ᠣᠷᠴᠢᠨ ᠴᠠᠭ ᠤᠨ ᠮᠣᠩᠭᠤᠯ ᠬᠡᠯᠡᠨ ᠦ᠌ ᠬᠡᠯᠡᠭᠳᠡᠬᠦᠨ ᠦ᠌ ᠲᠤᠬᠠᠢ ᠭᠦᠢᠬᠡᠨ ᠰᠢᠨᠵᠢᠯᠡᠭᠡ
ᠢᠷᠡᠯᠲᠡ: ᠨᠡᠢᠭᠡᠮ ᠦ᠋ᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠦ᠌ ᠮᠣᠩᠭᠤᠯ ᠬᠡᠯᠡ ᠦ᠌ ᠬᠤᠭᠤᠴᠠᠭᠠᠲᠦ ᠰᠡᠳᠭᠦᠯ -> ᠥᠪᠦᠷ ᠮᠣᠩᠭᠤᠯ ᠦ᠋ᠨ ᠶᠡᠬᠡ ᠰᠤᠷᠭᠠᠭᠤᠯᠢ ᠶ᠋ᠢᠨ ᠡᠷᠳᠡᠮ ᠰᠢᠨᠵᠢᠯᠡᠭᠡᠨ ᠦ᠌ ᠰᠡᠳᠭᠦᠯ -> 201801
ᠮᠠᠲ᠋ᠧᠷᠢᠶᠠᠯ ᠶ᠋ᠢᠨ ᠬᠡᠯᠪᠡᠷᠢ: pdf
ᠳᠠᠮᠵᠢᠭᠤᠯᠤᠭᠰᠠᠨ ᠴᠠᠭ: 2018/09/11
ᠦᠵᠡᠭᠰᠡᠨ ᠤᠳᠠᠭᠠ: 0ᠤᠳᠠᠭᠠ
ᠵᠣᠬᠢᠶᠠᠭᠴᠢ᠄ ᠴᠢ ᠪᠠᠢ ᠯᠢᠩ
ᠵᠠᠩᠭᠢᠯᠠᠭᠠ ᠦᠭᠡ᠄ ᠣᠷᠴᠢᠨ ᠴᠠᠭ ᠤᠨ ᠮᠣᠩᠭᠤᠯ ᠬᠡᠯᠡ︔ ᠬᠡᠯᠡᠭᠳᠡᠬᠦᠨ︔ ᠬᠡᠯᠡᠭᠳᠡᠬᠦᠨ ᠦ᠌ ᠢᠯᠡᠳᠭᠡᠭᠴᠢ
ᠰᠠᠭᠤᠷᠢ ᠮᠥᠩᠭᠦᠨ ᠤ᠋ ᠳᠡᠮᠵᠢᠯᠭᠡ᠄ (ᠦᠭᠡᠢ)
ᠠᠭᠤᠯᠭᠠ ᠶ᠋ᠢᠨ ᠲᠣᠪᠴᠢ᠄ ᠬᠡᠯᠡᠭᠳᠡᠭᠦᠨ ᠪᠣᠯ ᠬᠡᠯᠡ ᠰᠢᠨᠵᠢᠯᠡᠯ ᠦ᠋ᠨ ᠨᠢᠭᠡᠨ ᠴᠢᠬᠤᠯᠠ ᠤᠬᠠᠭᠳᠠᠬᠤᠨ ᠮᠥᠨ᠃ ᠣᠷᠴᠢᠨ ᠴᠠᠭ ᠤᠨ ᠮᠣᠩᠭᠤᠯ ᠬᠡᠯᠡᠨ ᠦ᠌ ᠬᠡᠯᠡᠭᠳᠡᠭᠦᠨ ᠨᠢ ᠬᠡᠯᠡᠨ ᠦ᠌ ᠬᠡᠷᠡᠭᠯᠡᠭᠡᠨ ᠦ᠌ ᠤᠬᠠᠭᠳᠠᠬᠤᠨ ᠪᠠᠢᠵᠤ ᠦᠭᠡ ᠶᠠᠷᠢᠶᠠᠨ ᠤ᠋ ᠥᠭᠦᠯᠡᠭᠳᠡᠵᠦ ᠶᠠᠷᠢᠭᠳᠠᠬᠤ ᠭᠣᠣᠯ ᠰᠡᠳᠦᠪ ᠪᠣᠯᠤᠨᠠ᠃ ᠬᠡᠯᠡᠬᠦᠨ ᠨᠢ ᠬᠡᠯᠡᠭᠳᠡᠬᠦᠨ ᠳ᠋ᠦ᠍ ᠬᠣᠯᠪᠤᠭᠳᠠᠭᠰᠠᠨ ᠠᠭᠤᠯᠭᠠ ᠶ᠋ᠢ ᠵᠢᠭᠠᠨᠠ᠃ ᠬᠡᠯᠡᠭᠳᠡᠬᠦᠨ᠂ ᠬᠡᠯᠡᠭᠳᠡᠬᠦᠨ ᠦ᠌ ᠢᠯᠡᠳᠭᠡᠭᠴᠢ ᠨᠢ ᠬᠡᠯᠡᠬᠦᠨ ᠯᠦ᠍ᠭᠡ︽ ᠬᠡᠯᠡᠭᠳᠡᠬᠦᠨ| ᠬᠡᠯᠡᠭᠳᠡᠬᠦᠨ ᠦ᠌ ᠢᠯᠡᠳᠭᠡᠭᠴᠢ︱ ᠬᠡᠯᠡᠬᠦᠨ︾ ᠬᠡᠮᠡᠬᠦ ᠬᠡᠯᠡᠭᠳᠡᠬᠦᠨ ᠦ᠌ ᠦᠨᠳᠦᠰᠦᠨ ᠪᠦᠲᠦᠴᠡ ᠶ᠋ᠢ ᠪᠦᠷᠢᠯᠳᠦᠭᠦᠯᠦᠨᠡ᠃ ᠣᠷᠴᠢᠨ ᠴᠠᠭ ᠤᠨ ᠮᠣᠩᠭᠤᠯ ᠬᠡᠯᠡᠨ ᠳ᠋ᠦ᠍ ᠰᠣᠩᠭᠤᠵᠤ ᠡᠭᠦᠰᠭᠡᠬᠦ ᠬᠢᠭᠡᠳ ᠥᠭᠦᠯᠡᠪᠦᠷᠢ ᠵᠢᠨ ᠭᠡᠰᠢᠭᠦᠨ ᠢ᠋ ᠰᠢᠯᠵᠢᠭᠦᠯᠬᠦ ᠠᠷᠭᠠ ᠪᠠᠷ ᠬᠡᠯᠡᠭᠳᠡᠭᠦᠨᠴᠢᠯᠡᠬᠦ ᠶᠠᠪᠤᠴᠠ ᠶ᠋ᠢ ᠪᠡᠶᠡᠯᠡᠭᠦᠯᠳᠡᠭ᠃ ᠬᠡᠯᠡᠭᠳᠡᠬᠦᠨ ᠪᠣᠯᠬᠤ ᠪᠦᠷᠢᠯᠳᠦᠬᠦᠨ ᠢ᠋ ᠥᠭᠦᠯᠡᠪᠦᠷᠢ ᠵᠢᠨ ᠭᠡᠰᠢᠭᠦᠨ ᠦ᠌ ᠲᠠᠯᠠ ᠠ᠋ᠴᠠ ᠦᠵᠡᠪᠡᠯ᠂ ᠥᠭᠦᠯᠡᠭᠳᠡᠬᠦᠨ᠂ ᠳᠤᠰᠤᠭᠲᠠᠬᠤᠨ᠂ ᠪᠠᠢᠴᠠ ᠵᠡᠷᠭᠡ ᠬᠡᠯᠡᠭᠳᠡᠬᠦᠨ ᠪᠣᠯᠵᠤ ᠪᠣᠯᠤᠨᠠ᠂ ᠬᠡᠯᠡ ᠵᠦᠢ ᠵᠢᠨ ᠨᠢᠭᠡᠴᠢ ᠵᠢᠨ ᠲᠠᠯᠠ ᠠ᠋ᠴᠠ ᠦᠵᠡᠪᠡᠯ᠂ ᠪᠣᠳᠠᠲᠤ ᠤᠳᠭᠠ ᠶ᠋ᠢ ᠠᠭᠤᠯᠤᠭᠰᠠᠨ ᠦᠭᠡ᠂ ᠬᠣᠯᠪᠤᠭᠠ ᠦᠭᠡ᠂ ᠥᠭᠦᠯᠡᠪᠦᠷᠢ ᠬᠡᠯᠡᠭᠳᠡᠬᠦᠨ ᠪᠣᠯᠵᠤ ᠪᠣᠯᠤᠨᠠ᠃