ᠠᠭᠤᠯᠭ᠎ᠠ ᠶ᠋ᠢᠨ ᠲᠣᠪᠴᠢ᠄ ︽ᠪᠦᠭᠦᠳᠡ ᠨᠠᠢᠷᠠᠮᠳᠠᠬᠤ ᠤᠯᠤᠰ ᠤᠨ ᠰᠤᠷᠭᠠᠬᠤ ᠪᠢᠴᠢᠭ ᠰᠢᠨ᠎ᠡ ᠤᠯᠤᠰ ᠤᠨ ᠤᠳᠭ᠎ᠠ︾ᠬᠢᠭᠡᠳ︽ᠬᠢᠲᠠᠳ ᠮᠣᠩᠭᠤᠯ ᠨᠡᠢᠴᠡᠲᠦ ᠤᠯᠤᠰ ᠤᠳᠭ᠎ᠠ ᠵᠢᠨ ᠰᠤᠷᠭᠠᠬᠤ ᠵᠦᠢᠯ ᠦ᠋ᠨ ᠪᠢᠴᠢᠭ︾᠂ ᠲᠡᠮᠡᠭᠡᠲᠦ᠂ ᠢᠢ ᠲᠸᠴᠢᠨ ᠤ᠋ ︽ᠮᠣᠩᠭᠤᠯ ᠤᠳᠭ᠎ᠠ ᠵᠢᠨ ᠰᠤᠷᠭᠠᠬᠤ ᠪᠢᠴᠢᠭ︾ ᠤᠨ ᠬᠢᠴᠢᠶᠡᠯ ᠦ᠋ᠨ ᠲᠸᠺᠰᠲ ᠢ᠋ ᠬᠠᠷᠢᠴᠠᠭᠤᠯᠬᠤ ᠪᠠᠷ ᠳᠠᠮᠵᠢᠨ ᠲᠤᠰ ᠬᠣᠶᠠᠷ ᠮᠣᠩᠭᠤᠯ ᠰᠤᠷᠭᠠᠬᠤ ᠪᠢᠴᠢᠭ ᠪᠣᠯ︽ᠪᠦᠭᠦᠳᠡ ᠨᠠᠢᠷᠠᠮᠳᠠᠬᠤ ᠤᠯᠤᠰ ᠤᠨ ᠰᠤᠷᠭᠠᠬᠤ ᠪᠢᠴᠢᠭ ᠰᠢᠨ᠎ᠡ ᠤᠯᠤᠰ ᠤᠨ ᠤᠳᠭ᠎ᠠ︾ ᠪᠠᠷ ᠭᠣᠣᠯ ᠦᠨᠳᠦᠰᠦᠯᠡᠯ ᠪᠣᠯᠭᠠᠨ ᠣᠷᠴᠢᠭᠤᠯᠤᠨ ᠨᠠᠢᠷᠠᠭᠤᠯᠤᠭᠰᠠᠨ ᠢ᠋ ᠲᠣᠳᠤᠷᠠᠭᠤᠯᠪᠠ᠃ ᠤᠳᠭ᠎ᠠ ᠰᠣᠶᠤᠯ ᠬᠣᠴᠤᠷᠤᠭᠰᠠᠨ ᠲᠤᠬᠠᠢ ᠵᠢᠨ ᠦᠶ᠎ᠡ ᠳ᠋ᠦ᠍ ᠬᠢᠲᠠᠳ ᠰᠣᠩᠭᠤᠳᠠᠭ ᠰᠤᠷᠭᠠᠬᠤ ᠪᠢᠴᠢᠭ ᠢ᠋ ᠣᠷᠴᠢᠭᠤᠯᠤᠨ ᠠᠰᠢᠭᠯᠠᠬᠤ ᠨᠢ ᠮᠣᠩᠭᠤᠯ ᠰᠡᠬᠡᠭᠡᠲᠡᠳ  ᠲᠦ᠍ ᠴᠢᠬᠤᠯᠠ ᠵᠠᠮ ᠮᠥᠷ ᠪᠣᠯᠵᠤ ᠥᠭᠭᠦᠭᠰᠡᠨ ᠪᠥᠭᠡᠳ ᠨᠡᠯᠢᠶᠡᠳ ᠮᠣᠩᠭᠤᠯ ᠰᠤᠷᠭᠠᠬᠤ ᠪᠢᠴᠢᠭ ᠦ᠋ᠨ ᠶᠡᠬᠡᠩᠬᠢ ᠠᠭᠤᠯᠭ᠎ᠠ ᠪᠦᠷ ᠬᠢᠲᠠᠳ ᠰᠤᠷᠭᠠᠬᠤ ᠪᠢᠴᠢᠭ ᠲᠠᠢ ᠬᠣᠯᠪᠤᠭᠳᠠᠬᠤ ᠪᠠᠷ ᠣᠷᠴᠢᠨ ᠦᠶ᠎ᠡ ᠵᠢᠨ ᠮᠣᠩᠭᠤᠯ ᠰᠤᠷᠭᠠᠬᠤ ᠪᠢᠴᠢᠭ ᠢ᠋ ᠰᠤᠳᠤᠯᠬᠤ ᠳ᠋ᠤ᠌ ᠳᠣᠲᠤᠷ ᠣᠷᠤᠨ ᠤ᠋ ᠨᠥᠯᠦᠭᠡ ᠪᠠ ᠣᠷᠴᠢᠭᠤᠯᠭ᠎ᠠ ᠵᠢᠨ ᠠᠰᠠᠭᠤᠳᠠᠯ ᠢ᠋ ᠣᠮᠳᠤᠭᠠᠢᠯᠠᠵᠤ ᠡᠰᠡ ᠪᠣᠯᠬᠤ ᠶ᠋ᠢ ᠥᠭᠦᠯᠡᠭᠰᠡᠨ ᠪᠠᠢᠨ᠎ᠠ᠃