᠨᠳᠡᠢ ᠦᠭᠡᠨ ᠳᠦ ︽i ︾ ᠢᠶᠡᠷ ᠲᠤᠰ ᠲᠤᠰ ᠭᠠᠯᠢᠭᠯᠠᠪᠠᠯ ᠵᠣᠬᠢᠨᠠ ᠃