ᠢᠰᠢᠪᠠᠯᠵᠤᠷ ᠤ᠋ᠨ ᠡᠮ ᠡᠮᠨᠡᠯᠭᠡ ᠡᠷᠳᠡᠮ ᠰᠢᠨᠵᠢᠯᠡᠭᠡ ᠠᠯᠠᠱᠠ ᠨᠤᠲᠤᠭ ᠲᠤ᠌ ᠤᠯᠠᠮᠵᠢᠯᠠᠭᠳᠠᠨ ᠬᠥᠭᠵᠢᠭᠰᠡᠨ ᠲᠤᠬᠠᠢ ᠮᠥᠴᠢᠳ ᠥᠭᠦᠯᠡᠬᠦ ᠨᠢ
ᠢᠷᠡᠯᠲᠡ： ᠪᠠᠢᠭᠠᠯᠢ ᠶ᠋ᠢᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠦ᠌ ᠮᠣᠩᠭᠤᠯ ᠬᠡᠯᠡ ᠦ᠌ ᠬᠤᠭᠤᠴᠠᠭᠠᠲᠦ ᠰᠡᠳᠭᠦᠯ -> ᠰᠢᠨᠵᠢᠯᠡᠬᠦ ᠤᠬᠠᠭᠠᠨ -> 201601
ᠮᠠᠲ᠋ᠧᠷᠢᠶᠠᠯ ᠶ᠋ᠢᠨ ᠬᠡᠯᠪᠡᠷᠢ： pdf
ᠳᠠᠮᠵᠢᠭᠤᠯᠤᠭᠰᠠᠨ ᠴᠠᠭ： 2018/08/30
ᠦᠵᠡᠭᠰᠡᠨ ᠤᠳᠠᠭᠠ： 0ᠤᠳᠠᠭᠠ
ᠵᠣᠬᠢᠶᠠᠭᠴᠢ᠄ ᠬᠠᠳᠠᠭᠢᠨ ᠤᠯᠠᠭᠠᠨᠬᠦᠦ
ᠵᠠᠩᠭᠢᠯᠠᠭᠠ ᠦᠭᠡ᠄ ᠢᠰᠢᠪᠠᠯᠵᠤᠷ︔ ᠮᠣᠩᠭᠤᠯ ᠡᠮ ᠡᠮᠨᠡᠯᠭᠡ︔ ᠠᠯᠠᠱᠠ ᠡᠵᠡᠨᠡ︔ ᠰᠤᠳᠤᠯᠤᠯ
ᠰᠠᠭᠤᠷᠢ ᠮᠥᠩᠭᠦᠨ ᠤ᠋ ᠳᠡᠮᠵᠢᠯᠭᠡ᠄ (ᠦᠭᠡᠢ)
ᠠᠭᠤᠯᠭᠠ ᠶ᠋ᠢᠨ ᠲᠣᠪᠴᠢ᠄ ᠢᠰᠢᠪᠠᠯᠵᠤᠷ ᠪᠣᠯ ᠠᠷᠪᠠᠨ ᠨᠠᠢ᠍ᠮᠠᠳᠤᠭᠠᠷ ᠵᠠᠭᠤᠨ ᠤ᠋ ᠦᠶᠡ ᠶ᠋ᠢᠨ ᠮᠣᠩᠭᠤᠯ ᠤ᠋ᠨ ᠠᠯᠳᠠᠷᠲᠤ ᠭᠦᠨ ᠤᠬᠠᠭᠠᠨᠲᠠᠨ᠂ ᠠᠯᠳᠠᠷᠲᠤ ᠲᠡᠦᠬᠡᠴᠢᠨ᠂ ᠵᠢᠷᠤᠬᠠᠢᠴᠢᠨ᠂ ᠬᠡᠯᠡᠨ ᠤ᠋ ᠰᠢᠨᠵᠢᠯᠡᠯᠲᠡᠨ᠂ ᠵᠣᠬᠢᠶᠠᠯᠴᠢ᠂ ᠰᠢᠯᠭᠠᠷᠠᠭᠰᠠᠨ ᠡᠮᠴᠢ ᠪᠣᠯᠬᠤ ᠶᠡᠬᠡ ᠡᠷᠳᠡᠮᠲᠡᠨ ᠮᠥᠨ᠃ ᠠᠯᠠᠱᠠ ᠬᠣᠱᠤᠳ ᠥᠭᠡᠯᠡᠳ ᠬᠣᠰᠢᠭᠤ ᠪᠣᠯᠤᠨ ᠡᠵᠡᠨᠡ ᠶ᠋ᠢᠨ ᠬᠠᠭᠤᠴᠢᠨ ᠲᠣᠷᠭᠤᠳ ᠬᠣᠰᠢᠭᠤ ᠪᠣᠯ ᠤᠤᠯ ᠠ᠋ᠴᠠ ᠳᠥᠷᠪᠡᠨ ᠣᠢᠷᠠᠳ ᠤ᠋ᠨ ᠲᠠᠰᠤᠷᠬᠠᠢ ᠪᠤᠯᠠᠢ᠂ ᠠᠯᠠᠱᠠ ᠡᠵᠡᠨᠡ ᠳ᠋ᠤ᠌ ᠮᠣᠩᠭᠤᠯ ᠡᠮ ᠡᠮᠨᠡᠯᠭᠡ ᠬᠥᠭᠵᠢᠭᠰᠡᠨ ᠲᠡᠦᠬᠡ ᠵᠢ ᠥᠭᠦᠯᠡᠬᠦ ᠳ᠋ᠤ᠌ ᠣᠢᠷᠠᠳ ᠤ᠋ᠨ ᠲᠡᠦᠬᠡ ᠡᠴᠡ ᠰᠠᠯᠵᠤ ᠴᠢᠳᠠᠬᠤ ᠦᠭᠡᠢ ᠶᠤᠮ᠃ ᠠᠷᠪᠠᠨ ᠭᠤᠷᠪᠠᠳᠤᠭᠠᠷ ᠵᠠᠭᠤᠨ ᠳ᠋ᠤ᠌ ᠴᠢᠩᠭᠢᠰ ᠬᠠᠭᠠᠨ ᠣᠢ ᠶ᠋ᠢᠨ ᠢᠷᠭᠡᠳ ᠢ᠋ ᠨᠢᠭᠡᠳᠭᠡᠬᠦ ᠦᠶᠡ ᠳ᠋ᠤ᠌ ᠣᠢᠷᠠᠳ ᠤ᠋ᠨ ᠲᠦᠷᠦᠭᠦᠦ ᠬᠤᠲᠤᠭ ᠪᠡᠬᠢ ᠪᠦᠬᠦ ᠣᠢᠷᠠᠳ ᠢ᠋ ᠳᠠᠭᠠᠭᠤᠯᠵᠤ ᠪᠠᠭᠤᠵᠤ ᠥᠭᠭᠦᠭᠰᠡᠨ︔1247 ᠣᠨ ᠳ᠋ᠤ᠌ ᠮᠣᠩᠭᠤᠯ ᠤ᠋ᠨ ᠭᠣᠣᠳᠠᠨ ᠬᠠᠨ ᠲᠥᠪᠡᠳ ᠦ᠋ᠨ ᠰᠡᠴᠡ ᠪᠠᠨᠳᠢᠳᠠ ᠬᠦᠩᠭᠠᠵᠠᠯᠽᠠᠨ ᠢ᠋ᠶ᠋ᠡᠷ ᠡᠪᠡᠳᠴᠢᠨ ᠢ᠋ᠶ᠋ᠡᠨ ᠵᠠᠰᠠᠭᠤᠯᠵᠤ ᠡᠳᠡᠭᠡᠷᠡᠭᠰᠡᠨ︔ ᠪᠠᠢᠪᠠᠭᠠᠰ ᠴᠠᠭᠠᠨ ᠨᠣᠮ ᠤ᠋ᠨ ᠬᠠᠭᠠᠨ ᠮᠠᠨᠽᠦ᠋ᠰᠢᠷᠢ ᠬᠤᠲᠤᠭᠲᠤ ᠠ᠋ᠴᠠ ᠰᠠᠪᠠ ᠰᠢᠮᠡ ᠮᠥᠩᠬᠡ ᠪᠤᠰᠤ ᠤ᠋ᠨ ᠲᠤᠬᠠᠢ ᠨᠣᠮᠯᠠᠯ ᠢ᠋ ᠰᠣᠨᠤᠰᠴᠤ᠂ ᠲᠤᠬᠠᠢᠯᠠᠪᠠᠯ1616 ᠣᠨ ᠳ᠋ᠤ᠌ ᠪᠠᠢᠪᠠᠭᠠᠰ ᠲᠡᠷᠢᠭᠦᠲᠡᠢ ᠢᠵᠠᠭᠤᠷᠲᠠᠨ ᠤ᠋33 ᠬᠥᠪᠡᠭᠦᠳ᠂ ᠬᠠᠷᠠᠴᠤ ᠶ᠋ᠢᠨ200 ᠬᠥᠪᠡᠭᠦᠳ ᠯᠠᠮᠠ ᠪᠣᠯᠵᠤ ᠱᠠᠰᠢᠨ ᠤ᠋ ᠤᠬᠠᠭᠠᠨ᠂ ᠣᠳᠤᠨ ᠣᠷᠤᠨ ᠤ᠋ ᠤᠬᠠᠭᠠᠨ᠂ ᠠᠨᠠᠭᠠᠬᠤ ᠤᠬᠠᠭᠠᠨ ᠪᠠ ᠪᠤᠰᠤᠳ ᠡᠷᠳᠡᠮ ᠮᠡᠳᠡᠯᠭᠡ ᠵᠢ ᠰᠤᠷᠤᠯᠴᠠᠭᠤᠯᠤᠭᠰᠠᠨ︔ ᠢᠰᠢᠪᠠᠯᠵᠤᠷ ᠠᠯᠠᠱᠠ ᠬᠣᠱᠤᠳ ᠥᠭᠡᠯᠡᠳ ᠬᠣᠰᠢᠭᠤ ᠪᠤᠶᠤ ᠡᠵᠡᠨᠡ ᠲᠣᠷᠭᠤᠳ ᠬᠣᠰᠢᠭᠤ ᠳ᠋ᠤ᠌ ᠤᠷᠢᠳ ᠬᠣᠵᠢᠳ16 ᠤᠳᠠᠭᠠ ᠢᠷᠡᠵᠦ ᠡᠮ ᠡᠮᠨᠡᠯᠭᠡ᠂ ᠱᠠᠰᠢᠨ ᠨᠣᠮ ᠳᠡᠯᠭᠡᠷᠡᠭᠦᠯᠦᠨ᠂ ᠡᠪᠡᠳᠴᠢᠨ ᠡᠮᠭᠡᠭ ᠢ᠋ ᠵᠠᠰᠠᠵᠤ᠂ ᠠᠯᠠᠱᠠ ᠠᠭᠤᠯᠠ ᠶ᠋ᠢᠨ ᠠᠮᠢᠳᠤ ᠪᠣᠳᠠᠰ ᠲᠤ᠌ ᠬᠠᠢᠭᠤᠯ ᠰᠢᠨᠵᠢᠯᠡᠭᠡ ᠬᠢᠭᠰᠡᠨ︔ ᠳ᠋ᠤᠸᠠᠨ᠂ ᠭᠣᠮᠪᠤᠵᠠᠪ ᠲᠡᠷᠢᠭᠦᠲᠡᠢ ᠠᠯᠠᠱᠠ ᠣᠲᠠᠴᠢ ᠢᠰᠢᠪᠠᠯᠵᠤᠷ ᠤ᠋ᠨ ᠲᠤᠬᠠᠢ ᠰᠢᠨᠵᠢᠯᠡᠭᠡ ᠬᠢᠭᠰᠡᠨ︔ ᠠᠯᠠᠱᠠᠨ ᠠᠢᠮᠠᠭ ᠲᠤ᠌ ᠢᠰᠢᠪᠠᠯᠵᠤᠷ ᠤ᠋ᠨ ᠲᠤᠬᠠᠢ ᠰᠤᠷᠭᠠᠯ ᠬᠥᠮᠦᠵᠢᠯ ᠦ᠋ᠨ ᠠᠵᠢᠯᠯᠠᠭᠠ ᠵᠢ ᠥᠷᠨᠢᠭᠦᠯᠦᠭᠰᠡᠨ︔ ᠲᠡᠢᠮᠦ ᠡᠴᠡ ᠠᠯᠠᠱᠠ᠂ ᠡᠵᠡᠨᠡ ᠶ᠋ᠢᠨ ᠮᠣᠩᠭᠤᠯ ᠡᠮ ᠡᠮᠨᠡᠯᠭᠡ ᠶ᠋ᠢᠨ ᠥᠪᠡᠷᠮᠢᠴᠡ ᠣᠨᠴᠠᠯᠢᠭ ᠨᠢ ᠪᠤᠰᠤᠳ ᠮᠤᠵᠢ᠂ ᠣᠷᠤᠨ᠂ ᠠᠢᠮᠠᠭ ᠬᠣᠲᠠ᠂ ᠬᠣᠰᠢᠭᠤ ᠰᠢᠶᠠᠨ ᠤ᠋ ᠮᠣᠩᠭᠤᠯ ᠡᠮ ᠡᠮᠨᠡᠯᠭᠡ ᠲᠠᠢ ᠠᠳᠠᠯᠢ ᠦᠭᠡᠢ ᠪᠠᠢᠳᠠᠭ ᠶᠤᠮ᠃
