ᠨᠡᠷᠡ：
ᠪᠠᠢ ᠴᠦᠨ
ᠴᠢᠨᠠᠷ ᠤᠨ ᠢᠯᠭᠠᠯ：
ᠨᠢᠭᠤᠴᠠ
ᠬᠠᠷᠢᠯᠴᠠᠬᠤ ᠬᠡᠯᠪᠡᠷᠢ：
ᠵᠣᠬᠢᠶᠠᠭᠴᠢ ᠶᠢᠨ ᠲᠠᠨᠢᠯᠴᠠᠭᠤᠯᠭᠠ：
ᠪᠠᠶ ᠴᠦᠨ ︵ 1806- ︖ ︶ ᠂ ᠴᠢᠩ ᠤᠯᠤᠰ ᠤᠨ ᠦᠢᠡ ᠶᠢᠨ ᠲᠦᠰᠢᠮᠡᠯ ᠂ ᠰᠢᠯᠦᠭᠴᠢᠨ ᠃ ᠡᠷᠭᠦᠭᠰᠡᠨ ᠨᠡᠷᠡ ᠨᠢ ᠳ᠋ᠦᠩ ᠹᠦ᠋ ᠂ ᠴᠣᠯᠠ ᠨᠢ ᠯᠣᠤ ᠲᠢᠶᠧ ᠭᠡᠳᠡᠭ ᠃ ᠮᠣᠩᠭᠣᠯ ᠤᠨ ᠰᠢᠯᠤᠭᠤᠨ ᠰᠢᠷᠠ ᠬᠣᠰᠢᠭᠤᠨ ᠤ ᠬᠥᠮᠦᠨ ᠃ ᠰᠠᠶᠢᠰᠢᠶᠠᠯᠲᠤ ᠢᠷᠥᠭᠡᠯᠲᠦ ᠶᠢᠨ ᠠᠷᠪᠠᠨ ᠨᠢᠭᠡᠳᠦᠭᠡᠷ ᠣᠨ ︵ 1806 ︶ ᠳᠤ ᠲᠥᠷᠥᠵᠡᠶ ᠃ ᠪᠠᠭᠠ ᠨᠠᠰᠤᠨ ᠳᠤ ᠵᠢᠩ ᠨᠡᠶᠢᠰᠯᠡᠯ ᠳᠦ ᠰᠠᠭᠤᠵᠤ ᠂ ᠨᠢᠶᠧ ᠷᠦᠩ ᠹᠸᠩ ᠬᠡᠮᠡᠭᠴᠢ ᠪᠢᠴᠢᠭᠳᠡᠨ ᠡᠴᠡ ᠬᠢᠲᠠᠳ ᠪᠢᠴᠢᠭ ᠂ ᠡᠷᠲᠡᠨ ᠦ ᠨᠣᠮ ᠰᠤᠳᠤᠷ ᠂ ᠰᠢᠯᠦᠭ ᠳᠠᠭᠤᠯᠠᠯ ᠢ ᠰᠤᠷᠤᠯᠴᠠᠵᠠᠶ ᠃ ᠲᠥᠷᠥ ᠭᠡᠷᠡᠯᠲᠦ ᠶᠢᠨ ᠬᠣᠷᠢᠨ ᠲᠠᠪᠤᠳᠤᠭᠠᠷ ᠣᠨ ︵ 1845 ︶ ᠤ ᠣᠷᠣᠭᠰᠠᠳ ᠃ ᠤᠷᠢᠳ ᠬᠣᠵᠢᠳ ᠴᠡᠷᠢᠭ ᠦᠨ ᠵᠤᠷᠭᠠᠨ ᠤ ᠲᠡᠮᠳᠡᠭᠯᠡᠭᠴᠢ ᠲᠦᠰᠢᠮᠡᠯ ᠂ ᠲᠤᠰᠠᠯᠠᠭᠴᠢ ᠲᠦᠰᠢᠮᠡᠯ ᠂ ᡁᠢ ᠯᠢ ᠶᠢᠨ ᠹᠦ᠋ ᠶᠢᠨ ᠮᠡᠳᠡᠭᠴᠢ ᠶᠢᠨ ᠲᠤᠰᠢᠶᠠᠯ ᠢ ᠡᠭᠦᠷᠭᠡᠯᠡᠵᠦ ᠥᠩᠭᠡᠷᠡᠵᠡᠶ ᠃ ᠲᠦᠭᠡᠮᠡᠯ ᠡᠯᠪᠡᠭᠲᠦ ᠶᠢᠨ ᠶᠢᠰᠦᠳᠦᠭᠡᠷ ᠣᠨ ︵ 1859 ︶ ᠤ ᠴᠠᠭᠠᠨ ᠰᠠᠷᠠ ᠳᠤ ᠲᠢᠶᠠᠨᠵᠢᠨ ᠤ ᠳᠠᠯᠠᠶ ᠶᠢᠨ ᠰᠡᠷᠭᠡᠶᠢᠯᠡᠯᠲᠡ ᠶᠢᠨ ᠡᠮᠦᠨᠡ ᠹᠷᠣᠨᠲ᠋ ᠲᠤ ᠲᠤᠰᠢᠶᠠᠯ ᠡᠭᠦᠷᠭᠡᠯᠡᠵᠦ ᠂ ᠡᠵᠡᠷᠬᠡᠭ ᠲᠦᠷᠢᠮᠡᠬᠡᠶᠢᠲᠡᠨ ᠢ ᠡᠰᠡᠷᠭᠦᠴᠡᠬᠦ ᠳᠠᠶᠢᠨ ᠳᠦ ᠣᠷᠣᠯᠴᠠᠵᠠᠶ ᠃
ᠪᠠᠶ ᠴᠦᠨ ᠪᠣᠯ ᠪᠦᠲᠦᠭᠡᠯ ᠡᠯᠪᠡᠭ ᠰᠢᠯᠦᠴᠢᠨ ᠪᠣᠯᠤᠨᠠ ᠃ ᠮᠢᠩᠭᠠᠳ ᠪᠠᠳᠠᠭ ᠰᠢᠯᠦᠭ ᠨᠢ ᠤᠯᠠᠮᠵᠢᠯᠠᠵᠤ ᠢᠷᠡᠪᠡ ᠃ ᠡᠭᠦᠨ ᠳᠦ ᠬᠣᠶᠠᠷ ᠪᠣᠲᠢᠲᠤ ︽ ᠲᠢᠶᠧ ᠳ᠋ᠢ ᠰᠢᠶᠠᠨ ᠥᠷᠥᠭᠡᠨ ᠦ ᠴᠡᠷᠢᠭ ᠲᠦᠷ ᠮᠣᠷᠳᠠᠭᠰᠠᠨ ᠨᠤᠤᠷᠠᠭ ︾ ᠭᠡᠬᠦ ᠲᠡᠭᠦᠪᠦᠷᠢ ᠨᠢ ᠲᠦᠭᠡᠮᠡᠯ ᠡᠯᠪᠡᠭᠲᠦ ᠶᠢᠨ ᠭᠤᠷᠪᠠᠳᠤᠭᠠᠷ ᠣᠨ ︵ 1853 ︶ ᠠᠴᠠ ᠵᠢᠷᠭᠤᠳᠤᠭᠠᠷ ᠣᠨ ︵ 1856 ︶ ᠬᠦᠷᠲᠡᠯᠡᠬᠢ ᠳᠥᠷᠪᠡᠨ ᠵᠢᠯ ᠳᠦ ᠪᠢᠴᠢᠭᠰᠡᠨ 156 ᠪᠠᠳᠠᠭ ᠰᠢᠯᠦᠭ ᠬᠤᠷᠢᠶᠠᠨ ᠣᠷᠣᠭᠤᠯᠵᠠᠶ ᠃ ᠴᠡᠷᠢᠭ ᠳᠠᠶᠢᠨ ᠦ ᠰᠡᠳᠦᠪᠯᠡᠬᠦᠨ ᠭᠣᠤᠯᠯᠠᠨᠠ ᠃ ᠵᠢᠷᠭᠤᠭᠠᠨ ᠪᠣᠲᠢᠲᠤ ︽ ᠲᠢᠶᠧ ᠳ᠋ᠢ ᠰᠢᠶᠠᠨ ᠥᠷᠥᠭᠡᠨ ᠦ ᠵᠢᠭᠤᠯᠴᠢᠯᠠᠨ ᠲᠣᠭᠣᠷᠢᠭᠰᠠᠨ ᠰᠢᠯᠦᠭ ᠦᠨ ᠨᠤᠤᠷᠠᠭ ︾ ᠭᠡᠬᠦ ᠲᠡᠭᠦᠪᠦᠷᠢ ᠨᠢ ᠲᠦᠭᠡᠮᠡᠯ ᠡᠯᠪᠡᠭᠲᠦ ᠶᠢᠨ ᠠᠷᠪᠠᠳᠤᠭᠠᠷ ᠣᠨ ︵ 1860 ︶ ᠳᠤ ᠬᠡᠪᠯᠡᠭᠳᠡᠵᠦ ᠂ 585 ᠪᠠᠳᠠᠭ ᠰᠢᠯᠦᠭ ᠢ ᠬᠤᠷᠢᠶᠠᠵᠠᠶ ᠃ ᠡᠭᠦᠨ ᠳᠦ ᠪᠢᠷ ᠦᠨ ᠨᠠᠶᠢᠵᠠᠰ ᠲᠤ ᠪᠠᠨ ᠪᠡᠯᠡᠭᠯᠡᠨ ᠬᠦᠷᠭᠡᠭᠰᠡᠨ ᠰᠢᠯᠦᠭ ᠭᠣᠤᠯᠯᠠᠨᠠ ᠃ ᠬᠣᠶᠠᠷ ᠪᠣᠲᠢᠲᠤ ︽ ᠲᠢᠶᠧ ᠳ᠋ᠢ ᠰᠢᠶᠠᠨ ᠥᠷᠥᠭᠡᠨ ᠦ ᠴᠡᠷᠢᠭ ᠲᠦᠷ ᠮᠣᠷᠳᠠᠭᠰᠠᠨ ᠬᠣᠶᠢᠨᠠᠬᠢ ᠨᠤᠤᠷᠠᠭ ︾ ᠭᠡᠬᠦ ᠲᠡᠭᠦᠪᠦᠷᠢ ᠳᠦ ᠲᠦᠭᠡᠮᠡᠯ ᠡᠯᠪᠡᠭᠲᠦ ᠶᠢᠨ ᠠᠷᠪᠠᠳᠤᠭᠠᠷ ᠣᠨ ︵ 1860 ︶ ᠠᠴᠠ ᠠᠷᠪᠠᠨ ᠨᠢᠭᠡᠳᠦᠭᠡᠷ ᠣᠨ ︵ 1861 ︶ ᠪᠣᠯᠲᠠᠯᠠᠬᠢ ᠨᠢᠭᠡ ᠵᠢᠯ ᠦᠨ ᠬᠤᠭᠤᠴᠠᠭᠠᠨ ᠳᠤ ᠪᠢᠴᠢᠭᠰᠡᠨ 161 ᠪᠠᠳᠠᠭ ᠰᠢᠯᠦᠭ ᠢ ᠬᠤᠷᠢᠶᠠᠨ ᠣᠷᠣᠭᠤᠯᠵᠠᠶ ᠃ ᠡᠭᠦᠨ ᠡᠴᠡ ᠭᠠᠳᠠᠨᠠ ᠠᠷᠪᠠᠨ ᠪᠣᠲᠢᠲᠤ ︽ ᠵᠢᠨ ᠶᠤᠸᠠᠨ ᠬᠦᠷᠢᠶᠡᠯᠡᠩ ᠦᠨ ᠰᠢᠯᠦᠭ ᠦᠨ ᠬᠠᠭᠤᠯᠪᠤᠷᠢ ︾ ᠭᠡᠬᠦ ᠰᠢᠯᠦᠭ ᠦᠨ ᠲᠡᠭᠦᠪᠦᠷᠢ ᠪᠤᠶ ᠃ ᠲᠡᠭᠦᠨ ᠦ ᠰᠢᠯᠦᠭ ᠨᠢ ᠴᠡᠷᠢᠭ ᠳᠠᠶᠢᠨ ᠂ ᠴᠠᠭ ᠲᠥᠷᠥ ᠂ ᠨᠡᠶᠢᠭᠡᠮ ᠨᠡᠶᠢᠲᠡ ᠂ ᠠᠨᠳᠠ ᠨᠠᠶᠢᠵᠠᠰ ᠤᠨ ᠠᠭᠤᠯᠭᠠ ᠪᠠᠷ ᠭᠤᠯᠯᠠᠨᠠ ᠃
Copyight 2016 by nmgmzw.gov.cn All Rights Reserved
