ᠴᠢᠰᠤᠨ ᠳᠠᠷᠤᠯᠲᠠ ᠥᠨᠳᠦᠷᠵᠢᠭᠰᠡᠨ ᠡᠪᠡᠳᠴᠢᠨ ᠤ᠋ ᠰᠤᠪᠢᠯᠠᠯᠲᠠ
ᠢᠷᠡᠯᠲᠡ： ᠪᠠᠢᠭᠠᠯᠢ ᠶ᠋ᠢᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠦ᠌ ᠮᠣᠩᠭᠤᠯ ᠬᠡᠯᠡ ᠦ᠌ ᠬᠤᠭᠤᠴᠠᠭᠠᠲᠦ ᠰᠡᠳᠭᠦᠯ -> ᠰᠢᠨᠵᠢᠯᠡᠬᠦ ᠤᠬᠠᠭᠠᠨ -> 201801
ᠮᠠᠲ᠋ᠧᠷᠢᠶᠠᠯ ᠶ᠋ᠢᠨ ᠬᠡᠯᠪᠡᠷᠢ： pdf
ᠳᠠᠮᠵᠢᠭᠤᠯᠤᠭᠰᠠᠨ ᠴᠠᠭ： 2018/08/31
ᠦᠵᠡᠭᠰᠡᠨ ᠤᠳᠠᠭᠠ： 2ᠤᠳᠠᠭᠠ
ᠵᠣᠬᠢᠶᠠᠭᠴᠢ᠄ ᠤᠯᠠᠭᠠᠨᠲᠤᠶᠠᠭᠠ
ᠵᠠᠩᠭᠢᠯᠠᠭᠠ ᠦᠭᠡ᠄ ᠴᠢᠰᠤᠨ ᠳᠠᠷᠤᠯᠲᠠ ᠥᠨᠳᠦᠷᠵᠢᠭᠰᠡᠨ ᠡᠪᠡᠳᠴᠢᠨ︔ ᠰᠤᠪᠢᠯᠠᠯᠲᠠ
ᠰᠠᠭᠤᠷᠢ ᠮᠥᠩᠭᠦᠨ ᠤ᠋ ᠳᠡᠮᠵᠢᠯᠭᠡ᠄ (ᠦᠭᠡᠢ)
ᠠᠭᠤᠯᠭᠠ ᠶ᠋ᠢᠨ ᠲᠣᠪᠴᠢ᠄ ᠴᠢᠰᠤᠨ ᠳᠠᠷᠤᠯᠲᠠ ᠥᠨᠳᠦᠷᠵᠢᠭᠰᠡᠨ ᠡᠪᠡᠳᠴᠢᠨ ᠪᠣᠯ ᠯᠤᠭᠰᠢᠭᠤᠨ ᠰᠤᠳᠠᠯ ᠤ᠋ᠨ ᠴᠢᠰᠤᠨ ᠤ᠋ ᠳᠠᠷᠤᠯᠲᠠ ᠢᠯᠠᠩᠭᠤᠶᠠ ᠲᠡᠯᠡᠯᠲᠡ ᠶ᠋ᠢᠨ ᠦᠶᠡ ᠶ᠋ᠢᠨ ᠳᠠᠷᠤᠯᠲᠠ ᠨᠢ ᠦᠷᠭᠦᠯᠵᠢ ᠶ᠋ᠢᠨ ᠴᠢᠨᠠᠷᠲᠠᠢ ᠥᠨᠳᠦᠷᠵᠢᠭᠰᠡᠨ ᠡᠴᠡ ᠪᠣᠯᠤᠭᠰᠠᠨ ᠪᠦᠬᠦ ᠪᠡᠶᠡ ᠶ᠋ᠢᠨ ᠴᠢᠨᠠᠷᠲᠠᠢ ᠠᠷᠬᠠᠭ ᠡᠪᠡᠳᠴᠢᠨ ᠪᠣᠯᠤᠨᠠ᠃ ᠴᠢᠰᠤᠨ ᠳᠠᠷᠤᠯᠲᠠ ᠥᠨᠳᠦᠷᠵᠢᠬᠦ ᠪᠣᠯ ᠬᠠᠷᠠ ᠰᠤᠳᠠᠯ ᠤ᠋ᠨ ᠭᠤᠤᠷᠰᠤᠨ ᠤ᠋ ᠬᠡᠢ᠂ ᠰᠢᠷᠠ᠂ ᠪᠠᠳᠭ᠋ᠠᠨ᠂ ᠴᠢᠰᠤᠨ ᠤ᠋ ᠤᠷᠪᠠᠯᠲᠠ ᠠ᠋ᠴᠠ ᠪᠣᠢ ᠪᠣᠯᠤᠭᠰᠠᠨ ᠡᠪᠡᠳᠴᠢᠨ ᠤ᠋ ᠤᠷᠪᠠᠯᠲᠠ ᠪᠠᠢᠵᠤ᠂ ᠴᠢᠨᠠᠭᠰᠢᠳᠠ ᠭᠣᠣᠯᠳᠠᠭᠤ ᠴᠠᠭᠠᠨ ᠪᠠ ᠬᠠᠷᠠ ᠰᠤᠳᠠᠯ ᠢ᠋ ᠨᠥᠯᠦᠭᠡᠯᠡᠨ ᠡᠪᠡᠳᠴᠢᠯᠡᠨᠡ᠃ ᠬᠡᠢ ᠴᠢᠰᠤᠨ ᠤ᠋ ᠬᠢᠮᠤᠷᠠᠯ ᠪᠣᠯ ᠲᠤᠰ ᠡᠪᠡᠳᠴᠢᠨ ᠤ᠋ ᠭᠣᠣᠯ ᠰᠢᠯᠲᠠᠭᠠᠨ ᠪᠣᠯᠤᠨᠠ᠃ ᠮᠥᠨ ᠴᠦ ᠬᠡᠢ ᠴᠢᠰᠤᠨ ᠤ᠋ ᠬᠢᠮᠤᠷᠠᠯᠲᠠ ᠠ᠋ᠴᠠ ᠰᠢᠯᠲᠠᠭᠠᠯᠠᠬᠤ ᠪᠠ ᠥᠭᠡᠬᠦ᠂ ᠲᠣᠰᠤ᠂ ᠳᠠᠪᠤᠰᠤᠯᠢᠭ ᠢᠳᠡᠭᠡᠨ᠂ ᠠᠷᠢᠬᠢ᠂ ᠲᠠᠮᠠᠬᠢ ᠵᠢ ᠬᠡᠲᠦᠷᠬᠡᠢ ᠡᠳ᠋ᠯᠡᠭᠰᠡᠨ ᠪᠤᠶᠤ ᠤᠳᠤᠮᠯᠠᠯ᠂ ᠡᠷᠬᠢᠯᠡᠭᠰᠡᠨ ᠠᠵᠢᠯ ᠵᠡᠷᠭᠡ ᠣᠯᠠᠨ ᠵᠦᠢᠯ ᠦ᠋ᠨ ᠨᠥᠬᠦᠴᠡᠯ ᠡᠴᠡ ᠪᠣᠯᠵᠤ ᠲᠤᠰ ᠡᠪᠡᠳᠴᠢᠨ ᠢ᠋ ᠡᠭᠦᠰᠭᠡᠳᠡᠭ ᠪᠠᠢᠨᠠ᠃ ᠡᠪᠡᠳᠴᠢᠨ ᠤ᠋ ᠡᠬᠢᠨ ᠤ᠋ ᠦᠶᠡ ᠳ᠋ᠤ᠌ ᠣᠨᠴᠠᠭᠠᠢ ᠰᠢᠨᠵᠢ ᠲᠡᠮᠳᠡᠭ ᠦᠭᠡᠢ ᠪᠠᠢᠵᠤ᠂ ᠪᠡᠶᠡ ᠶ᠋ᠢᠨ ᠪᠠᠢᠴᠠᠭᠠᠯᠲᠠ ᠬᠢᠬᠦ ᠪᠡᠷ ᠳᠠᠮᠵᠢᠨ ᠰᠠᠶᠢ ᠮᠡᠳᠡᠳᠡᠭ᠃ ᠶᠡᠷᠦᠩᠬᠡᠢ ᠳ᠋ᠡᠭᠡᠨ ᠲᠣᠯᠤᠭᠠᠢ ᠡᠪᠡᠳᠬᠦ᠂ ᠲᠣᠯᠤᠭᠠᠢ ᠡᠷᠭᠢᠬᠦ᠂ ᠴᠢᠬᠢ ᠱᠤᠤᠭᠢᠬᠤ᠂ ᠵᠢᠷᠦᠬᠡ ᠲᠦᠭᠰᠢᠬᠦ᠂ ᠨᠣᠢᠷ ᠬᠤᠯᠵᠢᠬᠤ᠂ ᠮᠠᠷᠲᠠᠮᠠᠲᠠᠭᠠᠢ ᠪᠣᠯᠬᠤ᠂ ᠶᠠᠳᠠᠷᠠᠬᠤ ᠵᠡᠷᠭᠡ ᠰᠢᠨᠵᠢ ᠲᠡᠮᠳᠡᠭ ᠢᠯᠡᠷᠡᠨᠡ᠃ ᠤᠷᠲᠤ ᠬᠤᠭᠤᠴᠠᠭᠠ ᠪᠠᠷ ᠴᠢᠰᠤᠨ ᠳᠠᠷᠤᠯᠲᠠ ᠥᠨᠳᠦᠷᠵᠢᠪᠡᠯ ᠵᠢᠷᠦᠬᠡ᠂ ᠪᠥᠭᠡᠷᠡ᠂ ᠲᠠᠷᠢᠬᠢ ᠵᠡᠷᠭᠡ ᠡᠷᠬᠡᠲᠡᠨ ᠢ᠋ ᠨᠥᠯᠦᠭᠡᠯᠡᠵᠦ ᠳᠠᠪᠬᠤᠴᠠᠬᠤ ᠭᠡᠮ ᠡᠭᠦᠰᠳᠡᠭ ᠶᠤᠮ᠃ ᠲᠤᠰ ᠡᠪᠡᠳᠴᠢᠨ ᠢ᠋ ᠬᠡᠢ ᠴᠢᠰᠤᠨ ᠤ᠋ ᠬᠢᠮᠤᠷᠠᠯ ᠢ᠋ᠶ᠋ᠡᠷ ᠥᠨᠳᠦᠷᠵᠢᠬᠦ᠂ ᠶᠠᠮᠠ ᠴᠢᠰᠤᠨ ᠤ᠋ ᠭᠡᠮ ᠢ᠋ᠶ᠋ᠡᠷ ᠥᠨᠳᠦᠷᠵᠢᠬᠦ᠂ ᠴᠠᠭᠠᠨ ᠰᠤᠳᠠᠯ ᠤ᠋ᠨ ᠭᠡᠮ ᠢ᠋ᠶ᠋ᠡᠷ ᠥᠨᠳᠦᠷᠵᠢᠬᠦ᠂ ᠪᠥᠭᠡᠷᠡᠨ ᠬᠡᠢ ᠪᠡᠷ ᠥᠨᠳᠦᠷᠵᠢᠬᠦ ᠵᠡᠷᠭᠡ ᠳᠥᠷᠪᠡᠨ ᠲᠠᠯᠠ ᠪᠠᠷ ᠬᠤᠪᠢᠶᠠᠳᠠᠭ᠃
