ᠠᠭᠤᠯᠭ᠎ᠠ ᠶ᠋ᠢᠨ ᠲᠣᠪᠴᠢ᠄ ᠰᠢᠯᠢ ᠶ᠋ᠢᠨ ᠭᠣᠣᠯ ᠠᠢᠮᠠᠭ ᠤ᠋ᠨ ᠰᠥᠨᠢᠳ ᠪᠠᠷᠠᠭᠤᠨ ᠬᠣᠰᠢᠭᠤ᠂ ᠰᠢᠯᠢ ᠶ᠋ᠢᠨ ᠬᠣᠲᠠ᠂ ᠬᠥᠪᠡᠭᠡᠲᠦ ᠰᠢᠷ᠎ᠠ ᠬᠣᠰᠢᠭᠤ᠂ ᠠᠪᠠᠭ᠎ᠠ ᠬᠣᠰᠢᠭᠤ ᠳ᠋ᠤ᠌ ᠠᠳᠠᠯᠢ ᠪᠤᠰᠤ ᠪᠣᠢᠵᠢᠯᠲᠠ ᠶ᠋ᠢᠨ ᠱᠠᠲᠤᠨ ᠳ᠋ᠠᠬᠢ ᠬᠤᠷᠠᠭᠠᠨ ᠤ᠋ ᠨᠠᠷᠢᠨ ᠬᠦᠵᠦᠭᠦᠲᠦ ᠤᠲᠠᠰᠤᠯᠢᠭ ᠬᠣᠷᠤᠬᠠᠢ︵Nematodirus︶ ᠬᠠᠯᠳᠠᠪᠤᠷᠢᠯᠠᠭᠰᠠᠨ ᠪᠠᠢᠳᠠᠯ ᠳ᠋ᠤ᠌ ᠪᠠᠢᠴᠠᠭᠠᠯᠲᠠ ᠬᠢᠭᠰᠡᠨ ᠤ᠋ ᠬᠠᠮᠲᠤ ᠠ ᠪᠸᠨ ᠽᠦᠸᠧ︵Albendagole︶᠂ ᠢ ᠸᠧᠢ ᠵᠢᠶᠦ᠋ᠨ ᠰᠦ᠍︵Ivermectin︶᠂ ᠳᠠᠪᠤᠰᠤᠨ ᠬᠦᠴᠢᠯ ᠦ᠋ᠨ ᠽᠦᠸᠧ ᠮᠢ ᠽᠦᠸᠧ︵Levamisole︶ ᠵᠡᠷᠭᠡ ᠦᠷᠭᠦᠯᠵᠢ ᠬᠡᠷᠡᠭᠯᠡᠬᠦ ᠬᠣᠷᠤᠬᠠᠢ ᠬᠥᠭᠡᠭᠡᠬᠦ ᠡᠮ ᠢ᠋ᠶ᠋ᠡᠷ ᠬᠣᠷᠤᠬᠠᠢ ᠬᠥᠭᠡᠭᠡᠵᠦ᠂ ᠬᠣᠷᠤᠬᠠᠢ ᠬᠥᠭᠡᠭᠡᠭᠰᠡᠨ ᠦᠷ᠎ᠡ ᠳ᠋ᠦᠩ ᠳ᠋ᠤ᠌ ᠠᠳᠠᠯᠢᠳᠭᠠᠯ ᠬᠢᠪᠡ᠃ ᠪᠠᠢᠴᠠᠭᠠᠯᠲᠠ ᠶ᠋ᠢᠨ ᠦᠷ᠎ᠡ ᠳ᠋ᠦᠩ ᠳ᠋ᠤ᠌ ᠰᠥᠨᠢᠳ ᠪᠠᠷᠠᠭᠤᠨ ᠬᠣᠰᠢᠭᠤ᠂ ᠰᠢᠯᠢ ᠶ᠋ᠢᠨ ᠬᠣᠲᠠ᠂ ᠬᠥᠪᠡᠭᠡᠲᠦ ᠰᠢᠷ᠎ᠠ ᠬᠣᠰᠢᠭᠤ᠂ ᠠᠪᠠᠭ᠎ᠠ ᠬᠣᠰᠢᠭᠤᠨ ᠳ᠋ᠤ᠌5 ᠰᠢᠷ᠎ᠠ ᠶ᠋ᠢᠨ ᠨᠠᠰᠤᠨ ᠤ᠋ ᠬᠤᠷᠠᠭᠠᠨ ᠳ᠋ᠤ᠌ ᠨᠠᠷᠢᠨ ᠬᠦᠵᠦᠭᠦᠲᠦ ᠤᠲᠠᠰᠤᠯᠢᠭ ᠬᠣᠷᠤᠬᠠᠢ ᠬᠠᠯᠳᠠᠪᠤᠷᠢᠯᠠᠭᠰᠠᠨ ᠨᠤᠷᠮ᠎ᠠ ᠨᠢ ᠲᠤᠰᠪᠤᠷᠢ85.6%᠂77.8%᠂58.9% ᠪᠠ94.4% ᠳ᠋ᠤ᠌ ᠬᠦᠷᠴᠦ᠂10 ᠰᠠᠷ᠎ᠠ ᠶ᠋ᠢᠨ ᠨᠠᠰᠤᠨ ᠤ᠋ ᠬᠤᠷᠠᠭᠠᠨ ᠳ᠋ᠤ᠌ ᠬᠠᠯᠳᠠᠪᠤᠷᠢᠯᠠᠭᠰᠠᠨ ᠨᠤᠷᠮ᠎ᠠ ᠲᠤᠰᠪᠤᠷᠢ81.1%᠂82.2%᠂70% ᠪᠠ86.7% ᠳ᠋ᠤ᠌ ᠬᠦᠷᠦᠭᠰᠡᠨ ᠢ᠋ ᠮᠡᠳᠡᠪᠡ᠃ ᠬᠣᠷᠤᠬᠠᠢ ᠬᠥᠭᠡᠭᠡᠭᠰᠡᠨ ᠦᠷ᠎ᠡ ᠳ᠋ᠦᠩ ᠦ᠋ᠨ ᠠᠳᠠᠯᠢᠳᠭᠠᠯ ᠳ᠋ᠤ᠌ ᠠ ᠪᠸᠨ ᠳ᠋ᠠ ᠽᠦᠸᠧ ᠶ᠋ᠢᠨ ᠬᠣᠷᠤᠬᠠᠢ ᠬᠥᠭᠡᠭᠡᠵᠦ ᠪᠢᠯᠢᠭ ᠦ᠋ᠨ ᠴᠢᠨᠠᠷ ᠲᠤ᠌ ᠬᠦᠷᠦᠭᠰᠡᠨ ᠨᠤᠷᠮ᠎ᠠ ᠨᠢ95%᠂ ᠬᠣᠷᠤᠬᠠᠢ ᠶ᠋ᠢᠨ ᠥᠨᠳᠡᠭᠡ ᠬᠠᠰᠤᠭᠳᠠᠭᠰᠠᠨ ᠨᠤᠷᠮ᠎ᠠ ᠨᠢ100%᠂ ᠡᠢ ᠸᠧᠢ ᠵᠢᠶᠦ᠋ᠨ ᠰᠦ᠍ ᠪᠣᠯᠤᠨ ᠽᠦᠸᠧ ᠰᠢᠤᠸᠠᠨ ᠮᠢ ᠽᠦᠸᠧ ᠪᠡᠷ ᠬᠣᠷᠤᠬᠠᠢ ᠬᠥᠭᠡᠭᠡᠭᠰᠡᠨ ᠤ᠋ ᠳᠠᠷᠠᠭ᠎ᠠ ᠴᠥᠮ ᠵᠣᠬᠢᠬᠤ ᠬᠡᠮᠵᠢᠶᠡᠨ ᠤ᠋ ᠬᠣᠷᠤᠬᠠᠢ ᠶ᠋ᠢᠨ ᠥᠨᠳᠡᠭᠡ ᠪᠠᠢᠴᠠᠭᠠᠨ ᠣᠯᠵᠤ᠂ ᠬᠣᠷᠤᠬᠠᠢ ᠶ᠋ᠢᠨ ᠥᠨᠳᠡᠭᠡ ᠬᠠᠰᠤᠭᠳᠠᠭᠰᠠᠨ ᠨᠤᠷᠮ᠎ᠠ ᠨᠢ ᠲᠤᠰ ᠲᠤᠰ90%᠂95%᠃